福龍門海鮮火鍋酒家

營業中

休息中

令人滿足的火鍋盛宴，絕對是饕客心中的至愛！湯底熱氣騰騰，裡頭有鮮嫩的玉米、香濃的蘑菇以及鮮紅的番茄，味道層次豐富，令人垂涎。盤中食材更是琳瑯滿目，包括薄切得幾近透明的牛肉與豬肉、彈牙的牛肚、Q彈的肉丸，再搭配爽脆的生菜和卷心菜，選擇多到讓人眼花撩亂。旁邊還附上各式蘸料，增添了不同的風味層次。這種邊煮邊吃的共饌方式，不僅保留了食材的原汁原味，還讓用餐氣氛熱鬧又溫馨。份量十足，價格卻超級划算，性價比高得驚人！無論是與家人聚餐還是朋友聚會，這頓火鍋都能讓大家吃得開心又滿足。湯底的鮮香與食材的鮮美完美融合，每一口都充滿幸福感。對於喜歡嘗鮮又追求實惠的人來說，這絕對是不可錯過的美食體驗！下次有機會，千萬別錯過這份豐富又美味的火鍋享受！。性價比高，份量充足，絕對抵食！仲要無限時，職員又Helpful，仲有夾公仔機，好多熱門的公仔。

之前聽工友講，深水埗有任食火鍋幾抵，三百幾蚊1位有得食雞煲加火鍋，諗住都係試試的心態去食，雞煲好惹味，食完個汁都浸響鈴食唔錯吸D雞煲汁味，正！ 無諗到佢地響鈴係即炸脆卜卜上台，之前食過仼食火鍋都係整定無甘脆，火鍋重有個牛圈幾有新意，重包一份海洋幾新鮮。重有啤酒飲，下次帶埋班朋友黎食下吹下水都唔錯👍🏻

諗起火鍋，就想起位於深水埗 (福龍門) 任飲任食放題，因為不限時 (依家已經好少地方有不限時)，上網見到佢地有新推出🍻任飲啤酒及牛魔王拼盤，鍾意食牛的我，即刻相約友人再去打邊爐，好彩相隔一段時間都沒有另我失望，雞煲內雞肉鮮嫩美味，食落惹味，最正係有大腸加，而且仲可以追加，但因為要打邊爐，所以沒有再追食，最喜歡這店會換一個新鍋先食🤩，而不是用雞煲加湯。轉戰叫左個花膠濃雞湯鍋 (鍋內有好多花膠-正呀)，先黎海鮮拼盤 (有蝦/鮑魚/帶子/聖子/蜆) 及牛魔王拼盤，牛魔王拼盤除了安格斯牛小排外，還有我最愛黑柏葉、牛骨髓🐮，另外有塊白白的肉(超級好食)，問左腦細先知叫 ，爽口美味，一定要點佢地個招牌-響鈴，新鮮即炸，同其他包裝是不能相比的😙，還有40幾種追加食品可供選擇，有封門柳、西班牙白豚肉、台灣鴨血、芫茜牛肉丸、手打蝦丸、豬骨濃汁貢丸、白鱔片等我必叫外，食物新鮮美味。食食下，又可以走去雪糕櫃選雪糕🍧 (有榴槤/朱古力/椰子/芒果/綠茶可供選擇)，我必選最愛榴槤雪糕及玩夾公仔機 (夾左2、3次都唔成功，腦細見到即時幫忙，一夾就有獎🎁，完全不計較，只想食客開心滿意😎)，同時店員會不時加湯，又唔會

前幾天看完影片分享平台介紹這家無限時任食雞煲火鍋就決定與朋友共2人去試。3個字重覆伏伏伏形容。宣傳單張寫明無限時亦沒有指明3人或以上才享用這優惠。我們2人只可以用餐2.5小時已經覺得手法有問題。還有佢既一次性海鲜吾新鮮。蜆有沙。份量又少。牛肉吾新鮮。既然一次性居然有這質素。只可以講唯一可取糸雞煲比較OK。現在香港飲食業食店千x即撈海鲜3小時午市跟這家價錢相約為何要幫襯這家呢。希望這食店食物質素有所改善。對得住食客。

