稻香 (恆星樓)

營業中

休息中

阿頭升級請食飯！大家約埋收工去到，門面光鮮，入內大堂亮堂無壓迫感！我哋人多包了三圍，所以有房！三圍都唔迫！講真自己唔喜歡食圍菜，菜式永遠差不多！味道無驚喜！只求地方好坐！開席上菜爽手！因為無菜單，菜名係我編嘅！乳豬：皮脆但好肥！肥脂多瘦肉少！一般！龍蝦伊麵：有鉗龍蝦肉爽口！伊麵滑身好難夾！上湯汁較浠！唔掛麵！雙菇炒蜜糖豆：辣辣地，蜜糖豆爽口！鮮菇新鮮！炸蝦丸：蝦丸好彈！點酸甜醬，好簡單又好味！蒸大海斑：幾滑唔腥！剛好離骨！上湯雙菇白菜：上湯味精可以接受，白菜我一向唔鍾意食！菇新鮮！海皇蟹肉翅：其實無翅都唔緊要，改做羹仲好，夠熱鐵鍋唐生菜：好簡單嘅一味菜色！唐生菜幾脆！索咗啲香菜味！又唔會乾！好味！炸子雞：外皮夠脆，肉質ok唔太嚡！雖然無乜雞味！炒飯：材料菜粒唔夠多！炒得比較濕！一般糖水：芝麻糊：無食紅豆沙：紅豆沙起晒沙，豆唔夠大粒！唔太甜幾好杏仁糊：無食水果：蘋果，竟然係原個蘋果！爽甜好味！唔食都可以拎走！店員好忙好爽手！最後大合照時，好明顯唔熟手，都好盡力幫手！圍菜食物唔錯、地方好坐！服務幾好！

上個禮拜跟媽媽到稻香飲茶，稻香可算是中等價錢的連鎖飲茶好去處。我點了鷄包仔，他們的鷄包仔餡料非常足料，不錯。牛肉腸粉很滑，不過皮有點厚，不過不失。不過我對馬拉糕有點失望，質地鬆軟，但味道偏甜。飲茶當然不少得媽媽最喜歡的蒸鳳爪，個人比較喜歡淨風爪而且下面還鋪滿花生，不過就是有點太油另外還點了炸饅頭，外層炸到非常香脆，而且裏面軟綿綿，配上我最愛的煉奶就最正啦！

離港前一日，突然好掛住稻香嘅碗仔翅，大概8點就去到稻香，已經有好多人啦，不過等位都唔洗好耐，10幾分鐘就可以入座啦。..可能因為人太多啦，啲服務員都唔得閒理我地。。。荷葉糯米雞簡直系我系稻香嘅最愛吖！！~~~超級無敵好食，米飯軟糯，浸著啲雞汁一齊蒸嘅，再加上出面荷葉包著，荷香味十足！食到嘴入面有荷葉嘅清香，又唔會覺得好膩。豉汁鳳爪，簡直入口即化。鳳爪都已經燉到爛曬啦~~碗仔翅，服務員竟然仲上少我一碗碗仔翅！！~~！！！不過味道就真係唔錯嘅。料足夠香。燒賣皇。隻隻燒賣入邊都有好大隻蝦，好q好彈牙。

稻香嘅大堂好大，但同時人亦好多，朝早有可能要等位但係上午有優惠吖，都幾好吖。叫咗好耐先至有個靚女幫我地點嘢，真係氣都來埋。蝦餃皇同燒麥黃差唔多嘅餡，裡邊同樣有成隻嘅蝦同買豬肉嘅餡，不過感覺蝦餃比較脆口D,燒麥比較實凈，唔同嘅口感，當然味道肯定唔同嘅喇。哈哈、榴蓮多士，聞到度味嗰時覺得唔錯，食落口先發覺冇乜榴蓮味嘅。糯米雞需要贊一下喇，D雞肉汁撈埋係D糯米飯度，然後裡面仲有好多其他香菇之類嘅嘢係度，然之後用荷葉包著蒸，哇曬。。各種香味吖。。作為一個鐘意糯米雞嘅人又點可以錯過吖！金錢肚好霖好入味，叉燒包好甜唔係太鐘意，碗仔翅好滑口好入味，豉汁排骨好霖滑，食得好滿意！

