稻香超級漁港 (已結業)

早排見雞煲好似幾抵, 所以食左兩次先寫此食評...服務 :服務就一般, 侍應反應麻麻, 我地入單先居然隔離食得我地都未到...食物 :豬軟骨雞煲 (正價$88 , 宵夜價$48)幾香濃, 好鐘意麻辣感覺條利及口腔痺痺地, 雞件算滑 豬軟骨算林 仲有D似魚片魚旦都唔錯.6罐啤酒或汽水 (雞煲包)食完豬軟骨雞煲加滚水就可以打邊爐....半條鯇魚 (正價/宵夜價$28)大大碟. 好抵食. 只要魚夠新鮮就係好食.美國肥牛(正價/宵夜價$38) /半份水餃併雲吞(正價$24/宵夜價星期日至四$14/宵夜價星期五六公眾假期$16)肥牛算過得去, 唔係鞋底咁"鞋"水餃一般,煲耐一陣就易散, 雲吞蝦大大隻...GOOD半份黃金鮮竹卷(正價/宵夜價$10)稻香D響玲算幾好食唔錯.總結:個豬軟骨雞煲正價可以用手機DOWNLOAD個APP玩左個GAME就有$20優惠卷. 即$68可以食到...宵夜就冇依個優惠但都好抵下. 我食左兩次, 正價就食左 $208 , 宵夜價就$150左右. 

看見之前兩位食評, 都係唔滿意, 最令我有同感, 就係10:30就催客走, 唔使咁呀!?稻香自從上咗市後, 質素愈來愈唔掂. 飲茶還尚好, 但晚飯套餐則一次衰過一次. 顧客如我和同事, 就係咁有被虐狂精神病, 次次都鬧, 但又繼續去. 哈哈… 但卒之被我們發現了一套規律, 就係, 幫襯稻香, 最好只係幫襯其新出的菜色和套餐, 頭三個月的菜色, 絕對可以保持水準, 而已經出了幾個月既菜色, 是絕不可以叫的.就係今之既新出品, 名為”三重爆趣滋味麻麻爆辣雞煲”, 係9:00PM後, 只收$48, 重要送多六罐啤酒, 雖然係廢廢地既藍帶啤酒, 但計佢街賣五蚊一罐, 都要三十蚊啦, 咁個”雞煲”未即係 $48-$30=$18, 見宣傳單張重寫住”下載稻香AR FUN” app, 重有$20優惠劵, 咁未即係全免? 有無咁平呀!?以咁平既價錢來說, 此雞煲實屬超值, 雞件雖切得細粒, 但數埋也有廿多件, 味道超濃, 實有些偏鹹, 但可以自己加水, 不成問題, 唯一不足是麻與辣的味不夠, 也難怪, 做家庭一家大小生意, 並非街外店的重慶麻辣. 其實如果唔夠辣, 也可以任攞辣椒自己加, 全都是免費,

8:45p.m.去到酒樓，由於太餓，二話不說攞飛。門口寫住宵夜小菜/火煱於晚上九時後開始，一心諗住相差15分鐘，緊係等到宵夜時段啦，咪同知客講2位宵夜小菜。知客回應特價時段須在門口先排隊，九時才開始派飛，咁咪排囉。到排完、攞完飛，九時安排入座。坐低後，問侍應攞特價小菜餐牌，佢居然好晦氣話今日開始取消宵夜小菜，我問咁點解要我排隊等到九時，佢無理就走咗去。都算了，問佢攞大餐牌，佢搵完走近我張枱，自言自語話“D人攞哂D餐牌去邊呀，無哂嘅”，講完之後等咗五分鐘都無拎餐牌俾我。我咪唯有出大堂問其他侍應，個侍應聽完指下個口兼擰頭(意思應該係佢喉嚨唔舒服，答唔到，但身體語言俾我的感覺係唔耐煩。嘩，做飲食業唔舒服都帶番個口罩啦)。我轉身搵咗個部長問，佢算係全場最正常的服務性行業人員，態度友善，找了3分鐘後，在我打算起身走之前，終於搵到個餐牌俾我。前菜點了牛𦟌，略嫌乾身，但味道尚可。白灼蝦，鮮甜，但居然有沙。鴨掌西蘭花鮑魚菇，用煲仔上保持熱度，抵讚，但味精很重，食完好口渴。白飯，用砵仔上，份量比用飯碗明顯少許多。一邊食，隔離枱多次投訴上菜慢，眼見佢哋食到十時，仍有兩個餸未到，部份親友等不了先走。催了幾次

