竹家莊

營業中

休息中

竹家莊 @ 佐敦不約而同…兩個朋同事強列推介話呢度既辣蟹好好味…仲叮囑我記得試埋個燒鴨河咁話。 咁大推無奶油唔試下今日入門時留意到門口有韓文…應該都幾多韓國人幫襯咁。 入到餐廳…店員熱情招待安排座位。 餐廳地方唔太大…不過坐卡位是ok的望下餐牌都唔算太多選擇…辣蟹…海鮮…白灼野…無小炒。就點朋友推介既辣蟹(中辣)…燒鴨河…白灼水魷…蒜蓉炒韭菜花蟹肉時間掌握唔錯…肉質都保持到嫩口。 料頭真係靈魂…惹味乾身…不過略嫌中辣唔夠辣…未夠惹味。 剩餘料頭打包返屋企淥米粉用燒鴨河…燒鴨俾胸位多肉…唔會鞋柴…湯底應該有加燒鴨殼煲…都幾甘香。 河粉都幾香滑。 不過再黎都唔會點🤣🤣🤣。 因為幾貴白灼水魷…正常啦…跟左個辣椒豉油點下唔錯蒜蓉炒韭菜花…韭菜花揀手…嫩口一d渣都無整體食物唔錯…不過食辣蟹…身價高…就預左貴dd。 #相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food

以前住佐敦，耐唔耐都會去「竹家莊」食海鮮獎勵吓自己🤭呢度主打避風塘海鮮，海鮮新鮮不在話下，而且我敢講味道係第二度食唔到😋祝家莊仲要開到凌晨3點，試過有次夜麻麻落機到香港，返屋企前都走嚟呢度食埋個宵夜～蒜蓉粉絲蒸蟶子皇 ⭐️⭐️⭐️⭐️⭐️size驚人嘅蟶子皇😍入口一股清甜嘅鮮味爆發出嚟，口感爽身彈牙易咬，蒜蓉調味同份量啱啱好，唔會有過於鹹辣嘅情況，所有嘢都恰到好處，當然唔少得嘅就係吸收晒精華嘅粉絲，推薦大家必點🔥油鹽水大蜆 ⭐️⭐️⭐️⭐️⭐️估唔到份量咁大，食蜆我鍾意油鹽水，其次就係豉椒，今次嘅大蜆肉厚鮮甜，而且清洗乾淨一啲沙都冇，入面加咗啲粉絲又滑又好食👍🏻豉油王海蝦 ⭐️⭐️⭐️⭐️⭐️上枱時已經聞到勁香食指大動，海蝦新鮮肉質爽，蝦殼咬落會有脆卜卜嘅口感，豉油王醬汁掛滿晒喺海蝦嘅身上，食起嚟真係好滋味❤️椒鹽泥鯭 ⭐️⭐️⭐️⭐️⭐️朋友話平時食開陳皮蒸泥鯭，所以今次想試吓呢味椒鹽泥鯭，泥鯭炸到好鬆脆，連魚骨都可以食，鍾意食泥鯭就係食呢一種特別嘅味道😋白灼大魷魚、海蜇、韭菜花 ⭐️⭐️⭐️⭐️⭐️叫咗三樣白灼都係咁出色，平時我都鍾意買韭菜花返屋企煮，但我食過呢度嘅韭菜花之後，先知原來韭菜花係可以咁好食❤️另外魷魚咬落去真係超級腍，點

