祥榮茶冰廳

營業中

休息中

真的好久好久沒有來這晚膳了，以往基乎天天都來，很懷念他們的常餐、小菜、扒餐，當然還有又香又滑的奶茶呢，老闆娘跟店員還是那麼親切，招呼我到卡位座下來，還說了句『好久沒來晚飯了啊？』『嗯嗯，就是掛念你們的扒餐而回來的』不加思索就ORDER了西冷牛扒餐：意想不到的大大片牛扒，肉嫩香滑，加上蒜溶汁，又香又脆的薯條混在一起吃美味非常，跟本不用蕃茄醬，再配以大大片熱騰騰的原片蕃茄及椰菜，這就是港式扒餐了。紅蘿蔔合掌瓜豬骨湯：我們常常說"例湯"可有可無，而且某些餐廳還會加水、加很多味精，喝湯後會十分口喝，但至少祥榮的例湯我沒有這種感覺。奶茶：相信有很多住在附近的飯都喜歡祥榮的奶茶，茶香濃、加奶夠滑，提意別下太多糖，不然就喝不到那種微微的苦澀味。

行到邊食到邊～牛頭角-食得多觀塘都厭啦🥴所以行遠少少去牛頭角睇吓有咩好嘢食🤔點知就比我發現咗一間好懷舊嘅茶餐廳出邊仲貼住左甄子丹拍戲嘅相😲咁特別入去試吓先🤗-HK$62美式什扒鐵板套餐有雞翼豬扒煙肉同牛扒個底就有大量嘅椰菜同薯條。套餐仲要包左一份多士，麵包仲要幾厚；還有羅宋湯，🥣入邊有好多雜菜另外仲包一杯嘢飲凍飲另加HK$3-HK$60西冷牛扒鐵扒套餐上菜時侍應跌咗最大塊嘅西冷牛扒係地😫咁唯有叫廚房煎返塊俾我😝個鐵板套餐係有兩塊西冷㗎好抵呀！😚但係呢塊扒可能落得太多梳打粉😮有少少苦但係咁嘅價錢可以可以接受。-係X園餐廳鋸扒依家都要過百蚊🤦🏼‍♀️祥榮HK$65唔駛🤩食完第二朝早餐差唔多唔駛食。好岩我長期糧尾的人

唔明你哋點解你哋覺得好食，之前食早餐叫個米粉啲湯好似啲水加盐甘個粉口感又唔咬好食，嗌個下午茶熱狗餐個包一啲都唔好食，啲沙律醬好普通冇出便啲餐甘好食，仲要貴唔好食

放lunch~又跟住同事去搵食🤨佢話呢間好出名好有港味，排左幾耐期終於食到佢啦😭👉🏿✨特餐 Hkd 38 💸📌就咁睇好似得3塊叉燒好小咁，其實係其他係晒底，都有成5-6塊架😀米粉就普通啦～不過佢既餐包竟然係菠蘿包😍細細個食落原來份量都唔小～可以配埋奄列👍🏿好正！而最加分既係！佢既奶茶💖其實我係奶茶粉，去食啲老字號，一飲奶茶就知佢掂唔掂啦！我個日叫茶走，係勁滑😭甜度岩岩好，好耐冇飲過咁正既奶茶啦😼👉🏿✨蔥花卷 Hkd 6 💸📌朋友話好耐冇食過咁正既蔥花卷，6蚊一大個，入面仲要有埋火腿，勁香😍另外佢既羅字湯意粉都好濃味！必試👍🏿

年廿九，外出吃完最後這一餐，未來的幾日，便只有大魚大肉和與糕點度日。回家途中經過祥榮，仍未收爐，這間在我少年時已在此處的茶餐廳，經歷無數個秋風秋雨，仍舊屹立在花園大廈斜坡之巔。忽地想懷緬過去，便走進去，吃歲晚最後一次的下午茶。已忘記了何時來過？看著地面舖著的紙皮瓦磚，進進出出步伐蹣跚的長者街坊，一切都令我想起昔日這裏曾有過的風光。當日我愛吃祥榮的菠蘿包，今日我選了焗咖哩牛肉飯。我等了近二十分鐘，焗飯終於送到，果真是即叫即製。牛肉片還帶著剛出爐的金黃，洋蔥和青椒卻已有點焦燶。撥開肉片，淡啡色的咖哩汁與熱溶了的芝士混淆不清，覆蓋在炒得香嘖嘖的飯面。吃一口飯，微辣的咖哩加上焗至過熱的炒飯，熨得我舌頭發麻，卻又十分好吃。牛肉頗為失色，焗飯單靠洋蔥青椒，已夠可口。「茶走」也過甜，搶走了紅茶原有的香味。今日的我，已經白了少年頭。祥榮是其中一個地方，可以讓我憶起少年時的零碎片段。食物的味道如何，已不是我考慮的重點了。

