章記香港仔魚蛋王

營業中

休息中

本人好中意食潮州手打魚蛋，但係好多都話手打魚蛋，一食好大陣魚腥味，又多粉，口感好似橡筋。唯有自己慢慢逐間試，好多都係冇下次。見到哩間，又試吓魚蛋河，之後都買過幾次外賣。一碗魚蛋河$36，價錢好合理，亦都跟一包潮州辣椒油。魚蛋彈牙，冇腥味，就係我中意嘅味道，加埋辣椒油，更加冇得頂。雖然簡簡單單，食完覺得好滿足。雖然簡單，但係要用適合嘅魚，慢慢打到彈牙，全部都係心機。哩啲街坊小店都值得支持，希望香港繼續有小店。

我们偶然发现了这家餐厅，起初并没有太高的期望。但毫无疑问，食物在第一口就让人高興！肉质炖得很嫩，美味的饺子和云吞面。虾饺的味道还算普通。如果可以多一點蝦就會更好！条韧性十足，口感很好，既不软烂也不干，刚刚好。绝对值得一试！香港独特的氛围。非常享受这顿饭，服务和氛围也OK，满意。可能對香港人來說是普通通的雲吞麵，但是對外地人來說這是好吃的。我已經，也算是個老顧客，不踩地雷的店！價錢也很親民。可以試試看。

其實一向都覺得佢服務差⋯⋯嘢食本身都OK嘅，價錢亦合理。服務就差到一個點，因為住喺海逸，所以去呢間好近。間中都會叫工人去買。去舖頭都有去食過，態度真係唔好。諗住嗌外賣就冇事啦🫢打電話去買外賣你講完就cut線，咪當阿姐忙得滯囉🤪 6:57打電話過去，因為佢七點開門想嗌定先叫工人攞，佢一句未開cut線， 鍥而不捨打多次過去，問佢幾點開門呀？第二次竟然答我唔清楚😹真係趕客。點會請埋啲咁嘅阿姐㗎。真係數一數二最差態度挑戰極限。

12月14日揾食肥華，一心到紅磡買十年花雕皇，路過此店，正值午饍時，肥華又腹嗚如雷便走入此店醫肚，在呢個午膳時間，肥華單拖一人揀咗個靚四人窗邊卡位坐，竟然冇俾此店員工，要求轉坐撘位圓枱，真係有啲愕然及驚喜。而此店嘅招牌名物，魚蛋粉就真係令肥華失望，本來在現今時勢，在普通魚蛋粉麵店內嘅魚蛋，唔爽，唔滑，冇魚味，就預咗，但最奇就係此店嘅魚片竟然係有，魚肉腸味咁就肥華，真係人生第一次食到，加上湯底奇淡，而河粉又碎濕濕，連挾嚟食都有問題，食完呢碗此店招牌名物，再望個場在午市時段入場情況，肥華，終於明白點解，今日單拖都可以坐，四人卡座，嘞

唔知食緊咩，食唔食自己諗 晚上十一點，唔算忙時間，河粉嚟度仲黐埋一嚿嚿，啲牛腩咬唔落咁制，好多根，啲牛根就超淋，牛肚似像根，水都冇杯，啲筷子仲要黐立立，要自己搵紙巾抹。

📍章記香港仔魚蛋王🇭🇰 紅磡民裕街15號地下人越大越嚟越識欣賞牛腩麵呢間朋友話好食一於就去試吓係唔係咁好食😋 原汁牛腩麵 $34 加腐乳通菜 +$10😋 原汁牛腩撈麵 $41碗嘢一擺到上枱內心哇咗一聲點解啲牛腩咁多咁大件嘅😂一食落去超淋超好食唔會話好肥 但係又有少少肥膏 好正食極都仲有😂 我諗有起碼十舊至於個通菜份量都ok 但腐乳有啲鹹 佢個湯底可能有少少味精 因為食完有啲口渴不過個牛腩真係好食衛生情況差少少 見到有螞蟻係台但呢個價錢 咁嘅質素同份量 好👍🏼

放工前突然間好想食牛丸，但又只可以係紅磡呢頭食個快晚餐，落車後周圍望下有冇牛丸食，真係有喎，冇理其他即刻行入嚟，叫返碗牛丸米，再係餐牌見到加錢有菜，又或者炸魚皮，點好呢，揀邊樣呢，最後係炸魚皮勝出左。雲吞麵舖有樣好，同職員落完單會好快送食物嚟，唔洗等太耐。5粒牛丸，米粉，其實都正常，不過湯底好咸下，如果唔食魚皮還可以忍受到，但佢個魚皮調味咸，如果單食就可以食到幾塊既，但當兩樣食品都係咸，魚皮正路都會浸少少湯先食，咁樣就好咸喇。如果佢個魚皮唔調味，就好好多囉。

