祥囍煲仔小廚

營業中

休息中

煲仔飯嘅雞幾滑，小菜夠鑊氣，價錢又相宜菜式選擇多價錢相宜。我哋叫咗蒜蓉炒豆苗，魚香茄子煲，水煮魚煲，仲帶咗兩個煲仔飯，嗰度寫住煲仔飯又要等30分鐘或以上，不過其實我哋等左15分鐘左右就有啦，唔駛等咁耐，坐低舒服。有電視睇。我喺筲箕灣諗唔到食咩嘅話，又想平平哋呢度係一個不錯嘅選擇個水煮魚開頭食就覺得唔係好夠味，但係浸內左就入味啦。粟米斑塊好趣，咁普通嘅菜式都整得OK。不過略嫌煲仔飯就唔唔夠乾。入口稍稍難搵，不過都唔係大問題，整體都係好食嘅。

平民價錢，美味佳餚，特別喜愛臘味蝦乾飯同油浸筍殻魚！筍殻魚唔係咁多餐廳有得食！最啱一大班人食，可以品嚐到各款新鮮海鮮！另推介冰鎮梅子骨！今晚得兩個人食，未能品嚐所有推介美食！

呢度嘅菜乾豬肺湯必飲，如果晏左嚟一定賣晒！飲完唔會覺得有味精嘅感覺！好有家的味道😋炸子雞皮脆肉滑，又係要早嚟先有得食😋油浸筍殻脆卜卜一d都唔油膩，必食推介👍🏻👍🏻👍🏻

招呼周到煲仔飯夠料豬肺湯一流趁著冬至日子和家人來到這出名小店是次他們的出名煲仔飯 ， 6時嚟到附近，找不到，找了一圈 原來在一條小街巷內， 來到以為空店內很多位置原來要一早預約辦好在服務員讓我們一小時進食,非常滿意！

是日煲仔飯晚餐煲仔飯夠香，有飯焦，調味剛剛好，略嫌是有點杰。服務態度不俗，主動遞上熱茶。椒鹽九肚魚香脆嫩滑溜，炸蒜非常香脆，如果唔係叫咗煲仔飯一定會嗌一碗白飯嚟撈飯。一開始嗌左兩個煲仔飯，因為師傅就來收工，嗌左一個排骨滑雞飯，一個白鱔飯。兩個上枱的時候都非常熱，證明剛剛做起。白鱔煲仔飯新鮮，好食。滑雞有小小鞋，排骨好嫩好好食。下次一定會再嚟。兩個人仲嗌咗支青島再加杯凍檸茶，埋單$280，都算幾抵。

一入冬天就搵唔同既羊腩煲食，今次到呢間祥囍喇！$218 羊腩煲好多地方郁賣緊3xx以上，呢度竟然2百頭就有得食。份量一啲都唔少，送既生菜好大籃，同羊腩煲真係絕配。

It was near 1 year that we have not come to this restaurant.Today, we decide to come again. 個煲仔飯整得好好食 ， 出邊好小地方仲有1好食既煲仔飯， 即order 即整既。 個牛肉粒都炒得好香口， 仲有好味既薯仔粒!!

好耐冇食羊腩煲，今日放工黎到食，諗5到食咩，屋企人提議黎到祥囍煲仔小廚，以為只有煲仔飯,點知有驚喜,叫佐份中既羊腩煲，份量好多，大件抵食，又有菜食，服務都好好。

行街行到攰攰地，見到咁多人排隊等，上open rice睇下見好似幾好食就入嚟試吓。叫左個食蝦乾臘味煲仔飯，炸大腸同金銀蛋小白菜。飯夠香又有飯焦必食推介。炸大腸夠脆夠香好食，值得一試。

今日經過家人介紹去咗呢間開喺橫街嘅餐廳食下飯我地5個人叫咗5個餸，5碟都好大碟喺呢個地區食呢個價錢唔算好平，但計埋味道同份量，就絕對抵食！黑椒牛仔骨煲: 好惹味好大煲椒鹽鮮魷: 個炸粉好薄好脆，魷魚非常新鮮彈牙冰鎮梅子骨: 上菜方式幾得意，肉質好冧好滑，個汁都幾特別啫啫唐生菜煲: 肉碎同蝦米都足料炸子雞: 係最出色嘅一碟，真係煮得啱啱好，個皮好香脆，啲肉又夠滑Overall黎講，每一個餸都好好食，一定會再黎Encore!

今日一家人過來試下，因為來得比較早.所以唔洗排隊！沒樣菜的份量同味道都好好，特別係煲仔飯，足料，有飯焦！ 肥牛煲同班腩煲份量都好多，天凍，吃煲仔就熱辣辣！總體環境同衛生都ok，值得一試！

煲仔飯出色椒鹽鮮魷送酒一流小炒皇無得輸海鮮新鮮足兩員工靚姐親切有禮一家大細食飯好去處一班老友聯宜聚腳地環境舒適地方闊落場上設有wifi上網方便交通方便鄰近港鐵站

第一次來食，朋友介紹，平時少來港島區，搵路都搵左好耐。超多人食，食飯時間要排隊。冬天必食煲仔飯，蠟味好好食，D飯焦超正，煲到金黃色勁脆。椒鹽鮮魷都好味，好香口。

滑雞煲仔飯同排骨煲仔飯都好足料 熱辣辣 最岩冬天食 啲雞好滑 啲排骨好足料椒鹽九肚魚外脆內軟 推介 冰鎮梅子骨啲汁酸酸甜甜 好開胃 豉汁蒸白鱔 啲魚肉好滑 啫啫菜 啲汁好好味 送飯一流

住筲箕灣咁耐都冇試過喺呢度食嘢，一直以為呢度係冇嘢食，平日星期三嚟都有好多人喺度等位等位。呢度嘅職員好好人，安排快手又有禮貌。椒鹽魷魚超級好食,一定要嚟食！仲有胡椒豬肚湯，個味道好好味，飲落去小小辣，個身體淨係暖晒。最後我哋食埋煲仔飯，啲排骨同埋啲飯都整得好好味。未食過嘅你一定要嚟食。最後我哋叫咗個小菜，係聖子，呢兩日價錢合理，下次我會同埋屋企人一齊嚟再食，但係最好要訂定位，咁就唔使企喺度等啦。。