福龍門海鮮火鍋酒家

營業中

休息中

已經第二次來這裡吃飯，但之前這家餐廳還未有任食今次吃這個任食火鍋還有海鮮拼盤每人一份，價錢只是$188/位，非常抵食鮑魚，蝦，大硯，蠔，龍躉魚，白鱔片牛很出色，脂肪很少，黑豚肉更勝一籌另外一定要推介是響鈴，炸魚皮，店員更提醒是即炸，建議即食，很脆很香口丸類不俗，爽口彈牙，但沒什麼特別值得一讚是店員親切有禮非常helpful

雞煲+海鮮火煱近排周圍都係，品質參半。今次就嚟深水埗試喱間福龍門，店舖門口完全不起眼，因地舖是另一間食肆，要行入大廈的行仔才見到福龍門的門口，店舖並不大，但都有3間VIP房。大家如打電話去訂位時最好是下午4:30後，因太早是沒有人聽的，其實佢哋應該整個WhatsApp號碼咁就方便好多，依家好多食肆都有WhatsApp。我哋8個人，可能早訂位，可以安排咗一間VIP房，這房仲有獨立洗手間，夠方便紅燒蟹肉翅及蠔皇扣鮑魚是另外加$60(仲要加一ga)，個翅就真係好唔掂，無料到，真係唔值。鮑魚就ok好味。感覺上加$60只係食鮑魚，好唔低。大家要諗諗食完頭盆開始主菜，我哋order兩個雞煲，一個椰子雞煲，另一個就極品雞煲。椰子雞煲個湯就好好味，因為有雞丫ma……但d雞就唔多好味，太清。最後都係將d雞搬過去極品雞煲嗰邊。雞煲就揀中辣，超正，好野味，而份量亦好多應該不只一隻。食咁多次維一一次沒有再order第二round雞煲，因為以往的份量比較少，所以要再order囉……食完雞煲就開始火煱，我哋就無換煲，照用返兩個雞煲的煲加清湯，貪佢夠野味。不過大家唔鐘意的話可以換過新的火煱湯底，是免費的。海鮮超正，

朋友話帶得我去食高質素任飲任食火鍋,仲要無限時,出面其他都會有限時,夠鐘趕人走,佢咁講我梗係要試下啦,福龍門個門口位置比較偏僻,兩棟大廈中間,上樓梯或者lift上1樓就係 地方不大,幾張大枱,好適合一大班人一齊食門口位置有調味料,汽水涼茶俾大家拎,順帶一下,啤酒要另計啊入到去坐低就會見到餐牌紙,得兩樣,唔係打邊爐就食私房菜,不過私房菜要3日之前訂的,我地冇訂到就打邊爐,唔好三心兩意嘛仲要大大隻字寫住"無限時",哈哈咁我地食先叫左雞煲我地人比較多,就有一隻雞份量,雞件好嫩滑,汁比較稠,好惹味同足料的雞煲食完你可以轉清湯打邊爐又可以叫侍應加水落雞煲打邊爐,未叫野食之前,侍應會話你知"你不用叫的,我地先上海鮮盤,丸類,菜俾你地,食哂你地先再加單啦"海鮮盤咩都有,蝦,鮑魚,青口,大峴,魚,大大盤上枱,仲要好新鮮手打丸配水餃,手打丸都夠彈牙,水餃係素餃,味道都幾好今時今日打邊爐邊少得響鈴仲有個菜盤,但掛住食忘記影相,原諒我,hahahaha溫馨提示: 雞煲必食,1煲唔夠,可以繼續食,食到夠喉位置              ***不論打邊爐或私房菜都記得訂位,因為地方真係唔大,即興有排等位***

母親節當晚去左福龍門試佢地嘅私房菜。每位連加一都係330蚊。冇因爲係母親節而左加右加我地9個人食，佢地安排左一間房俾我地。服務非常好。上菜亦好快我地揀左佢地嘅龍躉宴餐。全海鮮為主。碟碟都大大碟，味道鮮甜。隻雞一d雪味都冇。而鑲冬菇係我覺得最好味的開頭都擔心唔夠飽，但因為佢地份量好足。食到第5碟餸已開始飽了。雖然我唔食蠔，但屋企人都話d蠔炸得好好，仲有生菜放底，冇咁油佢地隨左私房菜仲有打邊爐，最緊要係d座位唔會好迫。令人食得舒服。直得推界

小學同學聚會，有人提議打邊爐，膽粗粗揀咗依間福龍門酒家。嘩！海鮮新鮮到呢！響鈴即叫即炸，非常脆口，讚！服務態度佳！果個金絲龍袍脆麻花簡直一絶，再讚！可謂價錢合理

呀仔生日去左迪士尼玩到累爆但依然不忘醫肚！問佢想食乜！佢話要食褔龍門！正正正！因為之前己經食過幾次！此店無論係食物，招待，環境都好好！今日一家四口點了半隻雞煲！中辣不太辣！雞好嫩，很好味，配料好香，重點此雞煲不油！👍另外係小位炸豆腐！熱辣辣很香脆👍！仲有蟹肉粉絲煲！真材實料很香，粉絲很好很彈牙👍最後係簡單蒸水蛋！水蛋蒸得好滑！由於我唔識蒸所以覺得特別好味道！😛簡單3餸1小食2支啤3碗飯！埋單都係$4xx.扣埋$100之前食晚飯回贈既優惠券都係$3xx.非常抵食！真係好滿意！難怪呀仔同我都一樣會選擇此店！中秋節仲有小驚喜！就係特別甜品！😉

一定要試黑松露炒蛋，蛋炒得滑又有松露香味，未試過咁好食既炒蛋。。粉絲蟹肉煲，粉絲好乾身吾似得出面濕淋淋。。無得頂。。可惜掛住食忙記影相。。下次一定再幫趁，價錢尚可

老闆話好耐冇去打邊邊~~大家都知~香港人~一年365都會打邊~普通慨食得多~我ed小員工要自然搵試下新野比老闆啦！~~ 環境 可能新開 十分企理同清潔！！尖椒皮蛋！睇個樣見到見芫茜都覺得正！！出面好多係比幾條算！造型唔錯！味道呢！有少許辣同有少少慨花雕酒味！辣同果陣陣慨酒味互相幫助之下成隻皮蛋即刻升左lv!!!e個好野丫！係椒鹽龍躉皮！！！冇錯係皮！可能你地會食過肉連住d皮/椒鹽骨~但椒鹽皮真係好少見！講左咁耐 係時候講反碟野啦！！碟野一放低就有一股炸蒜同椒鹽味！入口外層香脆 中間層皮就有點點慨煙韌 一次有2個口感！！正炸！！食完前菜 打邊邊 d香料同配料！乾淨基本野就有晒架啦！值得一提係佢會有自制慨xo醬比你食！同酒店果d有得比架！湯低係龍躉湯低 完全唔腥 仲幾鮮甜下 入面仲有幾舊龍躉肉！！就咁都飲左幾淡湯自制龍躉餃！！！唔易爛！ 入面有一舊舊慨龍躉肉！提供左唔同慨口感！！出面比較小見慨鵝腸！整得好好！唔會一滾就細到唔見左 同好新鮮 冇怪味安格c牛牛！牛肉味濃郁！新鮮！冇根！！手切牛 我比較like 有肥令到更加滑 牛味都幾好！滑滑滑雞子 我冇食 同事食完話好正！用花雕酒浸過再滾佢