福泉鉄板燒•鮨 (已結業)

放工同同事去食公司附近嘅福泉鉄板烧•鮨，食物水准出乎意料嘅好，呢度晚市应该只做一至两轮客人，师傅慢慢整，仲会逐款介绍食材，客人慢慢品嚐，感觉好好。鳕场蟹脚天妇罗同牛小排伴青森县蒜片都好美味，最後嘅高菜炒饭同鲷鱼汤令人好饱足，系近期试过最值得推介嘅日本餐厅。

依度係我食過最好食嘅鐵板燒，朋友介紹來，環境好舒服好高檔，廚師發辦親手整鐵板燒，好過癮，有鮑魚同埋和牛，鮑魚好爽好鮮味，和牛好嫩好滑，廚師手勢好正，服務態度又好，都係壹間唔錯嘅日本菜店鋪。

福泉喺灣仔美國萬通大廈地下，地方都算易搵。夜晚過來有Ｄ靜，不過環境舒適，服務非常周到同專業，壽司鮮甜美味，吞拿魚腩好肥美，日式沙律亦屬水準之作，如果你想食高質素日本料理，福泉應該唔會令你失望。

呢份唔記得咗叫咩名，好似係套餐入邊嘅一個點心，好細夠但係好精緻。上面果層係透明嘅果凍，好爽好Q彈，下面果層係芝士蛋糕，很濃芝士味，好實正，口感好好，仲有幾粒藍莓做伴碟，幾得意。不過就係太細啦，幾啖就無左，唔夠喉。

三文魚生好好味，好新鮮，d肉好彈牙，完全唔似出面d魚生完全係鞋嘅，肉係霉嘅，呢度嘅好鮮味有嚼頭，食極都仲想食。熟食呢就試左拉麵，味道都幾好，啖湯好好飲。鍾意食日料嘅來呢度係個唔錯嘅選擇。

呢到嘅環境真係值得一讚，成間餐廳以居酒式作為主題黎裝修，播住日文歌，音樂播得唔大聲，食飯既時候都覺得好有意思。另外座位好闊落，唔會好似出面其他餐廳咁窄，食飯嘅時候都舒服啲！如果大家鐘意靜靜地咁食飯嘅話，可以黎呢到試下！

我個人最討厭食三文魚籽壽司的！但我被朋友迫著食了一口這餐廳的三文魚籽壽司之後，對三文魚籽壽司改觀了。我討厭三文魚籽壽司是因為它很容易很腥臭，根本放下進口，但是這餐廳的不會發出腥臭之味，我問了壽司師傅之後得知原來他們的食材是日本即日空運過來，並會急凍至零下四度之下，只有需要使用時都會在雪櫃中提取出來，所以可以保持食材的鮮美並避免食材變質發出腥臭。享用過後真的不得不讚壽司師傅，處理食材的認真就是令食客不斷回頭的原因！

壽司刺身要好食就一定要新鮮，好多時啲日本餐廳都會整到啲刺身好腥臭，但呢到食既壽司就唔會啦，值得一讚，特別係海膽壽司，完全冇腥味而且好鮮甜！鐘意食海膽壽司嘅你地一定要黎試下。

我一向都唔食海膽，怕會好腥。我個friend 食完話好好食唔腥，本來我都唔信。試咗啖又真係好好食，估唔到呢間店嘅海膽唔腥，而且個味幾濃郁幾香。搵間海膽好食嘅鋪頭真係好難，今次真係幾欣賞，價得一推。

這所餐廳很讚喔！我點了一個蟹蓋食，很美味耶！沒想到會有這樣特別的配搭，我在台灣的日本餐廳都沒有吃過，很有創意喔！使用蟹肉，蟹膏來炒，然後放回蟹蓋中，並配上一些飛魚籽在上面，不論色、香、味都俱全！

前幾日，係呢間餐廳食完飯之後，樂而忘返。呢度嘅食物整得好好食，望住師傅即卡整壽司，刺身，可以比到信心我地呢啲食客，保證食物即時製造。望住佢地整壽司果陣，其實好似一場表演咁。

在日本餐廳裡，前菜必定會食到沙律，了解過後，沙律所選用的菜都是有機菜，不含農藥，可以放心食用。而且沙拉醬汁調配得剛剛好，令沙律的菜味不會被醬汁蓋過，不會只食到醬汁味。

今日趁無人終於可以坐鐵板燒位啦，恨咗好耐。可以點壽司或者刺身配鐵板燒套餐，廚師發板，都想試下廚師手勢如何。前菜有沙律同燉蛋，其實一個人食份量夠曬，主食有炒飯，個炒飯真係好正，唔同我地平時食開嘅蛋炒飯，哩個係高菜炒飯，而且係用鐵板炒，會特別香，本身高菜係醃製過有小小鹹味，同飯一起炒就啱曬，唔洗再落其他調味，米飯好大粒而且唔會癡牙，好有口感。廚師手勢真係幾好嘅，乾淨利落，好貼心照顧每位客人，絕對對得住咁貴嘅價錢。

這是午市套餐的壽司&鐵板燒，前菜有日本野菜沙律同黑松路燉蛋，沙律嘅菜品種豐富，份量精緻，撈咗啲酸甜醬既開胃又好食。黑松路燉蛋，細細份，一打開蓋就聞到黑松路的香味，燉蛋都好嫩滑，都可以當飯後甜品。仲有sushi plate，各種魚類都有，魚籽鮮蝦白貝都有，好新鮮。壓軸係鐵板炒飯，估唔到鐵板炒飯都幾好味，好干爽又煙un。依個set lunch都係880，食到咁新鮮咁好味嘅嘢，咩都抵曬啦。

朋友介紹話呢間餐廳食日本菜正，仲幫手訂埋位，係灣仔洛克道，好易穩。訂咗鐵板燒嘅枱，好方便，個廚師仲會同我講解，新鮮燒出來係靈舍好食嘅。印象最深係啲鮑魚，因爲係新鮮摞上來再放去燒，一放落去果下識得跳！廚師一邊切，鮑魚就一邊跳，好過癮。最後會切成細細粒，加啲調味料再分俾我地食。口感好好，好彈牙好鮮味，唔會腥，點埋隔離啲醬，食到停唔到口！