稻香超級漁港 (已結業)

今晚(26/10)同my buddy 預祝生日，身為老死的我當然要慶祝，原本諗住去諾士佛臺食洋餐，但諗諗下都係食火鍋，因為食洋餐就留番俾佢自己另一半啦，鴛鴦湯底，可以既，不過我鍾意皮蛋個邊，因為沙爹個邊就甜多過咸，而食物如下：１，蕃茄餃子２．腐皮卷３．海蝦４．雲吞併水餃５．鮮蝦丸併墨魚丸６．柏葉７．白菜仔８．生菜加油麥菜９．牛展片１０．六支細可樂首先，價錢已經贏哂，星期日至四，九時後，以上1-9都係$12碟，新鮮，海蝦都好新鮮，雲吞水餃都唔係全豬肉，有蝦，都好味。而蕃茄餃子都幾特別，入面係蕃茄配以蝦肉，唔錯，因為我鍾意食蕃茄。柏葉都唔差，因為唔似大批攞貨個款。菜都新鮮，最好的莫過於牛展片，夠薄，香口，正。而腐皮卷似係自己包，有番菇、蝦、紅蘿蔔等等，不過火鍋同佢都唔夠襯，但都可以叫既。我諗下次都會再黎，因為夠近，下次行完海港城、新港後再食過，搵多幾個朋友食，試多ｄ食物，因為真係好多款揀，如果多人排隊就唔係咁好。最後埋單都係$211，一個字：「正！」

今晚一家人食飯，去左呢到打邊爐，叫左d大路野食啦，仲有魚腐、扎肉、象拔蚌、有個係墨魚丸入面有d粟米，幾好味，另外鴕鳥肉都好正，不過係個本地肥牛好'un'，早知叫美國啦!賣單一人100蚊唔駛，都幾抵食呢!

友人牛一, 一行五人來到稻香希望打邊爐, 但發現有一個很超值的鮑魚鵝掌套餐, 除了主菜飽魚鵝掌西蘭花外, 另可於五個類別中各選一菜式, 包括有拼盤, 魚, 菜, 炒飯及湯, 再加送一人一支汽水及甜品, 最實惠的, 是免茶免加一,而惠顧此餐, 更可以特價叫埋片皮鴨及穗香雞等...亦是免茶免加一! 至於價錢, 會按人數計, 餸菜因而亦就返人數的份量(最主要當然是鮑魚數目啦, 一人一隻), 5個人, 埋單五百元多幾蚊。雖然鮑魚是金錢包, 即係好似銀仔咁大, 但而咁既價錢黎講, 已好超值!唯一可惜是片皮鴨買晒,不過伙記服務都好好, 肯幫我地影大合照, 落左單改野又得!! 呢餐都好滿意!!

這個週年大餐功德完滿喇。可能是早訂位，唯獨我們有板間房連plasma大電視加幾檯鵲局娛賓，份外高興；相比其他晚飯檯，我們兩大圍熱熱鬧鬧震撼半邊廳。選了這個「如意吉祥宴」招呼大家，勝在價錢合理、口碑好、地區就腳、免茶芥加一、有酒水、服務殷勤、當然最重要是有麻雀耍樂嗎。整體上一點也不失禮，味道好，碟頭大，用料不差；先講不好的，瑤柱雖大粒，若可軟身一點便好了，過硬；碧綠什麼什麼，什麼味道是挺好，但給「碧錄」弄垮了，因吃中一兩片紅椒或其他配菜有點怪味。蝦鮮甜、鮑片多大大塊，尤愛鵝掌（雖可能是雪的，懶理吧！），翅都見得人哩，蒸魚剛剛夠火爐，吃了不少，當然最愛「泡油豉油蔥」，呈雞的時候，已近乎飽了，只能少試，脆皮鹹鹹香。炒飯伊麵通通吃不下，一次過打包了，適逢甜品紫米露似是為我而設，很想添多碗，奈何塞不下去，更何況要「迎賓送客」一番哩．．．聚頭機會不多，至在閒聊互相問好攻打四方城一番，何樂而不為哩？！人生得意需盡歡，莫使金樽空對月，大家～　勝　～

有人請飲茶, 方面起見, 嚟左呢一間, 因為佢比隔離彩雲軒平..叫左13 點心+ 2 碟炒麵飯, 好飽……d 點心, 幾好食, 但係碟肉絲炒麵同福建炒飯咸左少少, 重手左…埋單既時候, 我地有一樣點心冇嚟到, 但係佢地仍然收我地錢, 好彩我地有同事check 單, 否則就會比多左錢, 所以埋單時大家要檢查清楚, 佢地並不是照番你地張咭計數, 佢地係照電腦入面計的.是次埋單$ 350左右…(有$50優惠卷)

