福記粉麵

營業中

休息中

去行黃牛山同埋石天窗，當然要食飽先行。突然間醒起有間車仔麵成日都想試今次終於有機會可以試下。之前經過見到佢咁多種類已經好想試，今次直頭有選擇困難症，啲餸實在太多花多眼亂都唔知食乜好。最後都係決定咗食雞扒、牛腩同埋大腸，本來想食銀針粉好快快up咗瀨粉，不過啲瀨粉都好滑。餸嘅份量唔算多，但係樣樣試吓都夠飽。牛腩幾入味，唔算好淋有啲咬口。另外啲大腸亦都冇怪味，處理得唔錯。雞扒就好似照燒味，同埋有番咁上下厚度。同埋佢個辣都有啲刺激，食到成頭大汗，店員仲遞埋疊紙巾我抹汗，真係好鬼窩心。另外最正係佢三餸嘅話仲有嘢飲，呢個粉$40真係冇得輸。

每個廣源人都一定知道嘅呢間車仔麵檔 每次一到lunch放飯嘅時候都一定大排長龍 超級多學生 因為呢間真係又平又好味 又多選擇 麵底除咗平時出面會有嘅幼麵粗麵米粉之外 仲有得揀銀針粉 上海幼麵 辛拉麵 等等 連印尼撈麵都有得揀！而佢嘅餃就更加多選擇 我今次叫咗豬頸肉 鴨胸 肥牛 炸魚柳 4個餸加埋再送包紙包飲品 都只係47蚊咋 無論你揀邊4個餸 肉又好 素菜又好 都係一律睇齊47蚊咋食呢間車仔麵一定要記得加靈魂腩汁同佢地嘅辣椒醬 真係好惹味

呢間店係位於沙田廣源邨嘅街市入面，可謂係附近居民嘅福食。講緊佢加埋嘢飲兩個餸都係$32 ，係超級超級超級抵食，依家呢個物價喺邊度搵啊🥹佢有勁多款送選擇，起碼有30款起，仲要啲雞髀同埋雞翼係超好食。有勁多汁選擇。呢間店一到lunch時間就爆多人排隊，如果啱食就要早少少去啦～

睇完季前賽🏀 想親身參觀姜濤打工既麥當勞🍟今日專程搭🚌🚌入廣源唔係講笑 呢條邨好有特式 間麥當勞都真係幾靚🏠但係山長水遠上到黎 我唔會食老麥咁傻瓜既😎黎到廣源 一定係食朋友誠意推薦既👍🏻福記粉麵👍🏻兩餸💰30 三餸💰37 四餸💰44 每款送都放哂出黎 樣樣都好似好吸引咁 選擇困難症又要發作喇😵‍💫😵‍💫個麵底揀左 米通粉🍲出面好少見 只係好耐之前係譚仔早餐食過一次終於有機會再食到😌米通粉口感煙韌 中間灌滿湯既精華 💯正⏩️雞扒🐓超級大塊 仲要原塊咁上 懷疑鋪頭有無錢賺雞扒仲要醃得好入味 ⏩️麻辣肥牛🐂會連住金菇一齊上 牛肥又係勁入味⏩️豬頸肉🐖份量真係唔講笑 係咪見我肥 驚我唔夠食....🫠$37仲要配埋🛑可樂 真係無得輸👍🏻👍🏻👍🏻👍🏻👍🏻份量超足 味道一流 十年前既價位入得廣源必食之選 回頭指數爆登

車仔麵夠晒味👍👍推薦原因：1️⃣餸有非常多選擇個人推薦 厚午餐肉 口味好正 裡面仲食到 粒粒肉 的口感 佢呢塊份量都好夠 好正 大滿足第二必食 推薦係 豬頸肉 好爽脆 又大片 都係大滿足之選2️⃣份量好足做得街坊生意唔吝嗇 每次都好足料 個麵底係好夠飽嘅 多數叫三餸呢 啲餸配住個麵食都唔會唔夠 同埋姨姨們都大方嘅 3️⃣ 價錢相宜三餸 $37 仲有野飲送 野飲選擇都多 有罐裝 有紙包裝 算係好唔錯4️⃣ 調味勁多有沙爹醬 有 蒜味辣椒油 即使想食辣 都有不同辣味 佢個辣菜甫少少份量 都令碗麵 好惹味架

