稻香 (已結業)

昨晚收到我妹的連環訊息， 慫恿我去趕稻香的一蚊雞尾班車呢~ 可能今天是星期五或者是最後一日做優惠的日子吧，所以都頗多人一家大細一齊等位啦。等了45分鐘終於可以入座了，途中經過的每張枱，基本上也有一隻兩隻雞呢~ 既然1蚊隻雞咁抵，我們決定食盡D就叫左一人一隻雞再炒碟菜，當然自助吧都唔少得啦。1蚊雞黎啦，份量十足！原先諗住咁多人叫可能做唔切會凍哂或者比較老，點知又唔係喎，食落口仲係微暖而且都頗滑但得一碟3葱段豉油而冇薑蓉梗係覺得欠了點什麼……蒜蓉炒通菜，普通，稍油~12蚊1位的自助吧很豐富呀，有汽水，有酸梅湯等飲品，有果汁沙冰機，有紅/綠豆沙糖水，亮點是即磨芝麻糊及杏仁茶機（原先以為是咖啡機呢）這是朋友用杏仁茶拉花的鴨仔芝麻糊呢芝麻糊真的很香呢，不似平常的沖劑！杏仁茶也一樣，2樣組合起來更加美味最後2個人食到捧住個肚走先黎後悔叫太多了，如果不貪心只叫1隻半就不會吃太飽了

燉湯超多料，味道ok，老實說，食量不大的話已經飽了一半。栗子雞煲普通，因為栗子唔靚。反而蒸海斑超有驚喜，份量大，又新鮮。這間稻香和其他不同是超靜，因為晚上食客不多。侍應們全都服務好好，又不用等位。

講你都唔信，稻香經常做特價，朋友又話抵食，但我一次都未食過佢哋啲特價晚飯小菜，今日終於有機會來試吓......這間位於工廠區，星期四 6：40pm重有好多位， 兩個人，每人整碗精選燉湯 $18, 今日係唔知咩菇燉雞，ok好味。另外有菜膽雞燉翅， 但我哋唔會叫翅食囉。清蒸中青斑 $58， 好大條，蒸到都啱啱好, 蔥絲好多 呢個價錢，自己去街市都買唔到。薑蔥廣島蠔 $68, 味道很好，炸漿皮夠薄，但衰在唔夠熱，要扣分。臘味鬆爆菠菜 $65, 佢重連埋啲冬菇粒一齊炒，無諗過咁大碟，又夠香，正！老公本來重要點半隻燒鵝， 好彩比我阻止佢，唔夠至再加， 如果唔係，一定食唔晒，又要打包。更值得一讚的是，這間分店的職員，由經理到傳菜亞姐，都非常有禮貌，比較其他分店的，這間服務好好多。總結， 抵食夾大件，味道唔錯，服務態度很滿意。

舊同事生日約飲茶大家聚下傾吓計最好就係一邊飲茶一邊食點心慢慢坐下圓枱圍著坐又方便傾計稻香點心一般般不過我就幾鍾意食佢個口水雞點心拼盤就差啲，上枱全部野都係凍嘅。我鍾意個懷舊馬拉糕同埋鳳爪但個甜品就怪怪地好似食草咁

自從去完泰國 係個邊日飲夜飲椰青水之後對呢樣野都有啲興趣 無論係椰青糕呀 而家勁heat既椰青甜品 或者 周街都有既椰青水我覺得都幾健康 好過成日飲汽水或者其他奶茶咖啡個啲清熱下火 感覺舒暢!!!!難得見到報紙話有得用椰青水做湯底打邊爐喎?! 即刻相約幾位朋友去稻香打個椰青邊爐啦!!!不過我對稻香都係感受參半...香港人既品牌款式集中 款款皆精既呢隻就係傳說中既芝麻雞成隻上 擺明「無走雞」喇!!椰青底加埋椰子肉落去 椰味重 聞都聞到呀!!! 口水開始流喇下火又清熱氣 真係幾岩我呢啲燥底怪食!!!鮮青檸 加 鮮沙薑磨合而成既醬料(鮮沙薑比平時既沙薑粉香同薑味重好多 而且食落就知係新鮮好味)蜂巢豆腐 打邊爐一定叫 佢會吸晒個湯底 做成一粒高湯豆腐 好美味架!!!!打邊爐 蔬菜打個底 可以減少吸收更多油份 邊爐都打得開心又健康啦!!! 而且每樣有啲 係新鮮既!!女士們又好男士們又好 食多少少骨膠原類 人都靚啲又後生啲食幾多都唔怕啦!! 而且佢好彈牙又重膠質 呢種膠唔怕食呀!!!黑豚肉 查實打爐真係比較少見 即使我見開都係比較淡色系既豬肉而佢呢個係日本豚肉 色澤上都見到有級數之分 紅中帶白 脂

