影片
本身住港島區 原本十年都唔會去一次土瓜灣 但因為要帶阿仔去隔離個公園踢波之後肚餓得濟就求其搵間嘢坐低開頭入到去都有啲驚 得兩枱客 嗰日仲要係禮拜六晚 但睇睇個餐牌 價錢又ok喎 小菜好似全部唔過$100 咁咪諗住算喇都入到黎 二個人食左三碟嘢麻辣豬耳(免費) 爽得黎夠辣啫啫通菜煲 普通夠味炸豆腐併九肚魚 新鮮炸起 送啤酒一流蛋白脆米炒飯 依個係一個貌似老闆娘嘅人推介 話包我喺出面食唔到 食落佢又真係無呃我喎依個一定要試雖然唔知下次幾時先會再去 因為個位真係有啲難去 但大家應該支持下依一類小店 如果唔係落街都只會係大型連鎖店
繼續閱讀
自從黎左土瓜灣做野都有一排，得閒周圍行下見到有間野新開就去試下。呢間餐廳係車房之中，只係開夜晚，我同兩個friend叫左4樣野食，一個係翅，一碟虎蝦，一個黃金骨同埋蟶子。其中得蟶子係菜單先有，其餘都係老闆推介，menu係冇的。首先係等菜期間俾左碟豬耳，可能我唔係太食得辣，覺得偏辣。之後過左唔駛5分鐘，煲翅就黎到，佢附左左碟芽菜。一試之下，喜出望外！好味！翅左翅味，汁有汁味，令我更期待之後的食物。第二個黎ge係蟶子，有水準，但同出面海鮮館食的差不多，所以冇影到相。之後陸續黎左黃金骨同埋虎蝦，個骨d汁佢整好好味，有鹹蛋碎+有少少流沙奶黃包的味道，但d肉太大粒，不太入味，希望改善。最後個虎蝦我覺得特別之餘又惹味，估唔到一個細細地小菜館有d咁ge質素！價錢方面佢唔貴，無個菜式都係50-80蚊左右，可以接受。我下次應該都會再去，試埋其他菜。
繼續閱讀