禮 (打鼓嶺道)

營業中

休息中

早排去咗九龍城一間朋友推介嘅居酒屋食串燒，非常有驚喜。餐廳有兩層，我哋被安排坐喺上層tatami座位。餐廳環境好有氣氛，坐得幾舒服，好適合情侶或者三五知己約埋食下野、傾下偈。前菜嗌咗古早蟹籽沙律同埋黑松露枝豆。第一次食黑松露枝豆，味道好特別，值得一試。特別鍾意佢個免治雞肉棒配醬油蛋，好出色👍🏻串燒全部都好好味，一定要試富士蘋果豚肉卷同埋青森青提豚肉卷，水果夠juicy配埋燒到啱啱好嘅豚肉，估唔到咁夾。食親串燒都必嗌既明太子雞翼同燒菠蘿😋呢個蟹羔玉子燒不得了!! 熱辣辣，入面好soft，好美味👍🏻燒原隻魷魚，燒到剛好，唔會韌👍🏻南蠻炸雞，外脆內軟，雞肉嫩滑，配埋個特製醬汁，唔錯唔錯👍🏻網燒月見牛扒丼，薄片牛肉，配埋d蔥一定食，好滿足。甜品嗌左豆腐雪糕同抹茶雪糕🍦整體食物高質，店員服務好好，價錢又唔貴，一定會再嚟😃

一間食物種類選擇豐富嘅日式居酒屋小店， 有刺身、壽司、串燒、炸物到丼物等等。 座位以四人位為主，氛圍比較啱一班朋友高談闊論咁聚餐。 極上刺身三品 ($238) • 分別係油甘魚、三文魚、帆立貝。 • 整體係一碟好高質嘅刺身，肉質嫩滑、咀嚼嘅時候有刺身原有嘅淡淡鮮甜。平時唔好刺身嘅我都覺得好食。 清酒煮蜆 ($88) • 每粒蜆肉都好飽滿，最重要係食落唔會咬到沙粒，處理得好好。 • 清酒嘅米香味幾濃郁，但又唔會搶走蜆本身獨有嘅鮮甜。 青森青提豚肉卷 ($48)• 極力推薦‼︎ • 用豚肉包住一粒原整嘅青提去燒，味道有驚喜。 • 青提經過燒烤仍然保持獨有嘅香甜，口感變得更腍同更多汁，兩者味道好配合。 脆皮風鱔 ($88) • 燒嘅程度啱啱好，外皮收得緊緻香脆。 • 入面嘅肉質保持爽口，保留到鱔嘅味道。 池魚王薄切 八切 ($138) • 肉質除咗保持一貫咁鮮嫩肥美，仲多咗一股魚油香。 • 撈少少伴碟嘅薑蔥一齊食又係另外一種層次。 蟹羔玉子燒 ($88) • 玉子口感好濕潤滑溜，比較似蒸出嚟。 • 夾咗蟹羔喺入面，食落有浸浸蟹羔味滲出。

行街經過發現到呢間幾靚的居酒屋，係鬧市中見到好有隱世的氣氛，同朋友二話不說就決定食呢間做晚餐🥣一入到去職員服務態度好好，見到我地即刻上前安排座位比我地坐低，另外安排左礙份前菜比我地，首先講講個前菜，前菜好似係一定要叫，每份10蚊。前菜係牛舌，聽講每日的前菜都未必一樣，我同朋友都唔太鍾意食牛舌，所以都一致覺得個牛舌前菜太硬太鹹，唔推介！迷你三文魚丼$188:三文魚的質素完全對得住呢個價錢！三文魚係好新鮮好鮮甜，係出面貴三文魚的價錢嚟，而且一啲都唔迷你，個份量完全夠我地兩個人食！池魚王薄切 八切$138:魚的質素好正，但可以再切得靚仔啲，師傅刀工可以再改善😂😂😂薄切好似厚切，但可以再encore!!!!南蠻炸雞$78：皮厚，但肉唔多，唔推薦厚切牛舌芯$68:唔鍾意食牛舌的我覺得啲肉質好硬，有啲難入口脆皮風鱔$88:質素普通，同埋燒到好燶！88蚊嚟講算係唔抵食！胡麻蕃茄沙律$78:最最最好食係呢一個，大大份好抵食！蟹肉蟹羔甲羅燒$88:食過出面貴質素，同呢個差好遠，蟹肉唔新鮮，聞落都有啲怪怪地，88蚊唔值！

