祥興咖啡室

營業中

休息中

星期六中午同朋友黎食過快飯，點知由攞飛到埋單都感覺唔到佢哋有想食客食得開心既意圖。先講食物。叫左凍奶茶，餐蛋麵，熱檸水，土魷肉餅飯，叫個菠蘿包。公平啲，食物尚算稱職。餐蛋麵有啲未煮熟嗮，可能因為比較忙。齋食物我會俾3星（有少少因為冇2.5星既選項，兩粒又有啲過意唔去）。再講價錢。連凍飲加錢，基本上餐蛋麵餐要～60蚊，午飯餐要～七十蚊。貴唔貴？貴。過唔過分？平心而論，唔過分，因為地方係跑馬地，餐廳係所謂老字號，覺得貴只係我窮。。。好啦，講咁耐，食物一般，價錢唔抵，咁緊係賣令人賓至如歸既服務啦下話？唔好意思，一開始已經劇透左，最唔滿意係呢樣。- 攞飛既時候，問左句“等幾耐倒？”，回覆“唔知喎，等陣啦！”文字打唔出態度，自己想像下啦。總知唔係想溝妳果條仔講“BB豬，唔知喎，等陣啦～”果隻啦。- 坐低，果位阿姐面容係好神奇既，可以係完全冇表情之下話俾你知“快L啲”同“I hate my job!”。（讀者你可能諗緊“呢條友好有想像力”，如果係咁，你自己黎感受一下果個發哥都冇既表情。）- 然後，叫幾樣都冇。咁都算。但係冷面阿姨既態度係我哋唔知掟咁，午餐時間走去叫中午例餐？你混吉啊？大佬。。。點估

老牌茶餐廳裝修係好特別，呢間亦都係跑馬地做咗好多年，係跑馬地最舊嘅一間茶餐廳。但係始終啲嘢都係唔好食，其實茶餐廳如果連杯奶茶都做唔好，真係好極都有個譜。啲麵包同蛋糕亦都唔得，替他茶餐廳嘅嘢都係交吓行貨算數。我覺得你想去睇吓舊式茶餐廳係點可以去下，但係想食好野千其唔好去。

之前食個喇沙湯麵一向好味有水準，點知今日再食原來餐牌都改了，餐牌寫係正宗喇沙但湯底沒有喇沙味，而且湯不熱，但有特色係一碗有兩個麵底，是油麵和米粉配咸檸檬忌廉汽水。但始終希望餐廳回復雞絲喇沙麵配多士火腿炒蛋。

這是它變身後我第一次光顧 祥興茶餐廳 。。。屹立在跑馬地 垃圾站旁 數十年， 經歷了多少個風雨秋， 依然默默地 為街坊服務， 每天出爐新鮮的蛋撻 、菠蘿油 、和各種麵食 、咖央多士、 奶茶、 咖啡鴛鴦等， 極受歡迎 。通常賣一陣就會被掃清。 懶理你是達官名人、 百萬票房紅星、 公司主席， 要食 。。。就要乖乖地在 垃圾站前 排隊等位。 所以 我覺得他可能是香港最 有實力 的餐廳之一 。。。。 好像蓮花一樣 出於污泥而不染 (一笑)。說回他的招牌名物 ，不能不提 。。。外脆內軟、 口感煙韌 的 菠蘿包 。新鮮出爐的 香噴噴 蛋撻 ;還有 唔係好多茶餐廳有供應的 咖央多士 。其實我還很喜歡他的捲蛋 。。。軟綿綿的 牛油、麵粉香 。。。配上純白小忌廉， 真的有一種可以帶你飛翔天際來回又折返人間 的美味口感。這次光顧 我還發現了他們挺會 跟著時代進步， 因為我發現了 。。他們竟然有 現在流行的 蕃茄湯 通粉、公仔麵、 米線 系列畀你揀 。仲有特價午餐 ，用以照顧 不同客戶的需要。 好貼心喎其實，這跟我們做人做事的道理。。。是一樣的 。 不進則退 一 要守住基業 ，就要 保著老本之餘還懂

