立濱 (已結業)

立食是日本留下的歷史傳統，今天我倆想感染當地文化，突地去尖沙咀的「立濱」啦！ 門不用傳統木色，有種硬崩崩感覺 卻使用較近代一點的木黑色趟門，台頭掛著傳統藍底白字布匹寫著「立食い壽司」感覺都晤錯便進去了。 可容納10人，全以立食用餐而隨身品便可找找枱下的掛勾，甚為方便又不阻礙其他客人。 細細張A5 size 菜單，己經包括有壽司、刺身、廚師發辦供應，牆上亦掛上《今日推介 — 肥美的深海魚》，饞咀的我們，己忍不住食指大躍動了！ 😂 懂得食一定是「廚師發辦」啦 — 壽司（共10件）有深海池魚、元貝黑松露、北海道海膽、金木鯛、吞拿魚、拖羅、炙燒左口魚裙邊、阿根廷赤蝦等等。。。。。。 價錢HKD 298 另加沖鰺壽司 HKD 25 、魴鮄壽司 HKD 25 及中吞拿魚腩隨餐有造型啫喱作總結 —- 小豬妻可愛呢！ 🐷 又有驚喜如經過處理後的魚皮更為爽口彈牙、又有如啫哩搬口感在白身上帶出其鮮味、海膽使用北海道味道濃烈，濃濃 after taste 、吞拿魚腩用炙燒製成，每口都肥美濃郁多魚油，師傅還提提我襯熱食 Yum ! Omakase 一搬都會好貴，這裡以300多元便能享受😁而質素也不差全程兩

立食即係企響度進食，最初由日本興起；近呢幾年香港都多左立食餐廳，就好似我今晚幫襯既呢一間，尖沙咀地鐵站出口行過來都唔洗5分鐘：立濱。立濱比我感覺係傳統日本文化較重既立食店，小店不大，只有8個企位；其中4個可以望住師傅發板！我倆各自點左壽司盛；呢份係特選壽司盛（8件），個人認為超超值，有中吞拿魚腩；海膽；油甘魚；三文魚；間八魚；赤蝦等等，全都鮮味十足！不得不提呢個赤蝦，係阿根廷赤蝦，簡直媲美牡丹蝦！唔單止肉厚肥美，仲好有蝦味；性價比高！旁邊仲有酸薑牛蒡漬物等等，開胃小吃！另一款係師傅發板Omakase壽司盛10件。用上木箱盛載着，款款都勁吸引！除左有肥吞拿魚腩；海膽；油甘魚外，仲有牡丹蝦，金目鯛，帆立貝等等，每件壽司上既刺身都係大大件，包你吃得滿足！呢個係牡丹蝦，外型上同赤蝦相似，不過牡丹蝦蝦味更濃，愛蝦人絕不能錯過！另外仲點左蔥花香吞拿魚腩手卷，內裡有超多碎吞拿魚腩，超正啊～！

立食壽司店是都市人的恩物雖然是站立速食但極具質素選擇困難症的我點了廚師發辦把決定權都一一交予板長以旬為藍本把季節時令的奉客第一件是鯛魚第二件是胡椒鯛魚味道由淡至濃把味覺漸漸提升黑松露帶子鮮甜中帶點松露香阿根廷赤蝦有濃濃的蝦膏作點綴深海池魚鮮甜厚實魚味突出金目鯛有酸汁配襯味道很夾秋刀魚現在是最肥美魚香滿溢大拖羅有入口即溶的感覺北海道海膽只有最純正的鮮甜左口魚邊用火輕烤魚油逼出十件吃罷我們再加點油甘魚最後吃過甜品今晚我們過得很幸福

最近越來越多立食壽司，我自己幾鍾意，因為環境causal d 又可以同壽司師傅交流下，價錢又無咁貴～最後決定叫：牡丹蝦$42 配麵豉 鮮甜厚肉阿根廷赤蝦$25 配麵豉金目鯛$38 配柚子啫喱 清新鯛魚$25帆立貝$18 我的最愛，食多幾件北海道海膽$58 清甜唔苦赤貝$38 夠爽身山葵八爪魚$12 新鮮彈牙火焰芝士蟹棒$15芝士半溶，好正特盛吞拿魚丼$288有拖羅、刺身，魚蓉新鮮唔腥，口感多層次，醋飯酸度適中，價錢抵食！