為咗呢間Sake bar 又再一次嚟到九龍城幾次都係專登嚟搵餐廳食晚飯！呢度真係有好多高質小店食厭咗商場連鎖店可以嚟呢度尋寶～今次專登帶朋友嚟食串燒同刺身串燒必食雞軟骨&雞頸肉日式串燒一般都唔會太重口味食慣四川串燒嘅人難免會覺得太淡但係呢度嘅串燒非常啱口味！非常邪惡蟹膏玉子燒好好食！如果有碗白飯就一流😂脆炸墨魚咀啱啱炸起熱辣辣，最啱送酒🍶清酒煮蜆蜆肉都算大隻，最緊要係冇沙！今晚食好啲一於叫一份海膽海膽質素好好，夠鮮甜。螢光魷魚同水母刺身都係非常好嘅下酒菜。

好耐無去九龍城，又唔想食泰國野，點知比我衍衍下搵到間居酒屋，佢門口有好多招財貓，舖頭入面掛咗好多燈籠，仲有幅好搶眼嘅畫，咁地道，試下佢先餐牌好多選擇，有刺身，有蠔，有天婦羅，有串燒，有玉子燒，有飯團，有烏冬，有壽司，嗌嘅時間小心啲，一不小心食唔哂，好浪費，因為我地2個人都食到捧住個肚走由於朋友唔食生野，今次餐單：南蠻炸雞蟹膏玉子燒 鹿兒島一口牛黑松露大啡菇媽媽鹹蛋豬肉棒厚切牛舌芯月見醬唐揚飯團極尚黑豚腩脆皮風鱔芝士年糕燒野火侯剛好，心心特別推介，份量都偏大舊

前幾晚約左朋友喺九龍城食飯～今次黎到呢區唔食泰式串燒，反而係食日式串燒同料理呢度既格局雖小，但座位都算闊落，整體感覺都幾舒適先有位上既前菜，呢日係冷牛舌，食落辣辣地都幾開胃～之後點左份三式漬物分別瑩光魷魚、牛蒡同蒜頭朋友就要左分胡麻蕃茄沙律爽一爽串燒牛舌同五花肉都好爽嫩，非常滋味清酒煮蜆偏重酒香，蜆肉無砂飽滿必食之選一定係呢份蟹膏玉子燒！！！滑嫩既玉子包滿蟹肉蟹膏，鮮味十足燒得香脆既飯團伴上雞蛋，又係另一種誘人既美味最後點上兩款香甜既物品～不論係玉米定蕃薯都令人覺得香甜回味

上星期去九龍城途經見到依間禮 Sake Bar Present ，被玻璃窗前面嘅招財貓所吸引🤩還有《當下》這一幅字畫，感覺幾有趣。禮 店家手作串燒真的好吃，充滿新鮮感。餐廳以不同的清酒樽裝飾牆身，好似去咗日本地道居酒屋🏮一樣，覺得其他店舖較為少有，所以就入去吃個豐富晚餐，品嚐一下傳統日本和食！前菜牛舌清新好味，開胃菜最啱！黑松露枝豆估唔到咁好味，有驚喜，黑松露味道濃郁，香氣撲鼻，枝豆佐酒一流！紫蘇三味雞肉串一口一粒，細細粒容易食，紫蘇三味好入味，雞肉串彈牙鮮甜，簡單又好食的一道菜。媽媽鹹蛋豬肉棒媽媽鹹蛋豬肉棒讓人一試難忘！柔軟口感，又有鹹蛋的濃郁風味，味道濃郁又微甜，使人賞心悅目，無法抗拒。極上黑豚腩使人愛不釋手，極上黑豚腩豐富的肉汁，每一口都充滿了鮮美的肉味。口感細緻，肉質鮮嫩，燒烤香氣更加誘人。亞波美手羽先我好鍾意食燒雞翼，亞波美手羽先成為雞翼愛好者的最愛，濃郁雞味和口感，皮脆入味，肉好彈牙，每一口都能帶來滿足感和享受。免治雞肉棒配醬油蛋免治雞肉棒嫩滑多汁的口感，搭配著醬油蛋汁一起享用，能夠增添層次和豐富的口味。免治雞肉沾滿自家製醬油蛋是一道令人垂涎的料理。芝士玉子燒芝士玉子燒是一

