秋田鐵板燒刺身專門店

營業中

休息中

話說，得到善長人翁的私人贊助♥️， 在美食月內可以試下my wishlist上的餐廳。今次來到了灣仔的秋田鐵板燒專門店。上次吃了旺角某鐵板燒不太滿意，價錢偏貴，今次都只是抱著不大的信心一試。餐廳位置好好找，在合和中心對面的QRE plaza 8樓。我們被安排在其中一張鐵板枱，面對著廚師。每人點了一份午餐，其中一份加$68多試一款。菊 ($288)蒸蛋沙律鮑魚原隻大虎蝦西京燒銀鱈魚柳 (加$68)和牛脆蒜片青葱薄燒卷麵豉湯特式炒飯炒野菜雪糕桃 ($350)蒸蛋沙律鮑魚龍蝦脆 蒜片 美國牛小排龍蝦麵豉湯特式炒飯炒野菜雪糕師父手起刀落，兩三下就為大虎蝦脫下外殼。是用新鮮活鮑魚。鮑魚彈牙，不韌。龍蝦的汁超香，龍蝦肉新鮮。個人認為和牛薄燒卷較重牛肉味，口感也比美國牛小排好吃。炒飯剛剛好，不濕不乾，香氣四溢。即製的銅鑼燒夾著雪糕 外暖內冷， 雙重口感很好吃。服務方面，店員都很忙。要主動要求才加茶。幸福的一餐，多謝善長人翁~😚

高分鐵板燒好友生日 秋田聽左好耐一直無試過原來除咗尖沙咀灣仔都有分店 我哋就book咗食灣仔嗰間 上到去可能平日關系 唔算多人 本身諗住要叫二人餐 原來一位都可以叫我哋就揀咗熊本套餐 一位用 再加其他刺身同埋小食 (一位用只可以選擇簿燒)跟餐有鮑魚一隻 半隻龍蝦 🦞 簿燒兩卷黑松露蒸蛋 🍳鐵板鵝肝 炒飯 🍚龍蝦味增湯炒雜菜 🥬銅鑼燒仲有一球雪糕🍦我哋另外叫咗蟹子沙律🥑牡丹蝦🦐同三文魚刺身 🍣雞脯魚竿仲有negi toro卷物 加多一杯啤酒🍻埋單$1250 性價比極高食物有質素環境都唔錯 睇到佢午餐Menu都好吸引 下次要帶埋老公同囡囡一齊品嚐訂枱之前mention慶祝生日 我以為會好似尖沙咀一樣有得寫字喺鐵板上邊🤣🤣🤣不過無 唔知係唔係要加錢先有呢種服務

$158原條鰻魚飯定食-秋田(灣仔)上次介紹完晚市鐵板燒, 這裡的午市套餐亦同樣抵食!!人均大概$158-$200, 定食包前菜,麵豉湯,咖啡/茶/甜品, 選擇都挺多,魚生飯, 壽喜燒,鰻魚飯等! 這裡的鰻魚飯就相當抵食啦!😋 每條鰻魚都比手掌還要大, 份量十足(2個女仔share都覺飽), 重點是鰻魚全都即叫即燒, 因此製作需時, 但質素個人就覺得一般般, 質感略稔,碎骨亦較多!外層燒得香脆點會更好👍🏻 但以這個價錢如此慷慨份量,個人就覺得十分抵食!!rating:8/10

12點45分在灣仔區要食個lunch， 要搵下啲地方唔使排隊嘅， 真係要撞下彩， 但又真係撞中！ 應該話係， 啱啱仲有位。 帶住兩個老人家， 食量又唔多， 就點了餐牌上的$188 午市套餐。沙律先到， 夠凍夠清新。 之後菜式直到甜品都喺你面前嘅鐵板度表演。 再嚟係焗雞蛋白， 夠熱又夠滑。 然後來過頭盤海鮮， 我哋分別叫咗帆立貝、 銀雪魚、 大虎蝦， 帆立貝用番個殼連湯汁上， 燒熟咗之後只得一個五蚊硬幣大小重要一開四， 不過都幾鮮味， 銀雪魚及虎蝦就較有睇頭， 睇得又食得， 味道唔錯。 主菜我們點選了和牛蒜片青蔥燒卷， 每人有兩卷共四件， 美味又juicy。 大蜆味噌湯使用三文魚骨煲的， 味道清甜。 炒飯就很多材料， 炒野菜就冇乜特別。 即場製作紅豆燒餅， 還有芝麻雪糕 或 咖啡。值得一讚的是個抽氣， 因為食完餐飯，在身上散發的油煙味十分稀少！

正日生日老公叫我請假，跟住帶我來到呢度食生日嘅第一餐。聽人講呢度食鐵板燒有人會在鐵板上畫公仔寫生日快樂，不過Lunch 係無🙅‍♀️由於夜晚已經約左人，佢唯有同我食lunch啦！不過呢個lunch好抵食又好食😋呢個餐有龍蝦丶鮑魚丶蒜片牛丶牛肉卷等等，好飽飽呀！最尾還有個日本雪糕球，非常滿足！生日有個美好一天😄