之前有喺其他地方食過唔同嘅立食壽司，但係我覺得立食壽司除咗壽司本身要好食之外，企嘅位置亦都好重要。試過一間立食壽司企喺度嘅時候係見唔到入邊嘅壽司師傅嘅，咁樣就做唔到交流而且唔可以問師父一啲比較學術性嘅問題，所以我都係鍾意好似呢間立食壽司咁可以同師傅面對面傾計嘅。呢度比較特別係佢有一啲壽司set可以叫嘅，你可以揀件叫，omakase又得，一個set咁叫又得，我就揀咗壽司set加逐件叫嘅方法。壽司set都可以話係一半嘅師傅發板，睇吓嗰日有啲咩新鮮魚黎整俾你食。我比較鍾意佢嘅吞拿魚同埋一啲白新與，魚味其實本身係會比較難出啲嘅，但係呢度嘅魚非常新鮮，所以連白新與嘅軟味道非常足夠。火炙壽司亦都係我嘅最愛，所以叫咗三件咁多，嗰隻壽司嘅吸引力就係冷熱交融，而且新鮮嘅魚魚身會好軟稔，入口即溶。海膽。大toro。帆立貝。

平時去餐廳坐係到食廚師發辦就食得多，企係到食就真係第一次！呢間位於尖沙咀橫街內的立食壽司店，是一個好的選擇！餐廳企位不算好多，由於下午6點左右就去到的關係，所以可以安排企於壽司師傅bar枱那邊！omakase刺身盛，廚師發辦的刺身有中拖羅、大拖羅、黑鯥、笠子、金目鯛同埋帆立貝！廚師建議有白魚開始食，味道又淡至濃，咁就可以更能食到魚的鮮味！刺身是厚切，非常新鮮！拖羅入口即溶，有淡淡的魚油香味！三文魚腩、吞拿魚背、帆立貝壽司，刺身都比壽司飯大，等你能夠集中品嚐刺身的鮮味！三文魚腩油脂分佈平均，好有三文魚的味道，吞拿魚背的肉會較嫩，但由於是背部，所以較為薄切，好濃吞拿魚的味道！帆立貝大粒又厚切，非常鮮甜！韓國海膽、北海道海膽，韓國的海膽口感較creamy，幾濃海水的味道！而北海道海膽每粒會較分明，較為鮮甜！三文魚籽，魚籽每粒都脹卜卜而且好有口感！芥辣八爪魚，係我好中意食軍艦，見呢度有得食當然要試下！味道夠哂嗆鼻，好正呀！寒天，叫這裡的廚師發辦都會有份甜品送的，而今天的甜品是寒天，味道清清地，用黎清清口腔一流呀！

這頓晚飯我們吃得很高興😊雖然返咗一日工，對腳有點攰。但經過這壽司店，真的很吸引。最終停下腳步，走進去。吃了一頓喜出望外的晚餐。小小的壽司店，搜羅了十分新鮮的刺身。最難忘的是吃了店主推介的活赤貝壽司🍣活赤貝還在動的呢！我們點了廚師發板的刺身盛$398😍還點了廚師推介的白目張壽司、黃羽太壽司，給我們很喜愛的牡丹蝦、帆立貝等等的壽司。真的感到大滿足！最後近端想精緻的甜品，為這頓晚飯畫上一個完美的句號。

有睇過我既食評都知道，我都食過幾間立食壽司都係係尖沙咀既，咁今日又係尖沙咀既立食叫做，立濱！睇吓邊間好食啲啦！地方雖然唔係好大，但係勝在五臟俱全師傅發板壽司盛(10件)黑松露帶子，姬京魚，深海池魚，油甘魚，酸汁啫喱金目鯛，牡丹蝦，醬汁吞拿魚，北海道海膽，拖羅我就唔逐件介紹啦！全部都好好食因爲，師傳一整完一舊我就拎咗黎食 等唔切完全係！無一舊係腥既，而我食壽司好少點豉油既，所以如果有少少腥都易食得出。呢度係魚味重，師傅都係有落過功夫唔係隨隨便便整一舊壽司俾你就算，睇得出有心思2nd round！上面得10舊點夠我地食呀，再嗌再嗌！帆立貝，阿根廷赤蝦 （檸檬汁），芝士蟹棒炙燒三文魚，燒左口魚裙邊，燒拖羅（汁燒），燒拖羅（蒜香），真鯛，黃羽太壽司評價我上面都講過，綜合以上我個人推薦 燒左口魚裙邊，2款燒拖羅都嗌！帆立貝同牡丹蝦！ 口感同味道都高水平甜品，廚師發板原來有個甜品跟翻！“煙煙銀銀”配上小小黑糖！正總結，立濱係我食過既立食壽司最滿足！師傅又樂於同你傾計，食物質素又高，好少壽司店既魚生係全部都唔腥，至少我嗌咁多都食到！仲要好食個下先攞你命，呢個幾難得！推薦俾大家