其實同朋友食飯揀食咩真係一件好高深學問，有時又話唔食呢樣、唔食果樣，但打邊爐真係無得輸，鐘意食咩就食咩真係一個大解放。椰子芝麻雞煲$90入到稻香就見到呢個雞煲好抵食，就二話不說快快手揀咗，而佢雞件份量都好多，食落去雞件亦好滑溜，但重點佢個椰子湯低真係超甜，淨飲個湯都好好味。田遠菜籃$48鐘意食菜嘅我就叫咗呢個蔬菜籃，以呢個價嚟講都算唔錯，而蔬菜都幾甜幾新鮮。蜂巢豆腐$48如果叫呢個椰子湯底，就真係要叫蜂巢豆腐，因為佢嘅吸湯能力超高，食落真係好似去咗椰子海一樣。自選雙併：鮮蝦雲吞及韮菜餃$48鮮蝦雲吞真係大隻加抵食，蝦肉鮮甜之外亦都好彈牙。滋補花膠仔$48花膠仔份量都好多，呢個價錢嚟講真係超抵，食完花膠仔個人好似養顏左。美國牛小排$48有別普通肥牛，牛小排嘅牛肉味比較濃香，真係食唔停口。

奧運熾熱的心，沒有停止或許我的工作常接觸運動員的緣故。八月份正正是奧運兼暑假，忙碌到不得了。假日真的需要輕鬆一下，與好友相聚片刻。椰子雞煲是近期火熱的食物，清甜不上火完全適合我。今晚特意到九龍灣Mega Box「稻香」飯聚，為了見證「牛下女車神」的歷史時刻；預訂房間看奧運是常識吧。除了奧運還有捉精靈狂熱，應該是半個月流行的趨勢；而這裡又是一個熱門地。椰椰芝麻雞煲是今晚的主角，海南清風炎夏送爽。晚市正價時段$90/隻，$50/半隻；餐牌例明凡惠顧椰椰芝麻雞鍋送燕京啤酒（每隻送4罐/每半隻送2罐）不過我們對燕京啤酒真心不是太喜好，告訴店員不要送來便好了；為免造成浪費。椰椰芝麻雞煲$90原煲的椰子水及椰肉煮滾，倒入穗香雞煮約五分鐘；先嚐鮮雞的嫩滑程度旁邊更有鮮沙薑醬及青桔仔汁同食。天然的椰子水清甜，令到雞味濃郁，自家製的穗香雞由海南直送配上清甜滋潤的湯底更加甜入心。北海三鮮：珊瑚蚌、桂花蚌、雪花蚌$78三種海鮮不同配搭，起碼每個人都能夠選擇自己所需。海鮮吸收了100%椰子水的味道，鮮味突出亦帶點爽口。特別桂花蚌是我的必點之選，美味極了。黑豚梅肉$38圓圓的梅肉，肥瘦均等；不過梅肉永遠都是煮熟

椰子雞鍋🍲兩人有一隻🐥四人有兩隻👍🏼 湯底好香椰子味 但無咩味🤔勝在多款醬料👏🏼 推介美國牛小排 $48一碟😋好厚身😍又夠肥☺️仲有其他好多火鍋料揀👅牛肉真心食得過！😋😋 新鮮之餘口感都好好！夠厚身！唔靭湯底真材實料 好多椰子同雞

