神石燒 (愉景新城)

營業中

休息中

係外送平台同外賣自取買過不下20次黑安格斯燒牛便當，基本每次都會加大份量到180g(原本120g），但每次份量都吾太一樣，時多時少，但總括而言都係偏少，點解冇一早就磅因為怕麻煩。事發當日5月26日，照常叫180g黑安格斯燒牛便當，又覺得份量不足所以終於的起心肝特登走去磅，吾磅還是可，一磅出黎得125.5g，差成55g，大佬咁我次次加大做咩？求其成咁，唔用磅真係吾知比間野呃幾耐。外送平台客服又求其是但冷處理，話打左幾次電話吾通就結案。總之大家就小心呢間野會呃秤，真係覺得太小就磅一磅穩陣啲。

位於荃灣的神石燒，主打平價石燒肉類，午餐的話有9種不同的肉類選擇，價格由$68-$113不等，更有壽喜燒可以選擇！這次我選擇了「美國安格斯牛肉漢堡扒」套餐（$69），每個套餐都包括沙律、湯（通常有兩種）、飯任食，更備有多種調味料，完全不擔心會不夠吃！「美國安格斯牛肉漢堡扒」剛上菜已經被兩塊漢堡扒吸引！份量適中，而且底下放了蒜頭增加風味，由於石燒傳熱比較慢，食客可以按個人口味調整最適合自己的熟度，不過同時也會衍生一個問題，像我不太會煎扒的人，就很容易造成漢堡扒一邊燒焦的情況，影響味道。不過這兩塊漢堡扒皆口感軟嫩，帶有牛肉香味，而且以這個價格來說，食物質素也算不錯！

經過被燒肉既香氣吸引住，午巿定食已包自助沙律吧，白飯及餐湯任食任飲。牛扒只燒過表面，要自行用熱石燒熟。餐廳坐位不多，部分座位欠缺燈光，餐廳有BB椅提供。美國PRIME牛扒配美州特級牛舌 $99抵食之選，牛扒肉質淋，唯欠缺牛味，牛舌爽口，有7片美國安格斯牛肉漢堡扒 $79小朋友之選，有兩塊，肉味濃美國Prime安格斯牛肩胛西法蘭克福腸 $103牛肩胛厚身， 150g，但肉質韌，冇肉味🥲餐點可$7加配罐裝飲品，用餐限時90分鐘，90cm以上最低消費一份主菜

午飯時間諗下食咩好，因為出面落大雨去左屋企附近大商場愉景新城買外賣，見到神石燒餐廳有外賣特價menu, 50幾-70蚊就買到吾同口味既便當，呢度堂食一向要百蚊起跳，甘外賣既價錢相對來講好吸引!⭐️澳洲穀飼牛扒便當牛扒分量吾多，男仔可能會吾夠食😅，牛扒肉質ok, 普通正常，吾會話好好食，有幾塊蒜頭送飯食，除左牛扒，仲有粟米同少少菠蘿，幾清新，中和返食肉既肥膩😆可惜呢個價錢吾包飲品，飲品要另外再加錢🙂

今次叫咗一個午餐A餐同埋一個F1餐分別係美國Prime牛扒配美州特級牛脷，同埋美國殼飼牛300g之後再追加咗一個壽喜汁燒澳洲M6和牛首先，佢哋嘅餐係你所嗌嘅肉一份，外面就有半自助bar，有飯有湯有沙律，白飯仲可以配紫菜，湯有兩款分別係豆腐麵豉湯同埋黑豚牛舌洋蔥湯而沙律方面仲有好幾款，側邊仲有調味bar ，外面嘅半自助區域仲要係無限追加，鍾意食紫菜飯同埋沙律嘅人可以不停地添加首先呢餐美國prime牛扒配上美洲特級牛脷，牛扒份量相對會細塊一啲，但係加埋牛脷肉嘅份量都好足夠，肉質生熟因人而異，不過最緊要係襯石板最熱嘅情況下盡快整好肉，免得石板唔夠熱嘅情況下煮唔到你想要嘅生熟程度或者令到塊肉過熟嘅情況出現而F1餐係美國殻飼牛300 g，份量十分足夠，口感都好爽口彈牙，最後埋單嘅時候總共係200元加1最後仲有俾咗一個代幣，我可以出去玩扭蛋機，扭蛋最後得到一個澳洲M6黑毛和牛一客總結以上嘅項目食物質素幾好，外面嘅半自助吧唔會因為無限添加意做得馬虎求其最後仲有得玩。扭蛋機抽獎。大家都可以嚟試吓，午飯時間無需排隊直接入座