今日帶咗小狗去睇醫生。當中偷咗一段小時間同姐姐去了祥興歎個下午茶。我自己叫咗個出名的菠蘿油加熱奶茶。菠蘿油熱辣辣好香脆，配合冰凍的牛油真係幾肥都要食。又大又香脆，好味道至於奶茶，茶味偏重，飲到好香的茶味但欠缺了奶的香滑。一杯茶香又滑的奶茶真係好難遇到了。飲得到好香茶味。姐姐叫了咖央多，咖央味唔太甜，幾好味。賣相好好睇，唔錯。美中不足的係，無人帶位。茶記人生人海，我同姐姐兩個行完整間鋪都無位，伙記實在太忙亦沒有理我們。 我僴唯有在水吧位置等位，但我倆顯得格格不入，又怕阻人工作，好在無幾耐就有坐喇。

男友話佢d錢就係比我食晒，難得唔落雨，又無野做由銅鑼灣散步到跑馬地上，去男友細個成日去既地方，天氣太熱啦，行左2個幾鍾，係時候抖抖，本來諗住搵cafe又唔覺有同吸引既，我話祥興好似好old school即刻好想試，1951老牌，最出名菠蘿包，真係個個食客都叫，豬扒菠蘿包又咸又甜，唔係我心水咯，叫返鮮菠蘿油得啦，個菠蘿皮好脆，但唔會過厚死實，又唔會太脆一咬碎晒，個包又唔會好似有渣黏牙，男友叫左加央多，好香椰子味唔太甜，點解我食晒，佢先有得食呢～ 茶仔識飲梗係飲奶茶，天氣熱叫左凍既，夠滑既，茶同奶比例都好，但無咩驚喜

平日刀有去開食野，一個星期都有兩三次了，不嬲都好支持佢哋嘅食物，啲包好好味，啲蛋撻好正，懷舊裝修亦刀好like👍🏻但最近唔知點解無啦啦啲飲品會有椰青懷舊餐廳有呢啲嘢飲，好騎呢，成個懷舊feel冇晒啲冰鎮奶茶仲要冇冰鎮住，好似好慳皮個感覺好奇怪

今早去養和醫院探望一名好友， 路經一間懷舊咖啡室，見剛剛出爐，順便買一個菠蘿包，嘩超大個，比朋友睇嚇了一跳，食落口不外如事，太失望了，下次如路過都要考慮清楚食什麼

原來跑馬地啲茶餐廳好晏先開門七點已經算很早我自己都行左幾個圈先至搵到間有特色嘅茶餐廳其他唔係太吸引我入去囉見到好多懷舊嘅照片我都明星嘅簽名幫我原來我冇去錯地方我諗住應該都OK掛見到個餐牌都好多選擇我仲見到好多麵包新鮮出爐不停係我身邊經過但我都係太趕時間我冇食到嗰啲包早上一杯0水比飲其他嘢仲好仲多維他命C雖然係平平無奇嘅一杯野飲但我都飲晒普通嘅沙嗲牛肉公仔麵諗住會同外面嘅茶餐廳有啲唔同原來都係一樣反而係雞蛋三文治都算唔錯早知比我見到有維他奶飲我就叫維他奶飲啦

小小儀不知道為什麼偏愛去跑馬地公園玩，有點小餓的小儀便順便找找有沒有好東西吃～平常多會去熟食中心的忠記吃厚多士，今天星期天不肯定有沒有開，經過此懷舊冰室便入去一試。昨天才吃過金華滋味不再的菠蘿油，見到此店有金獎菠蘿油便想一試～可惜波蘿油已售完，只好轉點咖咉西多士配熱奶茶：$38 咖咉西多士：6/10 即叫即炸，有蛋香，配上煉奶和鮮牛油，也頗滋味，只是咖咉太少，煉奶一搶味便不覺有咖咉了。加上牛油和煉奶會令本身薄身的麵包更加濕軟，吃到一半，便像奶油浸包。奶茶：7/10奶和茶的平衡不錯，算香滑餐廳裝修頗有風味，食物水準尚可，此價錢雖然不平，但在跑馬地區，因此整體來說還是不過不失吧～