我尋日去稻香宵夜, 要等枱都唔係問題, 因為諗住特價, 點知果d食物好細碟. 你地睇吓碟羊片...... 透光架>>>>>>碟嚮鈴仲要得3.5件....... 一肚氣, 叫個伙記問, 仲好笑, 係咁架...哈哈!!last order 埋完埋仲連燈都無埋洗唔洗呀!!!我地9點7.8個字坐低, 10:45 就無燈趕客走, 離闣譜啦.......

是日冬至正日及所謂的世界未日，一家十多人出街做節，紅磡稻香是其中一間我們常去晚飯做節的地方。之前試過稻香的打邊鍋不太行，所以還是叫小菜，阿爸拍板叫了一個冬至套餐。紅磡工廠區一帶晚上沒什麼人，找吃的通常都會去崇潔街，紅磡廣場是渺無人煙的，但只有這個酒樓是會有人排隊等位。幸好一早訂了位，不用等，一坐下，部長便問人未，因為一點單便上菜，不能等。Well~今日冬至正日，他們想做多幾轉生意無可口非，反正這也不是fine dining的地方，ok啦。一齊人便上菜，但上菜的次序真的好亂。第一道菜只是豆粉水一碗...第二道菜這個炒得挺好吃，所有材籵都剛剛好，翠玉瓜+蓮藕+木耳都很爽脆。第三道菜這個麵的汁有點怪怪的，但蝦很爽口，又大隻！第四道菜這個菜最好吃的是中間的木耳，微辣香口又脆脆的。第五道菜全晚我吃得最多的是這一味，因為那個菜很甜，又沒有爛菜葉。第六道菜這個炸丸子都ok啦，但我姑姐很喜歡那個醬，點了很多，要問侍應拿多一個來點。之後沒有再拍照了，但最後的甜點有點驚訝...我以為是中式餅，如笑口棗之類的甜點，誰不知是西式西餅。兩款曲奇都ok，是簿簿的，鬆化的那一種。椰絲曲奇不太甜，有很清的椰絲香味。在

一年一度母親節又到了,唔想太太咁辛苦煮,一於出街揾食,太太話打邊爐,大家舉腳贊成,去左平時食開間稻香,貪佢加8元有任飲飲品加甜品,去到人山人海,等左2零分鐘至有檯一坐低先去拎抔嘢飲吓,再自助混醬太太叫左個魚鍋湯底,有一碟魚片加清湯底,魚腩嫩滑彈牙好好食叫左好多嘢食,放D冬菇粟米落去先炸魚角外脆內軟,香口好食今晚碟炸魚角縮左水,得8件仔買38元(好貴)美國肥牛,小朋友至愛牛筋丸爽口彈牙,貢丸口感結結實實,好香冬菇味,爽口彈牙好食炸響鈴逐條響鈴放入湯內,一滾就食得魚皮餃特別大隻,餃皮薄而柔韌,咬下去彈牙好好食鯪魚滑爽口彈牙好好食駝鳥肉肉質嫩滑,味道都唔錯冰鎮豆腐先放入湯內,等豆腐沾滿濃郁的湯汁,特別好食韮菜餃太太好鍾意食架,多菜少肉零舍好食芝士腸,細細條,一啖一條啱啱好