今日和導師和朋友晚上於深水埗福龍門食雞煲海鮮放題, 我點了花膠濃雞鍋。雞煲我們選擇不辣,雞肉肉質鮮嫩美味,食落惹味,花膠濃雞鍋先飲雞湯,雞湯味香濃,老膠爽口,火鍋材料我們點了安格斯牛小排, 西班牙白豚肉,花膠環球海鮮盤和墨魚丸,響鈴和可樂,安格斯牛小排味道香濃, 食落有嚼勁,西班牙白豚肉入口即熔,食落軟腍,墨魚丸食落彈牙,響鈴香脆惹味；花膠環球海鮮盤鮑魚和扇貝肉質鮮甜和蝦食落爽口,最後可樂是任飲配火鍋一流,火鍋店食物新鮮美味, 湯底香濃, 職員收碟快速, 食了一頓高質火鍋放題。

整體體驗讓我有點失望。首先，牛肉真的不新鮮，咬下去的時候感覺很韌，完全沒有應有的口感。至於雞煲，味道也相當平淡，沒有野味，雞肉質感更是差，像是過熟的狀態，讓人吃得不太過癮。我點的海鮮拼盤也不例外，海鮮的鮮度不高，讓我覺得有點失望。最令我困擾的是，員工不停幫我換碗碟，每隔10分鐘就來一次，真的影響了我的用餐體驗。感覺就像在趕時間，完全無法享受美食的樂趣。最後，這頓餐花了300蚊，卻沒有讓我感到滿意，完全不值得。我覺得下次還是選擇其他地方吧！

今次趁住佢裝修完即刻book房再試！食過咁多放題雞煲，佢真係最好食最抵食性價比又高。佢個雞煲係有埋肥腸，眾所周知肥腸煮得唔好嘅話真係有浸味好臭，呢一間佢嘅招牌簡直就係肥腸雞煲肥腸好入味啲雞又唔會(鞋) 不過我唔係好食得辣，我都係揀BB辣🤭 仲可以無限encore雞煲🧏🏼‍♀️ 之後揀火鍋湯底，一定要揀花膠雞呀 ，滾起咗一定要飲番啖靚湯👐🏻跟住就到第二個戲肉海鮮拼盤-鮑魚啊蝦啊貴妃蚌不過呢佢嗰啲大隻嘅貝殼類呢就要睇時令嘅，有機會次次都唔同㗎，不過呢鮑魚嗰啲就一定會有啦 （啲鮑魚貴妃蚌嗰啲係識郁）今次裝修完老闆增設咗有黑柏葉仲有牛骨髓（我唔肯定佢係咪叫呢個名好似個棉花糖咁白雪雪嗰啲）鮑汁牛肉丸（限量丸免費）之後再食就要俾錢🤌好似，仲特登搵個大圓形嘅轉盤吸落個火鍋度🤭即刻相機食先😆😆 佢個即炸響鈴卷都好正🤓 ，食足3個鐘 正！下次再encore！

其實都唔需要講太多，因為對福龍門嘅良好感覺同其他師兄師姐大同小異 😆我敢講福龍門絕對係任食雞煲火鍋嘅天花板，任食得黎，同埋比差唔多價錢嘅情況下，佢地炮製嘅雞煲絕對比其他地方嘅任食雞煲做得出色，雞煲整得極入味，唔會好似有啲任食雞煲怒放醬汁搞到過甜，而雞肉斬得大大件又夠滑，我同幾個食得麻辣大辣嘅朋友，都極滿意佢地調教嘅辣度，辣得嚟又唔會搶咗雞肉嘅鮮味，正呀！😎至於火鍋，簡直又係正到離譜，所有食材睇相都知道極新鮮，啲蝦上到枱時仲識郁，而任食嘅牛肉唔係只得啲肥牛或牛板鍵，係有封門柳牛小排等，肉味十足 🤤服務方面亦不俗，主持人能跟客人打成一片，氣氛甚佳，近日裝修後冷氣充足，夏天嚟食都唔會熱。福龍門太受歡迎，如有心去食，記得預早兩星期或以上 book 枱，喺呢度寫到已期待下次光顧了 🤣

任飲任食雞煲打邊爐香港越嚟越多，但CP值高又好食嘅真心唔多～ 雞煲：雞嫩口唔硬好入味，我哋有加大腸，啲大腸都好入味，唔會好似其他地方啲味道分開哂咁～ 打邊爐：我哋揀左花膠雞湯做湯底，湯底好好味，打邊爐嘅食物質素，海鮮拼盤嘅海鮮都好新鮮新出嘅「牛魔王拼盤」 有牛小排、封門柳、牛胸爽、一口牛、黑栢葉和漿爆瀨尿牛丸( 特別封門柳和漿爆瀨尿牛丸） 白鱔片同龍躉片都係任食，好味仲有即炸響玲最好食😂 放上枱仲有啲熱，浸一下湯即食真係正任飲任食都係$278/人加一，座位又唔會好迫，全場都係卡位，我哋6個人都可以坐卡位感想：喺香港任飲任食真係有market，呢個價錢+呢個質素 P.S. 老闆間唔中都有過嚟吹下水，問我哋啲嘢得唔得❤️ 有心做一定有生意返👍🏻 朋友聚會呢度真係幾好， 有機會都會再嚟食🥰