離開Coffee小店，沿奕蔭街走，有不少食肆。走到街的轉角處，遇上懷舊餐廳 - 祥興咖啡室。祥興咖啡室開業超過40年，加上位處名人聚居的跑馬地，因此吸引不少高官藝人及馬圈人士光顧，店內的牆上掛有不少曾光顧名人的簽名。 假日，沒有常餐。真的，苦煞了小妹﹗掙扎了好一會兒，要了餐肉煎蛋飯$42，奶茶($+5)，以及菠蘿油$14。 奶茶，用這種厚身陶瓷杯。因為杯身有厚度，故具有更好的保溫功能。呷一口，奶茶入口香滑，也滲出奶香，然，茶香稍為淡。 菠蘿油，咬下去，包夠鬆軟具彈力，牛油也十分酥香。只是，菠蘿包未夠熱，稍稍影響了外層表面的脆皮口感和味兒。 餐肉煎蛋飯，兩片餐肉和兩隻煎蛋的飯，索價四十二大元，不便宜也﹗誰叫，這兒是跑馬地呢？

聽聞呢度好出名菠蘿油同埋奶茶， 星期日一朝早來到門口排曬隊， 叫我哋排隊嘅店員服務非常之差！ 想先入去望下個環境都唔得。 叫你喺門口先等！試過之後感覺得係非常一般，出面好多茶餐廳 都好味過呢度！！ 啲侍應態度又差， 一直只見到佢哋同啲熟客傾計 ，叫幾次先採你。

I must say that I had rather high hope for this tea restaurant, as it was covered by a couple of travel books. However, my recent experience was a total let down. The place was extremely noisy and crowded on a weekday morning, the staff were unfriendly and grumpy and the food was expensive but not even tasty. What a ripped off!!!

今日特地搭叮叮來到港島跑馬地這邊，雖然現時港鐵還未開通到跑馬地，但而家入去都算幾方便。係跑馬地站落左車之後行多10分鐘左右就黎到今日既目的地－祥興咖啡室！招牌沿用舊式既紅字寫出黎，簡單得黎幾帶幾分懷舊。而且仲係用緊鐵閘添！店內既裝飾都充滿住舊香港冰室既味道，急不及待坐低睇下有咩野食。店有唔同既有料菠蘿包，當然我好想試下原味啦，但一場黎到當然要試下招牌蛋牛菠蘿包，餐仲附送埋餐飲添！大約等左5分鐘左右，成個餐就已經到齊曬haha菠蘿包既份量好大，入面夾雜左炒得半熟既蛋牛，蛋汁水汪汪，配上菠蘿包金黃既外層，外貌已經十分吸引。當然食落去都唔差，蛋雖然唔係炒至全熟，但係蛋汁並沒有令到菠蘿包過濕，影響口感。菠蘿包既甜，再配上蛋牛肉既鹹，其實都可以好match!而呢到既奶茶茶味偏重，幾岩我口味。下次要再黎試試

位置確實有點遠，地鐵不到，只能坐巴士或電車來，正正因為如此，才可以中午也不用排隊。中午菠蘿有沒有套餐，所以點了一個菠蘿牛肉蛋套餐跟熱奶茶，最後加了個酥皮蛋撻菠蘿牛肉蛋包菠蘿包的表面鬆脆，味道帶少許貼。原本以為牛肉會是鹹牛肉，但原來是用鮮牛肉，炒蛋雖然沒有全熟，但唔算滑不過有蛋味。其實如果蛋前得甘香可能效果更好熱奶茶算是一杯有水準嘅奶茶，如果茶味在再突出少少更好，口感滑溜，茶奶比例也合適酥皮蛋撻比較失色，蛋撻皮很鬆化，但蛋太十金