師傳發辦壽司盛 10 件都只係 $298最後仲有玉子同養眼嘅甜品立食可以換嚟 CP 值高嘅omakase企吓都無所謂啦 😌【黑鯛壽司】日本鯛魚有好多種黑鯛專食螺類，肉質結實啲加上師傅以柚子調味，成個感覺好清爽果然適合用嚟打頭陣【帶子壽司】鮮甜嘅帶子加咗少少黑松露提味估唔到又幾夾，味道更有層次完全無搶到帶子嘅鮮味 😋【三文魚刺身】另外點嘅三文魚刺身，擺盤幾好睇一客有四片刺身，塊塊都好肥厚【深海池魚壽司】深海池魚加咗少少薑同蔥提味都係口感爽彈嘅魚【阿根廷赤蝦壽司】阿根廷赤蝦勁大隻爽滑！蝦味濃郁，配蟹膏麵豉更惹味【鱸魚壽司】日本鱸魚同鯛魚有啲相似用鹽去炙香之後食落超滑溜感覺即刻唔同哂可惜掛住食唔記得影，哈哈【油甘魚壽司】油甘魚紅潤新鮮無咩花巧都好食【金目鯛壽司】金目鯛嘅油份高啲上面嘅酸啫喱啱啱好做返個平衡好 match～【北海道海膽軍艦壽司】一層又一層嘅海膽份量十足爆滿嘅海膽極之鮮甜，好回味 🤤【燒左口魚邊壽司】左口魚邊用秘制醬汁燒過連埋蔥花好香口滑到好似 sir 入口咁【蒜香燒拖羅手卷】拖羅嘅油香好澎湃而且完全無筋呢個手卷作結好 perfect 💯 【燒玉子】原來十件壽司後仲有件燒玉子玉子

友人問我試過立食未?  聽就聽過，但又真係好似未試過喎，佢話咁不如一齊試下啦，就齊齊去左呢間立食壽司店店內面積一眼見晒，企近吧枱可以同師傅直接交流，氣氛比較輕鬆無拘束食物種類包括壽司/刺身/海鮮丼類，價錢合埋，仲有午市精選，岩晒附近返工嘅上班族吧枱上已預備熱茶及餐具，枱底有掛鈎可以掛袋，一切Ready準備開始今次立食等食壽司前，可以先食醃蘿蔔，牛蒡漬及等前菜，特別推介蒜頭漬，無蒜頭嘅辛辣蒜味，但口感係有蒜頭嘅爽脆，唔駛擔心食完會有蒜味，十分過癮!先叫客師傅發辦壽司盛 (10件/$298)，睇下師傅水準，上菜嘅次序會由淡味開始至濃味 :姬鯛搽上柚子汁 : 入口先食到清新柚子汁，跟住有魚肉鮮味;   目鱆魚 : 淡淡魚味金目鯛上有片酸汁啫喱 : 呢款印象幾深，估唔到酸汁啫喱配上金目鯛無論口感或味道都有驚喜，係夏天日子食少少酸甜味，更能引起胃口; 深海池魚 : 食到佢獨有鮮甜味，但食完飲啖熱茶，唔會影響之後嘅食物味道，乾淨俐落阿根廷赤蝦點配麵豉醬 : 鮮甜蝦肉之後滲入咸香麵豉醬，咸中又帶甜嘅味道，層次豐富; 油甘魚 : 食到甘香魚味，略帶軟滑感 雪花吞拿魚 : 帶有微微脂肪香滑感; 北海道海

位於尖沙咀宜昌街的立濱，係一間立食壽司店，餐廳主打各式各樣的刺身、壽司、手卷或Omakase等等，要留意返並沒有熱食供應的哦牡丹蝦刺身餐廳採用日本空運到港既赤牡丹蝦作為刺身，比平時嘅牡丹蝦更加大隻同肥美，蝦肉已經貼心地去殼，好鮮甜間八魚入口鮮嫩，師傅加咗薑蔥，提昇咗魚鮮味金目鯛面上加咗酸汁啫喱，唔使點豉油，就咁食都好好味三文魚籽軍艦每粒三文魚籽都脹卜卜，充滿魚油之餘仲好鹹香，夠哂鮮味鰻魚壽司厚切鰻魚頗肥美，外皮燒至微微焦香，外脆內軟，充滿鰻魚肉香，配合沾滿濃郁鰻魚汁既壽司飯更添鮮味，正啊三文魚手卷脆脆紫菜包住肥美油潤的三文魚，有質素海膽手卷海膽都幾新鮮，幾鮮甜，絕無臭味火焰芝士蟹棒同火焰芝士三文魚同樣好正，芝香四溢炙燒系列分別有：吞拿魚腩、左口魚裙邊、 三文魚腩。燒拖羅同燒三文魚腩食落滑嫩唔起根之餘充斥住滿滿魚油香，加咗少量蔥絲更加香口燒左口魚邊好肥美，燒香後魚脂更豐盈，入口即溶啊！塗上左秘製醬汁後更加美味呢蒜香燒拖羅拖羅味道跟剛才的炙燒拖羅大致一樣，但就多左份蒜香。以秘製蒜油微微灼熱夠入味，啖啖蒜香好好味焦糖玉子燒最後師傅送上焦糖玉子燒作為甜品結尾。嫩滑玉子蛋面上加左砂糖之後燒脆至焦