8號颱風之下兩個同事幫我慶生今日人小小 黎左呢度食鐵板燒我哋都係叫咗楓套餐 野食都算幾豐富師父係我哋前面即燒即上 不得不讚下呢個牛 燒得好好食又肥又juicy🥰🥰魚好甜！！！雖然午餐黎講都幾貴 不過會再黎因為太好味啦^_^

曾經在外地吃過爐端燒，一試難忘。因為有個廚師在面前表演他的巧手妙法，吃起來分外有一份溫暖。在朋友介紹下試試秋田，食物質素果然沒有令我們失望！魚子蒸蛋，蛋很滑，食材鮮甜味美。最精彩是師傅烹調龍蝦頭，熊熊烈火之下龍蝦香氣撲鼻，用以煮湯味道超鮮甜！鵝肝煎得外脆內軟還有customize 圖案的炒飯，很香口很美味！坐在爐端有三組客人，看見旁邊的海鮮套餐也很吸引！其中一個家庭似乎很趕時間，不斷叫師傅快快起菜... 計我話，吃爐端燒該是預2-3小時慢慢吃慢慢享受吧！

好耐無食鐵板燒，同事話要去食LUNCH，所以黎左秋田。秋田鐵板燒夜晚好貴，午餐反而唔錯燒牛肉香口味道佳帶子新鮮彈牙燒雞脆口燒豬肉彈牙多汁燒魚都好香脆如果多D選擇就好喇套餐都包白飯，所以都幾飽份量都多，唯一要彈係好容易會吸味，係每一間餐廳既大忌服務人員不多，叫左一陣先有回覆

🇭🇰#香港捐窿捐罅記 instagram : foodkiller_dk🦖暴暴🦖祝大家新年快樂 年初一 就比隻超超超大鮑魚大家睇下 祝大家日日有餘😏 日日有鮑魚食🥰 全世界都快d出pool 🐷 賺多d錢👻 比起外國會表演既鐵板燒 香港既比較正經 我問左個廚師點解冇得表演 佢話因為安全問題 所以就好少機會表演 btw其實我冇食隻鮑魚 因為唔係我order 係人地 個set要成2000蚊 我都係比較適合食1xx既set 😂😂😂😂-午膳鐵板料理套餐 一人前 （$178）前菜 鮮三文魚籽蒸原蛋蛋蒸得啱啱好 冇過老 幾滑👍 三文魚籽好鮮甜原隻大虎蝦🦐🦐🦐🦐🦐有我手掌咁大隻既蝦 爽口彈牙 好似新鮮蝦既口感 雖然我知道佢係雪藏 不過入口唔似 仲有廚師會煮埋個蝦頭 比你成個食左佢🙂香煎法國鵝肝🦖🦖🦖🦖鵝肝煎得外脆內嫩 而且面包吸左油 唔會好油和牛脆蒜片青薄燒卷🐮🐮🐮🐮完美既口感配合 和牛既淋 配蒜片既脆 加上蒜片吸埋個牛肉汁 好豐富既味👍其他唔太特別 所以我就唔特別講啦總結來說 係抵去既 廚師又會有問必答 而且好爽手 又好食 又有20年經驗 如果我叫其他set 就一定會比佢更高分 不過我食最平果個😂-

之前食過一次，覺得ok，都唔係好高質。今朝打電話去問下有無位，接電話個職員態度極差，極冷漠咁答完一句無位就up線，以後Bad List！就算無位都唔需要咁惡劣既態度，仲要咁無禮貌up線！唔好影衰曬香港d日式餐廳，呢度唔係淨係得你一間，服務極差，已經有唔少負評

其實平時都有食開尖沙咀分店，今次就試下灣仔分店。覺得呢度嘅鐵板燒都幾好味，而且價錢唔算貴一入到去見到餐廳都幾大，有好多大枱，適合一班人嚟食。入咗冇幾耐就畀沙律我哋，沙律材料都豐富，有火龍果、蕃茄、甜薯、粟米、沙律菜、青瓜等,沙律嚟講都算有誠意接著廚師就喺個鐵板上面準備咗黑魚子魚子蒸蛋畀我哋，呢個裝落隻蛋到幾得意，而且望落去好靚，味道都唔錯鵝肝都算幾大塊，味道唔錯，不過我就覺得如果煎耐啲就更加香我哋叫咗鮑魚，鮑魚好大隻，而且非常新鮮，活生生咁放上鐵板燒上面，一路燒一路喐，真係好生猛 燒好之後肉質非常好味，新鮮有夠林午餐跟麵豉湯，麵豉湯味道夠濃。我就點咗牛柳，叫咗五成熟，加埋上面啲蒜片食味道都唔錯。 但係呢個牛柳偏鹹，放得太多鹽，廚師調味有待改進。 炒飯喺鐵板燒裏面我都幾鍾意食，呢個炒飯ok，但係調味我就覺得一般，唔夠味。最後配上炒雜菜，味道都係偏鹹，甜品有芝麻雪糕。