同屋企人去飲茶，就諗住去稻香“大路Ｄ”野食應該都ok la~ －入去坐低見到Ｄ餐具“好油”同“ 好污糟”，咁都算la自己洗乾淨la~点知重有其他... 叫野食11:20叫完,到12:00都重未有野食食,都算la，同自己講可能Ｄ員工要食午飯慢Ｄla,到野食終於黎la~ 我地叫左燒肉飯～Ｄ飯係凍架，似係放左好內,就同個侍應講～佢有幫我地～幫我地“叮”一分鐘甘lo。 根住我地重叫左沙薑雞腳，只黎左雞腳～碟沙薑係要問侍應攞架～個侍應重話：你要呀~攞比你lo～但佢講完都係冇攞架～再問第２個先攞比我地！Ｄ服務真係差到呢

今年提早在24/1食團年飯，因聽聞此處人流較少，容易訂位，固來此一試。我們六點到達，發覺全場爆滿，大多客人在打邊爐，氣氛熱鬧，想是今日只有4度有關，雖然客較多，但服務仍算週到。我們一行18人，叫了两圍2388的套餐，是預訂價。乳豬皮脆肉瘦，有微溫大蝦伊面大蝦爽甜味道好脆肉瓜冇相，味道不俗，稍嫌肉太少 炸墨魚丸，在座一位牛丸廠老板話大多粉，唔彈牙，冇鮮味。這個頗鮮味，但梢為杰了些蒸魚稍為過了火，肉靭了這味冬菇鮑魚娃娃菜份量十足，冬菇夠香滑，鮑魚味鮮肉稔，娃娃菜更吸收了醬汁，好好味炸子鷄皮脆肉滑，有水準糯米飯夠晒合時，夠暖胃及飽肚桃飽新鮮軟滑及香甜最後的大柑雖然清甜但賣相則欠佳。總結今晚團年飲食得很開心，一來餸菜美味，更重要的是能和家人團年是幸福的。另外當埋單後看見此處除了稻香的一般優惠美食外，更有58元一隻龍蝦伊面，我决定過年前再來飽餐一頓。

今天星期六, 下午選去九龍灣 Mega Box 的稻香酒樓午餐, 因為這商場食店多, 所以較容易有位. 酒樓設卡位雅座, 長枱, 大圓枱, 適合不同人數, 頂好 !我們一行六人被安排坐大圓枱, 坐近窗邊, 可遙望郵輪碼头, 位罝不錯! 看見美好的陽光, 真舒服的座位 !我們第一点了冷盤雲耳小食, 很夾脆可口, 配醋! 大家吃罷更增加好胃口 !隨着叫了一般大路点心:义燒腸粉, 燒賣, 鮮蝦腐皮卷, 炸脆豆腐, 千絲籮蔔蘇, 煎絞子,炸綾魚球, 蒸牛肉球, 紅油抄手等等. 点心廚藝可以, 比較好的是紅油抄手, 調味好, 賣相也佳.炸脆豆腐麻麻, 入口不夠香, 不是佳品. 其他質數一般.雜菌伊麵, 炒得味道很好, 但是精美細碟.甜品有: 洋芝甘露, 布甸, 杏仁茶, 芝麻糊. 杏仁茶最差勁, 因為看見侍應生從大堂自助枱中取來, 看見她加水, 好像是杏仁霜沖水, 食入口淡而無味, 下次一定不要 order 這款大行貨.一般的酒樓, 平均每人午茶消費約100元, 稻香價錢是比較大眾化一点, 每人約 75元便可肚吃一頓. 特別是餐後可自已到櫃面埋單, 免貼士, 更經濟 !但補充一句是, 此食店侍應