很喜歡到稻香吃飯, 地方大, 服務好, 唔洗等位, 環境乾淨. 最重要 -- 價錢便宜. 次次埋單都是50蚊以內一個人, 尖沙咀區只有麥當勞做到咁平了. 叉燒餐包甜甜的包, 不覺膩. 餡料夠多. 三色燒賣雖然只是鮑魚菇片, 但味道都濃郁蝦燒賣是我的最愛錦老雲吞勁脆, 點了雲吞醬, 超好吃. 鮮魷份量算多. 加了醬汁超好食釀茄子煎炸得香脆, 鯪魚肉很香. 都是必點.

朝早系海港城果邊過嚟，穿過重慶大廈隔離嘅巷仔就行到稻香啦！！！位置雖然有啲偏僻，不過入面嘅裝修都算乾淨。皮蛋瘦肉粥特價只需要5蚊啊aaaa！！！！太抵食啦！~~雖然料唔系好足，不過5蚊可以接受...菠蘿包上面嘅酥皮唔夠脆，不過味道唔錯，咬落去幾軟熟。蝦餃燒賣啲料好足，蝦餃入面嘅蝦爽口彈牙，燒賣咬落啖啖肉。。蝦仁腸粉，入面真係有大蝦，一定要點豉油一齊食，唔系會無味·榴蓮西多士，榴蓮香味濃郁

以為是茶室，石硤尾茶居?裝潢不錯有型光線水吧煞食豪華收費平過或等同排檔稻香必須直認稻香是陪同我們成長的，他的茶市一蚊雞夜宵火鍋(半價 幾乎間間旗下如客家好棧都唔收茶芥 小脹)老實說稻香賣38元一碗東星斑粥我是非常有信心的他們做火鍋 海鮮起家已經攪埋廚藝學校有什麼不放心?粥當然要綿魚的分量要有番咁上吓我的魚極多骨全屬頭尾肉稀少但我是魚類殺手殺過不亦樂乎為了持平給60分普通客人不要叫這個便宜粥是下欄自助式去取我家鄉浙醋和和味潮州辣椒油80分自助酒水 14元任用所有火鍋用醬汁任攞，免費著名紅油抄手比較大眾化70分對不起江浙人士對這類点心有要求最後必須說明我把餐徹底用滾水泡洗一次

早上和朋友一起去吃的早茶，蝦餃皇一籠4個，這個感覺還行，蝦挺大的。蝦仁燒麥皇，這個賣相還行，上面一個大蝦仁，裡面有香菇，鮮肉很好吃。叉燒酥很酥，裡面的叉燒一塊一塊的，感覺就是我們平時吃的叉燒剁碎了的感覺，整體來說還行吧。

今日同人去尖沙咀度食嘢，揀咗稻香。蝦餃王味道我覺得俾銅鑼灣的好食，蝦餃皮薄餡多，幾乎可以漲爆個餃皮啦，蝦肉入口很新鮮，味道很足，但是又沒有覺得係重口味，果然可以稱得上蝦餃王啊，名副其實啦，認真值得推薦。酥皮叉燒包是朋友強烈要求點的，味道麻麻，表皮酥脆口感，叉燒餡不是很多，味道鹹咗小小，不過朋友話鐘意食。奶茶的話 ，就麻麻啦，奶茶偏向甜味的，不是很岩我胃口喇，因為唔系好喜歡太甜嘅，不過絲滑就好絲滑喇，總體麻麻無咩特色。金錢肚呢嘅時候食幾唔錯下，分量好多，非常入味，食起身感覺很夠火候。價錢不是很貴，服務很熱情周到。

