稻香超級漁港 (已結業)

在紅磡出沒的我，週時與老爺奶奶在這區飲茶。每次約他們，一定是比我們早到，幾乎次次都有位。這裡是用機出等位紙的，只要按人數和會否搭枱便可以，跟着再看大電視等埋位。裝修當然比普通街坊酒樓好些，因為集團經營啦。燈光也較柔和，枱與枱也不算太迫，顧客也座得舒服。至於食物，也有很多選擇，與一般的酒樓差不多。而且都夠熱。服務是可以的，亦不時冲水。也試過與老公在這裡吃火鍋，九時後更便宜，但亦會多些人等。喜歡這裡加$10便可以任飲任食提供的汽水、檸茶、•••和甜品。最特別是找數，是拿枱面上的單往門口半自助式埋單，對數極方便又省時。不過唔知有沒有人會走數，尤其是人多要排隊時。整體來說，又快又方便的食店，每次都食得飽飽的。

回想開業初時，出品係中上級美食，價錢又平，每日都日山人海 ~ 但依家雖然每日午市都爆滿，但人流已少左三份一，無初時咁瘋狂。我諗大慨既原因係質量下降，或俗語稱新屎坑三日香啦 ~叉燒腸粉，粉厚、咸少，又唔夠熱。芋蓉煎堆，香口、微甜，但我不太喜歡。什菌炆伊麵，今次真係好油架呢，食一啖已成口成咀油，但味道幾好。稻香燒賣皇，原粒蝦仁，豬肉又香又實淨，機乎無用肥豬肉，正。粟米花枝餅，今次油到離晒譜，又唔熱，放左好耐咪出晒油囉，之前食都唔會咁，好差。鯪魚球西生菜，好普通既白烚菜式，生菜新鮮爽口，但鯪魚球硬掘掘，口感不彈牙又唔滑。豉汁鳳爪，個茨太杰喇，一舊舊。水晶蝦餃，蝦爽皮薄，幾好。雞絲春卷，金黃香脆，滿意。

點解今日咁多人? 唔知道, 等了足足45分鐘才有位, 好奇怪, 今天不再有員工推銷那些”特價雙星”, 叫了一堆點心和飯, 蝦春卷, 不夠香脆, 全因為底部濕了, 炒蘿蔔榚, 表皮略燶, 幾香口, 蒸蘿蔔榚, 材料多, 但略硬, 义燒包, 太多醬, 义燒多肥肉, 煎”簿餐”, 一半煎得香口, 一半未煎夠而呈白色, “牛剪”, 幾有咬口, 但望落太多肥的部份, 雙色炒飯, 很大碟, 做得不錯, 飯身炒得乾, 幾隻大蝦, 十分爽和彈口, 茄汁部份酸酸甜甜, 跟飯一起食, 一流!

今日一訓醒唔知點解突然間好想食叉燒包,所以就同衰佬去左稻香度飲茶,好彩下午二點特價時段都唔駛等好耐位啫,點心同其他酒樓既都冇咩特別大分別,但碟xo醬炒蘿蔔糕就真係幾好食,辣辣地又夠香脆,good

同事生日 lunch 飯局，是但又飲茶囉，依間稻香分店啲出品越黎越差，唉 ~ 好多食客，好迫，坐得唔舒服，勁多客，侍應們都應付唔黎，服務質數下降，太多人太過嘈，枱櫈密麻麻。蜆蚧鯪魚球，好普通既炸魚蛋，但炸得唔夠耐，外層軟林林，又唔香口、唔夠乾身，蜆蚧質數又差，完全無鮮味又淡口。韮菜豬紅，平平無奇，又唔夠熱，只微暖，味道平庸。炸魷魚鬚，整餐最好食既一道小食，炸得香香脆，魷魚爽口。煎腸粉，真係估佢唔到，似炒牙菜多啲囉，牙菜勁多，得幾條腸粉，腸粉得幾粒蝦米茸，咁不如叫齋腸，唔好話係蝦米腸啦，好淡無咩味道。川滬小籠包，乾蒸小籠包，乾爭爭，無湯水，食落都有啲肉汁既，似豬肉包囉。水晶蝦餃，蝦仁爽好、皮薄嚥靭，幾好。梅子排骨，激肥激油，真係無咩邊間酒樓係好食，會用半肥瘦的呢。潮洲粉果，太多蔥又太油，我接受唔到囉。煎蘿蔔糕，都係粉多蘿蔔少料少。蟹籽燒賣，好大粒，肥瘦比例可以啦，質數都幾好。.芋泥煎堆，甜甜地，無咩特別。