一個月會去幾次，而且地點方便，又唔限時間，約朋友食飯，仲可以慢慢坐傾下計，雞煲好味夠滑，食物夠新鮮，即炸響鈴超正，可以無限時任飲任食，真係好抵，食過好多打邊爐，一般係90-120分鐘，真係食得好急，呢間極力推薦👍🏻👍🏻

整體味道不過不失。首先嚟左個雞煲先，啲雞都多肉，不過可以再入味，再香啲。完左雞煲，就上左海鮮火鍋。啲海鮮就感覺唔係甘新鮮。因為帶子有少少怪味，鮑魚碌完都好難離殻，所以印象分一般。

今日和導師和朋友晚上於深水埗福龍門食雞煲海鮮放題, 我點了花膠濃雞鍋,雞煲我們選擇不辣,雞肉肉質鮮嫩美味,花膠濃雞鍋雞湯香濃,老膠爽口,火鍋材料我們點了安格斯牛小排, 西班牙白豚肉,花膠環球海鮮盤,龍等肉白膳片,水餃和墨魚丸,響鈴和可樂,安格斯牛小排味道香濃, 食落有嚼勁,西班牙白豚肉入口即熔,食落軟腍,墨魚丸食落彈牙,水餃食落爽口,響鈴香脆惹味,生菜新鮮爽口,花膠環球海鮮盤鮑魚和扇貝肉質鮮甜和蝦食落爽口,龍等肉白鱔片肉質鮮甜,最後可樂是任飲配火鍋一流,火鍋店食物新鮮, 湯底香濃, 職員收碟快速, 食了一頓高質雞煲火鍋

尋日過去接一接人同唱生日歌姐，只係幾十幾分鐘姐，根本只係留十分鐘左右姐，根本都冇食過野，只係只下人姐吹下水就係咁簡單姐，啲人覺得我有食過野，真係吹下水 見下啲朋友姐，都要收錢。真係留十幾分鐘。根本冇食野都要收。真係離譜，吹下水見下人都計，

一個價（$258，另加一服務費），只收現金/支付寶。先上雞煲，揀咗麻辣大腸雞煲（可揀不要大腸）。雞煲啲雞係成隻斬件，有不同部位，並唔係雞脾肉，我最like就係呢類。要咗少麻少辣，味道不錯。之後打邊爐，揀咗花膠濃雞湯（冇要到隻雞脾）。先飲碗雞湯，味道幾濃，好飲。同一時間，店員會拎火鍋料上枱。花膠環球海鮮盤：鮑魚（新鮮，仲郁緊）、貴妃蚌（大隻，甜）、花膠（厚身）、蝦（正常）、帶子（其實係沙插，好韌）、蜆（有少少沙）。安格斯牛小排：質素唔錯，唔過肥。西班牙白豚肉：冇豬臭味，亦唔嚡，還可以。生劏龍躉片併爽脆鱔片：龍躉厚肉有魚味、鱔片彈牙但冇咩味（亦好在冇泥味）。手打蝦丸：一般，有一粒有怪味。韮菜餃併白菜餃：韮菜餃好食、白菜餃普通。即炸脆響鈴：真係即炸，上枱時仲熱辣辣，入口即化，浸湯/直接食都好好味。田園時蔬：正常。健康素什菌：正常（金菇偏韌）。之後追加咗牛、韮菜餃、響鈴、炸魚皮（是脆的）、炸芋頭（夠粉）。最後坐咗成4個幾鐘，吹夠水，食到飽，飲到夠，大滿足。

同朋友傾開，話想搵無限時間火鍋放題，咁就可以一路傾偈一路慢慢食唔使趕頭趕命。朋友就介紹咗呢間，話好食到耐唔耐就要返尋味！一嚟就可以揀個雞煲食咗先！雞煲好惹味好香口，食完之後就上咗個湯底，開始打邊爐啦個花膠湯真材實料，令到我哋一人飲咗幾碗。海鮮拼盤夠晒豐富，鮑魚超級腍！羅漢果五花茶自己煲夠晒誠意，牛肉好香好夠肉味、響鈴係自己炸嘅，未食過咁香嘅響鈴！手打蝦丸就成粒都係蝦肉咁正！雖然價錢咁平，但係冇將貨就價，好多嘢都好好食，食到好滿足！絕對會再嚟！