祥發茶餐小廚 (已搬遷) 新店位置

午餐找不到地方，就來了一試，地道茶記，不其待禮貌照呼，點了吃的，等了很欠仍未上，追個究竟時，亞姐就好不客氣的話我們不點有星的（即會快一點）但我們等了半小時，又１是否過份了．同事叫了都只是一般，但我的星州炒米就難食得食，炒得不夠乾身，像炆米般，味道又麻麻，不是一碟星米，而且飲的又要加錢，真的差極了．

cwb 一帶食野都偏貴價之前男朋友帶過我黎一次都覺得幾好, $23 一個下午茶有3樣野食..+ 一杯野飲邊到搵??細細地一間茶餐廳, 門口有d舊, 不過咁先有茶餐廳感覺!落單之後, d野食黎得好快瑞士雞脾幾好味..不過最值得講既係佢地其中一樣小食 "什果朱古力窩夫" 真係好誇張圖中個小堆什果, 就係得咁多 (張相係我食之前影架!!! 冇食過, 真係得咁少)個窩夫只係普通格餅味,唔脆 (不過其實格餅都係港式窩夫..都唔係太大問題)其實係cwb 食 $23, 都算係咁, 唔敢有太多要求啦 =)

之前，我和老公都不知道祥發茶餐小厨是在星期日休息的，所以曾經白走一趟‧直到今天老公放下午假，我們才有機會品嚐到這間店鋪的下午茶‧我們點了以下茶餐食物，包括瑞士雞脾，瑞士雞翼，黑椒雞絲飽，豬扒飽，沙爹牛肉米，五香肉丁米和涷熱奶茶各一‧ 我們覺得瑞士雞脾和瑞士雞翼的肉質都很淋，而且豉油味道都很甜，以size比較，當然瑞士雞脾較為抵食‧至於黑椒雞絲飽和豬扒飽的麵飽，確實值得一讚，因為長長的麵飽咬落不單只脆，而且又十分軟熟；論到飽的餡料，黑椒雞絲的味道就比混有沙律醬味的豬扒更為取勝，因為十分之惹味‧但是沙爹牛肉米和五香肉丁米，我們都認為是失敗之作，因為牛肉沒有味道，五香肉丁也沒有什麼特別，份量又不多，而米粉也只是普通的米粉浸在味精水中，故沒有什麼好味的感覺‧另一方面，奶茶的味道也只是普通，雖然有小許茶味，但是花奶則不夠滑，感覺麻麻地‧

看過飲食雜誌介紹這兒的豬頸肉包，所以抽了個下午來吃個下午茶。也要和人搭枱，地方真的很淺窄，但最重要是好吃，先看看餐牌，是一張對摺的A3紙，內有密密麻麻的字，真的看到我滿天星斗，真的想不到去茶記吃下午茶，比讀書更費神，看見鄰桌的瑞士雞脾像是很好吃，另外又必試炭燒豬頸肉包，所以最後點了一個「不可不試的瑞士」下午茶餐及炭燒豬頸肉包餐。先談那炭燒豬頸肉包，吃起來有濃濃的醬油味，還要只是很普通的甜豉油味，炭燒味及豬肉味都完全欠奉，包身雖然烘過，可是只暖而不脆，加入一丁點很幼的生菜絲，對口感幫助不大，出名？唔多覺。之後吃雞脾了，當然是用手吃才滋味，雞脾的皮被染成深深的啡色，看起來不錯，一口咬下，雞皮果然好吃，濃濃的瑞士汁加上咬下皮後所爆出來的油脂，真的是很香甜啊！正當以為好夢正酣之時，但原來其瑞士汁的味只限雞皮而已，深一層的雞肉是白雪雪的，雞肉雖說是嫩滑，但此雞脾真的不算太瑞士。再來是吞拿魚包，上桌的樣子教人有點不安，一個微微烘過的熱狗餐包，加上一小杯吞拿魚醬，那吞拿魚醬真的是少得可憐，吃起來更令人咋舌，罐裝吞拿魚品牌天天有餘的吞拿魚醬也比它更香，而且魚肉少而硬實，配上那又是暖而不脆的餐包，真的是

去食下午茶，搵一搵cwb有咩好食～就睇到呢間平靚正，呢間野都算勁，搞到我要寫食評支持佢！因為我覺得係cwb呢個價錢食到呢個quality既野好難！！我同女友食左雞脾，熱狗，餐肉面同雪茶肉絲米～1.雞脾d汁唔錯，其實係無咩得別，係平又無犯錯之下，已經就是好出色2.重點隻熱狗，一黎到個樣真係好頹，拎上手軟淋淋，點知一食落口就講左句跑出了，口感幾好，只是覺得包太長，又或者賜太短，但係可接受的！！3.叫左杯凍奶茶同華田，華田多奶，奶茶一般，下次飲熱幻茶就知龍與鳳cwb兩個$50，太難了

