影片
營業時間
今日營業
11:00 - 03:00
星期一至日
11:00 - 03:00
以上資料只供參考, 請與餐廳確認詳情
今日見到呢間新開嘅有人排隊買就跟住買嚟試吓。窗口落單個員工態度幾好，見佢好有耐性答啲人問題。大概等左十分鐘先有，原來係啱啱新鮮出爐嘅，佢話每日嘅雞都係當日焗，唔會賣過夜。本身我諗住係吹水，但撕開隻雞已經見到好多汁水，食落去都好嫩滑，一啲都唔會鞋。之前有買過翔龍灣嗰間Chicken factory，呢間係好食好多，而且唔會咁鹹。最尾介紹咗碗雪耳糖水，話係呢間自家製，其他店係冇嘅，淨係加$10所以就買一個試吓。呢個好有驚喜，啲料係滿晒，又唔會太甜，甚至我覺得可以比少啲料加返多少少糖水，下次會再幫襯。
繼續閱讀
深夜想食邪惡之選，土瓜灣窯雞王絕對係外賣宵夜頭三位！佢哋營業時間夠夜，外賣自取一樣保持水準。必點原味窯雞（半隻$80/全隻$158），錫紙一打開熱氣蒸騰，雞肉嫩滑到爆汁，香料醃得透徹，連雞胸都入味唔乾柴。重口味必試香辣味，辣勁夠仲帶孜然香，食完成身暖哂！ 小食推薦鹽焗雞腎（$26）同香口窯雞軟骨（$28），細細份啱晒送啤酒。鵪鶉蛋（$26）咸香入味，雞中翅（$28）外皮焦香肉質鎖汁。外賣用保溫袋包得妥當，返到屋企依然熱辣辣，深夜想食高質烤雞唔使將就！
繼續閱讀
哇！窯雞王終於入駐土瓜灣啦✌️以前要經常從深圳帶回來，現在随時都可以買到，真係超開心🤩今晚特登買咗一隻辣味同埋半隻原味試吓，一打開錫紙即刻聞到獨有嘅香味，同深圳食開嘅真係一模一樣👍講真，佢哋呢隻雞真係有啲料到，秘制香料與雞肉的完美結合，鹹香適中，窯烤後的雞身肉質嫩滑多汁，口感層次豐富。聽老闆話，他們只選用新鮮三黃雞，秘制香料腌製，再用荷葉包住加上兩層錫紙，500度高溫現烤方式，真係落足心機。攞返屋企仲係熱辣辣👍👍👍
繼續閱讀
今日專程去土瓜灣尋找近期人氣高企嘅「窯雞王」，店鋪位於大街土瓜灣道，裝修簡潔明亮，經過已經聞到陣陣香味，令人流晒口水。 原來舖頭沒有堂食，唯有買隻招牌原味窯雞，同幾款小食回去試吓。主角「窯雞」以500度高溫烤製，外皮金黃焦香，肉質鮮嫩多汁，一撕開就見到熱辣辣嘅肉汁湧出，入口帶淡淡荷香味，鹹香惹味卻唔會過膩。雞胸部位都完全唔嚡口，仲保持到濕潤感，抵讚！ 除咗招牌窯雞，仲試咗佢哋嘅鹽焗三寶（鵪鶉蛋/雞腎/雞心），送啤酒一流！ 店員態度友善，講解食雞嘅步驟同埋留意嘅事項，細心加分。整體來說，性價比高，絕對會再encore！
繼續閱讀
土瓜灣呢間「窯雞王」係專做外賣嘅小店，雖然無堂食，但經過成日聞到超香窯烤味，今次終於忍唔住試咗！ 招牌窯雞可以揀原味或者香辣味，我嗌咗半隻原味試水溫。雞隻用錫紙包住，一打開熱氣騰騰，香氣撲鼻！外皮烤到金黃帶焦香，肉質超級嫩滑，一撕開就流出豐富肉汁。醃料好入味，帶淡淡藥材同香料味，鹹度剛剛好，連雞胸都唔嚡口，果然係招牌！ 小食方面試咗窯雞軟骨同雞腎，軟骨酥脆香口，送酒一流；雞腎爽脆惹味，仲有淡淡咸香。朋友推介雞中翅同鵪鶉蛋都唔錯，下次一定會試埋！ 外賣包裝仔細，有2層錫紙keep住溫度，返到屋企依然熱辣辣。價錢合理，半隻雞夠兩個人食，抵食又高質。如果你係窯雞迷，呢間絕對值得專程去外賣！
繼續閱讀