第一次來店裡時會比較難找，因是在一個小巷子死角。熟悉后再來自然簡單多了。蝦皇餃裡面有2個蝦仁，非常脆，很好食。蝦餃皮兒非常薄，不過，一個籠屜里面只有4個，食不夠。腸粉的味道吃起來有點一般，和其他店鋪則沒有多少差別。剛出爐的菠蘿包非常好食，外皮松鬆脆脆的，裡面非常鬆軟。，吃一口，還有很清香的感覺。店裡面菜品比較多，每一次來都能點不一樣的菜品，比較滿意。

都唔係第一次來稻香了，來呢度蝦餃同埋燒麥我係一定會點的，好喇，我去邊度飲茶都會點呢兩樣喇，不過呢度蝦餃真是夠誠意喇，大大兩個蝦仁，撐到成個蝦餃都脹脹嘅，圓滾滾的好得意，好想一啖一個啊，味道又好，香滑可口D蝦仁又脆，可以食得出D蝦好新鮮生猛喇，好似可以係妳嘅嘴度跳舞，嫌吃得唔過癮我叫咗兩份、仲有蒸排骨也好好味啊，豉汁味好濃郁，排骨好嫩好滑好入味，同我一齊去嘅只得我一個人中意食肉，真係大飽口福啊，但係墊在排骨下面的几塊芋頭就搞到我地大戰了一場，邊個叫我們地鐘意啊，仲有碗仔翅都唔錯，好好味，鳳爪又好食，想起都流口水啊、

稻香係好多地方都見到過，不過就未入去過食，難得老友帶我出來稻香食下午茶，好開心。稻香嘅奶黃包確實係有驚豔到我咯，奶黃包表面嘅一層好鬼軟吖，岩岩蒸熱出籠嘅，仲有白氣冒出來，吃進去飛甩其他店嘅奶黃包幾條街喇，入邊嘅奶黃甜甜地，味道好鮮美。蝦仁燒賣係我下午茶嘅菜單，呢間店嘅蝦仁燒賣味道麻麻，不過蝦仁好大一粒，蝦仁肉好彈牙，美中不足嘅系蝦仁燒賣味道鹹咗小小，系下午茶時間食實在唔岩。奶茶都算無功無過喇，味道中規中矩，茶味不會太淡，我中意濃茶，同時都唔會太甜。一餐飯落黎價錢都唔貴嘅，加上適應真系好熱情周到，印象唔錯下。

朋友突然想喺星期日晚上的尖沙咀揾張十幾人枱令我立即hang機又要有信譽保證又要平只諗到呢度係好抵雖然唔係好好食 但雞有雞味 菜又新鮮 所以我比合格大腸洗得唔乾淨有豬臊味雞件幾滑又抵食最正係伊麵 又入味 又彈牙Service no good

一直都覺得稻香雖然係老字號，但係覺得入面噶環境真係有待改善囖…雖然來飲早茶會好有氣氛，不過有時都會覺得好鬼亂。稻香啲叉燒包真係超級無敵好食啊，我平時係超唔鐘意食肥豬肉噶人，不過一遇到稻香啲叉燒包，真係完全無曬抵抗力啊！入面噶餡唔會好肥，所以就連我呢種超驚驚肥噶人都食得。牛肉丸夠曬彈牙，又唔會有騷味。不過碟蒸豬潤就唔係咁好食啦，好大片，而且仲有啲硬，有啲難咬。準備埋單噶時候見到有蒸排骨，即刻就點左兩碟。排骨落噶粉應該唔係好多，但係好入味，啲肉咬落去好嫩，不過一次食太多會覺得有少少咸，不過好啱我口味

吃早茶基本都是在咁樣的地方。很平價，菜式比較多，適合選購。蝦餃皮有點過於厚了，不過裡面的蝦仁個頭很大，味道很鮮美。當然，香港基本每家店鋪蝦餃都非常棒。鳳爪做的很不錯，非常入味，分量也是非常足。來這家餐廳，這個是必點菜品。腸粉的皮實在太厚，並且無什麼味道，只能放在豆豉油裡面來食。一頓餐下來只能講平價。不過，並非特別推薦這家餐廳，侍應態度實在過於一般。總體只能一般嘍。