自從稻香開張後，已變成大家係附近首選既茶樓，因為食物質數平均、價錢平、又近，所以日日爆滿，座無虛席 ~ 亦令到其他酒樓生意大受影響 ~ 內部環境都幾擠迫，放滿晒枱，密度非想高，行人路都略為窄，好多時要側身行過 ~今日同事生日，大家便決定一齊食餐飯，一行十幾人走到稻香飲茶，好采一早訂左位 ~炸蜜瓜卷，乜係冷盤黎架咩？估佢唔到，應該係甜品麻？甜甜地、腍腍地，無咩特別。香蒜虎皮椒，其實無咩特別味道，好似只係略略炸過，再淋啲豉油係面囉，微辣。炸魷魚鬚，炸得香口，好好味。燒鴨，放係枱既時候，大家都比佢既 size 嚇呆左，咁細隻既，係 BB 鴨？係春鴨？大過我手掌啲啲乍喎，我隻手唔係好大啫。無咩肉食，真正既皮包骨得幾兩肉，只得肥膏同皮。味道還可以啦，肉質都算嫰口。山竹牛肉，牛肉鮮嫰，幾好。蒸排骨，肥騰騰，無肉食，成碟油。香茜牛肉腸粉，乾增增，得少少豉油，皮又厚又黏口，唔薄唔滑，牛肉啖口。灼生菜，應該係全餐最好食既，新鮮爽口，配淡豉油同吃，好味。XO 醬煎蘿蔔糕，街買既蘿蔔糕始終無自家制啲多料多蘿蔔，實在粉既比例太多，應該叫做 XO 醬麵粉粒就差不多。撇開蘿蔔問題，算煎得香口，但唔夠熱，只係微暖。

再次和家人到稻香晚膳, 並慶祝媽媽生日. 一行五人點了五款食品, 包括粟米龍利柳, 雜菌煲, 海鮮豆腐煲, 煎釀涼瓜及一客臘味糯米飯. 以往稻香的價錢一般比其他中式酒家便宜, 晚飯亦算是抵食. 但不知從何時開始, 稻香的價錢變得和其他中式酒家並無兩樣, 以往四十多元一個普通的小炒, 現在動不動便要起碼五六十元. 過往一家人到稻香晚飯, 大概每人都只不過$55元左右, 現在卻要$70元-$80元左右, 是否物價高漲得那麼厲害, 還是它見來幫襯的客人多了, 便乘勢起價呢? 質素方面, 暫時仍算可以啦, 不過明明在落單時說明要少鹽少油的, 但出來的餸菜卻好像並無減少落鹽呢! 是晚由於用了東亞信用卡的優惠, 因此煎釀涼瓜是半價的($34元), 否則可能更加貴.

和家人一行五人到紅磡稻香晚膳, 點了龍蝦伊麵, 花膠雜菜煲, XO醬炒雜菜, 糖醋小排骨及京式素鵝. 酒樓環境一般, 食物質素也跟其他分店差不多, 但個人比較喜歡到稻香打邊爐, 並認為酒樓的打邊爐食品比小菜做得好. 不過以中菜酒樓而論, 稻香也算是不錯的了, 價錢與質素均屬一般.