放假不用早起, 與兩老來megabox飲早茶兼行街. 以為megabox有很多酒樓, 大把選擇. 原來大部份酒樓平日只做午市, 沒有早茶! 一場去到, 就近地去了有營業的稻香飲茶. 可能位置關係, 早上飲茶的茶客不多, 酒樓只有三分之一滿, 起初連冷氣也沒有開呢! 後來茶客漸多, 開了冷氣才好一點. 我們要普洱和水仙, 但只拿了一壺水仙來. 我們要求補回時, 有個好像是部長的態度很惡劣地說"咪拎左茶俾你地囉!", 之後便面黑黑地拿另一壺普洱來, 態度之差, 令人側目!從餐牌上見到早茶點心有半價, 連特點都有, 的確很超值呢! 於是便在點心紙上劃劃劃.由於所有點心都是即叫即蒸, 所以要等一段時間才送上來.鹹魚雞粒飯: 落單不久便送上, 大概是因為做特價1 蚊一盅, 一早蒸好一大盆的關係吧! 盅飯份量頗多, 用上了梅香鹹魚, 加上雞粒同蒸, 鹹味剛剛好, 白飯也滲滿了雞肉和鹹魚的香味, 飯粒又不會太腍太乾, 意外地好吃!陳皮牛肉腸粉: 腸粉尚算煙韌, 牛肉一般水準, 吃不到有陳皮.稻香鮮蝦餃: 外皮較腍, 頗容易爛; 蝦俊尚算爽口.黑椒金錢肚: 看起來很大碟, 其實下層是用齋(麵根)托底的

HAPPY FRIDAY 梗係要對自己好d 出去食餐好啦! 早幾日打開報紙見到稻香做緊推廣: $58上湯波士頓龍蝦伊面、$24紅燒乳鴿 及 $14一盅燉湯。星期一至五先係哩個價錢 我地就趁星期五晚去試下。我地就揀左一個上湯波士頓龍蝦伊面, 咖哩金菇肥牛, 黃金豆腐磚及香蔥焗蠔煲。等左五分鐘左右龍蝦伊面就上枱喇….嘩…龍蝦都幾大隻, 即刻試試先, 一入口已經知咩事….隻龍蝦吾熱, 只係微暖, 而且蝦肉一d都吾彈牙 只係食到雪藏味, 超失望!! 咖哩金菇肥牛: 只係食到咸味, 咖哩味欠奉。香蔥焗蠔煲: 哩個都好惹味, 上枱既時候個煲仲好滾…哩個值得推介, 不過就好膩一件起兩件止。黃金豆腐磚: 豆腐炸得好香脆, 外面包住一層薄薄既炸粉之後上面灑上左七味粉, 十分香口、美味。可能晚飯時間太忙吧, 侍應的服務態度及笑容都欠奉。

今晚臨時決定去試下稻香今期半價推介，事前早已打電話問等位情況，打左3間分店，得呢間唔使等位，可能位置比較偏20:00正，我地一行4人叫左4份龍蝦，一隻乳鴿，一份晚市孖寶餐+自助吧。原本打算叫4隻乳鴿，但侍應話賣晒，所以得一隻，想食既朋友要趁早到場食喇☺️不過錯有錯著，乳鴿比一般細，皮亦唔脆，好彩夠入味。最終怕唔夠食，所以另外叫了個$128孖寶，牛柳粒同炸薯仔粒好香口，薯仔好味帶點甜，有點意外呢😉豬仔肉原來係配苦瓜炒，同枱人未必懂得欣賞，食剩了苦瓜，豬仔肉夠爽口主角出現喇，等左45分鐘至有得食，不過大家早已被自助吧的汽水，沙冰，糖水填滿了3成肚了😁麵底不太多，上湯清清地都夠味，龍蝦無雪藏味，都算爽口，$58算係抵食了。

那天正是聖誕節正日，度度訂位食晚飯都差不多已滿，好彩地我只係早3日前訂位。當日小妹第一個準時6:30 PM到達，而且稻香職員好快咁安排靠邊座位入座，都OK舒服。小妹眼中所見，有好多人Walk-in入座，可能九龍湾MegaBox始於比較略偏遠一點，唔太方便嘅關係。等咗一陣，我D朋友都來齊，我哋當晚揀咗HOTPOT。首先，揀咗個湯底先，豬骨鍋$18，是最平個個，我諗呢個係Promotion唯一湯底，都好夠料，好多豬骨，算不過不失。除了湯底之外，當然叫咗好多嘢食，包括炸魚皮、竽絲、元貝片、墨魚滑、肥牛、鮮蝦丸、蜂巢豆腐、菜等等。。。。。。數之不盡，也沒有什麼特別，但總括來說，D食物算是新鮮。不得不提，當日我由6:30PM坐到成10:00PM左右，成3個半鐘，都冇比人趕走，算唔錯。個日埋單$678.5，我哋3個人，即每人平均$226，係D咁大節日食晚飯算係咁啦。