走進舖頭心臟地帶，廁所係正附近，瀰漫著濃烈鹼水酸縮味，惡嗅難當。零星的食客各據一方，只剩下廁所位，唯有照坐，拿拿聲食完即閃。香港仔魚蛋連飯都做埋喎，以前潮州粉麵那有飯供應呢，真係生意難做，某些還做埋雞牛豬扒快餐添呀 ﹗雞都有得叫？我無雞不歡喎，梗係要一探虛實啦﹗食家要有冒險精神，勇字當頭，繼續燃燒我的小宇宙。我只有十多分鐘食個 lunch，您班神州大媽侍應係度搞搞震，係都要我發火，最後一次幫襯！剛好門口附近有吉檯可以獨佔，打算拿拿聲幾分鐘食完即閃。約13:45坐低，等到呆終於有得食，皇恩浩蕩啦，留 4 分鐘比我倒碗麵落肚，仲有成 1 分鐘可以跑返回公司添呀﹗等食其間，大媽侍應們安排食客入座鬼殺咁嘈，左掉右掉，迫迫夾夾、舖面陝細、地方淺窄，食客們根本不願意坐低，食都費事食，立即起身轉場，得您一間食肆咩﹗有十幾個菲律賓自由行想食，最後都放棄即閃離開。終於等到我碗麵送到，已經趕到不得了﹗剛有 3 位食客問有無位，要求我轉去後面搭檯，火都黎﹗忍唔住講句我都係食 3 分鐘啫，等食都等左 10 分鐘喇﹗同時間後面位食客大嬸亦非常不滿怨道張檯咁細點坐 3 個人呀，頂手頂腳﹗新黎 3 位食客都唔想坐，

我周不時都會幫襯呢間餐廳，因為夠近公司，夠快。但如果唔係寫openrice，都無細心留意到原來香港仔魚蛋「分得那麼細」，呢間係叫「章記」😂又係13:30先落去買，因為想避過人潮。一同個收銀講要「魚蛋河」，唔駛1分鐘個外賣阿姐即刻俾到個外賣我😂勁快.....佢話因為人客少，我一大聲講，佢一聽到就立刻準備到。爽滑魚蛋河外賣共$30佢自動自動送埋辣油，不錯！魚片3塊，白魚蛋3粒，都係大大塊、大大粒，夠支撐作碗碗～同埋都好好味，果然夠爽口！無改錯名

通常天氣較冷, 又冇乜胃口, 就會想食d 熱辣辣既食物, 湯粉麵正是其中之一叫左個牛腩魚蛋河, 最最最重要係"加色", 意思即係多腩汁咁解, 成個湯底即時散發住濃濃既牛腩味, 令成碗粉既層次昇華左河粉份量亦都好足夠架

自從轉左章記後，人山人海，質數好左，環境又乾淨左，出品間中都有驚喜，間中好食！日日都車麵好悶，轉吓口味食章記啦！腸腩伊走蔥，諗唔到食咩，叫啲偏門架啦。好味喎！今日廚師好心情啦。腸又滑又彈，大愛！仲有淡淡滷水味，清香清爽，越趙越有味，唔捨得吞呢！外彈內嫩，似肥膏的絨毛狀十足雪蛤膏，但更犬滑溜，腸腸存著大量湯汁一咬而盡，係口內爆汁既感覺無可媲美！牛腩鬆化入味無投訴，越趙越快樂！每一口都滲著牛腩精華！無話可說，如果能夠每次都保持高質，皆大歡喜啦！伊麵今次嚥韌帶蛋香，無過腍，可遇不可求！蠔油芥蘭，食晒碗麵個芥蘭仲未到，估到你漏單啦，又要我追！先試莖部，鮮甜多汁又脆口，卜卜脆好味！天然蔬菜甜味，加上鮮味蠔油如虎添翼。魚蛋牛肚麵走蔥，今次都係全部金錢肚，好味呀！爽爽爽，滷水清香，一舊接一舊唔停得口。有時麵夾肚齊齊食，味道口感升到更高層次！麵條無左以前既鹼水壓嗅味，麵夠爽再掛上濃郁腩汁湯底，濕潤而充滿水份，正噃！魚蛋比以往比較雖然唔多彈，不過魚味香濃又不過咸，質地滑滑的！整體屬上品。雲吞牛腩伊走蔥，雲吞依舊偏咸又味濃，豬肉結實，蝦都幾爽口既，一口雲吞呎吋最好，但過咸唔多頂到。牛腩炆得入味軟棉帶少少肥

