福岡日本創作料理

營業中

休息中

環境❤️❤️🤍🤍🤍呢個位呢幾年不斷轉手，經濟真係明顯地差。。。記得細個呢度個間碗仔翅檔開好多年，而家個d1年，最多2年講番環境，做街坊生意，不能期望太多，但認為佢雜亂既裝飾溝埋餐牌，又有d廣告，賣商品咁，又中又日，有圖又冇圖咁，散叫又跟餐咁分得好唔清晰，睇到好眼花，要睇一陣先睇得明衛生❤️❤️❤️🤍🤍真係。。。一般吧，大排檔既質素服務❤️❤️❤️❤️❤️叔叔非常有禮貌，又好細心介紹各樣野，好親切食物❤️❤️❤️❤️🤍佢同我講吉野牛肉飯好食，咁我叫啦，番屋企一打開，嘩!睇落咁清淡既，白雪雪咁，仲諗住中伏啦～點知又幾好食，食完一啖會有癮想食下一啖佢d餐跟埋小食，60蚊左右真係好抵，因為佢連個小食都好大份，成個餐食到好飽個種，枝豆好多好多，比出面散叫既都多，超正不過佢同我講咖哩餃子來貨貴，抵食，但呢個真心覺得唔好食，炸到好乾，佢d炸物都好乾同冇乜味，感覺就係來貨直落鑊冇處理過既個種總括：抵食，夠飽，係足以令我再encore

千析唔好食 樓下井財街大把選擇 所有正評都係打手 睇下啲相就知 雞扒丼 $58咬落去雞扒有水湧出嚟 唔係雞汁 係剛剛解凍雪櫃水 超嘔心 唔嘔出嚟係俾面著住拖鞋嘅伯伯廚師啲飯係一patpat 濕到好似爛屎咁餐牌張相有好多配料 有粟米 有紅蘿蔔 有菜 嚟到得兩塊醃蘿蔔豚肉拉麵 $68味精湯底 即食拉麵 怪味豚肉 組成一碗垃圾餐牌張相又係有好多配料 有筍 有粟米 有紫菜 嚟到得兩條唔知係咪菜心 一堆發黑嘅芽菜 就咁狗飯咁堆係湯面餐牌同碗都係痴立立 坐得唔舒服 冇冷氣 有蚊唯一好係都好有禮貌

香港人對於日本菜情有獨鍾，由壽司到海鮮丼、拉麵到沾麵、吉列炸物到天婦羅，真係食極都唔會悶。有時喺趕時間嘅情況下，食到碗拉麵、便當，真係滿足過食港式快餐㗎！嚟到屯門嘅小店：福岡日本創作料理，餐廳以外賣為主，價錢親民，係絕對滿足嘅comfort food。鹽燒雞串串燒即叫即燒，夠晒熱辣辣！雞肉以海鹽作簡單調味，大火燒到外脆內軟，加上焦香味，值得推介。炸雞軟骨雞軟骨炸到脆卜卜，非常香口。黑蒜油豬軟骨拉麵豬軟骨煮得腍軟入味，軟骨部份有嚼勁，加添口感。湯底嘅黑蒜油味香濃，拉麵掛湯，非常惹味。蒲燒鰻魚飯鰻魚肉軟香軟，完全無泥味，重點當然唔少得香濃微甜嘅鰻汁，送飯一流。

福岡日本創作料理今晚好高興，唔單止食咗美味性價比高嘅一餐，仲認識咗一位健談而願意分享的老闆兼飲食界前輩呢間位於屯門嘅日式小店，由門面嘅佈置，直到坐低嘅感覺，都好似去咗日本嘅小店一樣簡簡單單點咗幾樣嘢食，包括雞肉串，雞軟骨，鰻魚飯，真係樣樣都咁好食，雖然每間日式食店都會有呢啲，但係聽前輩嘅分享同講解，明白到佢哋從選料，醃製，冷藏，烹調等等每個細節，都會有佢哋嘅特色同埋堅持$36嘅炸雞軟骨，炸出嚟聞都聞得到好香，而且一啲油膩嘅感覺都冇，作為餐前小食，令胃口大開，越食越想食$63日式鰻魚飯，鰻魚飯除咗要鰻魚嘅選材好之外，醬汁嘅調校完全顯示咗功力嘅高低，呢度嘅醬汁，係入貨之後再自己調節味道，所以呢個濃濃嘅醬汁配合佢哋嚴格選材嘅鰻魚，真係啱晒口味$28雞肉串，呢個價錢，唔係一串，係兩串大大串，絕對係比到我好驚喜嘅串燒，因為啲雞肉非常嫩滑唔會死實實，好有鮮味同埋鎖住晒啲肉汁，咀嚼嘅時候完全係有醬爆嘅感覺，老闆又分享到佢嘅烹調方法，但係我呢個門外漢聽完又唔記得晒，但好肯定咁講，每個客人嚟問佢佢都會講，仲講到津津有味$5羅漢果黑烏龍茶，係佢自己烹調嘅健康飲品，清爽而且生津解渴，一定要試老闆以前任職某大