今日跟朋友去咗呢間港式地道海鮮酒家食飯，試咗幾款招牌菜，真係好正！店內除咗本地人之外，仲有唔少韓國食客。原來呢間飯店嚮韓國已經好有名氣。果然係hidden 💎 gem前菜：白灼大魷魚+靚海蜇-灼得啱啱好，爽脆美味配埋啲麻油，好開胃，食完仲想再encore！👍🏻白灼韭菜花-推介。韭菜花翠綠鮮嫩，灼得剛剛好，唔會過老，食落去有啲清甜，配埋啲海鮮一齊食，可以中和返啲油膩感，好夾！主菜：椒鹽海中蝦 - 真係必試！蝦肉鮮甜，外皮炸得香脆，椒鹽味道夠晒惹味，食落去鹹香得嚟又唔會太鹹，蝦肉依然保持到鮮嫩，食到停唔到口果種👍🏻👍🏻👍🏻白灼花螺 - 都好出色，螺肉鮮甜，灼得啱啱好，咬落去有啲彈性，蘸啲海鮮醬，鮮味更加突出。而且好乾淨冇乜沙。清蒸鮮鮑魚 - 大大隻真係無得輸。鮑魚肉質鮮嫩，蒸得剛剛好，唔會過火，配埋啲果皮同蔥花，味道更加豐富，食完仲想再叫多份！蒜蓉粉絲蒸扇貝- 一絕👍🏻扇貝大隻又鮮甜，蒜蓉香味撲鼻，粉絲吸晒啲扇貝嘅精華，食落去好入味，真係好滿足！最後個燒鴨湯河粉，燒鴨皮脆肉嫩，湯底清甜，河粉滑溜，超級有驚喜👍🏻👍🏻👍🏻 另外，食店係採用傳統玻璃樽汽水。香港情懷。識貨。完美👍🏻餐廳仲有提供不

呢間好多韓國🇰🇷遊客幫襯嘅老字號，菜單都設有韓文，裝修偏向中式庭園風，餐廳主打海鮮，亦都同樣有唔同嘅小菜🪄蒜蓉蒸海蝦蒜蓉配蝦簡直係絕配😎蝦肉質夠腍身，帶少少彈牙，蝦味香濃，加上蒜蓉烹調超級惹味🪄豉椒炒大蜆跟傳統食開非一般豉椒炒蜆，加入餐廳秘製韓式辣醬，韓式風味香辣惹味配酒水一流唷，醬汁帶點甜辣味實在出色，而蜆亦已經吐沙，數量都好豐富🪄 豉椒炒青口味道同樣用上餐廳秘製的韓式辣醬，青口多肉好有口感，有海水嘅新鮮感🪄果皮蒸泥鯭泥鯭新鮮，只需要用少少果皮就可以帶出成個餸嘅鮮味，而且泥鯭都好大條，好有肉感 🪄燒鴨河粉燒鴨厚肉，咬落啖啖肉很滿足，燒鴨肉質軟腍，肉味香口，算係經典嘅簡單粵菜之一，一般燒味粉麵的湯底都會比較油膩，而河粉湯底不油膩🪄楊州炒飯呢個炒飯都幾出色，用上叉燒蝦仁等等好足料，飯粒分明好香口，真係夠晒鑊氣🚩 竹家莊 (佐敦)佐敦廟街265-267號地舖#addifoodie #addifoodie佐敦#foodie #hongkongfood #香港美食 #吃喝好去處 #週末好去處 #goodfood #周圍食 #情侶美食 #HKcouple #foodiecouple #竹家莊

╰•★★ 市區都有正海鮮！～竹家莊＠佐敦廟街 ★★•╯成日話要去西貢食海鮮，但坐落係佐敦廟街都有平、靚、正海鮮食，今次卡米去咗竹家莊食海鮮。餐廳主打傳統避風塘海鮮菜式，貴精不貴多，餐牌＆海鮮都有列明價錢，明碼實價。因為樣樣都想試，店員就推介咗幾款必試❤╰ 👍🏻 椒鹽珍寶瀨尿蝦經典艇家煮法，外殼炸到脆卜卜，大大隻瀨尿蝦，配上惹味辣椒、蒜、蔥，每啖入口鮮香脆爽，啖啖肉。╰ 👍🏻 避風塘古法炒蟹 🦀上枱已經聞到好香蒜香，香蒜爆到粒粒鬆脆分明，肉厚肥美的大肉蟹，同樣都係啖啖肉，鮮香彈牙，滲出蒜香╰ 椒鹽泥鯭🐟完全冇泥味，香炸過泥鯭連骨炸到脆卜卜，每條都可以連骨食，加埋香蒜椒鹽，香口惹味字╰ 豉椒炒大蜆粒粒開口有蜆肉，蜆肉零沙鮮甜，配上經典豉椒，粒粒惹味╰ 白灼花螺 白灼最簡單的煮法，越食到食材新鮮度。花螺經過白灼，用牙籤挑出，簡單點辣椒豉油及海鮮醬，入口保留原始鮮味🤤肉質柔軟彈牙╰ 白灼大魷 ＆ 白灼靚海蜇 🪼前菜六小福（白灼小食），白灼小食配上自家特製醬油，點了大魷口感Q彈，厚切海蜇食落爽脆，簡單好味。╰ 燒鴨拼叉燒河粉 店員推介招牌菜，河粉用上秘製湯頭，河粉吸收晒湯汁，連湯都飲埋。————

