穴 (新城市廣場一期)

營業中

休息中

每日都會經過沙田市中心，每次經過呢間日本居酒屋都話要搵次去試下，今日終於有時間，去試下個lunch今次2個人入去試下佢個午餐，大約1點到餐廳門口，已經有幾個人等緊，等左10分鐘，話有吧枱位，見咁多人，唔想再等，就照坐，點知.......兩邊都坐左人，比較迫講返食物，確實係唔錯其中幾款午餐order左個壽司定食，有5件壽司，刺生好新鮮，隻甜蝦都算大隻帶子好鮮甜每個餐都有前菜壽司定食仲有份天婦羅，啲炸粉唔會好厚，隻蝦又大隻，唔會炸到乾晒個餐仲有個蕎麥麵，一樣咁好味另外仲叫左個滑蛋黑毛豬排飯，我既最愛，有蛋汁，豬排食落有肉汁，正最後有個小小甜品

在暑假同小朋友去新城市行街，由於小朋想食串燒，黎左呢間，第一次黎，serve服務不錯，餐廳設計至定位很好，可惜哪名類似女主管（黑衣）黎一開口，我真想即刻走睇左一陣，叫2個餐又食唔曬，一個餐又怕唔夠，問佢set lunch，佢西𠹌曬面話成本menu都係。其實我諗住咁既定位餐廳，作為主管級的，你會介紹一下吧！或許我想多左啦，都唔緊要到落單，又係西面，沒覆單，你有你落，佢完全無反應，其實都唔9知佢有無聽錯，不如餐廳改自動點餐仲好啦，起碼ipad唔會西mon囉！本來落左一個迷你丼串燒餐（一個迷你丼，基本迷你烏冬，2串串燒，前菜，甜品）及一個丼套餐，迷你丼串燒怕食唔曬，即刻行去同佢講，落住迷你丼串燒餐先，當時佢仲入緊機，佢真係立即臭四上身，發脾氣話得啦得啦。我真係好想講，我唔咪怕貴唔叫，我同個6歲的小孩子怕食唔曬，你唔使咁態度！其實你怕單頭細，咪設定最底消費，唔使咁態度！我無諗過食餐飯都要受氣！

沙田區壽司店好多，但新城市廣場裏面呢，得呢一間係比較有質素，而且食極都唔錯，只是例牌半個鐘左右有得食，所以經過沙田區新城市廣場一定要試一試，每次食佢個三文魚，吞拿魚八爪魚，都係一個極度質素嘅壽司

是日同男朋友想食日本嘢，本身佢想去沙田新開嘅大喜屋食放題，但我唔係太鍾意食啲任食嘢，食得少又覺得蝕，但又食唔到太多，重點係食物質素都唔係太高，所以寧願俾貴少少食啲高質少少嘅嘢，反正我地兩個都唔係大食。我地叫左兩件火炙三文魚壽司，兩件鰻魚壽司，天扶良蝦卷(6件)，辣吞拿魚腩卷(6件)，同埋津別牛乳蟹肉薯餅。三文魚壽司燒得啱啱好，入口即融。鰻魚壽司肉質都剛剛好，幾鍾意佢舊飯細細舊，唔會食到飽哂。天扶良蝦卷嘅天婦羅蝦粉漿比例啱啱好，唔會食落成舊粉，不過我唔鍾意食蟹籽就略嫌佢蟹籽多左少少影響口感。辣吞拿魚腩卷加埋好拍檔蔥花係最好嘅配搭，即使唔鍾意食蔥都會覺得咁先好食。有少少失望嘅係個津別牛乳蟹肉薯餅，基本上唔係好食到有蟹肉同薯，可以話佢只係一舊炸鮮奶，有少少貨不對辦。

約左個client lunch meeting，揀左間好少少既餐廳傾。餐廳都幾大，lunch time時間得返bar枱有位，以為會吊住隻腳坐，點知張bar枱櫈又OK舒服喎。師傅就喺面前處理食物….Um…..我client話: 明明硬件裝修佈置都抄得咁似日本食堂，點解佢地無戴口罩，但一邊處理食物一邊不停講野既? 侍應將食物上枱時亦望住送菜介紹….Lunch time時間，叫左兩set迷你丼物餐。前菜份量OK，都幾新鮮。鰻魚飯- 鰻魚汁份量幾好，不過魚肉有些少過淋。雜錦魚生飯- 話就話係碎，但都幾大粒，而且有三文魚子，都OK新鮮～喬麥麵 - 細細碗，味道普通，但岩哂過口癮。串燒雞翼 – size易食，味道唔太咸亦唔會燒到好燶。大蔥雞肉 – D蔥唔掂，太老全部都有渣，雞肉嫰口好味。牛肋骨肉 – 好有牛味，細嫰多汁。