趕時間睇戲又未食野，於是就試下呢間立食壽司。溫馨提示：抬下面有掛勾，可以方便掛袋😁✨壽司賣相好精緻，上菜速度都好快。 大吞魚腩兼雪花紋路分布均勻，真係滿口油香，而且一d筋都無🤤🤤🤤✨帆立貝大大粒非常鮮甜，加埋黑松露真係勁香，活赤貝清甜爽口都唔錯。不得不提旁邊既漬物都好好味，特別係個蒜頭，醃製後無左個辣勁，酸酸地又帶點蒜香幾開胃。✨三文魚籽大大粒卜卜脆，咸鮮味夠強。最鍾意一定係北海道海膽，勁鮮甜同creamy , 好滋味👍🏻👍🏻👍🏻✨鰻魚肉質爽口，鰻魚汁超濃，唔使點豉油食都已經好正。✨男友最愛既牡丹蝦，鮮甜爽彈，一隻真係到喉唔到肺🤣雖然得兩樣刺身，但擺盤都非常有heart.✨火炙三文魚真係勁香魚油，有入口即溶既感覺👍🏻左口魚都好香，不過味道就比三文魚淡。 芝士蟹柳反而幾好食，蟹柳味夠鮮，加埋d 沙律醬超正。今餐其實全部都好好食好新鮮，估唔到立食質素都可以咁高。

尖沙咀立食壽司!最近愛上了立食壽司 以相宜價錢吃到質素不錯的壽司 站立一陣子是沒問題的～ 立濱有廚師發辦/壽司set/散叫 可根據自己的喜好選擇🍣開始之前 先有自家漬物吃 然後師傅即點即做每一件手握壽司 我們二人散叫了十多件壽司 師傅細心地以淡至濃的順序做!😋其中特別喜歡赤蝦 特別加入了蝦頭蝦膏 蝦味更濃🦐香蔥吞拿魚蓉手卷 份量慷概 有著油香! 海膽鮮甜不腥 其他魚材都新鮮😌整體質素不錯 價錢合理 師傅又會細心解釋食材👍🏼

自從食過一次立食壽司之後，被佢既效率深深吸引咗😆今次要趕住入場睇戲關係，所以喺海港城附近搵吓有咩食，最後就搵到呢間餐廳了😘呢度有壽司&刺身omakase選擇，價錢相宜，不過今次時間有啲緊絀，所以叫咗個特選壽司盛同散叫個別壽司算😳特選壽司盛（8件）$168其實我通常都會點盛合算，費時逐樣點之餘，仲會有一啲你唔常食既種類，俾你開拓吓眼界👀呢度都大半我都鐘意，中吞拿魚，魚味重，冇筋易嚼👍🏻海膽，新鮮，完美呈現海膽既甜味🤤赤蝦，淡淡既甜味😳而今次食到既新野就係間八，入口爽口彈牙，感覺幾好😳刺身：牡丹蝦$48 三文魚$40 帆立貝$38刺身好厚身，每種都好有佢本身味道👍🏻處理得好好，冇冰味，鮮甜到不得了👍🏻👍🏻👍🏻火炙壽司：吞拿魚腩$40 左口魚裙邊$25 三文魚腩$20呢三樣真係強烈推介俾大家，燒得非常好，塊魚肉都仲可以食到第一啖，之後已經融入咗嚿飯度，魚油再加飯既配搭我真係覺得係天上既美食一樣🤤🤤再者壽司師傅已經調好味，千祈唔好再點豉油了，一拎起就擺落口就已經食得😋😋呢度張吧枱比較低，易睇到師傅啲手藝，又可以傾吓計，確實放工嚟食一食都幾寫意😚😚附上menu:

小店都要試吓及支持吓。Sushi set 不差，不算貴。單點左口魚sushi一吃再吃。清酒選了瀧自慢 純米吟醸 雄町，中辛，中旨。瀧自慢 純米吟醸 雄町瀧自慢酒造產地 三重県名張市使用米 岡山県產雄町精米歩合 50%酵母 --Alc 16%日本酒度 --酸度 --冷飲