福星小廚

屯門人要搵食，不想食連鎖餐廳千篇一律的味道，好多時都會想起紅橋這一帶地方，亦即是近景峰站這邊，最近我們都常來這邊搵食，男朋友見到這間酒家的雞湯翅好吸引，決定選它晚餐，近來天氣真的很悶熱，在室外只是逗留已叫人汗直流很辛苦，去酒家食可以舒舒服服嘆冷氣真不錯。招牌濃湯雞煲翅 雞湯煲得好夠濃厚，鮮味突出，以大量雞長時間煲出來才有此效果，令人精神一振，而魚翅亦非散修修的平價貨色，是一件件可以夾起來食的，口感爽口，成本該很高，雞絲份量亦不少，撕得細條易食，不會覺得粗糙，1-2個人食半份，已感滿足。黑椒粉絲中蝦煲男朋友很喜歡食粉絲煲，一見到這個就知道是他的菜了，蝦有七隻大大隻，未必是游水蝦但亦屬鮮味，口感爽，粉絲充滿黑椒香，不會太乾太濕，控制得剛好。鹽焗膏蟹想食膏蟹，店員推介鹽焗，平時很少吃海鮮用鹽焗做法，怕會太鹹，但這個完全不會，由外至內焗得十分香，惹味，膏蟹真有不少膏，如蛋黃般的香氣，很迷人，肉質部分鮮甜嫩滑，都算容易食，而蟹鉗的肉味道稍遜於蟹蓋下的肉。雜誌常介紹隱世美食，紅橋較遠離巿中心位置，該屬隱世的地方，濃湯雞煲翅果真是招牌級數，來這裡必食，令人回味無窮呢，辛苦得來志在食，好應該偶爾食這級數的美食。…查看更多

平日落樓下食晚飯，今日媽咪又想食中菜。上OpenRice 又搵到有間新嘅茶樓，就揀咗呢間新開張嘅酒樓。去到其實都開張左好耐架喇，不過聽講話最近換咗大廚咁就即管試吓啦。先前都試過食蒸氣火鍋，味度都唔錯架。今次就食小菜。【招牌濃湯雞煲翅】叫左半份2個人分，大約每人2兩翅。大大條，絕不是散開細細塊。而且雞湯味道幾濃，油份唔多，份量適中。價錢都幾抵。【油鹽水浸花蛤】花蛤粒粒都幾大隻。就算油浸都唔太咸。陪一碗白飯，啱啱好啦。【蒜蓉粉絲蒸超級聖子皇】海鮮當然超級正架啦。平時係屋企篜個啲聖子都冇咁大條。【避風塘炒蟹】一大鍋。蟹肉都容易食到。而且蟹肉味道非常足夠，都幾好食架。【酥炸美國特級桶蠔】講到食蠔，當然係有咁大粒得咁更大粒啦。美國特級超級肥大，一啖咬落去，感覺好似響口裏面爆開一樣。…查看更多

因為搬左出泥住，自己又唔想煮就近近地落樓下食啦。好似話轉左個廚師，野食好左就試下先。自己懶唔想煲湯，就叫左個招牌濃湯雞煲翅，叫左半份再2個人分啦，大約每人2兩翅都有成碗。大大條翅㗎，唔散身。而且雞湯味道幾濃。價錢都幾抵啦叫做。我就中意食海鮮，叫左油鹽水浸花蛤，花蛤粒粒都幾大隻㗎喎。蒜蓉粉絲蒸超級蟶子皇，呢個正㗎，大大隻蟶子， 蒜蓉蒸夠曬香，加左粉絲又入味。炒蟹煲，嘻嘻，其實都係就我想食咩叫。又係粉絲，好香呢。而且蟹都多膏又有肉，唔錯唔錯。酥炸美國特級桶蠔，都唔算好油…查看更多

聽朋友介紹有間食翅嘅酒樓，就約阿爸黎食，人大左，就想盡量抽時間同屋企人見面，尤其唔一齊住嘅時候，約食飯就係最好嘅節目啦。招牌濃湯雞煲翅嘩，個色水好靚，好濃郁咁樣，而且撇晒啲油，個湯真係好甜好濃，有啲膠原感，雞同翅就最夾架啦，個翅都幾多，好足料，可以加醋食，加左好似有果香咁，更有層次，阿爸食到lam lam利。豉椒炒聖子用叉食嘅聖子，有啲食西餐嘅感覺，炒得好有鑊氣，而同時聖子又唔會過老，好軟嫩又鮮味，加上豉椒特別惹味，最緊要食埋啲青椒洋蔥，好爽甜。鹽焗螃蟹因為我地都鍾意食蟹，叫左一人一隻鹽焗蟹，唔會真係有一粒粒鹽喺個殻度，但有陣鹽焗香，邊拆出黎食邊想啜埋手指，肉唔算多但係好新鮮，有蟹香甜味。唔好睇少佢唔係大酒樓，又開喺舊區，嘢食真係相當有質素，海鮮夠新鮮之餘，煮得唔過老，調味又夠濃香，有不一樣嘅海鮮體驗，個翅都好正，一定要試！…查看更多

