福滿源 (已結業)

同事話這裡容易搵位食物種類很多本人點了車仔麵加炸兩要油麵俾錯了普通麵好彩阿姐主動俾腩汁車仔麵正正常常炸兩就差了,好”林”唯一好的地方,就係醬係自己落總結:不用等位,平,快,食物麻麻

呢度d野食勝在平, 味道真係非常普通, 不過唔會難食既,而且環境比人感覺好dirty.. 但佢個蒸蘿蔔榚就好好食! 夠熬又有蘿蔔味, 唔會覺得粉, 同埋真係好平呀!

當然4蚊碗粥，沒有幾多白果都無可厚非。上個月最凍的幾日都要返早，七時多人已有中環。天寒地凍，北風呼呼吹，肚子空空的特別難受，想食碗熱粥暖肚，當時一諗就諗起威記。在行去的途中途經石板街，見這裡晨早有賣銀杏白粥，在貪新鮮的心態下，來了試下。呢度都有幾多野食，中西早餐都有，又有即拉腸粉及粥，不錯。這裡是自助式的，叫了碗白粥，加例牌早餐~鴦走同奶油多。蔥花任加，我當然不會客氣，白粥不算綿滑，撈落沒有白果在內，但吃到隱隱的銀杏味道，相信是有下，但不多，當然亦不會幸運的落了在我這碗粥內。不知何解，忽然懷念華姐清湯腩那煲得軟糯的白果。鴦走當然不能與勝香園相比，奶油多雖然薄薄的，但幾多奶油又烘得脆口，及格的。埋單17蚊，食左碗粥，全身暖洋洋的，好舒服。不過下次都係唔好貪新鮮，都係去番威記穩陣。

多數叫外賣，12:15pm 落order 說要12:45pm 到，都會很準時(註: 我們公司絕不近，要走上山)，不好的是他們沒有錢找續。外賣最低消費要$80，即最少四個同事叫，每人arond $21，有飯、車仔麵、粥、其餘快餐。我多數叫車仔麵，$6 粉麵、$5 一種食物，每次叫三種料已經很夠，很抵。總括來說，夠四位同事大多數會叫這間。

去o個度食o野真係平，食碗粥加多個油炸鬼、炒麵、腸粉要多杯豆漿真係正!!! 成日都無位，所以外賣為妙，另外佢仲有車仔麵o添!!! 總之味道唔錯，好過係金鐘太古廣場o既foodcourt 入面o既大家樂同埋美心既早餐粥.... 因為佢完全無味!!

好典型o 既粥麵店，食晏時間多人到不得了，味道同價錢成比例，不過食食o 下碗粥見到有隻「不明飛行物體」，即刻冇胃口都冇哂！