禮 位於九龍城 居酒屋裝修非常日式 有日本感 唔會有壓迫感職員健談 氣氛好前菜牛舌青瓜紅蘿蔔 開胃菜 甜甜咸咸的 牛舌帶小小夾口元氣蒜頭漬確實係蒜頭 但入口原全無蒜頭味 咸咸 胡麻蕃茄沙律原隻無皮蕃茄 滿滿胡麻醬 蕃茄冰冰凍凍 新鮮柚子醬沙律底 fresh日式薯餅唔算好大粒 不過切開 見到白煙飄出 真係即炸 內裏薯蓉加忌廉 非常細滑唐揚炸雞每件都大件 炸得好香脆 炸粉薄 肉質唔會乾京蔥雞肉串雞肉嫩滑 醬汁填滿雞肉 京蔥媽媽鹹蛋豬肉棒你以為係鹹蛋醬 錯 鹹蛋係豬肉內 每啖都有驚喜 唔乾 帶鹹蛋香及小小油份脆皮風鱔鱔皮脆 肉質厚厚 炭味十足 魚油香雞頸肉唔知幾多隻雞先有 口感 有點點似豬肉原燒日本魷魚比想像中大條 切得非常整齊 魷魚柔軟唔煙韌 醬汁甜甜的 帶出魷魚香紅豆鯛魚燒伴雪糕綠茶雪糕 奶味重 唔太甜 紅豆鯛魚燒 十分夾 為今晚畫上句號

今日帶左屋企人去九龍城呢間日式居酒屋食晚餐，我地點左好多野啊！高湯玉子燒燒得唔錯，裡面保持著濕潤，每一口都帶著濃濃既高湯味。元氣蒜頭漬好入味，蒜頭既味道好濃郁，吃起來非常開胃，讓人胃口大開。板煎和牛粒很嫩，口感很棒，肉質非常鮮美，吃起來幾乎融化在口中，每一啖都非常享受。南蠻炸雞炸得好酥脆，外層既麵衣非常香脆，裡面的雞肉都非常嫩，配上秘製醬汁，正！極上黑豚腩肉質非常嫩，口感很鮮美，吃起來油而不膩，肉汁充足，讓人一口接一口。富士蘋果豚肉卷卷得好靚，豬肉很嫩，而且配上蘋果的甜味，口感非常豐富。免治雞肉棒配醬油蛋好適合當作小點心，肉質好嫩，配上醬油蛋更加好味。油甘魚鮫油脂豐富，魚肉好鮮嫩。厚燒豆腐口感扎實，配上燒烤的味道，唔錯。

禮居酒屋的氣氛與人聲鼎沸的居酒屋氣氛截然不同，客人都比例斯文有禮，是次到訪剛好細雨紛紛，感覺上令人放鬆。 前菜 切粒牛舌軟腍入味，配上微辣醬汁，是一道特別的開胃小菜。 蟹膏玉子燒厚燒玉子熱得出煙，配上濃郁蟹膏及脆卜卜蟹籽，入口軟甜滑溜，味道甜甜鹹鹹，食味不俗。 松露半熟牛肉他他 牛肉刺身外皮經過燻烤，內裡牛肉呈鮮紅色，配上幽香松露，味道鮮甜軟滑。黑松露鵝肝多士鵝肝多士鵝肝厚切，煎後感覺不油不膩，柔滑甘香，肝味濃郁，配上烘脆多士很滋味。日本青椒仔日本青椒仔皮薄帶青椒甜香，入口爽脆香甜。免治雞肉棒配醬油蛋免治雞肉棒肉質有點像肉餅般的鬆軟，點上日本雞蛋與豉油，增添雞肉棒的嫩滑滋味感。秋葵秋葵串燒完全沒有滑潺潺的感覺，入口爽脆。海老天婦羅天婦羅炸漿很薄，海老入口彈牙鮮甜，口感很佳。媽媽鹹蛋豬肉棒鹹蛋與豬肉非常匹配，鹹蛋令豬肉味道提升得更加豐富。 油甘魚鮫 油甘魚鮫無細骨，魚肉很多很嫩滑，油甘魚魚脂平均分佈於魚肉中，啖啖甘香。富士蘋果豬肉棒豬肉捲上富士蘋果，有點像豬鞍配上配蘋果蓉，入口味道濃郁爽口，富士蘋果十分清甜，減輕肉類油膩感。迷你三文魚籽丼三文魚籽充滿光澤，脆卜卜一咬即破，滲出點點魚油脂香

自從地鐵屯馬線開通咗，方便去九龍城搵食。今晚約了好耐冇見嘅朋友去一間日系居酒屋，邊食邊聊聚舊。胡麻蕃茄沙律清新醒胃。蕃茄甜美。水母刺身爽脆有嚼口。佐酒一流。板煎和牛粒香口惹味，肉質軟熟。肉味濃。蕃薯天婦羅即叫即炸，熱辣辣。漿衣不會太厚。豬腸蘿蔔味噌煮豬腸處理得非常好，沒有臊味。脆皮風鱔燒起來皮脆肉厚，滋味。月見醬唐揚飯團賣相不錯啊！飯團燒得香口，蘸著蛋漿又另一層次。款式多元化，適合三五知己飯局聚會。