一行五人,食住等,由7:30pm等下食下,9:00pm齊人,繼續食到11:00pm.初時幾驚佢地會眼望望,但係好彩雖然好多人等位,但都無趕我地走既情形出現,所以食得好盡興.當日order左:本地牛肉水餃雲吞四寶丸魚滑魚麵魚雲菇(唔記得乜野菇)菜類等本人較喜歡食本地牛肉,覺得比較有牛味.而呢度既牛都幾新鮮,所以安哥左多一碟.水餃ok,雲吞就更好味,蝦大隻又新鮮,又安哥左.四寶丸,魚滑,魚麵好彈牙,值得一叫,但本人建議魚滑魚麵只須order其一,因食落味道與質感相若,兩樣亦都要自己落手整.其他材料都新鮮.

今晚天氣突然咁凍，最好梗係食火煱。由於九時後大部份食物都有特價，所以排滿人龍，等位時間差不多80分鐘，真誇張。大部份食物$18、$28、$38一碟，不過不失，最喜歡豬潤，片得很簿，唔苦好好味。雲吞同水餕較失色，基本上除了外觀型狀不同，味道完全一樣，魚皮餕味道也一般。環境舒適，待應服務不俗。

星期五，難得一日重陽節假期，一早同朋友行完山，夜晚同他們在此吃飯。我們一行九人吃了個六套人餐，個套餐有一個花膠海蔘雞腳煲豬肉湯、燒味併盤、燒雞半隻、蒸魚、牛油蝦、翠玉瓜炒鮮魷等。我們再加了西蘭花炒帶子、家常豆腐和糯米飯。的好好味，好足料，我們叫了個六人餐，但都送足九個人的糖水，更不時幫我們加水，加茶，在服務來講都好好，好過美心、東海。

來這間稻香吃過兩次晚餐，都覺得不錯，價錢不算貴和食物質素屬中上水平。最欣賞佢個美國桶蠔，有成8種烹調方法任你選擇，個人覺得酥炸和砵酒焗最惹味，至於椒鹽則稍為失色了一點，完全吃不出蠔的味道；至於其他菜色，不是太突出，可以一試的是珍珠賽螃蟹和惹味娃娃菜煲，味道討好，又light又健康，略嫌賽螃蟹嚡口了一點，不夠香滑，但以廣東菜館來說已很不錯。奉勸各位切說不要叫糖水作飯後甜品，因為超甜(兩次都係)，如真想吃甜品，那點生果拼盤吧！相信應該不會太差。

裝修唔錯, 不過d位幾窄~原來平日9pm後平d, 唔怪得9pm前無坐滿啦~9pm前價錢:火鍋湯底- 要o左鴛鴦湯底$48, 芫茜皮蛋+ 沙爹, 但沙爹湯底無咩味~火鍋料全部$28碟(當然有d貴料除外啦)~ 當中桂花蚌幾鮮甜~ 但雞子係雪藏貨, 完全無味~ 菜餃皮好好好厚~ Service幾好~ 咁忙都好有禮貌~

8點幾去打邊爐28蚊碟好新鮮一渣椰青水都係20蚊冇加糖好健康O的野食好新鮮好大叫左4枝SPRITE同一渣椰青水加兩渣西瓜汁叫左好多野食埋單都係六百幾蚊期間打邊爐有D濁既野?地都幫我地"CLEAR"走晒SERVICE都幾正埋左單都仲俾杯茶我地5個人幾好坐位都好舒服~

一行三人，星期一o黎叫送食晚飯，估唔到咁多人；全場滿座不特止，我地走果陣仲見到好多人等緊位~~當晚o既食物都冇失準。我地叫o左碟沙薑鹽水雞腳，例牌燒鵝，糯米飯一碟，同埋蒜蓉炒豆苗。鹽水雞腳味道唔錯，又夠大隻；燒鵝味道一般啦，唔算好肥，都有D肉食下；蒜蓉炒豆苗就實在太太太多油，就算俾茶沖過之後都仲係好油，好恐佈~~糯米飯就幾正，七十幾蚊一碟，多料得o黎D味道唔錯；我地見隔籬檯想叫糯米飯果陣都已經賣晒，好在我地order得早姐~~埋單連茶芥加一都係$210，抵食o丫，座得又幾舒服，可以encore。