只適合附近夜總會及麻雀館的客人~有期望的客人一定要避雷！先不要說價錢是否貴或便宜，只講食物質素及服務態度！明明係叫辣酒東風螺，嚟到變咗白灼花螺。我問店員，店員即時發飆起剛，說我是叫了白灼花螺。我都費事繼續爭論，由得佢。燒鴨瀨粉，湯頭差到一個點，同早幾年前比較真係差咗好多！($78 另加一)然後店員，幫我們加茶，燙到我們的朋友，應該是不小心的，但態度好輕佻！ “淥到你呀，唔好意思喎！”這樣的食物質素及服務態度，還可以屹立多年，值得學習！🫢🫢反正不會有下次，人家也不是做小市民生意，多謝收看！

平時出街食晚飯都比較少食海鮮💙好怕海鮮價預唔到價錢😅 今次嚟到呢間海鮮酒家係老字號就有返唔少信心🫶🏻價錢公道明碼實價而且味道都好有水準😋係好經典既港式水準😳 弱弱講句原來Blackpink黎到香港嘅時候都試過包場呢間餐廳🩷 追星迷絕對值得一試添⭐️ 豉油王乾煎海中蝦 🦐蝦肉新鮮帶鮮甜嘅味道🌊豉油王做法惹味而且充滿鑊氣🧂煎得乾身恰到好處⭐️ 豉椒炒大蜆 🥘炒蜆除咗豉椒調味之外仲加上韓式辣醬🇰🇷原來呢間餐廳都好受韓國人歡迎👏🏻 比起一般既辣味更有層次🔥⭐️ 蒜蓉粉絲蒸扇貝 🐚扇貝飽滿而且好彈牙🥹簡簡單單用蒜蓉粉絲調味已經帶得出鮮味🧄⭐️ 清蒸九孔鮮鮑魚 🩵鮑魚口感咬落爽口👍🏻 豉汁帶出絲絲果皮香好有質素😋⭐️ 果皮蒸泥鯭 🐟原本仲驚泥鯭會有一浸泥味😅 但係用上果皮蒸特別鮮甜🍊肉質又唔會韌⭐️ 白灼靚海蜇 🪼⭐️ 白灼韭菜花 🥦雖然係白灼但係食得出海蜇嘅質素好新鮮🥰 韭菜花看似平凡但係鮮嫩冇渣好難得🥬⭐️ 燒鴨河粉 🍜⭐️ 艇仔粥 🍲口味真係好懷舊啊🏮估唔到燒鴨皮脆而且鴨肉好入味🦆充滿油香果然係有亮點⭐️ 赤小豆粉葛煲鯪魚 🫘最後飲番碗老火湯用料十足好有住家既味道👅

第一去海鮮酒家食飯，有人請當然要去體驗下。呢度老字號，主力食海鮮，有好多韓國游客。未夠7點已經滿座~👍豉椒炒大蜆$128好抵食，呢度既分量等於出面double。蜆肉無沙，好惹味。椒鹽珍寶瀨尿蝦外殼炸到脆卜卜，大大隻啖啖肉。👍白灼鮮粉腸呢個自己整好煩，出面好少餐廳有，必叫之選，好軟熟好食。🧄蒜蓉粉絲蒸大元貝超級大隻，蒜蓉同醬汁調味得好好！元貝彈牙有好食。🦐蒜蓉蝦D蝦切開一半一蔑就成舊出來，好爽脆鮮甜。另外，白灼大魷魚同韭菜花都幾好食~呢間味道真係不錯，最緊要樣樣都好食👍下次一定再來。🥢竹家莊 🌏佐敦廟街265-267號地舖

跟著Blackpink覓食，走到宵夜勝地廟街歎海鮮餐廳主打避風塘料理，三十八年來保持原創滋味環境舒適，裝修清雅，燈光明亮，滿滿漁家風味老火靚湯大山地玉竹煲豬橫脷真材實料、不加味精白灼韭菜花選用最幼嫩的一段，配上自家特製醬油白灼大魷魚口感Q彈，最簡單的煮法保留原始鮮味燒鴨河粉採用鴨骨、瑤柱、大地魚乾熬製而成的湯底，鮮甜無比豉椒炒青口用上飽滿而且大隻的高質紐西蘭青口辣酒煮東風螺裡有花椒及泡椒等辛香料，比麻辣燙湯汁過癮

