祥興記上海生煎包 (花園街) (已結業)

🔎祥興記上海生煎包 (旺角)🍴旺角花園街3-5號地下10號舖🥟招牌生煎包$32/4隻🥟第一啖要細細啖咬開入面有好多湯汁和肉汁😋肉汁都好鮮甜豬肉餡料都好大塊好足料生煎包外層煎得好香脆個包底部煎得脆卜卜，一定要趁熱食先好食一定會再光顧👍🏻旺角掃街之選

🔥貪心嘅我梗係想試哂3種口味🤤一於就叫 招牌+鮮蝦+黑松露(各兩隻) $65🔥不過睇黎招牌太好賣，當日要等陣先有😨🔥真係要先講壓軸登場嘅招牌生煎包！🔥先咬開表皮，內裏湯汁冒煙而出 💨 一睇就知熱辣辣，真係唔會敢大啖一口食哂，實會辣親成個嘴😨🔥先慢慢細嚐湯汁，係鮮甜嘅味道🤤忍唔住啜多幾啖😙🔥攤凍小小後就成個咬啦！🔥四重口感 - 上皮薄，內肉彈，湯汁甜，下皮脆，完！🤣🔥而鮮蝦同黑松露味就基本上同招牌嘅口感一樣，只係多左份蝦味，或補上好濃烈嘅黑松露味，名副其實！🔥祥興記生煎包真心高質，多汁得黎唔會死咸，豬肉餡唔會超多肥膏，整體咬落鮮甜又唔會油淋淋😆Feast Level: 🔥🔥🔥🔥🔥/5

每次行經旺角， 此舖都有好多人排隊， 所以未曾入去嘗試過。 剛巧今日放假， 又在下午茶時間經過此舖，人流不多，於是立即要幫襯下。下午茶時間當然要幫襯下午茶餐啦! 由於不太肚餓， 所以幫襯咗個C餐48蚊。 有招牌生煎包，粉絲同埋 飲品。飲品除汽水外還可選擇豆漿。 店舖內有提示教人如何食生煎包， 我當然跟足指示， 就是先咬開一小口， 再吸啜裏面啲湯汁。生煎包皮不易穿， 咬了一小口， 仍可清晰睇到湯汁在包內， 濃縮的豬肉汁，簡直超正不能不提下個包底部， 簡直脆到冇朋友。正 至於粉絲就一般。

好耐之前喺上海住嘅時候都已經超級鍾意食生煎包，不過係香港始終搵唔到類似味道，點知近年有生煎包連鎖店嚟咗香港，終於可以搵返昔日嘅味道！我哋叫咗一份四個嘅招牌生煎包， $32 ，為返$8/個食嘅時候真係需要好小心，因為佢入面嘅湯汁超級之熱，就算係先咬一個細窿，都好容易辣親咀咬落肉汁同湯汁好豐富，個皮唔算好厚，表面仲有撒上炒香咗既芝麻，食落都有飽肚感！另外仲叫咗一個擔擔麵，湯底好香花生味，份量唔算少，整體不錯！

幾年前，在元朗曾經食過一隻生煎包。個一種回味既感覺令我買完又買。之後好小落元朗。但醒起有間生煎包好好好好好食，即刻去搵，結果原來一早就執左笠！近期去左旺角，行行下見到呢間生煎包，外面望到有人煎緊生煎包，我就9成肯定這都是我從前在元朗食過個間一樣。因為元朗都係外面有個人煎緊。咁當然我就即刻買左泥食。結果...味道硬係無以前既好食..不過好似款式多咗。但我試這個係原味。因為原味已經無以前咁好食，所以就無打算試其他了。可一不可再

以前食過其他分店，啲生煎包個底都煎得幾過火吓，但朋友想食，就同佢去食啦，估唔到，比想像中好，招牌生煎好味喎。# 經典 招牌生煎 # ***** *** 8/1032蚊4隻，立食，咁既價錢有咁既味道，抵比8分。皮薄，夠熱，入面多湯汁，夠香甜，而唔會有濃濃既蔴油味，所以唔會好greasy好膩既感覺。其實多唔多湯汁我唔太理，最緊要係唔好食落成口油! 另一方面，個底唔會煎過火，啱啱好，微脆，香口，成個生煎包，好滿意。不過2個人share 4隻，太少啦!

係旺角行街唔知食咩好 決定掃街🤣行經呢度 鋪頭好多人圍住 好似好吸引 又見佢係米之連推介就決定試下個樣好吸引咁$32/4個確實熱辣辣食個陣真係小心啲湯一咬 入面真係好多湯但味道一般 湯味唔出色得個咸味 好好好普通的生煎包我覺得去普通上海菜店食個啲仲好味我唔會再去食啦🙈🙈

