祥興記上海生煎包 (花園街) (已結業)

夜晚成11點幾，行過有d餓，買幾個外賣帶走入去問個staff，因為太夜，得兩個蝦同2個黑松露味生煎包剩，咁我地就叫左個 2個蝦+2個黑松露 combo （$49）。帶到返屋企凍左少少無咁好味，不過咬落勁多汁，黑松露有驚喜，味道好濃，應該熱食正好多！

其實祥興記已經開左好耐，也有好多間分店，係旺角的分店開左咁耐今日終於有機會試啦，初初開見到都要排隊等候購買，現在可能熱潮過了，一入去就可以下單了，不過店內都唔係太多位for 堂食的，我見其他客人買完都係企係度即食。而我都是落單外賣帶走的，雖然唔係現場即係食，返到去幾分鐘後先食，但又真係幾好食呀，佢個皮好脆，一咬落去就好多肉汁湯走出來。米芝連推介果然名不虛傳呀👍🏻我同老公都覺得好食過上海生煎皇😝

前所未有好好食既生煎包，但係令我哭泣既事除之而發生。。睇咗menu好耐，最有特色係生煎包，再order多一個蘿蔔粉絲湯，價錢都有少少貴，因為自助快餐形式，又在旺角地帶，旺得來價錢理應平民化。哭泣事就發生在我咬第一口落生煎包到，吱一聲湯汁飛到面上。。好embarrassed, 如果湯汁熱辣辣，真係死硬，太危險。我見到牆壁有警告寫著首先要小口咬開個包，飲咗包裏面既湯汁先。。但係未睇到已經咬咗落去。所以我強烈建議，服務員應該要每次提醒食客小心湯汁！說真的，個生煎包真係美味非常，可惜飛湯汁嚴重影響咗心情～～

之前食過特色套餐，幾抵食，一個人食係超級飽。今日咁岩又經過舖頭，又未食午飯，所以走入去。今次仲再試鮮蝦生煎包。味道同招牌生煎包一樣好味！下次試黑松露生煎包！唯一地方坐位較少，坐位不太舒服。

身為米芝蓮既祥興記上海生煎包出名左好耐，但我今之係第一次去食，期待左好耐😋😋-祥興記生煎包出名好多汁，一試真係名不虛傳，超多汁，一咬d汁多到必哂出黎，食要小心d🤣🤣🤣-今次叫左個招牌同鮮蝦雙併，身為米芝蓮食品價錢方便當然唔平，4隻$34，而宜個size仲係細細一個咁。我覺得鮮蝦既汁比較小，蝦都唔算彈牙，我中意招牌多d，第三幅相就係招牌，超多汁😍個包底煎到脆口但有小小硬，但我自己反而幾中意。

第N次食祥興記生煎包，真係無得輸，上海人都話正！重點係佢地既生煎包係真真正正由生包開始煎出來，而非先蒸熟後煎，所以能夠做到外皮脆，內裡鎖住大量湯汁，肉質更是非常爽口。今次叫左兩隻招牌生煎包同兩隻黑松露生煎包，一次過滿足哂食兩個口味既願望。每隻都好多湯！啲湯仲係熱辣辣。食既時候先在包頂咬個細細的洞，好似飲湯咁啜啲湯出來，啲湯好濃好惹味啊！豬肉大大舊，食落有咬口。個皮燶燶地，煎到好脆口，正！招牌生煎包－ 原汁原味，要體會下正宗上海特色生煎包就必試。黑松露生煎包－ 驚喜濃濃黑松露香味，同豬肉味道好夾。

閒日路過又未食lunch, 友人提議試下呢間米之蓮既生煎包店!~平時好少食生煎包既我因為怕肥膩多油, 但係呢間, 四隻上海生煎包都煎得唔油, 個底仲要超脆! 成隻包黎講, 肉既比例係多的，但食個時真係要非常小心，因為個包真係超級juicy! 店內都有好多提示, 叫客人食個時要小心爆汁, 應該要先吃一小口，啜下d湯汁先, 因為如果好大力咬既話就一定會濺晒出黎。生煎包會再encore, 因為我覺得幾好食! 30蚊4隻, 我覺得合理。蔥油拌麵就驚喜不大。店內座位很少, 閒日非lunch時間客人不多先易搵位。

溫書溫到肚餓走左落樓下搵野食😂生煎包常常都吃，今次第一次光顧祥興記呢！想不到生煎包的種類選擇都頗多，變化多端，有原味、黑松露，鮮蝦等口味小妹比較喜歡原始味道，所以都係食返原味好了買之前看到煎鍋裏很多油，有點怕怕但原來入口毫不油膩！熱辣辣，外皮帶點煙韌嚼勁，包子底部脆脆的一咬開就爆汁，juicy的肉餡份量也不少呢，意想不到的好吃耶食晒四粒都幾飽肚味道好似以前我喺澳門食過一間叫上海生煎王既好好味生煎包🙊

祥興記既生煎包，行過透過塊玻璃見到都已經非常想食.想食最正既，當然係等距啱啱煎好出爐啦.個底勁脆，一咬開，湯汁爆出黎既感覺超正.試過鮮蝦生煎包，始終都係覺得原味最正.

