稻香 (新翠商場) (已結業)

嚟到舊屋邨穩朋友食飯，以為舊屋邨都無咩好食，估唔到能夠食到咁新鮮嘅阿拉斯加蟹，驚喜之外係小炒都咁正。環境同侍應服務態度都唔錯，隔離就係車公廟下次拜拜神之後又一個好去處

是日同屋企人提前慶祝中秋節，就近近地選擇左樓下間稻香酒樓食番個晚餐，因中秋節前夕，所以酒樓都set 左有中秋節既套餐或散叫都得，我地最後都叫左個套餐，首先上左半隻燒乳豬，個豬皮都燒得幾脆口，唔太油尚算ok!😋!之後就有半隻貴妃雞，加埋d 沙薑汁點埋隻雞,味道就岩岩好！否則隻雞就冇咩味道！ 之後仲有大北菇扒生菜，個蠔油醬汁都幾惹味，個菜索晒d 汁幾正！😊之後上埋個雞絲翅，係勁咸、個廚師係咪落得太多鹽呢！😣，最後個炒糯米飯竟然有驚喜，幾煙un,個味道幾好味！仲送埋一碟橙比我地、酸酸甜甜可以消化一下！🙂

同好友路經新翠，被任食火鍋吸引。大約等左三分鐘湯底就送到令我同朋友喜出望外係食物的質素和食物的種類，由其係蝦同蠔，非常新鮮！而且食物種類繁多，令人食慾大增相信會再次光臨新翠稻香

咸水角有四件，平時飲茶都只是有三件，所以四個人去飲茶都一定夠分。不過我今次只有兩個人飲茶而已。這東西外面脆，皮很薄，餡也很多基本上都塞滿了整個鹹水角，味道好好，唔會太咸，唔會太油。灌湯餃唔會太油,但是在材料方便我覺得還是欠了一點點。以前食過最好食嘅灌湯餃裏面係會有一啲材料是軟綿綿的，但呢個灌湯餃卻沒有太多，口感沒有我想象中那樣。味道還是不錯的，加點浙醋，也很好食.對於蝦餃我有點失望，因為夾起蝦餃嘅時候上邊嘅皮同個底就徹徹底底分開了，食左兩粒都係咁，有少少敗筆。但其實佢個皮個質地係唔錯嘅，雖然唔太薄但食落好彈牙。而佢裏便嘅蝦都好大隻味道好好，好新鮮，好彈牙.

唔記得幾時開始，稻香每年都攪一次一蚊雞活動。之前都食左好多年，而最近2年無再留意呢個活動。點知今日，有親戚告訴我，今年一蚊雞係原隻烤雞，不再是以前每年的白切雞，一想到係烤雞，即刻想去。就係咁，今晚就去了屋企附近果間稻香，去到可以因為一蚊雞，都要排長龍，好彩我訂左位，一去到就有位了。而每次食一蚊雞，少不免都要叫個飲料自助Bar，去飲下芝麻胡、杏仁胡、紅豆沙、綠豆沙。今年個活動多左個condition，係每2人才可叫一隻，其實，2人叫一隻都好夠食。

今晚約咗一位老朋友喺隆亨邨交收淘寶物件， 咁耐冇見梗係要坐低傾下偈食餐勁㗎啦，我呢位好朋友係食肉獸而我就比較清淡一點，所以選擇了去打邊爐，可以各有各點！附近新翠邨呢間稻香，之前午市飲茶都試過，食物都唔差，於是我們決定走過去看看，原來八點半至開始自助火鍋，所以我們等了一陣，直到夠鐘至入去，叫了一個沙嗲湯底，味道都算濃，湯底唔錯。小牛排不算太肥，好可惜海蝦畀之前我試過起碼細了一半，服務員點菜時經常漏單，點了皇帝菜，但賣曬又唔通知，整體感覺較之前退步！

同媽媽去完車公廟拜神，然後行去新翠商場裏面的稻香酒樓飲茶，當時一點半，其實都不是太多人，因為大家都在等兩點下午茶。但侍應都要用左十分鐘先安排我們入坐。我地點了燒賣同菜遠牛腩河，雖然唔係下午茶時間，但d 野食都要二十分鐘先上到。燒賣個皮散的，而且味道有油益既。唔知佢係咪用左千年油，好彩我地只係叫了一碟點心。菜遠牛腩炒河炒河都算正常，不過可能因為傳菜姨姨傳完餐廳一個圈之後先到我們枱，個河粉已經涼了。味道其實是可以的，牛腩份量都足夠，唯有快快食啦。

830 開始任食火鍋，9 點去到坐低叫野食，竟然同我講話得返娃娃菜，好啦再叫其他，叫牛小排就黎左肥牛，問d 服務員有無黎錯，佢話無，ok 我話個d 牛太肥我地唔要喇，佢竟然同我講你唔食就放係度啦反正都係任食再叫過啦。完全0禮貌，問佢野十問九唔應，應親都係hea 你，淨係識係度問自己d 同事幾點收工自問差唔多每兩星期打一次邊爐，稻香唔同地區都去過幾間，唯獨係今次真係完全接受唔到， d 員工完全係唔想做野，黑口黑面都唔知想點以後我寧願落沙田同人迫要等位都唔會黎依間唔洗等位但係要受氣