沙田新城市餐廳唔係好多選擇，食日本嘢嘅都係得兩三間，今次我哋揀咗「穴」食lunch，總括來講一般一般，價錢同食物唔成正比。呢張係叫壽司嘅紙，另外仲有餐牌，但唔知係咪午市套餐嘅壽司一般，比我感覺貴一般鋪頭$20嘅壽司係咁嘅質素，令我冇動力嘗試其他壽司睇落賣相唔錯，刺身還好，但壽司一般。鰻魚飯呢個係午市套餐，有蒸蛋、配菜、麵豉湯，亦都係一般，講唔上有咩特別。反而有驚喜係依個甜品，唔係跟餐，係另叫既黑糖缺餅，食落去軟林林，非常冰涼

難得係新城市廣場搵到間唔錯嘅日本菜餐廳環境唔錯 服務亦都好周到 不停會為你加水 有咩要求都好快幫到你不過星期五晚都幾多人等位 如果唔介意坐bar位可以即刻入坐 但唔係既話就要等10分鐘左右我地2個人都叫咗唔少嘢 首先有呢個蟹肉沙律卷物（$68） 同牛油果軟殼蟹卷物 （$68）兩個比較下會推薦牛油果個個多啲因為牛油果幾清新 軟殼蟹亦炸得唔錯 蟹肉個個味道會淡啲 醬料都比較多之後串燒就叫左個青芥牛柳粒（$48）好好食！個汁係咸但加埋個肉味道係好夾 亦都keep到肉汁既味道仲有個壽司拼盤（$298）個吞拿魚幾肥美 係最好食嘅個玉子都好甜 賣相又好吸引 其他壽司都係基本款 好似三文魚 蝦 油甘魚 帶子 不過我覺得散叫會抵啲我地仲叫咗個明太子蟹肉飯（$168）呢個味道好淡亦較為乾身 如果有少少汁會好味啲 但明太子 蟹肉各樣材料都好足料 最後仲有一份辣味炸雞 雖然係普通嘢但炸得唔錯 配左個柚子汁 都幾特別兩個人食左$779 中位價錢 質素唔錯 但下次會想試其他刺身 丼飯

星期一佛誕，約左朋友聚舊，佢住大圍，我地就去沙田食飯，大家都知沙田每逢週末、假日都滿是人，分分中仲多人過關口😅去到商場間間餐廳都要等位，得呢間「穴」唔洗等，點知錯唔嘅決定就開始左🤕 朋友點了鰻魚石窩飯（忘記了拍照），而我點了泡菜豚肉石窩飯 和辣味炸雞，埋單403HKD鰻魚石窩飯👌🏻有兩塊鰻魚，朋友話味道尚可，但醬汁唔夠泡菜豚肉石窩飯👎🏻泡菜味不足，豚肉份量、味道一般（明顯低味不足），醬汁唔好食（只能食到泡菜嘅酸味）、份量亦係唔夠辣味炸雞👎🏻非常失望，炸雞炸過火、好乾

餐廳以穴一個字命名我就學下個餐廳名好簡潔咁總結佢嘅食物一句講哂 就係好好味 好鍾意 又多一間我會想成日去嘅餐廳個Bar枱仲好有feel添最滿意嘅係章紅魚薄切黑松露帶子個配搭無得挑剔 口感一流壽司拼盤超級吸引全部都係鍾意食嘅魚生而且勁靚勁新鮮黑松露甜蝦卷又係正到不得了佢啲壽司類真係冇得輸較為遜色嘅係蔥吞拿魚腩薄脆個薄脆同吞拿魚腩唔太夾但係佢有超多碎吞拿魚腩所以都係雞蛋裡挑骨頭啦蟹肉石鍋飯都係遜色少少個味可以濃啲 但口感好好架

🔥今次嚟到穴食晚餐，係一間中上價位嘅日式居酒屋。食物款式眾多，正常日式料理嘅嘢，佢都有，例如刺身、壽司、反卷、天婦𡤢、串燒、丼等等。🔥環境比較迫，好容易聽到隔黎枱講野。餐台都比較細，叫多啲野食都放唔落。香港係地少(同小)人多嫁啦😂🔥打頭陣係黑松露甜蝦卷$88反卷入口先係淡淡黑松露味，後來則有甜蝦嘅鮮甜爽口，再來係甜蝦嘅腍口，同卷內夾有青瓜、玉子同蟹柳，多重層次口感🤭不錯！🔥海膽魷魚卷$128外層魷魚新鮮彈牙，內裡海膽都係新鮮，唔腥臭，帶微甜。呢個海膽令我好期待後面客海膽😳🔥日本海膽$248兩個字，鮮甜！再兩個字，creamy！咁嘅價錢要喺香港食到一客鮮甜海膽係件唔易嘅事，穴帶到俾我🤤🔥之後係松葉蟹蓋海膽石鍋飯。$178又係有海膽，雖然呢款係來自韓國，質素都唔會差，微微鮮甜。🔥蟹肉嘅份量唔少，而石鍋飯加上蟹膏同蟹籽嘅咸鮮，鮮味無窮👍🏻會再encore！😋Feast Level: 🔥🔥🔥🔥🔥/5