今晚行街經過，見到這間長興既上海生煎包，仲貼住2016年米之蓮推介美食，所以決定一試。叫咗上海生煎包HKD30 ,一碟有四粒，生煎包貌相良好，而且阿姐啱啱煎出黎，所以非常熱。這個生煎包有驚喜！真係脹爆！完全冇諗過生煎包嘅熱湯一咬就濺晒出嚟！比平時食到嘅生煎包真係多好多熱湯喺裏面！所以食嘅時候要好小心！至於味道方面正正常常，不過不失，一試無妨。

外國朋友來港，來到MK，試下呢度人氣生煎包，來到碰啱另一班西人，呢度地方淺窄，只可急急食完急急走，又或買走，但系生煎包即叫即做，買走就打曬折扣啦。叫左一客生煎包，一客菜肉雲吞。生煎包的確超爆汁，點小心咬D汁都系狂標，唯一方法是成個擺入口，然後輕輕咬，其實點都成口汁！所以要等個包涼番小小，否則會熱襯燒傷。生煎包皮脆甘香可口，肉汁鮮味，而且爆汁感覺令人新奇興奮，上面灑上芝麻，令口感丶味覺丶嗅覺皆多了層次感，色香味皆備！成$7粒，size比一般生煎包小，無疑是貴了點，卻超好味。菜肉雲吞卻很一般，只吃生招包就好了。服務很一般，阿姐都幾麻麻，衛生也很一般。

早已認識呢間平民米芝蓮食肆，見佢在旺角嘅新店開了一陣子，人龍仍然不絶，所以前來一試。細小嘅店，都有10多個座位，非常擠逼。但由於叫了個套餐，有麵，有兩生煎包，及飲品，好難企街食，所以選擇在店內進食。自問身形都算嬌小，但座位真的太小，坐得十分困難。套餐等咗4分鐘就有。由於食物流轉快，所有食物上桌時都仲熱。生煎包每如雪糍咁大，外皮真係好薄，只比小籠包嘅皮厚少少，皮煎得幾脆。 一咬小口包嘅皮，肉汁立即四射，但肉餡冇乜特別，係一般豬肉味又冇乜口感，兩個盛惠$15。雖然唔叫貴，但味道一般。唔明點解係米芝蓮推介，對米芝蓮嘅推介有點失望。再試蔥油拌麵，因為我平新鍾意食口感較腍嘅麵，所以覺得口感OK ,蔥油不過不失，但份量細，似下午茶餐份量 (定我大食？)。如果唔係米芝蓮推介，可能我會覺得呢度唔錯，但有米芝蓮嘅光環，令我對呢度有啲期望，錯不在此店。

話說有一日要等男朋友交收但又好肚餓🐷 點算好呢🤦🏻‍♀️爭扎左好耐決定去買啲野食下之前見呢間生煎包好多人排隊於是就入去叫左個#雙色生煎 ($34)包括招牌生煎包同鮮蝦生煎包本身打算每樣試一舊 點知我睇唔出最後食左兩個鮮蝦🤪呢個生煎包果然名不虛傳一咬啲汁汁已經標哂出黎 餡料好Juicy 外皮都好好食 以後小食鎖定佢先🤭________________________裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

👆🏻叫咗招牌生煎包+ 秘製排骨湯麵💁🏻‍♀️食完得混吉的感覺。個秘製排骨湯麵仲衰過普通嘅車仔麵，🤔麵軟，排骨淋到爆又無味，個湯底似公仔麵啲味精湯🤪咁就收左$40大元😠環境坐位少又逼🤕🤕仲要全塑餐具我唔會再去堂食！所以下次去淨係食個生煎包就🉐啦正正常常皮脆肉新鮮~入面仲有好多湯汁

👫同朋友們係旺角掃街，係呢頭返工嘅佢帶咗👱🏻‍♀️嚟呢間食，冬天啱曬食啲熱辣辣嘅嘢，仲要係米芝連推介，所以都幾期待㗎😍 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#鮮蝦生煎包 <$38/4隻>生煎包面頭鋪滿曬芝麻，熱辣辣咁，望落好吸引😍 忍唔住即刻咬咗一啖！勁熱之餘仲然後噴到啲肉汁周圍都係😂 包嘅皮好薄，食第2嚿果陣先咬咗一個細窿，啜咗入面嘅湯汁出嚟，就唔會淥親個口😆 湯汁好好味，可能係加咗蝦嘅原因所以勁香甜，而且唔會好鹹🤤 食落夠曬Juicy，而個包底又煎得夠曬脆又唔會好乾，加埋芝麻粒變得更香！果然係米芝連推介，下次會試埋其他口味🤩一一一一一一一一一一一一一一👾驚喜指數：❗️❗️❗️❗️（5個❗️最高）一一一一一一一一一一一一一一💑提提你：▪️生煎包入邊嘅熱湯一咬好易爆出嚟，建議先咬咗一細啖，啜咗啲汁先慢慢食😋