星期日一家人飲茶，原打算到尖沙咀新港中心稻香，但媽說已結業，於是改到紅磡廣場。我們 11:00am 到達，還有吉枱。我們一行六人，竟然被編到卡位，六人坐真是太擠迫，我們要求改坐圓枱。我家飲茶習慣是吃點心，不叫炒粉麵，所以首次入單已點了16款點心，等了差不多20分鐘，一樣都沒來，但一來便十多樣來到。其實可以逐樣來，不用客人呆等，及一次放滿枱。每樣點心上枱時都很夠熱，其中蝦餃、燒賣、煎腸粉、小籠飽、春卷、最美味。所來的每樣點心份量偏少，尤以 "山竹牛肉" 份量最明顯，每粒牛肉與燒賣差不多，我們曾光顧「尖沙咀 - 新港中心」、「灣仔 - 北海中心」及「銅鑼灣 - 信和廣場」以這裡的份量最少，起碼少了三份一，平常十多碟點心，我們已足夠，今次我們總共叫了 28 碟，才有平常的飽。最後埋單 (HK$467.-)，侍應說要自己到柜枱付款，這樣也好，免卻等候或有假部長的麻煩。但由於份量偏少，我想下次要轉其他稻香了。

上星期六阿媽生日，係紅磡廣場間稻香晚飯，結果一肚氣！由於親戚唔多，人數兩圍唔夠，一圍又有多，所以每年都要事先問實，確定有幾多人先至訂位，最好係十六人，咁樣好多酒樓都有咁大張枱。今年十八人，一定年要分兩圍。個多月前見紅磡廣場開左間稻香，親友都住在東區，106隧巴又剛在廣場對面有站，走更方便，廣場門口已經有站。於是打電話問酒樓尋晚有冇廳房，答稱廳房有，但一定要分兩圍，每圍九個人。於是叫酒樓傳真菜單給我，其間仲改左幾次，到確定後，我還叫個阿姐將改好嘅菜單再傳一次給我。直至上星期六，成日間酒樓都冇人再打電話給我，心想就算訂枱食飯，很多時酒樓都會再打次電確定一吓，呢間酒樓都真係幾怪。誰知尋晚去到稻香，佢竟然話我冇訂枱，問我有冇去錯酒樓！我話菜單都確定左，跟住拎埋張菜單及講出同我寫菜位阿姐個姓。好彩個阿姐有係度，佢話佢都有印象，我話梗係有印象啦！我地電聯左好幾次。佢話我冇講實日期、亦冇落訂，所以佢冇同我寫低！我話我一早問實佢，確定尋晚有廳房先至寫菜單，佢點可以話唔知邊日！至於冇落訂，如果佢酒樓需要預先落訂，佢係咪有責任提醒我呢？可能我都有責任，但係過去果幾十年，我年年同阿媽做生日，都冇試過有酒樓/

前日慶祝阿媽生日, 上兩個月去咗3次海港, 今次就改去稻香食飯. 因為係平日, 唔多人,即時有位. 一坐低我就即刻order咗1支啤酒, 中間催咗兩次成15分鐘都未送嚟已經覺得啲侍應生好唔掂; 跟住叫完餸, 啲餸好快嚟到, OK! 到食碟碧綠花膠珊瑚蚌, 嘩! 啲花膠苦到成條痢都覺得乸住乸住, 仲要係成枱人有3個有食都係咁, 咁就梗係要求換過第二樣啦! 咁就揀咗樣XO醬碧綠炒螺片, 諗住价錢差唔多又係菜咪得. 到碟嘢送到嚟, 真係成枱人都O哂嘴; 碟嘢跟之前嗰碟個樣一樣, 之不過係冇咗啲花膠珊瑚蚌, 再放咗幾塊用水灼嘅螺片入去, 搵粒XO醬嘅乾瑤柱/辣椒粒/蝦米都冇(有圖為証), 俾兩粒扮吓嘢都好呃! 唉! 心諗之前淨番響碟入面嗰啲花膠珊瑚蚌都可能係用手拎走咗, 唔通仲慢慢同你用筷子夾咩! 碟嘢我真係一啖都唔敢食. 到最後埋單, 我咃發現條數大咗, 個侍應話係啱, 佢話係我哋叫餸嗰時就咁俾啲餸名, 有兩樣餸係可合併叫”超值孖寶”, 落單嗰個唔知, 所以按單價入單.我就話呢個係佢哋落單嗰個嘅問題, 我唔會理, 只需要改番俾我就我喇! 等咗張單返嚟好耐, 最終都改咗. 返到嚟又話有嘢計少咗