多年街坊幫襯咗呢間嘢超多次“祥榮”。味道已大不如前，因為之前做開果班師父走咗。現在新請呢班煮d嘢又凍又難食，冇鑊氣。焗飯唔係炒飯底，d飯勁少又唔熱。咁叫焗飯？？就算叫個炒飯or其他碟頭飯，d飯都係勁少又唔熱。大食嘅人一定唔飽。幾年前呢間冰室唔係咁gei.自從換咗班師父之後。d嘢又難食又凍，份量又少。錢佢就年年加，d食物份量就減少，以為冇人知。都仲未講佢個水吧，沖d熱飲勁甜，凍飲就剛剛相反，淡到飲水冇分別。其實終歸都係呢個冇人情味又孤寒的老闆娘事。之前唔係佢嘅，自從佢接番手嚟做之後，呢間冰室就走晒樣，以前超好味，抵食甲大件的“祥榮”已經唔存在。走咗不知幾多孰客街坊。就連我呢個孰客仔都忍唔住。一包米要幾多錢呀？成$50個飯，你俾咁少人哋食，你當人係“黑E”呀？任你食佢兩碟飯都唔飽啦。你叫個冇人情味嘅老闆娘加飯。你可以慳D，佢就話加錢la。喂！我去其他大XX快餐店食，我叫多飯，人哋都俾多碗仔飯la,有冇加收我錢呀？所以我勁憎果個“老虔婆”，我唔會再俾錢佢駛，俾錢佢賺。叫佢食Xla.我去食個食個自助餐都唔會再幫襯佢。聰明嘅你哋睇過呢食評後，會否再去幫襯，你哋自己決定喇。真係“你不入地獄，誰入地

住在附近幫襯左貴店十多年，食物味道不錯，可以一嚐。但是飲食業不是只有飲和吃，有時屋企懶得煮飯叫外賣，消費由$30 ~ $150 都有，但是每次聽電話的啊姐都是很不客氣，有時候真係未吃就飽，如果是外賣要有最低消費，其實店家大可直說，但是到一兩百元的消費也是同樣態度，本人自問一年幫襯左貴店少說五六十次，不多不少，面對店員的態度實感莫名奇妙。

公司附近的老牌茶記「祥榮茶冰廳」，應該都有幾十年歷史吧，難得其裝修多年不變，散發一種真懷舊的古老風情，與時下像雨後春筍般冒出來的扮懷舊茶記不同，單是地面那些格仔磚，便足見歷史的痕跡。雖然此店有很多人借來拍片，但因其位置及作風較低調，所以服務對象仍以街坊客為主，東西都算價錢相宜，好像這個六十大洋的鐵板什扒餐，便是我認為的抵食之作了。呢個鐵板餐雖非好食到震，勝在性價比高，有牛扒、豬扒、雞中翼、腸仔及煙肉各一件，配搭薯條及蔬菜，用黑椒汁咋一聲倒在夠晒熱的鐵板上，夠晒老派茶記風味。跟餐會有一碗羅宋湯及牛油多士，整體來說，我寧願幫襯這裏都不想食大集團的機械化出品。有時我來這裏也會叫小菜套餐，好像前幾天這個南瓜芋頭雞煲，芋頭夠粉，南瓜也甜，不俗。不過此店最吸引我的，還是$60元的蒸魚套餐，此店蒸魚火喉唔錯，不會蒸得過老，尤愛這裏的豉汁蒸倉魚，而倉魚也是最受歡迎的貨色，真的是手快有手慢無也，七點半後經常會售罄別！總的而言，這是一間沒有花巧的老牌茶記。食物不會驚艷，但你卻會在不知不覺間，一而再、再而三的光顧下去。

作為專業食評員😂😂😂爲左食多幾款食品，連食三日祥榮。呢間野之前拍戲見過🤔懷舊茶記又舊大地方，見到地磚同卡位格局就知呢啲先叫classic😌三次都係下午茶黎食。第一日試炒野，食咗個廈門炒米同埋海鮮炒公仔麵。茶餐唔貴三十幾蚊細細碟，廈門炒米嘅酸菜唔鹹唔酸味道偏淡幾開胃。海鮮炒公仔麵，配料同廈門米一樣都幾多，海鮮就唔多㗎喇，可能呢頭老人家食客居多所以味道都係比較溫和凍檸茶同凍奶茶就幾大杯，奶茶幾香。第二日唔坐卡位喇，因為枱細張同對面位距離太近。普通位隻腳可以伸下😂今次食豆冰炸脾同白汁海鮮焗飯。紅豆冰多豆有成半杯，豆夠軟半溶唔係粒粒，花奶足唔會溝太多水，唔太甜幾好。炸雞脾比想象細隻，無落粉炸真心好！皮脆肉就唔算嫩滑都唔會韌既，味道就正常唔特別。個焗飯就普通，有塊燶咗嘅芝士係面，個白汁都幾多幾杰見唔到個飯底。飯兜細啲又淺啲，海鮮唔多既，飯都軟身，味道都係普通唔難食既。第三日黑椒汁雞翼撈公仔麵，呢個係呢幾日食得最重口味架喇，有啲菜餸麵，公仔麵唔係福麺好好，公仔麵有彈性，大魚柳包魚柳唔大塊又唔厚身，勝在夠脆又唔厚粉，估唔到魚肉嫩既，包係長身餐包軟軟的黃油包好香，包入面有蕃茄同菜，醬再多啲就好。

