1
前菜嗌咗古早蟹籽沙律同埋黑松露枝豆。第一次食黑松露枝豆，味道好特別，值得一試。
特別鍾意佢個免治雞肉棒配醬油蛋，好出色👍🏻
串燒全部都好好味，一定要試富士蘋果豚肉卷同埋青森青提豚肉卷，水果夠juicy配埋燒到啱啱好嘅豚肉，估唔到咁夾。
食親串燒都必嗌既明太子雞翼同燒菠蘿😋
呢個蟹羔玉子燒不得了!! 熱辣辣，入面好soft，好美味👍🏻
燒原隻魷魚，燒到剛好，唔會韌👍🏻
南蠻炸雞，外脆內軟，雞肉嫩滑，配埋個特製醬汁，唔錯唔錯👍🏻
網燒月見牛扒丼，薄片牛肉，配埋d蔥一定食，好滿足。
甜品嗌左豆腐雪糕同抹茶雪糕🍦
整體食物高質，店員服務好好，價錢又唔貴，一定會再嚟😃