同朋友係九龍城按完摩，好想去食日本野，係網上揀咗是一間日式居酒屋睇到餐牌都有好多選擇，小店裝潢好有日本地道風味。坐低之後店員會送上前菜牛舌粒～牛舌粒軟腍醬汁微辣是一道開胃小菜。古早蟹籽沙律，份量相當豐富大量蟹籽，蟹肉同埋吞拿肉，沙律菜好新鮮加上沙律醬同醋汁好爽口美味。日本吉列生蠔，外表炸到黃金色，食落去外脆內軟，鮮嫩多汁， 味道鮮甜、口感豐富。牛蒡醬油漬，牛蒡味道甘甜，香氣尤其濃，食用起來爽口。脆炸小池魚，經油炸後可連骨食用，肉質鮮味，令人滿足。鹹蛋媽媽素肉棒，用素肉代替肉類做法不錯，食落去面頭有鹹蛋滋味。蟹肉蟹膏甲羅燒，蟹蓋上放了豐滿蟹膏、蟹肉及蟹籽，味道好鮮甜嫩滑，另外有幾片梳打餅可以比我哋加埋一齊食令到無咁滯。厚切牛舌芯，鷄軟骨，燒得剛剛好味道恰當。免治雞肉棒配醬油蛋，香甜醬汁再沾上蛋汁，又香又滑。明太子油揚豆腐，豐厚明太子微微燒灼，口感帶點微辣而油揚豆腐烤得外皮香脆。

我最近去左一間位於九龍城的日式餐廳，食了他們的刺身、燒物和小食，非常豐富。餐廳清靜得黎，食物都有驚喜。首先，我幾鐘意佢的前菜，松露枝豆。食落系柚子醋+黑松露味，酸酸甜甜，幾香黑松露味。都幾開胃。極上刺身三品同刺身丼的刺身都幾新鮮。值得一贊系海膽刺身唔會腥，算幾鮮甜。我最鐘意刺身丼的三文魚腩，好肥美，正串燒方面，我注重的是燒鱔和烤肉的部分。脆皮燒鱔不會太過焦黑，而且保持著魚肉的水分，juicy。青堤豚肉卷的味道都幾特別。其他的串燒都有一定的水準，呢度的串燒系食食物的原汁原味，所以調味唔重。總體而言，呢間日式餐廳是我最近吃過覺得不錯的餐廳之一。可以試下

點樣食推介✨💛居酒屋💛💛九龍城黃店💛禮 地址：九龍城打鼓嶺道79號地舖🍖紫蘇三味雞肉串 $48 (7/10)雞肉丸咬落有肉汁，紫蘇味好香🙌🏻🍖鹹蛋媽媽素肉棒 $48 (7/10)雖然食落偏腍但口感唔似係素肉棒(⊙ω⊙)，鹹蛋黃都幾澎拜，有d鹹🍖雞頸肉 $38 (6.8/10)有d乾同韌🍖姊妹芝麻雞翼 $48 (7.5/10)炸到超級無敵脆👍🏻，雞翼內裡好juicy🍖油甘魚鮫 $128 (7/10)價錢好合理，估唔到有兩舊魚鮫，燒得好香口🍖味醂魚乾 $78 (7/10)燒得好腍💓🍖松露半熟牛肉他他 $128 (6.8/10)松露醬係幾香但牛肉有d筋位咬唔斷🍖日本蕃薯 $28 (7.5/10)又甜又香牛油味🍖辣味螺肉 $38 (7/10)-回頭指數: 🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)-人均：$300服務：(6.5/10)

今日朋友帶了我去九龍城食日本菜，有串燒、炸物、刺身等等，而且價錢貼地，款式甚多。店員先送上前菜，牛舌炆得入味又夠腍。胡麻蕃茄沙律蕃茄清甜，表面灑上木耳絲，下面以沙律菜墊底，十分清新。水母刺身十分爽脆，加上酸汁更開胃。六貫手握壽司盛池魚王、油甘魚、赤身、三文魚、海膽、帶子，刺身都很新鮮，尤其是池魚，十分鮮甜；赤身則魚肉味比較濃郁；海膽入口甘甜。迷你三文魚籽丼三文魚肥美，入口充滿魚油脂香，加上三文魚子，滿口甘香。南蠻炸雞炸雞炸至金黃香脆，肉質嫩滑多汁，加上些酸汁，減輕油膩感。京蔥雞肉串、青森青提豚肉巻、明太子雞翼、紫蘇三味雞肉串串燒即叫即燒，明太子皮脆帶點辣香；雞肉丸有三款味道，明太子、柚子味噌、wasabi，甚有特色。粟米燒至表面帶焦香，但又香甜飽滿。月見醬唐揚飯團飯團外脆內煙韌，淋上日本蛋黃更香。