復活節係新城市搵食, 見到哩間日本餐廳冇咩人唔使等位, 就入左去啦 真係入左先知點解冇人, 因為我都發誓唔會再去!價錢是偏高, 但服務是茶餐廳質素! 海膽魷魚卷師父刀功極差, 魷魚分切4 件, 但藕斷絲連, 一夾就把海膽跌晒出來 海葡萄海草沙律 海葡萄跟日本海草都是日本才有, 我們之前在其他餐廳食過, 都口感爽身, 色澤光鮮,但這裡的海葡萄海草都有腥味, 懷疑存放了很久, 海葡萄很不新鮮, 完全不爽麵豉軟牛脷 這個真經典, 牛脷連紙上, 而且職員似上得很急, 把我的豉油倒翻了也沒有說對不起, 而牛脷更熱得有點乾…茶 又是一個笑話, 我第一次飲日本茶會有酸的感覺, 好似變左味, 變左質 冷梅子麵 真係唔好好奇試, 好難食 蛋壽司 松葉蟹甲羅壽司飯

今日好想食日本野，下午辦完事見到沙田呢間餐廳，外貌都幾靠譜而且仲有優惠午餐，所以決定試一試啦！呢間日本菜行高檔路線，原來都有10幾間唔同類型嘅分店，有啲分店嘅日本菜仲更加高級，走廚師發板路線！睇到餐牌已經流晒口水今日就試咗個天婦羅壽司定食套餐有前菜沙律，中華沙律，蝦天婦羅🍤蔬菜天婦羅，五件壽司同一個熱烏冬！賣相都10分吸引！個烏冬煮得10分好，軟硬適中，湯夠熱，味道都好好天婦羅都唔錯，外面層炸粉好薄，食落口唔會一團粉不過個蝦天婦羅就稍為遜色一咬入口就已經覺得蝦肉好霉，超級唔新鮮！食咗幾啖就冇食了！壽司質素都幾好，魚生大件，啲飯仲有手握嘅感覺，飯唔會太大舊下次會試更多唔同嘅套餐！可以Encore

為了慶祝嚟緊嘅三天假期，跟友人到沙田的「穴」居酒屋吃日本菜，到了餐廳後，待了一會，我們就被安排入座，職員很快放下餐牌及兩杯水，服務不錯。餐牌內的食物選擇非常多，有刺身、壽司🍣、串燒🍢、石鍋飯、蟹粥、炸物及小食等。我們點了鯖魚乾、牛舌、串燒鱔、串燒秋葵、三蟹卷、天扶良蝦🍤卷、野菜天婦羅等。最有驚喜是三蟹卷，由蟹籽蟹膏蟹肉製成，加埋紫菜，初段入口爽脆，中段厚滑，後段蟹籽脆卜卜，食完很有幸福感😊。牛舌跟其他餐廳常見的薄切方式不同，形狀呈長立方形，咬落去感覺鬆軟，細賞看見一絲絲的肉絲，配埋特製醬料，香味四溢~~☺️串燒非常香口，烹煮時間控制得非常好，尤其是白鱔，又滑又脆，油份剛剛溶於口內，非常鮮味喔！😋我跟友人都吃得很滿足，過了一個愉快的晚上。是次重點推介是三蟹卷、牛舌及串燒鱔~👍🏻期待下次再同友人試刺身、蟹粥及河豚魚乾~😋

晚上幸好唔晒點等就有位，餐廳環境舒適。打開menu,食物選擇頗多。選咗蟹籽壽司，牛舌，雜菜天婦羅。牛舌長方體形，肉厚，入口感覺唔錯。每碟餸的份量比較精緻。食物整體而言幾好。

●松葉蟹蓋海膽飯($178)●難得可以同好耐冇見嘅中同食飯 就要食好啲今次就揀咗平時都唔捨得食嘅日本料理 一見到松葉蟹蓋海膽飯我同我個friend都二話不說 要嗌咗佢等咗10分鐘 終於上碟啦!!!! 見到都已經流晒口水 蟹蓋上面鋪滿海膽，蟹膏同蟹肉真係好正幫你起曬所有蟹肉 撈埋蟹膏食 鮮味到唔講以為自己置身於大海之中😂😂配埋海膽令到個飯好creamy 好惹味😍💭💭💭好味(⑨/⑩)抵食 (⑥/⑩)💭💭💭