一年一度既外母生日大日子又到啦,外母對我地一家都好好,佢生日梗要同佢好好地食餐飯啦,下午約左佢飲下午茶,飲完下午茶,太太陪佢行街街shopping,晚上大家一早訂定檯同佢賀壽,呢間酒樓食左好多次,食品水準不錯,價錢合理;我地一行十四人,叫左一個皇席宴、粟米班塊、古魯肉、三隻貴妃雞(啱啱做特價1文雞),一人加8元任飲汽水甜品先上2盎燉湯,棗杞滋補燉海味,燉湯好香,湯水清澈,,飲一啖湯先,味道鮮甜及香濃,材料豐富,滋補健康,好好飲,我都飲左2碗,湯料重可以點少少辣椒鼓油同食酥炸石蠔伴素鵝,石蠔又酥又脆,外脆內軟蠔肉肥美,一口咬下,素鵝口感酥脆鬆化,呢個菜香口好食,不過都幾熱氣,唔怕,食完飲多杯清涼茶啦碧綠淡水龍蝦球,我掛著影相,手慢無得食蝦球,佢地話爽口彈牙,配料就無乜人搶食,重好,我慢慢食,瓜菜爽脆清甜健康好好清蒸大海班,今晚條海班好似細左D,肉質又嫩又滑好好食,大家都唔夠喉,食剩得條骨一文雞,肉質無乜雞味,都ok既,一文大大隻算喺咁銀絲鮮竹泡青菜,呢個齋菜煮得好好,健健康康,D小朋友唔多啱,我就食左好多蠔皇金錢扣鮑魚,外觀好靚,鮑魚爽口彈牙又入味,花菇香甜,又腍又入味,底下生菜鮮甜爽脆

呢排都幾忙,是關有個由細玩到大既親人(喺細妹),搵我幫佢屋企裝修,其實自從身體差左之後,我都無接裝修好耐,幫老細打工重舒服,因為接一單工程,從頭到尾要2-4個月,從畫圖設計、搵木工師父、水電師父、油漆師父、到清潔工人、帶人買瓷磚、地板、油漆、門框、門鎖、電制位、 傢俬、燈飾.....等等所有大大小小事程,都要親力親為,錢雖然賺得多,但壓力就大很多,今次如果唔喺細妹叫到,又推佢唔倒,錢又無得賺,只好辛苦D啦今日收工約左細妹倆公婆、同太太,落紅磡訂做傢俬,順便去埋對面世家訂燈飾,我從來買嘢都好快,睇啱就買,我同所有客人講,一間新屋,要買好多大大少少、濕濕碎碎的物品,如果每買一件物品,都左諗右諗,既浪費時間又浪費人力物力呀,訂好燈飾跟著喺附近食埋飯,去左紅磡廣場入面間稻香打邊爐,之前都食過幾次,覺得食物新鮮,價錢合理,坐得都幾舒服,我地一邊傾一邊食,好開心點左豬骨鍋、木耳、稻庭烏冬、扎肉、貢丸、芝士腸、羊肉片、炸魚角、脆肉鯇魚片、駝鳥肉、豬夏青、冰鎮豆腐、韮菜餃、魚皮餃、唐生菜駝鳥肉是肉類中的優質選擇，不但擁有低脂、低熱量、低膽固醇的特性，更富含高量的鐵質、蛋白質和多元不飽和脂肪酸，有益人體