之前睇到好多報紙介紹都話cwb此店既茶餐廳d食物好得仲要好抵食...不過老闆平時返工都日日食茶餐廳,所以佢同我食飯都好唔願意去茶餐廳..攪到我遲遲都未試到...好彩昨晚佢都陪我去試左...我叫左個茶餐包括: 瑞士汁雞翼/雞脾+熱狗+餐肉公仔麵+飲品...咁鬼多野食都係$23個餐..真係抵爆啦.佢地d瑞士汁雞翼真係好好味..個人認為啦..真係好味過太平館好多..個熱狗飽都好正唔係一般茶記既飽, 個飽好軟好好味...不過下次唔洗落咁多salad dressing會比較好d..至於個公仔麵就當然係超一般既一般普通公仔麵啦...不過咁多樣野食又咁既價錢係cwb真係唔知邊度搵得到老闆就食素..叫左個芝士什菌炒意粉...好彩個意粉都好好味..可能用上芝士汁啦唔係用油炒..所以又真係幾好味...起碼唔油加上俾左好多西蘭花認真夠健康又飽肚

有次上OR見到有人介紹呢度既食物~又係公司附近喎~ 叫咗一個tea set 食下$23 有瑞士汁雞脾 + 熱狗 + 咖喱魚旦 配飲品呢個攴由2時開始才有, 個瑞士汁雞脾唔錯入味呀魚旦就ok, 熱狗皇條腸細咗一點, 但味道都ok 架~ 係CWB 來說~真係好超值呀~

早前, 頭條日報介紹這間茶餐廳是日賣400個炭燒豬頸肉包, 我跟老公就非要來試試不可. 這家茶餐廳位於時代廣場附近的一條小街, 店舖不甚起眼. 推門所見, 全店高朋滿坐, 所有食客都不介意撘枱, 為著就是這兒的食物的確非常美味. 1. 炭燒豬頸肉包 ($13, 如配飲品$17) - 這個包賣相並不討好, 包形很長, 也不是烘得金黃色. 但食落卻充滿驚喜. 麵包是法包, 入口不會硬, 原來因為麵包是日日新鮮製造, 絕不會放隔夜, 麵面咬落鬆軟, 內有佈滿醬汁的豬頸肉, 質地軟腍有彈性, 包中間有生菜絲, 吃起來沒有肥膩的感覺. 醬汁是以燒肉汁加入海鮮醬等香料製成, 帶甜的醬汁卻又帶點微辣, 十分惹味, 與豬頸肉非常配合. 值得推介紹給大家. 2. 瑞士雞髀 ($10) - 雞脾表面顏色深潤, 一看便知瑞士汁很入味, 雞脾size也不少, 肉質厚. 吃一口雞脾肉, 味道微甜, 啖啖肉, 肥膏不多, 不論是否跟飯食, 都非常滋味, 吃後也不會口乾. 甜甜的瑞士汁很惹味, 要不是那天點了充足的食物, 一定會另點一碗白飯, 撈瑞士汁, 加上啖啖肉的雞脾, 又是一餐又美味又滿足的午餐了.

近排訂立了很多心願, 想在短時間內試多點新食店 (為什麼要在短時間內, 自己悸不清楚)晚上到了銅鑼灣交收後便兩頭游, 心裡盤算有什麼好食 ..游游下 經過耀華街腦中立即浮現了此食店逄星期日關門, 於是好奇心駒使下便到此店開餐 晚上和下午係兩回事, 無論午或晏都會人頭湧湧, 而晚上則有點冷清 我一個人可以坐係一個卡位, 感覺特爽 拎起張餐紙, 無錯係 ”紙”...仲要帶點”梅”, 但食品內容多到不得了, 什麼熱狗餐 ; 富貴餐; 大碗飯餐, 經濟餐….真有點頭痛 , 睇左成幾分鐘最終選了 豬軟骨 xo 漿炒飯送例湯 $30先到了例湯 , 碗大得驚人, 味道果然如例水, 水清料小, 算罷豬軟骨 xo 漿炒飯亦接著到, 先試豬軟骨, 味淡肥豬肉多, 軟骨部位十分小, 如果唔講會以為食緊湯渣, 再開Turbo 食啖飯, 飯奇濕無比, 可以用一pet pet 來形容, 十分難相信茶餐廳會炒得如此炒飯, 不如叫呢碟做薈飯會更適合呢, 再講味道係原全無Xo 漿味, 反而加了大量蝦米, 而且大蒜勁重手, 食完真係會有口氣 總結此食店可取之處是抵食夾大件同埋可以自由配搭, 無味道可言 ~