朋友話今晚想食海鮮，但又唔想走到去鯉魚門同西貢，我就醒起佐敦有間老字號，而且好受韓國人歡迎，一於帶佢去試下😋𓂃𓈒𓐍 *ﾟ. 𓂃𓈒𓐍 *ﾟ𝕨𝕖 𝕠𝕣𝕕𝕖𝕣𝕖𝕕ﾟ*𓐍 𓈒𓂃. ﾟ*𓐍 𓈒𓂃老火例湯（赤小豆粉葛煲鯪魚） 🐟 飲得出真係老火靚湯而且一滴味精都冇落，個底仲沉澱咗啲湯渣，證明夠晒足料🤩白灼韮菜花 🌼 清新爽口，保持原汁原味，用黎做前菜/送酒都係一流😋椒鹽珍寶瀨尿蝦 🦐🦞就連咁鍾意食瀨尿蝦嘅老母都從來未見過咁巨型🤩蝦肉鮮甜彈牙，用嘅係白瀨尿蝦或者叫做長頸，斑馬瀨尿蝦同佢簡直就係冇得比🤭正到想叫多幾隻食🙈蒜蓉粉絲蒸大元貝 🧄🐚呢隻元貝又係珍寶size，元貝肉質彈牙，蒜香四溢，粉絲吸收晒汁，老母同朋友都唔係好夠喉，想叫佢蒸多啲粉絲添🤣豉椒炒大蜆 🐚 味道獨特，皆因加咗秘製韓式辣醬，食落好鬼惹味，唔怪得話黎幫襯嘅韓國人好鍾意白飯撈汁🤭清蒸泥鯭 🐟 四指泥鯭size係最好食，放上果皮一齊蒸食落去仲有陣陣果皮味🤤泥鯭肉質鮮美，唔錯唔錯👍🏻燒鴨河 🦆🍜 湯底用嘅係大地魚、豬骨同秘製香料熬成，淨係個湯底都夠晒誠意😌燒鴨肉滑而且個皮好香口，河粉又夠入味，唔係咁飽嘅話真係想自己一個食晒一碗🤣

今次同朋友去到佐敦想食吓啲新鮮地道嘅海鮮，就揀咗呢度😋呢度嘅設計好有竹園嘅感覺。舖頭開咗38年，見到好多韓國人專程嚟呢度食飯，仲有韓國Menu提供😬豉椒炒蜆 🐚呢道菜真係有驚喜！蜆新鮮得黎，搭配韓國醬香辣味濃，令人一口接一口，根本停唔到口！色澤誘人，光澤感十足，呢個送飯真係一流！椒鹽泥鯭 🐟泥鯭炸得金黃酥脆，表面椒鹽味道恰到好處，咬落去外脆內嫩，油香四溢，令人忍唔住多食幾件！又係一個配酒嘅好選擇！出面好少有得食椒鹽泥鯭，下次一定會再encore呢一個😋椒鹽海中蝦 🦐海中蝦新鮮得來，肉質彈牙，椒鹽調味簡單但好入味，蝦肉的甜味一咬即出，真係令人回味無窮😃陳皮蒸鮑魚 🐚鮑魚蒸得剛剛好，肉質鮮嫩，陳皮香氣撲鼻，口感滑潤，味道層次分明。蒜蓉粉絲蒸扇貝 🦪扇貝配上香濃蒜蓉，粉絲吸收咗海鮮嘅鮮味，口感軟滑，真係一口一個幸福！每一口都好過癮！而且呢度嘅扇貝好大隻😍好足料！燒鴨河粉 🍜餐廳仲有燒鴨河粉，鴨肉多汁，河粉滑溜，整體味道都幾棒，作為主食都唔錯！韭菜花、牛脷、海蜇 🌱仲揀左韭菜花、牛脷同海蜇作為小菜，清新爽口，唔會太膩，正好平衡埋整體的味道。環境方面，店內簡約舒適，服務態度一流，店員熱情友善，令