太太好鍾意飲茶,我地放假就會全家人去飲茶,星期日朝早起身,特登座車去呢度飲茶兼吃午飯,之前我都去過幾次,呢度D嘢幾好食,一去到茶樓,入面例牌高朋滿座,門口有不少人在等,先拎張紙仔等位,等左20分鐘有位啦,開定茶水就劃點心紙,真係水滾茶靚點心精緻,點咗好多碟點心食呀平時例牌點有燒賣,蝦餃,叉燒飽,潮州粉粿,鴨腳扎,珍珠雞,白灼西生菜......,另外重有:紅油抄手,細細粒,一啖一個,皮滑肉鮮,好好味懷舊點心,荔芋鴨腳扎,用腐皮包住鴨腳,有一舊芋頭,一舊豬肉,太太食鴨腳、豬肉, 而我食芋頭、腐皮,味道不錯值得一試南乳豬手,又腍又入味,非常好味道,雖然膽固醇幾高,但間中食吓無問題嘅咸水角拼煎堆仔,皮脆中帶點軟,好食呢個唔記得叫乜餃,皮軟而帶點煙韌,菜多肉少,健康好味炸鲮魚球,一碟4粒,外脆內軟,配上蜆芥醬,真的很搭潮州粉粿,皮薄餡靚,又健康,飲茶必食雪白的叉燒包,一籠有三個,咬下去鬆軟而不渴喉,濃濃的叉燒餡,甜甜地汁多料多,好食鳳爪排骨飯,只是收小點價錢,唔算太細盅,鳳爪夠腍入味,唔錯炸春卷鬆脆香口,不過油多左少少白灼西生菜,又爽又脆皮蛋瘦肉粥,粥底好綿,粥要熱辣辣先好食,淨番個碗有D點心食

今日一班同事相約 lunch 飲茶，為左慳時間就由一位同事先去攞位及點菜，估唔到依位同事既飲食習慣都幾另類，跟我地一向 order 開既有啲唔同喎，幾有趣，哈哈 ﹗點心少，而重碳水化合物、重殿粉質。黑椒豬大腸，好似嗅嗅地咁喎，好驚呀 ﹗而個黑椒汁真係太過杰喇，一舊舊咁，影響味道同口感。鹽燒秋刀魚，比想像中好食，係廣東茶樓叫日本魚食 ﹗細 size，唔夠肥美。魚味濃，質地較實淨，肉汁豐富，加埋鮮檸汁提味，好食 ﹗不過同事居然 order 左 3 碟共 6 條，食唔晒喇。椒鹽豆腐，求其係面度灑啲椒鹽就當係喇？﹗起碼都要青椒、洋蔥、辣椒加椒鹽落鑊兜吓佢麻，依家毫毛鑊氣，邊好食架。外層軟腍腍，炸得唔脆，唔香口，裡面就夠晒滑，但好淡、無味囉。裹蒸糉，免免強強啦，蛋黃咸香不足，亦無黃油可言，咸肥豬肉不夠鬆化，麻麻地。總括黎講味道好寡，似食緊綠豆糯米團。鮮蝦腸粉，粉皮粗糙又厚身，用肉眼都睇到啦 ﹗所以唔滑囉 ﹗蝦夠鮮爽，還可以。京都肉排，無咩特別，酸甜適中，質地夠腍，唔錯。杞子什菌浸筧菜，唔夠熱啊 ﹗上枱只係暖暖地，仲要係冷氣地方，轉頭已凍冰冰。好清淡既菜式，筧菜清甜又爽口，已好好味。腐乳通菜，好明

An old student and her son came to look me up at my shop at Hung Hom Square last Saturday and invited me to Pier 88 after shop close. My old student is a Pier 88 hotpot fan, but I said, no hotpot please, it would be too time-consuming, and I would still have to work at home. Last time I had hotpot here with an old colleaque, we ended up staying till the restaurant till it closed.So we ordered dishes instead. Half Roast Goose Braise Tofu with VegetablesFried Prawns in Shell with Golden Mushroo

