福記粉麵

營業中

休息中

探朋友路過廣源街市先發現呢度入面原來有好多嘢食, 啱啱好晚飯時間順便睇吓有咩好食! 無咩特別心水, 但係呢間車仔麵特別多人排緊隊, 所以就揀呢間! 果然信人流係無錯! 呢度有好多款餸可以揀, 好似起碼有3,40款餸! 其實佢有好多款麵底可以揀連銀針粉都有, 幾獨特, 不過呢次無試! 試咗豬耳同豬腸, 超級入味; 酸齋非常出色, 因為出面食酸齋好多時都好強差人意, 呢度酸齋非常好食; 店員推介金菇肥牛捲, 份量勁大份, 好大個捲, 非常惹味! 整體上我同朋友試嘅餸都非常好食, 辣醬同菜莆可以任加, 呢個價錢其實都真係好抵! 下次路過都會再返嚟試吓個銀針粉麵底!

經過廣源，無理由唔入廣源街市隔離條食街覓食。愛人與我，一行二人，先入「夜市」食手工燒賣，再試呢間食家朋友極力推薦既車仔麵檔。麻雀雖小，五臟俱全，細細地一間鋪，估佢唔到可以做到咁多餸比我揀。講返食左咩：我就點左四餸麵, 油麵小麵加腩汁, 再加杯豆漿！愛人點兩餸麵。兩條友都飽到痴線阿ching。雞扒大塊唔油，外皮香噴噴，加埋不知名香料調味，係日日食都會滿足既雞扒阿！#boom豬大腸有咬口，唔係出面浸到軟淋淋果啲，重口味人類/ 豬大腸專家必點！金菇肥牛卷足料到你懷疑人生。相比之下，豬腩肉就唔係太特別，下次會點第二款！Message for Eng-speaking people:This local restaurant serves one of your must try cart noodles in town. Try their pork intestines if you have the guts! The taste is just amazing. Not to mention their chicken and Enoki beef rolls!!! Price is c

成日經過樓下廣源市場，都好少走入去睇下有咩好食！尋晚終於入去睇下，一出𨋢就見到有檔車仔麵幾多人圍住，所以埋去睇下！點知一望，發現勁多餸揀！價錢又唔貴！兩條友就決定食呢間福記粉麵試下！我誠意推介：滷水豬腸，豬耳，咖啡魚旦同金菇肥牛卷！ 冇錯！係金菇肥牛卷！堅好食🤤🤤🤤 仲有，福記粉麵真係有好多種粉麵揀！我問哥哥仔有咩麵揀，佢Rap左勁多款出黎😂 佢比一般車仔麵檔多好多款，例如有上海麵、粉絲、銀針粉同米通粉！係咪特別多款呢🤤呢個價錢有呢個水準！超值！會再encore👍🏻

夜晚搭巴士經過廣源夜市，又未食飯，於是就落車去搵野食😋呢間福記好抵食，三餸麵先$35仲要好大份，叫左一個韭菜餃/香煎雞扒/金菇肥牛卷米粉，韭菜餃有兩粒，好大粒，多肉少韭菜，雞扒大大塊，岩岩整好，如果煎香d仲惹味😋金菇肥牛卷非常大卷，醬汁好味👍🏻仲送埋紙包飲品/罐裝飲品，食到超飽！我朋友叫左一碗瑞士汁乾撈油麵，配瑞士雞翼同埋香煎雞扒。瑞士雞翼唔錯，辣菜脯夠辣仲任加！沙嗲醬，辣菜脯，蒜蓉辣椒油，香蔥油全部醬任加! 仲開到半夜兩點啱晒夜貓！

呢檔車仔麵既餸種類非常多，而且有好多特色野，價錢又抵，2餸麵28蚊，加一個餸都係7蚊。我就叫左一個3餸麵，麵就揀左上海粗麵，餸就有雞扒，咖哩豬皮魚蛋同埋勁大條既金菇肥牛卷。個麵本身有菜送，仲有汽水送但我就冇要到，因為想試下格離飲品店珍珠奶茶講返d餸，雞扒大大塊都係7蚊仲要勁juicy，老闆娘話係焗既，所以食落去唔會油膩，個味道又腌得好好，個人十分推介。跟住就到咖哩豬皮魚蛋，一個餸有齊豬皮同魚蛋豬皮好入味，魚蛋都好食，咖哩味好香好濃，仲有d辣辣地好鬼惹味，送麵食一流。最後就係金菇肥牛卷，我未見過咁大既肥牛卷，入面勁多金菇，食落有浸好香既牛油味，好好食，食牛既朋友絕對要試。我仲落左沙爹醬同蒜蓉辣椒油。個沙爹好有泰國既味道，撈麵食好正。蒜蓉辣椒油都幾辣，但係又好過癮食得辣既朋友建議可以加d吊下味。總括而言，呢間又好食又抵食，唔怪得之咁多人食，我晚餐時候黎食，不停有人黎食同買外賣，好在我搵到個位。唔駛講，一定會再返黎食同試埋其他餸。