招牌糖心蛋咖哩吉列豬扒飯🍛！吉列豬扒炸到金黃酥脆，咬落去「卡啦」一聲，豬扒肉質嫩滑多汁，完全唔乾柴！重點係個咖喱，用咗日本原材料熬製，香濃得嚟唔會太膩，撈埋流心糖心蛋🍳，蛋黃流喺白飯同咖喱上面，我真係可以食成兩碗！紫芋薯餅🥔都好正！一咬開就見到滿滿嘅紫芋蓉，香氣四溢！口感軟綿綿，甜度啱啱好，唔會死甜！我覺得配杯咖啡做下午茶一流☕！仲有個超有創意嘅雞軟骨餃子棒🥟，將雞軟骨包喺餃子皮入面炸，咬落去又脆又有嚼勁！雞軟骨帶點鹹香，真係好邪惡！我忍唔住一啖接一啖，完全停唔到口！最後飲番杯羅漢果茶清清口🍵，佢哋用日本嘅方法沖泡，味道清甜潤喉，好啱解解食油炸野嘅膩！

喺屯門豐景輕鐵站附近工作見到一間日式小店，小店一邊向大街，另一邊向商場，經常都會選擇呢類店舖，因為往往會有驚喜，午市比晚市價錢平更抵食。先點了個叉燒拉麵，原本外賣，見有時間就堂食，拉麵湯底濃麵質幼滑，有牙菜木耳，青菜、大蔥、嗚門卷，當然唔少得叉燒，叉燒好入味，比起好多拉麵店更佳。食咗翻尋味加單兩飯回家食，加咗個吉野牛肉飯，牛肉同洋蔥份量唔少醬汁好味，加上醃蘿蔔好開胃。蒲燒鰻魚飯，鰻魚原條上超驚喜，燒得好香皮有啲脆，照燒汁配珍珠米飯係最合拍。炭燒豬軟骨味道相當好，好入味，炆得好腍。小店以外賣為主，亦歡迎堂食，食物即叫即製保持新鮮，價錢亦相當實惠。

晚上路過虹橋，見到這家日式外賣小店很有氣氛，非常熱鬧，客人點完外賣後在餐廳外面共聚吃小食、喝啤酒，意想不到的愜意。蒲燒鰻魚飯$68，外賣份量也不少。飯用的是日本珍珠米，煙韌有口感，鰻魚燒汁灑在飯上面，每一口都有燒汁的鹹香野味。鰻魚特別之處是肉質爽口新鮮，比起一般日式餐廳的鰻魚質素更有口感。原來是因為廚師精心挑選食材，有獨門配方處理食物，保持食物質素，所以鰻魚的口感與別不同，大讚！這個價錢吃高質素日本菜，性價比很高！自家製餃子5件$32，要大讚餃子煎得外脆內軟，外層皮脆脆的，裏面豬肉保留肉汁，口感軟滑而不乾。有五件可以與朋友一起分享，值得一試。自家製羅漢果黑烏龍茶，有羅漢果味，但添上黑烏龍茶底，令味道更加濃郁。是凍飲，吃完煎餃子，再喝羅漢果黑烏龍茶，令口腔清新舒適。細問之下，才知道這家小店隱藏了一位前拉麵店總廚。廚師十分用心選擇食材和製作，而且食物性價比高，怪不得新開張就已經很有口碑，受街坊口耳相傳。下次一定要來試試拉麵。

食物質素已經吾太好，滑蛋飯水到你見到都吾想食，環境又差，見過幾次鋪頭入面有米奇行黎行去，衛生環境惡劣，唯一好既係老細幾識留客，會同客人傾吓偈，不過真係好吹得，真係得個吹字

見到有新店，諗住試下，係街外睇落去，環境一般，冇冷氣，天氣熱既話，佢有大風扇，都好夠涼嘅，不過食物絕對有驚喜，性價比都高嘅原來個老闆做左好多年日式餐廳顧問，唔怪得咁望落去普通，連餐牌都簡簡單單，但食落去唔錯，呢間我都會再去幫襯今次同行有3人，就係唔係太肚餓，主要食炸小食；老闆即叫即整，不過開頭食左太多小食， 臨尾想加個飯食，但就賣晒，所以叫左碗淨地獄拉麵，辣到可以自己揀。絕對要推介，炸雞皮，炸豆腐同地獄拉麵

