稻香 (新翠商場) (已結業)

星期六(04Jun2016)往往飲茶的人多，顧客進入時仍是酒樓的午市時段，不等待下午茶時段的開始，顧客就要求以"午市入座"，入座後點了三款食品，其中的燒腩仔瀨粉，等待了近半小時還未到，揮手找樓面，有看見的顯得視而不見，終於有一位看見了並打手勢示意"收到"，但亦只顧其它工作（舖檯布、擺位等），數分鍾後才來了解情況，然後才發現了漏單，當時約下午2時30分，隨後再等至2時45分，依然未上瀨粉，揮手再向先前跟進的樓面，樓面亦以手勢表示知道顧客有要求，但並無前來，繼續收檯等工作，最後另一職員發現，前來了解後向顧客再確認一次"燒腩仔瀨粉漏單"！！！

顧客在用餐期間(22May2016)，不時要等候上菜，上菜亦無按菜單所列作為先後次序，食物整體而言，是可以接受的水平，但原菜單上的荷葉飯樓面說沒有，並建議以炒飯代替，而從外觀而言，只是蔥花蛋白炒飯，最後顧客要求將飯取消及合理扣除款項了事。但在上水果時，顧客發現蘋果上的貼紙還未除去，更由此推理蘋果是未經清洗，與樓面理論後，職員將蘋果回收、清洗及除去貼紙後才再一次上桌。

一如以往，差不多每逢週末也會與家人飲茶，而新翠的稻香是我們經常會來，因為大圍非常欠缺正常水平的酒樓。從有$6元特價點心吃到現在，價錢愈來愈價，而份量卻慢慢在減。栗米花姿餅共有三塊，雖是煎炸點心，但上菜時已不熱，明顯是放了一段時間再出菜。整體味道略淡，沒什麼味道，還需沾點喼汁吊味。在此之前每粒燒賣也有兩粒鮮蝦，但現在只餘下面頭的這一粒，另外的用豬肉代替。燒賣有點太淋，差點夾散，質感只是一般。味道還算可以，但無特別。叉燒飯從一碗($24)變成只有一碟($30)，但份量竟一樣，真是離譜。只有三小碗份量和七件叉燒，今天的叉燒燒得有點乾和不夠肉汁，可是蜜汁令它表面看似juicy，實情卻不是，味道只屬一般，退步了。鳳爪OK，可是後面的蒜蓉蒸鮮魷蒸得太老，變得軟腍失去口感，而且有點雪味，非常不新鮮。

星期一已訂枱8點，15人人齊未夠7點9已到，話未夠鐘未俾得枱住，唔緊要。等到8點05分，夠鐘有突啦，仲未有安排，再問，竟然話之前d枱未走，冇辦法，叫我地再等下，等幾耐唔知，而我地竟然係排隊等第3張大枱咩叫book枱？點解要再排隊？冇人答到，聽完當耳邊風再過左15分鐘，排隊攞飛d枱係咁入，偏偏book位的冇得入，其他book左8點的人都出聲，店方都係話之前d枱未走有人不滿離開我地15位真係好難轉場，焗等，已經過左8點半，冇為意具體時間，有帶位話d大枱冇乜意思埋單走人，安排兩張鄰近的六人枱，拼埋一齊俾我地15位坐，真係匪夷所思！等執枱又傻時間，執好拼好枱，仲未有大枱埋單，孖枱咁畸呢都係第一次，坐低開茶睇菜單，已經係8點53分攞飛過5個冧把要重頭排，訂枱遲到15分鐘取消booking，但客book左就等到天昏地暗，你玩晒啦！如果冇能力安排在預訂時間入座，唔好接受book位啦！

週末放假又是family day，在大圍沒有什麼值得飲茶的茶樓，勉強可以接受的唯有是在新翠邨的稻香。所以每星期的兩日day off差不多都會有一日來這裡用膳。星期六的人較星期日少了一點，但也要等約20分鐘；這裡的服務一般，有時態度還不太好。點心紙有兩張，這是其中一張，雖然選擇不算得是少，但也不多，每次也想很久才拼拼疊疊得八至九款(雖然經常也吃差不多的點心)。鮮蝦腐皮卷新鮮炸起，頗香脆惹味，沾少許喼汁更佳。腸粉的皮有點厚，這也是一般酒樓的共通點，更何況是流量這樣大的連鎖酒樓，品質當然不會很好。三式腸(豬肉、牛肉、叉燒)可以試不同款式，不用那麼單調，但也不會期望它會是什麼足料腸粉，味道沒有特別。紅油炒手的辣椒醬是微微的辣，連我這不大吃辣的人也覺得好吃。餛飩皮薄且滑，唯其中一較好的點心。叉燒包的醬料比例不址勻，醬多但叉燒少，令整個包過份的甜，麻麻地啦。黑椒金錢肚份量極少，只有約五小塊，但這是大點，極不抵食。雖然醬汁頗濃，金錢肚算軟腍，味道微微的甜帶少許辣，但好唔抵食。每粒燒賣約有兩隻蝦，燒賣的蝦尚算彈牙及新鮮，味道算是不錯。

全家人約好左食飯，決定去食稻香，等左大約10分鐘左右就有位👏👏，叫左個龍蝦伊麵、乳鴿，味道都可以，乳鴿唔太咸又夠脆😋，可惜龍蝦個汁太黏不過都幾新鮮有鮮甜味，個伊麵都幾好吸左龍蝦既味道，一家大細都可以試試，每人大約150-200蚊👍🏻👍🏻

最近發現稻香推廣夏日大優惠，波士頓龍蝦伊麵$58，妙齡乳鴿$24，魚翅燉湯$24，係未睇見個價錢都心郁郁想試下呢😋正好女友屋企樓下就有一間所以就相約女友家人一齊落去食下！等左一陣就有位，入去睇見餐牌話優惠只係晚上6點至9點，好彩時間正好！我們二人點了兩份龍蝦，兩隻乳鴿，兩個燉湯！等了又等，吹了又吹，等了差不多25分鐘先到菜😡員工的服務態度就是沒有態度，認了就算，吹了等如冇吹！但在一點怒氣下開始進餐，感到喜出望外，雖然價錢平宜，但質素不差，正所謂咁既價錢；咁既質素之上！上湯龍蝦伊麵，雖賣相不是很給力，但味道不錯，龍蝦新鮮，伊麵有上湯味，不錯！乳鴿味道亦不錯，唯獨外皮不夠脆！味道送啤酒一流！魚翅燉湯，當然只是翅邊，但足料，有雞，有金華火腿，湯味固然濃！因為酒樓開了不久，地方暫算乾淨企理！雖員工服務不是太好，可能人客眾多，但食物味道同價錢足以令我再次光臨！大家有興趣不妨一試，應該每間稻香都做相同優惠！

今日同家人食晚飯，環境可以，食物味道偏淡(本人接受)。不過可能人多，單比較混亂，我地4個餸，其中2個等左勁耐，相信應該係漏單。乳豬同义燒都做得幾好。下次會再試下佢地既打邊爐，睇落都好吸引。