食過兩三次，忽然醒起啲人成日話邊間車仔麵好食，老實講唔係間間都識欣賞…呢間我覺得幾好，點解好似平時冇聽過人講？於是入嚟睇吓，原來都有，只不過唔知點解好多都只係俾個ok….所以點都要比個like佢。剛剛食完佢個外賣，雖然排得好整齊，都唔記得影相，因為試咗一啖之後淨係想食哂佢叫咗麻辣鴨腎（發覺唔辣？）、牛腩（有牛筋！）、豬耳（普通）、帶子餃（雖然好難搵到帶子，但食落有帶子味）、黑椒金錢肚（夠淋！），再加菜圃、辣椒油，油麵底。仲有幾條生菜送！正！抵！

疫情開始之後，嗌外賣次數都不斷增加，同樣中伏的次數都唔少。但今次既車仔麵值得推介!外賣價: $57/4餸，餸菜選擇多，麵底可以迎合大部分人既口味。份量係抵食又夠飽食得辣既朋友可以加麻辣醬同辣菜脯，超正👍🏻👍🏻👍🏻👍🏻👍🏻辣得過癮😝😝第一碗: 金菇肥牛卷丶咖哩魚旦丶瑞士豬頸肉丶香烤雞排配油麵第二碗: 白蘿蔔丶豬大腸丶上湯豆卜丶香烤豬排 配幼麵不過打開外賣既時候發現，啲送大兜亂，將兩完嗌既食物調轉;  要辣既無佐辣，唔要辣既就多佐辣而且發現有個四送麵黎到變得返三送所以下次再食都係選擇堂食好啲推介食物:蘿蔔: 鮮甜無渣，一碗有四舊，抵食夾大件豬大腸: 非常入味，唔會韌豆卜: 吸收湯汁精華，係車仔麵既首選不推介食物:咖哩魚蛋: 覺得魚蛋唔夠彈牙金菇肥牛卷: 一塊肥牛包住一大紮金菇，份量適中，但味道一般 

住附近，一唔想煮飯就可以去買碗大件夾抵食嘅車仔麵！超多選擇！同間店開到好夜，不過想要多D選擇就要早D啦！熱門既麵同餸都好快被搶晒😆😆先叫4個餸，佢送埋生菜嘅，都係$40~我自己就覺得佢個豬頸肉、豬大腸唔錯嘅！ 雞扒好大件，不過要浸耐D先食，佢凍上，不過D湯夠熱好快就熱返～揀完餸就加配料，佢D辣料好辣，大家睇住叫🤣🤣不過味道超正！值得推介！如果得閒去申請埋張街市卡，咁就儲埋分，有D師奶野換🤣🤣

🍜足料嘅車仔麵🍜.今次黎到廣源街市🛍相信街坊都對呢間野唔陌生🙆🏻‍♀️呢間嘅料真係好足料🤤今次有啲貪心😂叫咗四個餸🍜所以有啲食唔晒🙈.四個餸分別係豬軟骨🥓雞排🍗蛋🥚同冬菇🍄.每一款都相當入味😋豬軟骨整得幾諗🥓份量都有唔少👍🏻雞排都係大大塊🍗連埋皮食真係好邪惡😂估唔到連滷水蛋都有兩隻🥚🥚當然唔少得我最愛嘅冬菇啦🍄💛總之經過附近就可以一試啦🤪但我有次食到蛋殼

