福苑火鍋海鮮酒家 (已結業)

2個人想打邊爐，如果逐碟叫，真係食唔到好多款，所以今晚決定去福苑食任飲任食火鍋。叫了鴛鴦湯底，2款口味都可以試下，都幾好。火鍋料都有幾十款揀，而且都好新鮮。特別欣賞係佢既牛丸、墨魚丸、牛柳粒，估唔到連鮮蝦水餃都咁好味。仲鍾意佢係有可口可樂、玉泉忌廉供應，正!!!如果想散叫其他火鍋料或海鮮，價錢都唔算貴，不過，因為任食乜都有，再額外叫其他野，又好似好唔抵咁...keke...所以最後都冇叫到。服務都唔錯，個姐姐加水時，仲幫我地將d牛柳粒放下湯底，仲介話係要烚15分鐘先夠腍及好味。不過，佢地人手就似乎唔多夠喇....總括來說，有咁多選擇，又夠新鮮，所以下次都會再嚟。

小妹平日好少過海, 上個禮拜一班香港區友人約食飯, 終於過咗去銅鑼灣打邊爐。是日我地冇叫任何套餐, 人人叫d自己喜歡的食材, 佢地唔係分開一碟碟上, 而係將你叫咗的食材合拼放埋一大盆入面, 叫咗肥牛, 羊肉等肉類, 另外亦有手打魚滑咁, 全部都好足料。醉雞湯底好夠味, 有成半隻雞。total叫咗成20款以上食材, 另外亦有叫冇酒精的飲品。埋單每人都係$130左右, 實在係非常抵食。

本人今日第一次去(福苑火鍋)打邊爐，見到門口好多人，就好想試試....落到去就開始點野食，大約都係order 左10幾野食，火鍋料一到既時候，我發覺好多野都無黎到，就好奇問問個侍應生，問(D 野食係唔係齊嫁啦 )侍應生答我再問點解我點既野食10樣就有5樣無到，有到果D就得好少，侍應答本人好不滿:依家我係黎比錢食野，點解好似我係到乞食咁，order 3份肥牛，卻比3片，order 2份墨魚麵就黎1份，然後以為係數量問題，就落10片肥牛，結果就黎3片，真係好難理解?? 其實係唔係任食火鍋呢??睇起黎好似好吸引，但真係令人好失望!!最後，我覺得環境真不錯，侍應生服務也很好，但食物質素真要好好檢討，特別係廚房份量方面，真令人生氣

yeah...i came wif my lovely frds today..coz i juz came bak to hk ...so excitedn my frds introduced this restaurant to me n said very nice n cheapso i came n tried..EXCELLENTThe service is very good n the staffs are very polite n patientMy frd taught me to come to this website n give them an appreciateHere i come!!!N i ate a lot of foods n very freshfinally, the price is very reasonable.!!!i will come here again before i leave hkNice

同中學同學食飯 覺得真係 ok ﹗﹗﹗ D 野食又唔係雪都好硬 又多野食, 但D staff 可以好D 有幾次 係十問九唔認 但都 ok laa!! D 湯 ok 又有野飲 真底 同埋唔太 noisy ok ah!!!好大 variety of food!!!

星期四嗰日我同男友都好夜收工，所以睇吓有咩好食......諗諗吓我倆都幾鈡意打邊爐，咁就試吓福苑啦....78蚊任食,包湯底,汽水任飲(因為當時已經11點幾)，個recipt仲好好礼貌添Ｄ嘢食尚算新鮮，有我最愛嘅肥牛，芝士腸，鱔片；最緊要係有我男友至愛嘅鵝腸同四寶丸，唐生菜都好新鮮只係個牛柳粒比較遜色，好似食香口膠咁，唉！不過整体都ok good......值得一提嘅係嘉士伯同jolly sandy都係6蚊3罐，底到爛如果大棚人食，我提議逐碟叫：都係12or18蚊(當然唔係叫Ｄ勁嘢啦)最後埋單：78+78+10(椒絲)+10%=183

今日去左火湯匯食野..一去到,點知轉左名!不過係沙田一場黎到..就入左去哪.地方都係同以前一樣..因為中意D卡位好好坐,不過唔知有咩食Bo,就問左個主任介紹下了,都好好人呀.Being polite佢話,任食可以食2個鍾,如果唔旺就可以一路坐都ok.旺就要麻煩合作哪.....就係甘,我食左自選呵x21)食左個蕃茄湯底..2)一支白酒.3)牛肉.4)象拔蚌.5)蠔.6)娃娃菜.7)四保丸) 牛肉比以前無甘好味,都ok..象拔蚌一班.d蠔就好好味..下次我都會同老公去食 講是講,果日見到d,唔ok ga人..就係最下面果個.話(((唔會再幫襯下次~)))果日,我同老公都見到,佢地4個人係到食任食..果到d員工都提左佢,叫佢唔好叫甘多野食,食唔晒會收負加費:個女仔,重要串人地.(話,我e加食唔晒咩)真係好衰呀,我都係睇唔過眼先甘講...中有個女仔.埋單,把張單飛落個地下到.要主任去汁.個主任重要笑住,真好野. 下文,比人笑 ) e個叫有教養 我地小姐好有教養的，又有愛心，樣靚身材正，對我地D細既又好，比個主任講到佢好似個港女咁，喂，講學歷，我地小姐堂堂外國碩士畢業，知書識禮