屋企人早前去過紅磡廣場嘅稻香打邊爐，六個人食，埋單都係四佰幾 (以宵夜特價時段計算)，非常抵食。今晚決定再次幫襯，一行十人，約九點到步。原來星期日至四嘅特價時段係晚上8:30後，星期五、六及公眾假期前夕則為晚上9:00後，而且只係麗港城、紅磡及青衣翠怡分店係咁，至於其他分店，就唔清楚 (因為張點菜紙上冇寫，哈哈)。今日係星期五，所以我哋九點先到，除咗特價時段唔同之外，特價火鍋配料嘅價錢都唔同，星期日至四係$16一碟，星期五、六及公眾假期前夕則為$22一碟，雖然只係相差$6一碟，但係今晚三碟嘅價錢，平日已經可以食四碟，其實都差四分一價錢，所以都係建議大家係星期日至四來幫襯，會比較化算；而且今晚亦冇$1一個湯底，估計應該都係星期日至四才有$1一湯底提供。可能太耐冇去過稻香，原來依家有個”大混醬自助吧”，大家可以自己出去揀醬料，再唔係一盆盆攞埋黎揀，其實好多火鍋舖都係咁樣安排，只不過印象中，冇幾多間會好似稻香咁揼本，專登做一個咁大嘅吧枱俾客人揀醬料，而且選擇繁多，醬汁及配料各有九款，醬汁有麵醬、柱侯醬、茄汁、星洲醬、麻醬、辣椒醬、腐乳醬、和味醬及沙嗲醬，配料有鹹蝦仔、熟蒜、米通、榨菜、辣椒絲

今晚天氣冷, 來到時竟然有位, 真算神奇, 叫了一個組合, $188, 包括了三款海產, 一客肥牛和自選湯底, 蝦上枱時還十分生鮮, 四隻小鮑魚, 不是生的, 而是雪過的, 而且一早已肉殼分離, 食落還算彈口, 但肉質有些少實, 海班切片, 肉質比較淋, 沒有一般蒸出的彈口, 也算新鮮, 味道不錯, 肥牛大約十片, 類似超市賣的美國肥牛, 不算太肥, 肉質略UN, 如果是手切牛肉更好, 另外加多了一碟豬肉片, 菇類三種, 兩款菜, 都算不錯, 稻香出品, 都食得過!

2011-4-11(星期一)我與家人一行十人，晚市宵夜時段由8:30pm-11:00pm – 碟碟$15(有專用那張落單紙、才有優惠)，職員說可以叫十隻雞「只收＄10」。每枱加$8/位–可以任食糖水「紫米露、紅豆沙、杏仁茶、芝麻糊」、任飲汽水「有梳打水、可樂、橙味、忌廉等」、任飲飲品「羅漢果雪梨茶、豆漿、酸梅湯」。我們叫咗–17碟，埋單$720。–另外一張比較貴旳落單紙︰有叫兩碟雪花肥牛「$28一碟」。–大卷卷枝竹$28–蝦爽$38–鮮蝦腐皮卷(兩碟)特價點心紙︰–我們叫咗枝竹、黑椒牛丸、四寶丸、雲吞、水餃、牛肉、雞絲、牛展、雜錦菌、娃娃菜、金菇。整體黎講，蝦爽是推介之選。`

當初稻香開張，變成大家係同區首選既茶樓，因為食物質數平均、價錢平、又近，所以日日爆滿，座無虛席 ~ 亦令到其他酒樓生意大受影響 ~ 內部環境都幾擠迫，放滿晒枱，密度非想高，行人路都略為窄，好多時要側身行過 ~ 最近出品質量有點兒下降，味道差左，而落味精落得越來越重，食完非常口渴 ~ 食客都少左好多，已經反映出實況。炸魷魚鬚，炸得鬆化香口，魷魚爽滑，好好味，不過記住要趁熱食，凍左會好油膩。煎腸粉，普普通通，無咩特別。叉燒腸，夠滑，味道幾好。腐皮卷，有啲油膩，味道平平。鮑汁雞腳，如果能夠將雞腳炆至膠口先上枱會更好味。稻香燒賣皇，唔錯唔錯，幾好味，口感實淨唔鬆散，豬肉味濃、蝦鮮爽。咸水角，皮脆又嚥勒，香甜可口，幾好。燕麥麻蓉包，新菜式，主打健康，甜甜地，無咩特別。瑤柱帶子炒飯，出奇地好好食，炒飯炒得乾爽，一粒粒分開，而且每粒都有蛋包住，蛋香撲鼻，鑊氣十足。配埋個有濃郁海鮮味既瑤柱帶子冬菇瓜粒醬汁，好美味。