阿姐仲咩係度魂遊太虛呀！我講左三次走蔥都係要比芫茜蔥我，完全係個發呆樣，無用心聆聽地落單！嘥我時間續粒揀返晒啲芫茜蔥出黎！我趕時間又見唔洗等位先黎幫襯架乍！嬲得我掉晒啲蔥係枱面你慢慢掃啦！牛丸牛腩粗麵走蔥，粗麵腍劈劈，牛腩勁多肥膏，肥到要咬走晒先食得囉！今日乜料呀？今日又唔係黑色星期五。好采牛丸食得吓，雖則未及郁香園滑彈爆汁，正常肉丸無特別。辣椒油依舊平平無奇，可有可無，有總好過無啦。

今日超水準呀，唔通回魂夜？係您喇！章記您黎左？Jessica 又係章記香港仔魚蛋呀，嘩哈哈！雖然您唔喜歡，但紅磡依間真係好好味呢，真材實料過普通既香港仔魚蛋架！魚蛋牛肚麵走蔥，終於食到章記原有既味道，湯底泛著濃郁腩汁兼滷水清香，真材實料飲完唔會口渴，連飲幾口甜美非常。麵質軟硬適中，微爽而掛湯力良好，每啜一啖都充滿湯汁。全部都係高質金錢肚啊！師傅難得對我咁好，爽爽的、彈彈的，邊咬邊滲著肉汁。香港仔招牌魚蛋有保證，唔會難食，只會無驚喜。魚味濃而鮮，略有彈性，滿意！牛腩牛什麵走蔥，牛膀 BB 好軟棉啊，仲越趙越 juicy 甜美！牛腩 BB 鬆化啊，難得無渣又不肥不瘦！腸腸好彈牙滑滑，只有鮮味無澀味！毛肚好棉呢，十足毛巾一樣索得湯汁滿瀉，美味。湯底濃郁清香、幼麵軟硬度都合格，讚！

唉？轉左做章記喎，比章記收購左？咁就好喇！之前既香港仔麻麻地，如果唔係貪佢近、貪佢快，我真係唔黎呀！lucky？唔係囉。雖然依家變左章記，心理上好左，可能會覺得應該比之前好食，但事實上無變到跟舊章記一樣好食囉！失望！只係個名多左兩隻字。牛什麵走蔥，牛什質數非常穩定，色香味美俱備。金錢肚無可匹敵，超爽彈，而且炆得入味又滷水芳。牛膀先係我致愛！軟棉棉既質感帶邊位既嚥韌，仲要索滿香濃腩汁，不得了！有時我會叫個膀麵架乍，有五六片牛膀大滿足。牛腸都好好味，淨得乾淨無半點苦澀味，外皮非常有彈性仲滑嘟嘟，黏上少許腸脂肪非常滑口啊！牛肺我就一般喜歡食，唔記得走左去添。麵太腍喇！免強仲帶微微爽口既，但感覺已溶溶地有點黏咀，會唔會湯既溫度太高呀？貪快！但唔好食囉。辣椒油貫徹始終無變，味淡、微辣又唔香，叫做好過無。牛腩伊走蔥，牛腩就平平無奇，今次還可以，唔難食，夠腍夠味，合格。伊麵質感未算過腍，但唔知甜解特別淡口無蛋香架喎，而且其他食店都會較嚥韌彈牙，唔通比我講中真係淥麵水搵過高？還是只不過淥得耐左 over cook？

好鬼混淆噃！依間幾時變左章記呢？被收購左？見廚房、樓面似乎轉晒左人。隔幾條街既章記香港仔因為舊區重建已經被政府收返間舖喇。淨雲吞魚蛋走蔥，湯底依舊淡荗荗囉，淡如水的魚湯底，無腩汁唔掂，唯有自己勁落辣椒油同豉油啦，雖然辣椒油都係麻麻地，好過無啦。魚蛋質數同味道一向非常穩定，勝在夠安全，點烚都唔會腍唔會爛。夠爽彈、夠味濃、夠白淨，食得過。雲吞我就厭佢太咸喇，有蝦有肉黏得緊緻結實唔鬆散，大大粒又夠飽肚。腐乳通菜走油，夏天未到所以只有旱通啦﹗好靭喎，皮好厚！少啲牙力都趙唔到啦，高纖爽口通菜，今晚便便實好暢快啦。