稻香 (恆星樓)

營業中

休息中

📍稻香 (恆星樓)尖沙咀緬甸臺3號恆星樓地舖由於要房，所以要有最低消費。叫咗一個可以話係抵食嘅海鮮餐，一次過品嚐多款美味海鮮，除了我們，都見唔少枱叫咗呢個套餐。打頭陣係每人一盅熱辣辣嘅鮑魚雞腳燉湯。🦐蒸籠灼蝦，隻隻都大隻，啖啖肉。🥦西蘭花炒帶子蚌蒜茸粉絲蒸扇貝，好夠蒜茸味，扇貝又係啖啖肉。陳皮蒸鮑魚，好大隻，蒸得剛好唔韌。🦞上湯龍蝦伊麵🤤蒜茸蒸龍躉，好食。🐔炸子雞，皮脆肉滑。🐰蓉壽包加上三隻白兔奶皇包，賣相可愛吸引，應晒中秋節。

打風最啱去飲茶, 稻香性價比高! 雖然成日都要等位, 但有品質保証!🌟叉燒包, 外皮白嫩鬆軟, 叉燒鮮嫩多汁,保留傳統水準🌟煎腸粉, 腸粉皮薄, 搭配惹味XO醬🌟粉果大大隻, 足料🌟燒賣肉汁鮮甜, 有咬口, 彈牙美味🌟蝦餃嘅鮮蝦同鮮笋, 用料新鮮, 好食🌟鮮蝦腐皮卷炸到金黃色, 外皮香脆, 裡面充滿彈牙的鮮蝦肉🌟杞子桂花糕晶瑩剔透, 散發陣陣桂花香, 入口清新🌟棉花雞, 冬菇好入味, 雞肉嫩滑又大件, 棉花吸滿湯汁, 正!

8點半前,去尖沙咀稻香,食片皮鴨($88),家人又想食龍蝦,加一個孖寶（ 龍蝦伊麵+海味雜菜煲).片皮鴨,有紫薑,菠蘿,幾特別.豐富,味道不错,超值.龍蝦伊麵,龍蝦,新鮮,味道偏淡,可以接受. 海味雜菜煲,濃淡適中,不錯.紅豆沙,有陳皮味,起沙,有水準.两個人食這餐,豐富,非常滿足.預咗員工不足,自己行去找員工落單,但員工態度都是正常.

訂位好快捷方便，地點尖沙咀或尖東好多出口都只係行2.3分鐘已經搵到，地方寬敞。重點係啲野食勁足料，味道好，烹條大魚整到啱啱好熟，擺碟都落足心機。嗰碟明爐燒鵝真係冇得輸又好好服務態度，而且好乾淨。成日黎換碟咁，啲長腳蟹又勁新鮮，即叫即整。周圍環境廁所各樣都勁乾淨，約朋友食飯或日包房請客真係一流，無得輸。另外，仲要尋日唔見左銀包，佢地執到都幫我收起佢，俾番我。特登打番俾我話搵到，鎖起左，超級好人！！！

稻香酒家的飲茶真係太正啦！佢哋嘅點心唔止係好睇，仲好好食。我一定要推薦佢哋嘅蝦餃，皮薄餡多汁，蝦仁新鮮又彈牙，超好食嘅。另外，佢哋嘅叉燒包亦都好正，餡料香甜多汁，皮軟又有口感。茶亦都好香，飲落去令人好舒服。總之，稻香酒家嘅飲茶真係好正，大家一定要試下！

睇過youtuber介紹，有$28火鍋和$68燒鵝例牌，幾抵去一試。自助煲水機指示不足唔識用，要服務員教。滋補花雕雞鍋很快上，碟雞okay多件，但藥材不多。勝在火鍋可以任飲啤酒汽水涼茶豆漿。之後燒鵝皇到，有盤加臘燭燒住，有氣派但其實唔熱，肉瘦但幾硬吓，加碗白飯夠飽。

星期日早茶特登去試吓諗住早冇乜人唔使等,點知乘興而去敗興而返,根本唔係一間應有中式茶樓既水準,求其屋企樓下D點心外賣店個D都好過佢.一個什麼XO醬炒蘿蔔糕咸道苦根本冇可能食, 比返佢話換過另外一碟佢話全部係工埸做,一樣嘅,所以冇得換之後同你取消,糯米卷乾,硬同埋一D味都冇,不知所謂,排骨陳村粉差唔多用水煮, 水汪汪. 煎蛋牛肉飯D牛肉係平時賣唔出D山竹牛肉留低既,飯就乾,硬同埋有D生米,三個點心上咗退返一個之後即刻走人,茶都唔飲永遠不回頭

發現位於緬甸台稻香酒樓有一個超值套餐，是全包宴。我們六人，柯打了半席，成為$1198。穗香貴妃雞，一般酒樓水準冇特別。上湯焗澳洲龍蝦伊麵，賣相都幾靚，好大碟都好飽。正。原盅花膠海中寶，有五指毛桃、菇菌、花膠、鮑魚和雞。味道一般啦。金銀蒜蒸鮮鮑魚、鮑魚算大隻，味道都唔錯。雲耳淮山浸翡翠鮮味道清甜。碧綠元貝胭脂蚌，鮮甜美味，還有帶子，菜是西蘭花。清蒸大富貴班，原隻海斑，鮮味。鬆脆杏仁海皇丸，但係好鹹。食完都口渴。歡樂奶黃卷，我覺得好甜。味道一般。還有一個飄香糯米飯，味道唔錯喎。整體嚟講，有咁多嘢食，又平，超值。