每逢假日就同太太回娘家，今次外母提議到稻香食特價小菜，因為外父話唔係好肚餓，所以就叫三餸加兩碗湯佛跳牆（$54） - 料係足既，鮑參翅肚瑤柱都齊，但燉湯唔熱，鮑魚正常，海參內臟未去清，魚翅群邊現灰黑色，魚肚好似一條鼻涕，難食！乳豬全體（$188）- 乳豬唔會得層皮，食落啖啖肉又夠脆羊腩煲送生菜（$168）- 冬菇、筍、枝竹、炸魚片、馬蹄，配料十足，羊腩冇羶味，但炆得過火，一夾即散咕嚕肉（$78）- 似快餐店煮定一大盆，要就加熱上碟，炸排骨已被糖醋浸稔

今日放假，所以陪媽媽去飲茶😎下午茶2點開始，1點9拎位，好少人，所以唔洗等準時2點入座。一黎叫左胡椒豬肚😋個味唔錯，不過可以再濃啲! 枝竹唔夠新枝，仲有啲難咬!豬肚反而好淋，幾入味!媽媽話雲耳最正，又爽口!我比3.5分＜5分滿分＞第二樣係大大隻既裹蒸糉😲有粒大瑤柱，但有啲難咬!蛋黃好大粒! 最正係粒蛋黃!綠豆較少!入面好少料!味道普通!我比2.5分＜滿分5分＞不過抵就抵在於食裹蒸糉+$1有一籠流沙包（本身係皮蛋瘦肉粥但冇哂所以轉左包）超級好味!好熱!夠哂熱!絕對係流沙，好正呀!😙一咬流左落個碗到!我比4.5分＜滿分5分＞最後食左雞扎拼鴨腳扎😂（雞同鴨講!）<--gag味道唔錯!個腐皮難咬!雞唔滑!鴨腳冇雪味!都幾好!我比3分＜5分滿分＞飲左n杯茶，冇乜人所以侍應好快手加水茶就唔好高期望，飲得落普普通通正正常常啦!唔算貴，建議多啲下午茶既點心。

母親節，點都要同老媽子食飯嘅！預咗母親節食飯，又貴又唔抵又要等位，都唔知去邊到食飯嘅時候，屋企人原來已經訂咗稻香食飯，好，又睇吓稻香咩料先！其實早年自己接觸過稻香，有d生意交易，知道稻香對食品材料有要求，所以早幾年話稻香賣藍色雞，我一睇就做係被人玩啦！今次食飯，都係叫點心為主，我特別點咗蝦餃同潮洲粉果，因為皮薄易爛，兩籠蝦餃都無問題，潮洲粉果爛咗一件，算係噤啦！再叫多一客波士頓龍蝦伊麵，龍蝦肉少咗dd，而且凍咗少少，唉，母親節算okay，反而牛肉球份量少咗d，其他點心都對唔錯。最後，母親節咁多人去食飯，上菜速度都叫快，哩點抵讚！

星期一晚上，專程去食稻香特價晚市，60蚊的油雞，148的龍躉兩味都相當吸引。7點左右唔駛等位，一人一個燉湯，插曲落錯單，仲要唔認自己有錯，算數街坊食店係咁ga la, 雞又算幾大隻，兩味亦唔錯，另外再點咕嚕肉同炒多一個白菜仔， 埋單47x , ok la

想陪下屋企人朝早去飲下茶咁，就去左稻香飲茶，不過因為星期日，所以都要等十幾分鐘位。三個人叫左六樣食物其實都夠，而且都唔貴，加埋茶位都係一百多D，幾抵下。食物個到我最鍾意食佢個蝦餃，佢隻蝦好爽，而且配埋辣油咁食會仲好食。仲有紅油抄手，佢唔太辣，但佢肉香味好香，而且皮薄，真係幾推介。最後個飯都好平十幾蚊，而且幾大碗，肉又多，超抵食。所以一家人食飯，稻香都係一個唔錯既選擇。

稻香有間廚藝訓練學院，專訓練人才，好似好專業。是晚俾部長不停推銷月餅券， 最後用145元買了一張，餅券附有小菜一碟，我們選了蜜汁叉燒。叉燒色澤均勻， 瘦中帶肥，内質好嫩，正。麻辣雞蝦煲，上枱嗰煲雞勁细煲， 与餐牌之相片完全不同，實有欺騙之嫌😤。鬼叫相片 只供參考之用。嗰煲d 汁調較之味道不錯，但蝦不新鮮 ，梅梅地，雞肉尚可，煲內還有魚腐，魚腐好彈牙，初時我以為是芋頭。魚滑泡菜苗，清清地吾錯。

我們一家人需佔用三圍枱 沒有獨立一間房已經奇怪 菜式更是差以入口 黃金蝦極咸 大部分菜色以油佔大部分調味料 要求白飯時 等待接近1小時才上。所謂的翅 更是讓人「耳目一新」食用的時候就像喝白開水一樣 並且沒有調味醋一同上枱 要求時直至埋單仍然沒有。雞方面 上枱還沒有完全熟透 而且有極多油 夾起時仍能看見有油滴下來。對不起 這是我在稻香分店中「最難忘」的晚餐