在新春將至之際，享用一頓豐盛的海鮮大餐也不過份吧🥳🥳🥳吃海鮮，當然要有蒜蓉清蒸口味蒜蓉蒸海中蝦、蒜蓉粉絲蒸大元貝一邊享用蒜蓉的清新，另一邊享用海鮮的鮮美真的太香了！又或是單純的清蒸鮑魚嘶~巴掌大的鮑魚鮑魚辛苦長大到這個大小讓我感動到淚水從口裏流出🤤喜歡重口味一點的還有豉椒炒青口少少的麻辣很適合我這種南方人吃😋還有很多不同的小菜例如白灼靚海蜇、白灼大魷魚以及白灼韭菜花小小一碟，淺嘗一口健康又好吃

好同事回港渡歲，我約佢食海鮮餐，食店是有38年的老字號保留懷舊中式風格，服務周到。我們點左避風塘古法炒蟹：大大隻肉蟹很多肉很鮮甜，蒜味好香濃，超級正👍👍油鹽水大蜆：蜆肉新鮮味清甜，胡椒味湯底清甜，大湯碗底有粉絲索左湯汁很可口，叫左碗白飯撈湯一齊吃無得彈😍😍果皮蒸鮑魚：果皮味香，頗大隻鮑魚肉質爽口清甜又彈牙好好味。椒鹽海中蝦：賣相靚靚，肥嘟嘟脹卜卜，蝦肉爽口夠惹味。燒鴨河粉：鴨肉鬆軟可口味濃好食，河粉量足、湯底不錯。另三小碟：白灼大魷--爽口彈牙。白灼靚海蜇--大大塊勁爽脆。白灼韭菜花--清甜嫩綠又爽口。飲品：黑啤麥味清香。

位於佐敦既竹家莊，只做晚市同宵夜時段，吸引了不少遊客及家庭客入去幫襯，大概7點多巳接近全滿，果然屹立喺香港30多年。室內佈置都維持舊有風味，以竹為主調的裝修、大既掛畫、仲有不少老員工，食得出當年的風采～點了多款海鮮，避風塘炒蟹、蒜蓉粉絲蒸大元貝確係出色很入味。海鮮全部真材實料，佢地挑的海鮮全是高質食材，就這個size 絕對值得來試。肉蟹最輕也2斤重、元貝是出面海鮮餐廳大一倍，大個餐匙嘅size；😂海蜇大大隻呈透明狀、厚切爽口；仲有燒鴨河粉、艇仔粥、揚州炒飯可選來了來了，白灼海蜇. 白灼韮菜花蒜蓉粉絲蒸大元貝蒜蓉蒸海中蝦燒鴨河粉避風塘炒蟹白灼海蜇必叫！海蜇晶凝通透，超級爽口，真係好耐冇食過這種海蜇，過足癮！元貝份量頗大（元貝蓋是碟一樣大，鋪滿了蒜蓉粉絲，撒上蔥花，很鮮甜喔！重頭戲海鮮來了！一定一定要點！ 絕對的必吃味道！ 蟹肉實因為很新鮮所以肉質很緊實，一口咬下去甚至還會鮮到爆汁，配上老配方的蒜蓉真的超級香～咬落去啖啖肉，肉質新鮮多汁，入哂味～蟹拑都整開左，好方便食不但不提，大廚在處理海鮮非常乾淨，把元貝邊處理好，炒蟹也是，我基本上不須用夾就能弄碎蟹身，但蟹身並没有預先處理過的痕跡，明

老同學回港探親，約我去食海鮮，我地去左佐敦廟街265-267號地舖的《竹家莊》食晚餐，環境舒適，裝修清雅，好有漁家風味。我地點左：椒鹽珍寶瀬尿蝦，蒜茸粉絲蒸大元貝，清蒸鮑魚仔，白灼鮮粉腸，白灼韮菜花，豉椒炒大蜆，燒鴨河粉，艇仔粥。椒鹽珍寶瀬尿蝦size 好大隻，蝦肉結實彈牙；蒜茸粉絲蒸大元貝好鮮甜好味；清蒸鮑魚仔有成隻手板咁大，鮑魚肉爽甜彈牙；白灼鮮粉腸好鮮美，粉腸清潔到位，無異味；韮菜花青綠嫩口；豉椒炒大蜆好惹味，蜆肉肥美；燒鴨河粉份量不少，鴨肉味濃好食；艇仔粥的粥底軟綿，材料豐富好味。