今日落左一天雨，心情也變得差左，夜晚吾想煮飯同老公去左福星小廚去食晚飯。由於落雨餐廳吾是好多人，叫左幾個餸兩個人撐枱腳。叉燒半肥瘦的叉燒肉質軟嫰多汁。涼拌老虎菜這是個東北菜，帶少少麻辣的口感，但又十分清新。加左的花生口感更加豐富，食完肥膩的野食這個就最好了。濃湯雞煲翅是這里的招牌菜之一，人少可以叫半份但都有4兩翅，雞湯十分濃郁，睇落好似好肥膩其實一的都不會。入口雞的鮮味同火腿的香味慢慢在口中散發，好好味。翡翠炒龍躉球炒的十分夠鑊氣，龍躉肉質雖然唔是好嫰滑，但魚油的甘香令到魚肉的味道更加香。生拆避風塘瀨尿蝦肉最開心就是這個餸，簡直就是懶人的福音。平日好鍾意食瀨尿蝦但摸蝦殼真是好頭痛，這個好的蝦殼已經摸好了。瀨尿蝦十分新鮮，外面的粉漿很薄。雖然是個濃味的餸但也不會盖住蝦肉鮮甜的味道。乾坤大蝦煎面睇落只是用左普通的材料，但的面煎的十分松脆，蝦上面的醬汁落左的黑松露十分惹味。最特別的是配菜是用通菜根用天婦羅的方法炸出來的。桂花芙蓉蛋十分特別的一款糖水，蛋中間沒有蛋黃食得好健康，蛋白的香味配上桂花獨特的味道好味。這個真是又睇得又食得。好豐富的一餐，食完心情又好返了。原來落雨都唔是壞事。…查看更多

又黃雨，又紅雨，又塞車，搞到個人心情都差晒，朋友約食飯，雖然幾大雨，不過都應承左，因為食野會令人開心點。朋友book左這間福星小廚，話之前幫襯過，想再來一次，不過食店在屯門，交通真的有點遠，朋友話搭西鐵在兆康站免費轉輕鐵去景豐站，落車行3分鐘就到，這麼偏遠的地方都變的這麼方便，真的要贊一贊香港的集體運輸。7點半去到，門口是金港海鮮酒家，不過旁邊又寫左福星小廚，客人唔算多，大約6成滿。涼拌老虎菜:此名還真是第一次聽，幾傳統的涼拌菜，將辣椒、洋蔥、香菜、小黃瓜…切絲後，用醋、香油、糖、鹽來調味，有點麻辣、幾惹味，清脆爽口，相當美味的前菜，又好開胃。濃湯雞煲翅：金黃色的湯入口即令滿口都是新鮮雞的鮮香，味道濃郁，卻又一點都沒有肥膩的口感，真的是濃厚清香又鮮美，好湯底。魚翅口感味道俱佳，足4 兩     168元，不能錯過。生拆避風塘瀨尿蝦肉：瀨尿蝦頗大只，肉質嫰口，味道鮮甜，食得出的新鮮味道，避風塘味道的來唔太辣，又唔油，卻非常香口，又唔使自己用手剝，都差不多有成10只，138元真的太超值，必食。乾坤大蝦煎面：蝦身都幾大只，鮮味嫰口，加了松露令味道更豐富，特別要提一提下面的煎面，一點油膩都沒有，幹身的來非常鬆脆，香口又飽肚，蝦頭用粉漿炸過，特別要提一提下面的通菜天婦羅，幹身香口，一點油膩都沒有，香脆好好味，翡翠炒龍躉球：龍躉球兩面煎香，令味道更好，肉質彈牙爽口，味道濃郁，西芹清口爽嫰，幾傳統的味道。桂花芙蓉蛋：蛋黃已取走，所以一點腥雜味都沒有，只有桂花的清香味和蛋白的香味，甜甜的湯水，清新又好味，（菜單沒有此甜品，要book定先，否則最少要等半小時）…查看更多