7-7-2010(星期三)我們叫咗半席–十二款餸「包括︰海蜇伴乳豬、三隻小蟹、炸海皇卷、花膠伴鵝掌、半條–散件海斑、香蒜雞(蕙香雞)、翠玉瓜珊瑚蚌、足料十足翅」另有『糖心菠蘿、鮑魚味鹹香泡飯、壽包(蓮蓉口味)、蟹籽粉絲』。–花膠伴鵝掌︰花膠足料、鵝掌嫩口。–海蜇伴乳豬︰乳豬外皮脆、海蜇份量十足。–炸海皇卷︰炸海皇卷–外皮炸得剛剛好、內涵餸料十足、十分好味道。–翠玉瓜珊瑚蚌︰珊瑚蚌十分足料。–三隻小蟹︰蟹燒酒味濃郁、蟹肉新鮮。–翅內有魚翅，份量十足。–鮑魚味鹹香泡飯︰十分好味道之作，值得推介一番，欣賞廚師之首選。

2010-4-29(星期四)此酒家，茶芥每位$8，我與家人一行四人，我們(星期四)晚上九時後入座，已有很多人光臨，因為紅磡此酒家，火煱配料，特價$28,$18,$12(此酒家火熱推介，再打個八折，十分之抵食。我們加$5(任飲–酸梅湯,羅漢雪梨茶,五花茶.)。(任水食糖水–芝麻露、紅豆沙、粟米湯)。我們叫咗$38鮮蝦腐皮卷、$38蝦爽、$18(花旗蔘湯底)、$10(珊瑚蚌)『只可叫一次』。火鍋配料︰有水餃雙併、鮮牛肉–新鮮嫩口、什菌、肥牛($18)、什錦丸。我覺得稻香質素十分新鮮，十分有品質保證。抵食又好味又新鮮，下次一定會再黎。

今晚係團年飯第二回,又係食套餐,和上一次失望套餐款式差不多,其實也有擔心!翅 - 出奇地翅多,配料也多,味道也不錯蒸魚- 魚肉嫩滑,蒸得剛好,好少有出面會食到這種效果炸子雞 - 雞肉嫩,有雞味,皮脆,好味大蝦球伊面 - 蝦球大隻彈牙,伊面爽滑桃包- 熱烘烘的,有很香濃連子味,很滑,值得一讚竟然無奇望變咗有驚喜 大家都覺得不錯!

因昨天是最後一日做推廣, 可以$688 享用半席"皇席宴", 我們選了稻香!!菜單如下:http://www.taoheung.com.hk/tch/promotions/tao_heung/e-button85312.jpg之前都不知道有這間酒樓, 鋪位地點較僻靜, 是朋友說才知道!入內裝修有稻香一貫特色, 頗不錯, 一邊是火鍋, 一邊是晚飯, 晚上7時入座不是很多人, 到了8:30pm 後人漸多, 可能是想幫襯特價火鍋, 人多了!! 但不很嘈!!!以$688價錢, 真是很抵, 之前有試過德興的半席套餐, 水準沒有稻香的好!! 而且"德興" 座位分佈很密, 不太舒服, 這間稻香就不同, 座位之間不太迫, 很舒服!!侍應服務亦不太差, 只是在席上沒有在每人的筷子托上放上公匙, 不太方便!!先品評菜式, 燒味拼盤不錯, 值得一讚是條魚, 真是很大條, 生熟剛剛好, 只是條魚都要值300元!! 翅: 有一排排明顯的排翅, 以為特價餐會比一些差品質的食物交貨, 又不是!!海蔘扣厚菇: 好靚, 海蔘好大條, 不是很"靭" 的貨式, 獻汁濃度剛好!!其他菜式普通, 但都有水準, 沒有將貨就價,