稻香超級漁港 (已結業)

Lunch來飲茶差不多都係果d款,普通貨便有: 荷香珍珠雞$19 +上素蒸粉果$13 +香煎蝦米腸$16 + XO醬炒蘿蔔糕$14.8 +菠蘿芋茸包$12.8 +炸鮮蝦韮菜角$12.8 +蒜蓉鮮魷$19香滑奶皇包$16 ~ 在此店食幾次都很流沙,水準都保持得幾好.時菜鯪魚球$16 ~ OK,因為魚肉的感覺不是死固固.紫麥流沙包$16 ~ 很特別呢,個包紫色的,而且饀料是至愛的黑芝麻.家鄉煎薄餐$16 ~ 好味,不太油,必order之點心是也.雞蛋豬腳薑$23 ~ 醋不太甜,幾好.酥炸魷魚鬚 ~ 同事們必叫之美點.懷舊炸兩腸$16 ~ 凍冰冰,唔抵食又唔好食.奶皇馬拉卷$8.8 ~ 好甜好難食.雞絲滑粉卷$13.8 ~ OK好食,唯雞肉叠在一起有點實.冬葉咸肉粽$11.8 ~ 可能無落腩肉,唔夠香滑.

大斑兩味:清蒸斑頭腩d魚蒸得好滑, 肉質好鮮甜, 啖啖肉, 下面有雲耳,紅棗,杞子, 百合墊底, 佢地啖吸曬d魚汁好正~炸魚塊配黑松露汁有5件炸魚塊, 炸得幾乾身, 黑松露汁好香, 個汁夾雜左d磨菇粒, 仲有d西蘭花伴碟咖哩牛腩煲咖哩唔係好辣, 佢有d車厘茄, 薯仔做配菜, 入面d牛腩牛筋份量好多, 但牛腩稍為un左d手打烏東佢個樣好似公仔麵咁幼, 唔係日式個d咁粗, 口感煙煙un un又幾好食, 撈咖哩汁正

五香牛展-->份量好多, 唔會碎濕濕, 好大塊, 筋同肉比例好, 有咬口, 但d五香味唔太濃, $20好抵蒜頭通菜-->唔太油, 都好大碟, d蒜頭係切到細細粒可以食埋, 通菜唔會太老, 好香~乳鴿-->細隻左d, 有少少怪味, 唔知係咪d油有味……不過炸得岩岩好, 幾juicy紅豆糕-->上面有層大菜糕, 好爽口, 而下面有d紅豆煮到變泥, 隻味好清, 係好正既飯後甜品菜膽燩雞湯--> $12好正, 熱辣辣上ge, 飲湯就真係好清甜, 冇肥油, 不過d雞煲到好鞋唔好食了

成日話食一蚊雞...前排終於有機會去食啦坐低菜牌都無個...要自己去問樓面拎先俾好啦...見海鮮紙無咩選擇想要個大菜牌睇下啦...叫左個樓面拎,應左之後等好耐都無拎黎(個晚唔係好旺架咋)自己唯有行去接待處問知客拎d小菜都幾平下...全部都係幾廿蚊有交易同朋友叫左一蚊雞、咕嚕肉、賽蟧蟹咕嚕肉同賽螃蟹都好快黎到...一蚊雞就好耐下...咕嚕肉幾好食!!d肉幾好口感!!d汁都ok~甜酸適中~唔錯賽螃蟹都好好食...不過就多油左少少搵左個黑衫既職員(應該係部長)order 2個白飯點知開頭黎左1個....到我食左半碗飯...朋友果個都未到催左幾次....個女樓面走埋黎睇我地張卡,問我地係第一轉叫既定係後加我地話係第1次叫既~唔係分開2次叫個樓面仲要問身邊既同事我地係咪第1轉叫白飯~好似覺得我地會呃佢白飯咁 真係想同佢講你唔信既大可以check下電腦啦再等多5個分鐘個白飯先黎之後一蚊雞都黎啦一蚊黎講隻雞都算幾得架...起碼有肉落肚...唔會得層皮埋單幾抵..連茶芥同加一每人都係80蚊左右本來想叫糖水既...但諗諗下可能又要等到天光先黎...所以都係唔叫啦

第五回一蚊雞又回到尖沙咀,上次食完個咕嚕肉發現唔啱口味,今次就要咗個蜜餞鎮江骨其實所謂蜜餞就係罐頭水蜜桃說實話可水蜜桃有可無,反而d洋蔥就真係了得,見到佢個樣以為未熟,但咬落,有驚喜,竟然洋蔥都有d彈牙,而主角排骨就經過鬆肉粉的洗禮,連無牙婆婆都可以咬到,但作為一條骨的味道就盪然無存 致於隻一蚊雞始終都係尖沙咀最有味,今次我路經洗手間之際,發現不同之處,佢地斬完雞之後就會用的白魯水汁,淋下隻雞,所以d雞會味,唔似其他的稻香,都係白烚雞一隻雞,一個骨,加一碗飯都唔多夠,係衡量之下,雞就一蚊,飯就8蚊所以要多隻雞,兩個人用咗hk$101 係尖沙咀食就真係good不過如果有人可以稻香反應一下,d骨碟可以唔使成日換ga,得兩件骨又換,行過又換,相當唔環保