基本上每個星期都會食1~2次福記,中午d打工姐姐真係好菇寒,今次直頭離哂譜叫左2送,豬扒牛腩今次豬扒係一塊完整既,有時真係唔明點解要切開一件件,夾3件比你但有1件係骨1件係肥膏,可以食既得一件仔,而家咁樣一塊過咪幾好但牛腩真係好離譜,得2件,有1件係1粒仔?唔係呀麻,少唔少左d呀你?叫麻辣+沙爹醬,落錯唔知乜辣比我唔岩口味,成碗麵變得好難食,沙爹醬又無落,食2啖掉左老闆娘老闆仔可唔可以教下你d伙記,比個標準佢地跟啦,下次再係咁一定直接比喊面!

尋日諗唔到食咩，中午去左呢度買車仔麵外賣逄屋企食。一去到見到超多餸，同埋價值非常經濟。我同爸爸媽媽叫咗三碗車仔麵，份量超大，我不個別講每碗有咩餸，因為都是大家一齊食，我哋叫咗豬皮、豬大腸、金菇肥牛卷、豬肚、水餃、牛𦟌、牛栢葉....其他餸都正常，較為欣賞佢個金菇肥牛卷，一條過有好多塊牛肉包住，味道亦不錯。👍還有好多配料選擇。👍總結：味道不算出色，湯底中規中矩，但性價比算高，地方乾淨，食得放心。

已經第二次幫襯了，昨天在沙田工作，因為上次食過佢哋嘅車仔麵，覺得幾好味，所以放工便專程駕車往廣源街市再幫襯；佢哋嘅麻辣汁超正，餸亦有很多款及好味，睇得出佢哋真係用心做生意。

廣源市場內的食街已面目全非，唯獨福記係我次次黎都梗係有人在排隊/等緊外賣，試下係咪真係咁巴閉先！門面普通一間外賣米線店，舖面前有數張枱櫈，有需要可以堂食Menu款式多，麵底仲有幾款，除左有一般米線，烏冬，米粉之外有我最愛的酸辣米線底，真係抵讚丫，仲配時菜(我食2次都係比豆卜，金菇菜)食物即叫即整，等咗唔夠4分鐘就拎得/食得，我叫的是酸辣米線底，酸同辣取得一個好好的平衡，我都飲左幾啖餸就不過不失，不過我好欣賞佢嘅辣魚蛋，好入味！

雖然地點離市中心有d遠，但因為係黃店所以點都要坐車入去叫番個外賣車仔麵食，點知。。。原來係會食上癮！！！請容許我一次過擺左食過4次外賣車仔麵的相出黎，我真係平均可以一星期食一次！首先，性格比超高！廿幾，三十蚊有碗甘豐富的麵食，去邊到揾！仲要有野飲。近期仲有減5蚊優惠！其次，個味道簡直係係我的最愛，d餸款款都好入味。我最愛係豬頸肉，水煮牛，金菇肥牛，d雞扒都大大塊，好好食最重要係調味料都好多選擇，我最愛係辣菜葡，咖哩醬！勁正！最重要係，有得選擇我最愛的銀針粉。而家出面好少地方有得食。大家都支持下沙田黃店！！！我會繼續幫襯～

黎左廣源街市搵食，見到呢檔車仔麵既餸好吸引，所以試一試。叫左一碗三餸車仔麵。麵款有好多選擇，揀左上海粗麵。食物款色勁多，揀左menu上推介既金菇肥牛卷，雞扒同客家釀豆腐。唔係誇張，呢三款都好好食呀~~~35蚊，有甘既質素，好抵呀。金菇勁多，好大卷。沙嗲味好濃。雞扒應該係烤/焗，好滑，味道又夠，完全無雪藏味。釀豆腐既豆腐好大件，食一件都好夠飽。整體，性價比好高。而且，醬料任添，仲有菜脯和新鮮既葱，唔錯唔錯。一定會再返黎食。而且兩位姐姐都好nice。