11
0
0
港鐵灣仔站 C 出口, 步行約4分鐘
繼續閱讀
營業時間
星期一至六
12:00 - 15:00
18:00 - 23:00
星期日
全日休息
以上資料只供參考, 請與餐廳確認詳情
因為唔鍾意食魚生，所以一向對日本料理感覺一般，但福泉嘅日式鐵板燒真係唔錯，我第一次見到成隻活活生嘅大鮑魚係大鐵板上扭來扭去由生燒到熟，師傅好熟手地又喺同一塊鐵板上準備好相配嘅醬料，之後嘅燒和牛同大蝦多士都非常之好味，但視覺效果就相對差咗少少，haha，可以話鐵板燒真係視覺，嗅覺同味覺嘅多重享受，而且環境好舒服，服務又周到，下次有機會一定會再來過！
繼續閱讀
最近天氣轉熱，都係食壽司開胃啲。福泉因為午餐抵食，返工中午次次過來都多人，見到師傅好忙碌但處理食物完全唔馬虎，十貫壽司都好美味，不過始終最愛都係件大TORO，一入口油脂同魚香混合埋一齊融化口裹，幾時都咁好味，最後嘅烏冬略有失準，經理即時換過一份，服務態度十分抵贊，難怪咁多回頭客。
繼續閱讀
壽司就食得多喇，日式鐵板燒都係第一次試。坐喺師傅面前，睇住佢塊大鐵板上直接烹調食物都幾有趣，第一次見到大大隻活鮑魚，喺鐵板上扭來扭去，食材咁新鮮，又點會唔好味，加埋Ｄ特別調配嘅醬料，完全味蕾嘅極上享受。燒飛驒牛都好惹味，一咬落去成口油脂香。福泉嘅師傅唔算好多嘢講，但態度友善，會仔細介紹菜式，令人感覺好舒服。
繼續閱讀
晚餐食福泉嘅Omakase完全稱得上係享受，前菜精緻又美味，刺身同壽司超級新鮮，師傅好仔細咁解釋每貫壽司嘅食材同食法，我最鍾意嘅一定係海膽，師傅最後上咗兩種唔同嘅海膽壽司，雖然當時已經飽到上心口，仍然感受到果種清甜美味。餐廳環境舒適，同兩個朋友由六點幾坐到近十點，慢慢嘆住食曬所有嘢先捧住個肚走。
繼續閱讀
灣仔食日本料理其實都多選擇，不過近排最鍾意都係福泉Fukuizumi，間餐廳主打廚師發板壽司同鐵板燒，雖然之前試過啲壽司都新鮮好味，但係時間充裕嘅話我更加喜愛鐵板燒，事關望住師傅準備食物都幾有趣。前菜有日式沙律，食落好清新，仲有啲蕃茄，好甜好fresh，燒龍蝦肉質好飽滿，入口爽彈，和牛就喺燒緊時已經聞到好濃既焦香味，上碟色澤夠哂鮮紅，食落口感真係好嫩好多肉汁，夠juicy!呢度嘅食物水準穩定，幾次幫襯都好滿意。
繼續閱讀