男友想試這間店舖的生煎包很久了，所以今天我便陪他來品嚐一下由於這間是一間主打外賣食品的店舖，所以餐廳內只有類似吧檯椅的座位，而且環境亦比較擠迫，可能會坐得不太舒適既然是第一次來這間店舖品嚐生煎包，當然想一次過嘗試多款口味，於是我們便叫了三拼生煎包套餐，味道分別是招牌，鮮蝦以及黑松露，而且全部都各兩粒，方便我和男友開心分享No.1【招牌生煎包 】$65 (三拼生煎包套餐)我發覺三款生煎包都有一個共通點，就是生煎包的底部太厚和硬了，而且表面更佈滿油油亮亮的油脂，看了已經有點不開胃了雖然生煎包底部油光四溢，但是吃的時候依然非常【乾憎憎】，讓人難以下嚥，囓蘗吞針而且，除了又乾又硬外，它的口感更非常油膩，我們吃了幾口後，肚子已經很漲和飽，撐腸拄腹，飽飽滯滯，根本不想再繼續吃了雖然生煎包底部好像石頭一樣硬，但是生煎包的皮卻好像紙一樣薄，我輕輕一觸便破掉了，令到內裡的湯汁立即傾巢而出，幸好有紙碗盛載住，才避免白白錯失這些精華喔至於餡料方面，招牌生煎包的餡料只有豬肉而已，味道可能會比較單調一些不過，由於豬肉夾雜了脂肪，所以質感十分肉嫩可口，鮮嫩多汁，在小口品嚐的時候，鮮甜無比的汁液迴轉在口中，肉汁四溢

旺角有間名店祥興記因為有米芝連的推廣下 遊客都唔少生煎包款式不少 叫了鮮蝦生煎包因為人多都要等一陣先可以攞到野食店內有坐位有企位 半開放式廚房但抽風好 油煙不大攞到野食一口咬落去 即刻唔小心燙到嘴了不過內𥚃餡料夠多 包住左滾燙鮮湯咬落去感覺到底皮是脆的生煎包皮不會過厚皮又夠薄，好好咁包住湯原本已經夠哂味 不用加醋都好好食叫了兩隻鮮蝦兩隻原味各有特色 原味肉餡幾鮮甜 多汁過鮮蝦但鮮蝦又夠爽口要選的話 我一定會雙拼咁就可以食哂兩種口味又抵了

特登行20分鐘過嚟買外賣，叫咗個套餐D ，返到屋準備開餐，竟然喺碗咖哩牛展粉絲湯𥚃面一塊牛展都無。。。好唔開心！想打電話去問，發現連電話號碼都無。。。灰😢😢

作為一個地道的香港人，當然不會因為什麼米之蓮推介而去吃生煎包。每次來到旺角祥興記，都會見到來自各地的旅客，特別是外國人、日本人、韓國人。門外貼滿了多份報章或名人的推介。每次來都必點的生煎包，最推介的吃法就是加入大量辣醬，辣醬酸酸甜甜的，不會泰勒。之前也嘗試過鮮蝦生煎包，但是可能點鮮蝦生煎包的人比較少，所以每次的鮮蝦生煎包都不是熱騰騰的，而且外皮也比較厚。店舖也說明了建議的吃法，就是先咬一小口，嘗試過湯汁後才大口大口地品嘗。

一向都中意食上海野，經開祥興記當然要入去食生煎包啦😋我地叫左一份招牌生煎包堂食。入面貼左張紙教客人食生煎包，咬個細嘅開口吸左啲湯再食。一咬開個包熱辣辣又多汁，個底都算脆嘅，但就細粒左啲，如果當小食就啱啱好嘅~

因為係上海人，所以對上海生煎包有一種執著， 但係 香港的生煎包 真心 唔好食， 現在連有些上海酒樓的生煎包 也做到一個饅頭咁， 得個大字 一點都不好吃！直到試過祥興記的生煎，嘩！係呢個味道！ 其實身邊不少移居香港的上海朋友也誇這間的生煎做得正宗。 一盒四個剛剛好 我的食量， 如果男生去食可能就不夠了！ 可以加個 粉絲湯麵 也不錯 其實好食的生煎 就是要 外皮脆 ，一多肉質， 而且一定一定要趁熱食！否則涼了再好食的生煎也變得無味， 所以盡量堂食不要外賣！✌

上次行過，因為太夜所以已經關緊門，今日仲唔比我試到？餐牌唔多嘢食，清晰嘅分類，一睇就明。當然要試原味嘅生煎包先啦，一盒四粒，好似二十二蚊。買完就响入面坐底準備大口吃嘅時候，就望到牆壁上的告示”請小心燙熱的湯汁”，仲教埋應該要先咬開一角，再晚晚吸飲湯汁。可惜說時遲那時快，我咬開個角嘅時候，已經比入面湧出嚟嘅湯汁燙到個口。咁等佢涼啲之後，終於食得，皮厚適中有韌勁。湯汁鮮甜，肉餡鬆化，加埋煎得香脆嘅底部，又幾好食喎！

喺旺角想食少少上海嘢就會諗起呢間祥興記， 一直都冇機會試食， 因為店舖內長期爆滿。。 有冇乜機會係附近叫外賣。 今次就叫咗招牌上海生煎包(4個)，外賣拎走食。其實係畀米芝蓮個公仔吸引住， 所以想食下佢個生煎包。😂門面有齊餐牌， 仲有日文，韓文，英文介紹個生煎包， 喺舖度都見到唔少遊客。。😂叫外賣拎走都好快， 等咗三分鐘左右。 我再行 十分鐘左右先至坐低食， 但係個包入面仲熱。👍一咬個包好燙口， 入面好多湯汁&肉汁。 啲汁好甜👍👍， 個包連汁一齊食，好正喔。😍 名副其實皮薄餡靚， 佢一邊肉餡都大舊， 唔會覺得個皮好厚。 唔好睇佢細細粒， 但食完其實已經唔肚餓，仲好滿足添！😋😋。。。我食左三隻，先至醒起未影相😂一試難忘，下次可以試下叫佢啲set。 其實我久唔久都想飲酸辣湯， 就一於下次試下佢個酸辣湯。😍😍