這家店位置不多，以外賣為主，方便快捷。看到老店長用心製作，值得街坊們支持。滑蛋鰻魚飯,洋蔥的甜味融合滑蛋的細膩，再加上燒鰻魚的香嫩，層次分明。地獄炸雞拉麵（小辣），喜歡帶點刺激口感朋友的必試之選, 小辣的辣度恰到好處，為豬骨湯底增添一層味道。最為推介的當然是 黑蒜油豬軟骨拉麵 ，湯底香濃而不油膩，豬軟骨煮得軟淋入味，簡直讓人一試難忘。這道菜是豬軟骨愛好者的福音, 我相信我再去, 都會必選這個豬軟骨。

新開日式便當，真係超超超抵食，平民價錢就可以食到日本便當過口癮，想堂食都有少量枱仔，外賣就方便啲！好，睇吓有咩好食先。麻辣溏心蛋牛肉飯，牛肉幾入味，配以麻辣醬，而且飯量都ok溏心蛋生薑豚肉飯，帶微微生薑味，豚肉半肥瘦，洋蔥夠腍，上面有芝麻粒粒。鹽燒雞翼串，主要係鹽燒，雞翼都算入味。自家製餃子，炸餃子夠脆，配麻醬做醬汁，估唔到又幾好味。鹽燒鯖魚，原條燒，皮燒到金黃，魚肉仲保留到肉汁，食落肉滑，唔錯！

今晚好想食日本嘢，但間間都要等位，所以我決定買外賣返屋企食。發現了呢間福岡日本創作料理（屯門），佢哋可以坐底食，但位置唔多，主力做外賣，所以我叫了外賣就返屋企開餐。佢哋啲質素都唔差，幾好食，對得住呢個價錢👍🏻滑蛋吉列豬排飯雞蛋是用日本蛋，加上即時炸的吉剄豬排，勁吸引。豬排咬落去外皮香軟，吸收晒啲蛋汁，用嚟送飯，一流，好似去日本旅行食嘅感覺。吉野牛肉飯牛肉鮮嫩，有牛味，加上牛肉汁，勁好味。白飯吸收了牛肉味及牛肉汁，軟軟的，連牛肉一齊放入口，好味到停唔到口。唐心蛋咖哩吉列豬排飯吉列豬排出色已經唔駛講，個唐心蛋都好正，係日本蛋，好容易食得出👍🏻 咖哩汁唔會好辣，但好香，小朋友都好鍾意食。鹽燒雞翼串即叫即燒，好新鮮。雞翼唔會太鹹，味道啱啱好，呢個小食用嚟送啤酒真係無得輸。佢哋價錢一啲都唔貴，好抵食。下次夜晚或下午唔想煮飯，都可以去買呢個外賣返屋企食👍🏻

長假過後有點累，晚飯決定點外賣。早排收到福岡的外賣紙，價錢相當親民，選擇亦多，就試下佢啦。原來店前有枱可堂食的，不過小店只有老板一人，還是外賣方便點。⭐蒲燒鰻魚飯鰻魚飯有一整條鰻魚，肥美厚身，加上醬汁甜甜地幾好味。⭐吉野牛肉飯正如其名就係吉野x的牛肉飯，肥牛加洋蔥🤤飯吸了牛油好香，凍左就會少少油，要襯熱吃啊～⭐照燒雞扒飯呢盒打開時好香，有陣鐵板燒味，雞扒大大塊，雞皮煎得香脆，正！⭐炭燒豬軟骨飯最後係豬軟骨飯，炆得軟腍，連軟骨位都唔使用力咬㗎🤤醬汁好味。珍珠米有飯香，但美中不足有少少生骨，有進步空間。呢個價位真係好抵食，多多支持小店👍

今日去咗屯門虹橋嘅「福岡日本創意料理」，試咗幾款菜式，真心覺得值得推介！首先講下照燒雞扒飯。雞扒煎得啱啱好，外皮微微焦脆，但裏面仲保持到肉汁，咬落去超Juicy。照燒醬汁甜中帶少少鹹香，塗滿成塊雞扒，每一啖都好入味。飯係用日本珍珠米，粒粒分明，配埋醬汁一齊食，真係一流。第二樣係滑蛋鰻魚飯，一上枱就聞到淡淡嘅蛋香同鰻魚香味。滑蛋做得超靚，細滑綿密，唔會過水，口感好溫柔，帶住少少奶香。鰻魚燒得剛剛好，表面焦香，肉質軟嫩入味，配埋蛋同飯一齊食，真係幸福感爆棚，成碗飯好快就清晒。最後一定要提下日式炸雞！外層炸得酥脆但唔油膩，一咬落去仲會爆肉汁，雞肉好嫩滑，調味唔會太重，食到雞嘅鮮甜味。配埋少少胡椒鹽或者沾啲蛋黃醬，又係另一種層次嘅美味。無論做小食定主角都一樣出色。總括嚟講，「福岡日本創意料理」真係有水準，食材新鮮、味道認真，環境舒服，價錢亦合理。如果你都鍾意日本菜，呢間一定唔可以錯過！福岡日本創意料理屯門青山公路127號金邦大廈地下高層7號舖