影片
雖然開o係橫街，但係地點好偏僻又唔算，起碼隔離間金翠燒臘飯店同容記小菜不知幾旺場，可能深水土步開得太多日本料理（又櫻之花又兩間三上同金太郎、燒堯、小金井等等），日日行過都見Ｄ人出晒門口派宣傳單大聲叫人幫趁，叫到牙血都出埋咁滯，今日終於有機會試下；一入門口，除左一兩個後生仔著便服外（似老細），其餘幾件「阿嬋」，一坐低就不停叫你落單，好似驚死你坐坐下會唔幫趁就走左咁，感覺好煩！都係點返Ｄ招牌野穩陣，一口冷麵$38，六小碗，三碗蕎麥麵，三碗拉麵，小弟覺得拉麵有些少麻油味，香口Ｄ好食Ｄ，個汁都幾好，微酸又夠凍，食完跟手再叫多一份改全拉麵，感覺好清爽，三文魚刺身，一般貨仔，夠凍夠新鮮，$28 蚊一客，有四大片，尚算抵食，汁燒銀鱈魚$68，好肥美，有銀鱈魚既油香味，用料上乘（可能都係雪藏貨色，但係總有分上下價野，起碼外面食唔到咁靚既銀鱈魚）。裝修方面以呢區黎講算ok，再整靚Ｄ都冇用，大家都係食飽就雞咁腳走，新開張地方尚算乾淨，招呼方面就不敢恭唯。呢區以三上日本料理為首，用佢黎做比較最好不過，雖然價錢方面冇三上咁抵食，但質素比三上有過之而無不及，地方冇咁嘈，侍應冇咁吋，座位冇咁迫，唔想去三上排粒幾鐘食一餐晚飯既話，秋名山會係一個好選擇。
繼續閱讀
呢間嘢d食物只可以用一般嚟形用佢!全部嘢都係普普通通，唔好信d雜誌呀!影得靚d就好味do架啦!d雜誌係唔係無嘢影，九屎垃圾都影。錢都咪去試下囉!
繼續閱讀
只可說是普通，先叫了幾碟壽司，三文魚尚算新鮮，但太薄，甜蛋很普通，也不能算大件…金菇牛肉卷的牛肉沒有燒過，不夠香口。之後加單一口冷麪和豬頸肉沙律。一口冷麪…六小碗冷麪，每碗有一件海鮮配料，但可以以難吃來形容，極不明白為何雜誌推祟它為招牌菜！那豬頸肉沙律只是十片左右豬頸肉加上青瓜絲和白醋，自己也能弄，但很多油，不好吃。環境也很普通，牆壁沒有任何裝飾，通道也很窄。但服務員的態度不錯，入座時沒有靠牆的座位，服務員承諾有人埋單會給我們轉位，十多分鐘後果然做得到，值得一讚。雖然如此，如果不是有朋友轉贈$100 coupon，我肯定不會加單。兩人合共$162-$100 = $62
繼續閱讀