16/1/2009 約3pm這裡是早幾天友人介紹話又平又飽,就陪他們來順便見識下其間我係坐係度冇叫過野食,還好沒有被眼超超今次就同另兩友人黎下午茶,我地要左瑞士雞脾+豬扒包/黑椒雞扒包/韓燒牛肉包+沙嗲牛米線/腸仔公仔麵+凍檸茶/凍檸水/罐裝七喜 三樣食加一飲品分別只是$25/$25/$26雞脾大隻汁夠味肉又嫩,包類各分開三份咁我地一次試三款個人認為豬扒最好,之後就係雞扒,最後先係牛肉沙嗲牛米線ok啦係米線較少,友人的公仔麵最遲吃所以發脹哂不過公仔麵的份量是比米線多的三人席間討論,這裡廚房細,廚房只有兩人應付,卻可以有這麼多配搭只是放材料都要很多空間,還去整好兼且不斷供應不禁讚嘆其效率,大概廚房兩人是摩打手才能做到二十多元吃這麼多東西,連鎖快餐不可能這樣平宜了而且可以完全當一正餐,滿足矣

瑞士雞脾大大隻, 每隻也飽滿肥美，咬下去汁液立即四濺。d汁甜甜的, 好味, 雞脾肉嫩唔過老, 正!!!入口真係很甜但又幾好味喎 , 這樣更顯瑞士汁的味道。

見到外賣紙上,鰻魚菜飯打左粒星,應該係屬於推介菜式,另一樣都係叫瑞士汁炒公仔麵鰻魚菜飯一打開,未免敷衍左少少,只得兩舊仔鰻魚,望落去好齋,鰻魚味道都唔錯,不過鰻魚汁就一滴都無喇,淨食菜飯都可以,係非常之清淡既菜式瑞士汁豬頸肉炒公仔麵這個就香味得多喇,每一條公仔麵充滿濃郁既瑞士汁,又炒得乾身,連豬頸肉都好入味,亦都好多味精啊~~~

銀包瘦身成功, 到銅鑼灣這個旺區要找一間"平"民一點的食店相當不易, 唔係無, 但要有時間有心機去一些小巷搵. 我自問無這份心機啦 不過都比我"搵"到這間祥發, 是朋友介紹的. 小店位置唔起眼, 完全一普通茶餐廳格式.小店生意好, 去時4時多, 無空臺, 只好搭臺.待者嬸嬸面帶微笑, 用唔太純正的廣東話為我地落單,我要: 瑞士雞脾+韓燒牛肉包+凍華田(~$22.5)朋友要: 瑞士雞脾+豬扒包+魚皮姣米粉+凍奶茶(~$24.5)相差的$2就是那碗面, 好似好唔抵, 但因為我唔太餓怕食唔哂浪費所以無叫到, 節省的$2夠坐一程丁丁呢瑞士雞脾大大隻, 汁甜甜的好味, 雞脾肉嫩唔過老, 正.韓燒牛肉包, 其實同”韓”字完全沾不上邊. 包長長長的, 一邊食d汁一路流, 狼狽~~環境一般, 但價錢真係抵啊! 而且食物不俗, 值得再去.

途徑燿華街，有點餓，就腳的，有祥發。祥發沒有華麗裝修，方枱圓枱數張，搭枱，是不在話下。這裡的主食客群為工人大佬，價錢相對較大衆化，碟頭飯麵連飲品都不過三十元；而份量，更是絕對可觀，大大碟白飯，外加一中碟（食送），細食的話，可以作兩餐算。今天胃納有限，只叫了個特餐：（1）腸仔+煙肉+煎蛋+多士，全單件上，要了炒蛋，油多半件厚切，變爲好味的煙肉炒蛋多。（2）兩（食送）粉麵要了五香肉丁和腸仔，將（1）的腸仔加在麵中，變成雙腸丁麵，肉丁雖然不多，但有雙腸搭夠，足以送麵有餘。（3）熱飲要了奶茶，茶和奶放的比例不錯，味道OK。雖然是一般茶餐廳貨色，不過這裡做的都是即叫即整，而且價錢相宜，兼且飽肚，在銅鑼灣，是個頗實惠的選擇。

下午茶時間, 每次都係食同一個餐有一隻瑞士雞脾, 加一個小食(有十幾款揀, 今次兩個人, 叫左一個豬扒長法包, 一個西多士), 同埋一碗一餸麵, 再加野飲, 都係21.5咋上野又上得好快手而且佢其他飯麵都係廿幾蚊包野飲, 係銅鑼灣黎講真係好抵食, 水準又ok...幾年前去同尋日去都係同班伙記, 好令人懷念