是次光顧灣仔秋田鐵板燒已是第二次了，同樣是午餐時段，喜歡廚師在你前面烹調的風味和可以接受的價錢幅度。今次選擇的套餐名為「菊」，價錢$268 一位，是第三平價錢，最平的一個只需$188。鮮三文魚子蒸原壳蛋原壳蒸蛋放了兩種不同的鹹香魚子使普通的一個蒸蛋變得極既矜貴又可愛。田園沙律材料豐富，清新又開胃。鮮活原隻南非鮑魚飽魚生生猛猛地被廚師放在煎板上烹調熱得不停地扭動，感覺有啲殘忍，之後食落啖啖又爽又彈嘅鮑魚肉又不敢竪起拇指叫好，認真矛盾！西京燒銀鱈魚柳魚肉鮮嫩可口，唯美中不足就是太細件！和牛脆蒜片青蔥薄燒卷份量比想像中多，和牛油脂滿溢，包着大量青蔥和蒜片一齊食，口感豐富。大蜆味精湯 、 炒野菜湯的味道不甚突出，但勝在材料豐富，可惜不夠熱。野菜炒得不會過生，但係好爽口。秋田特色炒飯用大量櫻花蝦炒飯格外美味！日本雪糕食完鐵板燒後，來一客冰凍的綠茶雪糕，好爽！以為食完雪糕就食完了，原來有特別甜品奉送，認真驚喜。原來係叮噹食嗰啲豆沙餅啊！單看製作過程已經夠晒吸引，再食埋呢個紅豆pancake豆沙餅，真係一大滿足！

家庭聚會又一好地方。服務不錯價錢又抵，食物新鮮好味。一行二十多人，一區的鐵板燒吧枱坐無虛席，還要誇過第二區。實在熱閙。先來田園沙律清清喉嚨，即時醒胃。賣相嬌小可愛的原売蒸蛋，熱呼呼的傳來香氣，原來是三文魚籽的鹹香。蒸蛋尚算滑溜，滋味！師傅己準備就緒，拿起工具，一隻隻鮑魚放在鐵板上，鐵板熱度另鮑魚起舞了，還活著的太新鮮了。肉質軟腍容易嚼著，鮮甜美味。跟著是帶子，手掌之大，少許的調味提鮮，己夠入味。非常軟熟。和牛選揀了脆蒜片青蔥和牛薄燒，只兩三下手勢，半熟的和牛卷已在口腔內嘴嚼，半熟度恰到好處，牛脂香味濃厚，配上大量青蔥和炸蒜片，惹味！等待炒飯的時候，大蜆味噌湯先上場。湯底鹹度剛好。大蜆鮮甜，質素高。炒飯配料不少，好豐富。炒得乾身，粒粒飽滿金黃，一啖一啖，絕冇油膩感，滿足。餐後可選雪糕或飲品，甜品控的我，當然雪糕啦！最後燒叮噹紅豆餅，每件大小均一、好可愛喔。用來伴雪糕，一冷一熱有驚喜。

上星期BOOK位  準時1點入座 唔洗等我自選鵝肝配和牛薄燒同事選大虎蝦配美國牛小排坐低無耐 侍應遞上大蜆麵噌湯及田園沙律沙律的醋味 甜甜酸酸很醒胃廚師在鐵枝燒枱上忙著住海鮮其中有一個用獲蓋遮住 原來是鮮三文魚子原殼蒸蛋蛋很滑 鮮三文魚子很鮮甜戲肉---鵝肝外脆內軟 配麵包索去油膩感每一啖都好滿足、好享受脆蒜片和牛薄燒 和牛好味 但個脆蒜片有點苦同事的脆蒜片牛小排也遇上同樣問題牛很好食 但脆蒜片也是苦的同事說蝦很淡 但配上預先擺放的調料醬就很好食炒飯加好多好多櫻花蝦(心心眼)令你每啖飯都充滿著櫻花蝦炒野菜也很好味最後 師傅也即場整紅豆餡餅先整兩塊pancake 再炒香紅豆組合變成 豆沙餅再配order綠茶雪糕(可選雲呢拿/芝麻)一口豆沙餅 一口雪糕真是滋味，捧著肚離開

昨天星期日是每月家庭聚會的日子，我們為數24人訂了下午1點鐘在秋田鐵板燒食肆聚餐，由於人數衆多，要分兩張枱，我們選了$268的鐵板餐，食物相當豐富，前菜有鮮三文魚籽蒸原殼蛋、田園沙律、鮮活原隻南非鮑魚、北海道鮮活帶子、和牛脆蒜片青蔥薄燒卷、大蜆味噌湯、秋田特式炒飯、炒野菜、紅豆班戟和芝麻雪糕，材料新鮮，師傅巧手的烹調，尤以鮮活鮑魚、北海道帶子及和牛薄燒卷，都是精彩菜式，一大班人嘻嘻哈哈，享受豐富滿足的一頓午餐。