由前身的火湯匯到現在的福苑，本人光顧火之次數都不下十次,但光顧福的就是第一次, 的確食物同價錢都真係差好遠，至於是否所有服務生都態度欠佳,真是要感受過才知，正所謂樹大有枯枝，本人看了第一位食家的食評後，居然想為其他服務誠懇／正常的待應生呼叫”大人請饒命”，其他的待應生幾乎一叫即應，等幾秒時間都算合理．本人一向不喜歡打邊爐, 可能因為食物太油膩, 吃後又熱氣,加上係任食嗰啲就咪預我, 不過男朋友喜歡,加上$88都十分划算,當天就興起與他第一次光顧新開的福苑.第一印象只是價錢由續碟計改為分時段任食價晚市至9:00 -- 每位$1089:00後入座 -- 每位$8810:00後入座 -- 每位$78略為遜色的是食品: 海蝦---又大又細隻值得一讚: 菜---還是很新鮮牛肉, 牛肋粒 ---不過不失公仔麪---原包出前一丁另外加$38叫的花蟹, 雖然細碼, 但肉質結實, 好味!雖然食物品質同續碟計時有差別, 但食落又不是不可接受, 不過一分錢一分貨, 總括來說, 同其他火鍋任食無分別都係調味配料要另計, 汽水任飲,特別火鍋材料要加錢另叫,浪費食物段兩稱........我無飲汽水, 只要了杯茶,

本人自問算係呢度既熟客, 由前身火湯匯按碟收費, 到依家既福苑任飲任食, 我幫襯咗不下五十次... 本人熱愛打邊火爐, 加上身邊一班志同道合既frd, 差唔多每個wk都總有一兩次係度聚餐, 因為鍾呢度坐得舒服, 而且比較靜, 傾計傾得舒服... ... 反正只要係吃火鍋, 食物唔太難食就ok~但係自從佢變咗任食之後, 食物質數下降不在話下, 服務態度非常惡劣, 一般waitress態度尚可, 最令我不滿係那位主任, 態度尤其惡劣, 我真金白銀比錢幫襯, 呢位先生d語氣態度令我感到我好似自己係度乞食... 想話投訴佢, 佢竟然話呢度佢最大... 仲指住我問我係咪玩野....到我其他frds話報警, 佢先肯收錢走人... 本人自問都有讀過下書, 絕對係一個斯文人... 估唔到一間我曾經咁支持既食肆, 改咗任食之後, 竟然變成爛仔竇~~ 唔會再幫襯, 去稻香好過~~

在銅鑼灣區找一間任食又便宜的火煱酒家，好像不是一件易事, 最後在op找了這間在basement的火煱酒家, 比想像中的細得多可以任叫的款式不算多, 都是例牌的貨色, 黑牛柏葉非常之un, 不是煮過時而是來貨不好, 水餃及雲吞本來都尚算不錯, 但是没有加上麵粉在上面, 所以放了一會所有的餃子便貼在一起, 夾不起來了, 貢丸又是外購貨色, 但是肥豬肉太重味, 不夠爽口及香菇丸的香, 不過自家制的貨色就可以一讚, 四寶丸的墨丸及鯪魚球皆是水準之作, 鯪魚球魚味香濃, 麵粉量又不太重, 可以吃到香軟而魚香四溢的鯪魚球, 墨魚滑則做得不錯, 彈牙爽口, 鮮牛肉比加拿大肥牛好得多, 肥膏不太多之餘, 肉味總比雪藏味好, 這是任叫的貨色, 水準當然不會像那些手切牛肉的好, 但都總算是合格之作特價的小型大閘蟹售$19.8一只, 我們没有點, 但隔離枱一點12隻, 佩服佩服~ service只是一般, 不算好也不算差, 唯獨是枱的空間太少, 嘈雜而且水蒸氣太多導致煙霧彌漫…..

火鍋$8.8 起, 不過當然唔多啦. 食物種類好少, 來來去去都係韮菜餃, 牛肉, 魚旦呢d. 個沙嗲湯粉粉地, 成日都要搞黎搞去.

去過兩次,第一次去係正價,好快食完走去左居酒屋歎慢板!最近係個老友大力推薦,其實可能我誤解左「抵」ge含意?下次應該問下係「質」方面定係「量」方面!等埋個fan收工都成十點,原來呢度有兩個特價制,真係幾抓頭!個湯底真係唔湯唔水,又無味,好似開滾水咁?d食物,有d未完全解凍,成晚飲下「阿伯」加士伯同吹下水。環境略嫌嘈左d~

擒日親身去試過(9:30pm後),d火鍋料好新鮮,不過湯底好淡,而且加湯係加水,搞到d湯或無哂味.而且個度d泠氣太涷.不過d火鍋料好確實好鬼新鮮同好味,唔知關唔關我唔係叫任食nei?我擒日兩個人叫左肥牛,珊瑚蚌,桂花蚌,鵝腸,山根,韮菜餃拼魚皮餃同冬瓜湯底.兩渣野飲,盛為HK$240.希望佢地可以較濃一下湯底,而且調底一下d泠氣la.

我走堂...終於同傻鬼去睇打邊爐...見到福苑有任食($68位)就決定入去一試. 其實佢地係俾張紙你點6款食品...咁我地有2位所以可以試到12款咁都ok...起碼明知自己都唔會食多過12碟架啦.叫左冬瓜湯底($28)..清清地唔錯..仲有d瑤"柱", 雞肉及意米...見有聖子特價$28有12隻都幾鮮甜架....叫埋..我地點左四寶丸(手打既都幾好味), 牛肉及羊肉~我就比較欣賞羊肉多d, 魚皮餃~ok啦...竹笙~傻鬼喜歡...其他都係一般啦...唔錯.埋單$230....唔算貴啦....正正.p.s仲送一渣柑桔露...

同朋友去食．．．．．服務不俗．．．．叫左個象拔蚌刺身．．．．好鮮．．．不過份量明顯小．．．但已經＄１３８冷氣不夠．．．食到出哂汗．．．．食物新鮮．．．．湯底倘可．．．．但比其他火鍋收費貴．．．．