 一行十人告別飯，找間有房間的地方較好私隱。天氣涼了，房是密封，逐開冷氣，顯示 20度，體感有 25度，可能壞了吧。當晚點了以下菜式:1. 象拔蚌刺身 - 一般新鮮2. 燉湯 - 希而沒味3. 阿拉斯加長腳蟹 - 水蟹肉削，極為失望4. 炸魷魚鬚 - 粉漿厚帶油5. 沙拉蝦 - 沙律醬酸到渴喉，蝦是正常6. 東星斑斤頭兩條 - 時間掌握，肉滑7. 原隻燒鵝 - 全晚最正常8. 羊腩煲 - 好硬好柴9. 啤酒 - 叫了再追，人手不足前幾個月和家人來過，完全是兩回事。可能人事有調動，大廚不同了。是晚每人 $45，街外應有更多選擇。

呢間稻香真係好正平令正，好正呀！料又足🤭😋💜●‿●💜🏡：👍🏻👍🏻👍🏻👍🏻😋：👅👅👅👅💵：$500一位🚶🏻‍♀️：🙋🏻‍♀️🙋🏻‍♀️🙋🏻‍♀️🙋🏻‍♀️#hkfoodieblogger #hkfoodies #hkfoodlover #hkcafehopping #hkcafes #hkcafelover #coffeelover #香港食好西 #香港美食 #香港吃貨 #香港咖啡店 #香港咖啡 #咖啡日常 #香港美食指南 #香港小食 #hkcoffee #hkcoffeeshop #美食 #cafe #推介

昨天早上7点半同干儿子去了尖沙咀的稻香喝早茶，因为贪近及开得早。我在香港🇭🇰活了四十几年第一次去稻香喝早茶😅😅！我挺喜欢自助冲茶，自己一手一脚搞定，不用麻烦人，不用受人气😀，而且环境舒适宽敞宁静的（不太吵），装修光亮大气😀。但传菜员的态度不好，有代改善！咱们叫了八款点心，最喜欢的就是羊肉肠粉（吃了2碟），我估全巷只有稻香有得吃，羊肉不（藓），肠粉皮好滑，味道好😘😘😘😘😘😘值得推荐，其次是马拉糕，味道及件头都不错哦，萝卜糕也可以，鲍鱼烧卖做特价但味道不错哦。个薄撑味道可以，但太湿，不夠香脆，叉烧包味道太淡，潮州粉果皮厚没有味道，小笼包多汁但个皮一夾就散了，基本上点心不是太出色，只是不过不失，但算是选择挺多的，而且早茶做六折，休闲嘆早茶也算是一个好去处！😊

我和我的老朋友時常喺尖沙咀去百樂門飲茶，可惜因為疫情嘅關係佢哋停了幾個月，疫情真係影響咗好多香港嘅飲食行業。最近想起有一間酒家係稻香酒樓，係喺尖沙咀緬甸臺嗰邊咁就不妨試下啦，睇見有個牌有啲特價點心都係$12.80 哇喺尖沙咀嚟講好抵呀，咁就叫多啲啦。再叫多一個沙茶安格斯炒河都係68蚊啫。試了一碗無味精家常湯$5。以咁嘅價錢嚟講所有食物都係合格的，自動化飲茶機都幾得意。講句真心話，百樂門的點心係比較好食，但價錢就沒有咁便宜啦。好食嘅點心就當然唔及得陳師傅點心專門店啦，但呢一度地方夠大坐得舒服，可以慢慢傾下計，掛住傾計掛住食野都唔記得影相。總之喺尖沙咀想同一班熟朋友傾計傾耐啲又平平地，的確係一個好選擇。

酒店附近的餐館，走路方便，隨便一試。如果不期待服務，只關注餐食，還是不錯的。份量和口味都蛮到位，其實一個菜就夠一人食，白菜仔很好味，燒雞也很好。 排隊到落座後已沒有宣傳的1蚊乳鴿。 總體服务人员非常生涩和粗鲁，即使一個人消費400蚊還是會強制收茶位费，不会主动記得拿来泡茶的壶，要專門提醒。點餐後還是會有幾個不同的人來問你是幾位用餐，表情和態度有些許不耐煩。確認點單時服務人員會因為沒有點帝王蟹爾失望，即使只是一個人吃飯。服務人員會當顧客的面互相高聲吵架，果噪。

刚在尖沙咀見完客，在附近看見這間外表幾吸引的稻香酒樓，就打算入去飲茶食晏。内裡環境寬敞，欣賞他們自動煲水機勝在水滾茶靚， 自斟自飲比較方便衛生， 但點心質素就好吾掂，必需要大大改進，否則完全浪費這個地鋪位置。懷舊猪肚雞扎，用料低質，鸡肉有雪味，用硬掘掘猪皮代替魚肚，真失望。奶黃卷拼糯米卷，糯米卷味道一般般，奶黃卷口感實DD，嚐一口可以放低。叉燒腸粉，叉燒同是有雪味。這裡除咗茶葉獨立包裝質素比較好，點心真是不值一提。

這晚主要來吃$1乳鴿，這乳鴿個子不小，皮脆肉嫩，真是價廉物美。除了$1乳鴿，還點了$28的鮑魚黑蒜汽鍋湯。這汽鍋湯內的食材，除了有鮑魚，還有雞肉、雞腳、豬肉、黑蒜和一小塊花膠，材料可謂十分豐富，但是味道就只是一般，因為有點過甜。這晚我們還點了一碟雲勝泡海蝦，這海蝦比較細隻，但肉質和味道都不錯，雲耳沒什麼特別，勝瓜就不夠嫩，口感欠佳，加上這湯頭，淡淡的沒什麼味道，所以這菜也不十分吸引。食物方面，總的來說，就是乳鴿最好吃，其他的只是一般。此外，由於人手不足，所以侍應都有點忙不過來。有時請侍應拿點什麼的，對方轉頭就會忘記，要另外找侍應幫忙。