久違了的一蚊雞,稻香的一蚊雞最大的優是除了時間要在下午6-9,只可堂食之外都沒有什麼特別要求,一個人食到的話要十隻都可以雞雖然唔算大隻,不過作為一隻一蚊雞絶對夠秤,味道方面都交足功課,不過食完超口渴,相信味精都用咗唔少和味咕嚕肉個汁偏酸不過就絶對啱我"可車",咬落脆口,如果個汁"結"少少重好,本來好高分的咕嚕肉,點不知但佢用咗豬頸肉哩整,即刻扣咗唔少分,可能有好多人鐘意,不過我就一d都唔ok,因為豬頸肉太油,而且無乜肉味後來因為未夠鐘而且個肚重可以放嘢落去所以再來一隻一蚊雞,不過兩隻雞都有同一個問題,個刀手切得唔多好,好多尖骨,一不小心口都會被插爆結果兩個人,兩碗飯,兩隻雞,兩茶位,一碟咕嚕肉埋單 $90.由於哩個價錢令我覺得個咕嚕肉完全都可以接受

昨天星期日飲茶，出左尖沙咀的稻香，到達時已經十二時了，好彩好快就有位。我們六人叫了約十種點心，都係D一般茶樓點心，和雪菜肉絲炒年糕。點心方面，大部份冇什麼特別，印象比較深的，是鮮竹卷和雞包仔。鮮竹卷的腐竹有腐竹的香味，而且不像一般酒樓般蒸得太腍，蠔油汁又較得幾好，不覺得杰，在鮮竹卷來說已經不錯了。雞包仔夠足料，加上我已經好多年未食過雞包仔，因此覺得特別好食。反而雪菜肉絲炒年糕是有驚喜之作。年糕帶粘性得來又唔黐牙，加埋雪菜，味道幾好。只係埋單要三百幾貴左D，可能是時間唔啱，特價時段食就唔會咁貴。

友前一天打電話去訂枱,但被告知要8時半後,而且還應該要再等位。於是早放工的我們,決定先去拿位。6時半左右就已經到了,小姐說很多人做節的關係,所以枱很滿,如果我們願意擠一下(6人坐4人枱)的話,則可以安排我們入坐。不想久等,於是接受了。邊等邊看要叫什麼東西。最後叫了醉雞鍋,原來整隻雞上之餘,還包括雞子,只,我們都不吃,浪費了。叫了牛根丸,珊瑚蚌,生菜, 肥牛,鱔片,牛肉粒等等,最驚喜可叫是一個海鮮拼盤,188有一整條魚,有牛肉,有金菇冬菇,有蝦有蜆有螺片有粟米,盤底還有大量的菜!!海鮮都很新鮮,真的是估不到呢!加上5蚊的冰凍汽水,真的是滿足得很!

十零度既氣溫最適合打爐邊, 見網友既食評都唔錯, 鐵定嚟試試...<服務> 1) 一個字形容 "差", 我同男友被安排响死角位, 真係叫天不應, 叫地不聞果隻2) 當叫到有侍應, 佢就會循例問下要D乜, 但每當我哋開口講佢哋就會行開... (大姐我知您好忙, 但唔好咁敷衍了事丫, 如果唔係開咗壼茶, 我哋真係會即走 !)3) 每次叫侍應拎杯/濕紙巾/碗/加湯... 都要叫2次或以上<環境>地方很窄, 位與位之間要貼住坐<食物>豬骨鍋 ~ 淨得黑胡椒味 安格斯肥牛 ~ 無乜牛味, 不試也可 雪花丁方 (牛肉粒) ~ 好新鮮, 好有牛味, 推介 冰豆腐 ~ 一般, 放湯後好快爛 炸腐皮 ~ 同小肥牛有得比 雲吞/水鮫/魚皮鮫 ~ OK四寶丸 ~ OK珊瑚蚌/貴花蚌 ~ 好鮮, 值得一試 冬菇/秀珠菇/雞脾菇 ~ OK油麥菜 ~ OK混醬 ~ 茶芥己包二人共消費 : $488

星期6,約了朋友去食dinner．本來想去TST食韓國燒烤，但到左TST後，我們突然又想打邊爐，於是去左新港中心稻香超級漁港 （first time)．多數去德褔個間．一去到唔使等（正），直接入去，有卡位（好--感覺近ｄ和舒服），但係又難ｄ叫人落單．食物一般啦，唔算好好．．．兩個人叫左十幾樣野，似乎太多，諗住可以食得完， 因為我們都是大食的人而且仲好肚餓．但到最後大家都飽到死死下，真係食唔完，有ｄ浪費，下次叫少兩三樣應該差唔多吧．．．打邊爐個種熱ｘｘ，香噴噴的感覺好正好吸引呢！！～ｙｕｍｍｙ

看到呢間野晚上平價火鍋當然唔想錯過就行入去啦, 好多人等了接近一個小時先坐得.食火鍋看配料好似好平, 不過其實特價的唔算多, 好多想食的都係三四十蚊碟, 分量正常.湯底好正甜品夜很好食, 看得出係花了一番心機的. 個經理服務都係很好令人非常舒服.然後上菜很快呢個係好多店沒有的, 有很多店專登拖住慢慢上. 材料也很新鮮質數很好.