由於呢邊太少選擇，所以誤打誤撞就入左黎。環境都OK嘅，係一間好傳統嘅冰室。芝士焗免治牛肉意粉配雞尾腸薯餅 (常餐)個薯餅揸得好趣好好食，但係覺得個意粉偏粗，有啲過淋，口感唔係咁好，但係味道係好OK嘅！整體來講都可以係一間食得過嘅茶餐廳

健康素食，有個南乳粗齋 飯好吸引喎，有齋食，唔太貴，心信—定有驚喜，約五分钟左右，就已经有得食，賣相好吸引，有多鈡莱，用南乳炒作—起，鋪响飯面，我就試下食先，点知越食越咸，完全令我失望，再飲埋杯冬奶茶，又係—般，下次不用幫襯。

坊間越來越多那些彷懷舊的偽冰室， 但於我來講，真正的那種曾經歲月洗禮的懷舊冰室，一看它的內隴裝潢就可以得知其是否貨真價實，其韻味絕不是那種偽冰室可以模仿得到的....而這一間位於牛頭角的茶冰廳，一睇就知是真正的舊冰室....從來對這一類舊冰廳的食物出品都沒有什麼特別喜好 , 通常我前來的原因都只是藉此來緬懷過去一切舊日的好時光。至於能吃到什麼，我倒是不太計較的....舊茶冰廳的abc式早餐，不外乎都是以火腿通粉再配上煎蛋多士一類的組合，基本上間間做出來的水準大都大同小異。 唯一的差別倒是一杯港式奶茶的水準，不同的冰廳沖調出來的出品，有時確實能喝得出高低來的....而這裏弄出來的奶茶水準是還可以的， 起碼能嗒得出有茶香及甘味。 對於那種奶味過重的奶茶，我個人就是不太喜歡....其他食物的水準倒卻是在平均水準以下 ---- 餐包是冷的而且內裏的牛油塗得十分的少 ; 煎太陽蛋一睇便知是沒有心機煎出來的 , 蛋黃是一味的死硬而蛋白亦是弄得軟塌塌 ; 餐肉的好處是有約略微煎過但外皮卻弄得並不夠脆香....麵用的是典型的大光麵。若要你upgrade去食出前一丁的話就要加三大洋， 而這是我一件永遠不

今日突然提早收工，碰巧路經闊別多年祥榮茶餐廳， 點了這個椒鹽豬扒飯。豬扒特厚夠鑊氣飯又多重要有菜唔乾。連埋飲品都係44蚊，抵食!這份懷舊，街坊價廉物美的味道並非上市的茶餐廳能給予的。

在牛頭角區開OT，可以叫外賣的餐廳極少，要麼就早早關了門，要麼就嫌遠不送。這間祥榮但得一讚，雖然要4個餐或以上才送，但重點是起碼願意送，因為他們與我公司真的有一段距離。價錢跟食物質素，就是茶餐廳的一般水平。份量也OK，食完後可以繼續OT。菜粒蛋白炒飯送例湯：味道清淡健康，沒放很多味精

觀塘區，算是一個我比較少去用腳踏足的地方，雖然現在好多時都會經東九龍出城，但只限於彩虹一帶，頂多若你當將軍澳係九龍的話，坑口囉。其實，西貢墟有車出彩虹/德福/新蒲崗、旺角、將軍澳 (坑口/寶琳)，仲有一部小巴直出觀塘。然而，有時咁啱見到觀塘車出現，咁就試下觀塘轉車，而我最想去試早餐的地方，是牛頭角地鐵站對面，孔雀樓的幾間茶記。於是，就花了4個不同的上午去試，一篇文寫晒佢。這日，我拜訪另一間。不過，這不是位於孔雀樓，是要行上山少少，位於巴士站旁的《祥榮茶冰廳》，該處，查一查地圖後，叫喜鵲樓，都是同一個屋苑群。很明顯，這《祥榮茶冰廳》很舊，古老我紙皮石地板，在今時今日的裝修係唔會用上的，再者，在這餐廳飲食，又的確有少少80年代感覺既。這一天的早餐不食麵，食通粉，仿鮑片火腿絲通粉，配上了一個濃得可愛的雞湯湯底，鮮味加鮮味，再配合了火腿絲的香，連湯連通粉吃入口，感覺很舒服。對極，這又是一個不單調的早餐，有多一片午餐肉，有隻泡心煎蛋，再加一隻軟綿綿的牛油豬仔包，不錯。到最重要的奶茶了，不需要飲入口，單是看已知道掂。主要就是因為這奶茶的顏色極好。飲入口，有茶香，有奶味，奶味濃而不粘口，簡單可以說一