佢個早市,特別推出左一張紙仔係細點類,其中有一個我一定次次點:壽包~佢一籠三個,嘩,勁熱勁熱呀,一睇就知佢係即叫即蒸,包內d連容勁香勁軟呀,總之就係好正啦~大致上,我覺得這間 稻香點心做得幾好,唔錯...唔錯...

9/1 今晚約左一大班同學出黎打邊爐, 原本我地唸住訂7點半, 因為就番放工時間, 但酒樓話如果訂呢個時間黎到都要等位, 訂6點半就可以即入, 咁我地就決定訂早啲, 去左攞位先, 再慢慢等人, 我地去到真枱枱都係打邊爐呀, 同埋好多人都係2-3個人攞左張大枱, 然後坐喺到慢慢等人, 呢到又好似冇人催你喎!我地叫左個火鍋拼盤, 因為佢送個湯底比我地, 原價湯底都要$48一個, 另外再叫左個海鮮拼盤又係送湯底, 我地9個人就有兩個鍋打啦, 啲野食都起得好快, 野食方面平均都ok唔錯, 我地差唔多打到9點, 因為呢到9點後有平, 但啲伙記都冇催我地埋單!埋單$1112

元旦日，與朋友到新港中心稻香食晚飯。入座時，服務台隨手遞了一張「抵食推介」(如圖)。我們認為A餐(上湯焗龍蝦及脆皮咕嚕肉)價錢合理($268)，菜式又合胃口，於是點了A餐，另外點了金銀蛋浸菜仔。進食期間，忽然看到主餐牌有標價每份$188的芝士或上湯焗龍蝦(如圖)，心想脆皮咕嚕肉豈非要$80以上才比「抵食推介」抵食？可是在主餐牌上找不到咕嚕肉的單價。結帳的時候，向樓面經理李先生查詢咕嚕肉的單價，他回覆是$48！！！我們追問為何單點餸菜比套餐還化算，李經理只回應套餐份量與單點有分別(分別？是較多？抑或較少？沒有交代！)。明明兩者都註明龍蝦的份量是一份，何故經理會解釋份量不同？？？真是百思不得其解！最後，經理都堅持要以「抵食推介」套餐價結帳，即比單點貴$32。作為客人，點了套餐當然覺得價錢合理，預算以那個價錢結帳，但是發覺原來被「搵笨」，真的有點不順氣。經理回覆時，牽強地說其份量不同，其實我們都感到他在汗顏。這次事件，相信是定價出錯，並非存心欺騙顧客。若經理肯主動送贈果盆或糖水或免茶芥(2人$16咋！)，或者我們會順氣一點。後記︰本想向「飲食男女」投訴，可是原來該雜誌已取消了投訴欄！嗚嗚嗚~

一早就知道平安夜很難訂位，但遲遲都未有決定吃什麼好，唯有等到諗到想食乜先算，點知一早朋友們就說不如一齊打邊邊再去看燈飾影相，太好喇，一行三對情侶一共六人，就想了想在什麼地方吃個早飯呢？想了幾間，都是這個新港中心的地點就腳一點，方便行去尖東等地看燈飾。一大朝早係公司打去問問訂位情況，訂８點的位，一定要去到等人埋單才能入座，但如果６點半就肯定有位，下…６點半，好像早了一點點，算喇，反正有得早放，早點過去坐坐傾傾，就會到７點食飯時間！好啦！就訂６點半６位喇！朋友早到，點知給了卡位，但真係會坐得好唔舒服，所以轉了去大堂的圓桌罷了！等到人齊了，我們就下單叫食物了！有一張主要的長單張，又有幾張特別（貴）的小單張，如包心丸子、蝦等，先剔了個鴛鴦鍋及以下（部份精選）配料：美國手切肥牛　ｘ　３：好多塊薄薄的又靚，好有牛味。非常有水準，牛肉好大塊而且尚算好完整，淥熟左之後達到好好既口感，肉質一流夠嫩夠滑，就算一碟正價要成$４８都抵食～！三拼餃（魚皮餃x雲吞x水餃）：各款都好有水準，不過得番12粒就少左一點喇！餃夠薄皮，不過煮左好耐都唔見佢地爛喎！咬入口，ｄ汁彈出黎，而且好爽口及彈牙，大大粒的雲吞淥熟之後，