星期日下午兩點去到D park 想搵野食，又想消費$400拎個免費泊車小朋友俾中庭吸引咗，去到地下就見到依一間神石燒第一次食，見到個價錢都幾吸引我叫咗一份$119 極黑安格斯唔算好大件，但肉味唔錯沙律，白飯係任食嘅有兩款湯都係任飲白飯可以加紫菜但係啲燒肉汁就真係好一般沙律都係普普通通飲品都要另外優惠價加錢加大要加$4完全唔可以期望有服務，不過完全唔使等位都值得一試如果有機會去開都會再食，因為價錢都真係幾吸引兩大一小，四百幾剛剛好可以免費泊車

每次經過商場，都會被燒肉香味吸引住今年另一半生日大家都返工，揀個中心點食餐好6PM愉景等直接入座，終於有坐低慢慢嘆一家三口雖然有個小朋友，但到指定高度就要點一份主食叫咗一份澳洲M7和牛盛合(二人餐) & 美國Prime神石牛扒虎蝦經典盛合叫餐自助吧可以任食，包括沙律、湯、飯、紫菜等牛扒虎蝦率先送到，虎蝦勁大隻好鮮味牛吞薄切但咬口十足，不得不大讚Prime牛扒厚切上檯，為小朋友燒到幾近全熟，但一樣相當嫩滑唔會柴﹗澳洲M7和牛盛合 $398澳洲M7和牛/ 美國Prime神石牛扒/ 美國天然無激素雞肉片/ 西班牙極豚肉/ 蒜蓉帆立貝/ 日式清酒煮蜆和牛油脂味濃但入口唔會太油膩相對頭先個餐，呢個餐反而雞肉同豚肉比牛扒更出色二人餐塊石下面一直有火燒住，唔怕食材多到尾段唔夠熱燒熟埋單$612，消費每滿$150可以抽扭蛋一次，全部都有coupon拎走有得玩有得食仲要好食，呢餐生日飯好抵呀﹗

慶祝生日，同朋友食我至愛的燒肉放題，呢個209放題有75分鐘任飲任食，有成🔟款肉任你揀任你叫，淨係食肉都已經為番本，又豐富又好味！先黎一道新鮮沙律，打開果胃先。🐂🐂🐂🐂🐂🐂🐂🐂🐂🐂🐂🐂🐂🐂首選大大塊🐂澳洲M7黑毛和牛，肉嫩又厚身，燒到外表深啡色，入面嫩粉紅色，漸層的顏色，由深到淺，非常吸引。再黎呢塊🐂美國CAB 黑安格斯牛肩胛扒同様超正，牛肩胛肉質結實，好有口感，牛味越嚼越濃越嚼越香。呢塊🐂100日大嘅澳洲穀飼100日牛扒，又嫩又軟又juicy，好易咬開，嫩牛中的極品😋🐖🐖🐖🐖🐖🐖🐖🐖🐖🐖🐖🐖🐖🐖🐖🐷彈牙肉嫩美國黑豚舌芯，口感和味道都超級正。🐷西班牙極豚肉，鮮甜的豬肉，新鮮又甘香，燒過之後豬的香味更隨著空氣飄散，聞到已經超香。🐓🐓🐓🐓🐓🐓🐓🐓🐓🐓🐓🐓🐓🐓🐓🐔美國天然無激素雞扒，大大塊雞扒，外皮燒到香脆，雞肉又滑又嫩，雙重口感，令人上癮。

一人火山燒肉盛美國牛肉燒肉盛合✨呢個原價$128，依家半價特價$64，有3款高級靚牛，咩部位都齊晒，全部都係薄切既，放係熱石上面燒燒得好均勻，每一面都燒到，美國安格斯牛肉就有啲筋位，有啲咬口，美國特級牛五花就非常肥美，好嫩滑，肉質好腍，油花燒完好甘香，薄切蔥花牛舌就有啲煙韌，牛舌加上蔥花咁燒就更加香濃，燒完點啲燒汁黎食就夠晒鮮味！呢度仲有得飲湯食沙律食飯，湯係黑豚牛舌洋蔥湯，豬肉牛肉煲埋一齊，非常鮮味，洋蔥就更加提升鮮味，成個湯都係濃濃既肉湯，好足料！沙律就夠晒多菜，椰菜絲青瓜蕃茄呢啲都有，加少少沙律醬又得，加少少醋又得，夠晒fresh！白飯亦係食燒肉必須既，白飯唔止係軟熟既珍珠米，仲要有紫菜配埋，更加岩食燒肉！

#20230805 💛📍 神石燒 荃灣青山公路荃灣段398號愉景新城1樓1056D& 1058號舖🍽️大埔｜油麻地｜將軍澳｜九龍灣｜柴灣｜元朗均有分店➖➖➖➖➖➖➖➖➖➖➖➖➖➖➖➖➖➖#美國黑安格斯牛肉一人盛 $158 🥢 #美國黑安格斯牛小排 🥢 #美國黑安格斯牛頸脊 🥢 #美國Prime黑安格斯牛膈肌 🥢 #薄切蔥花牛舌 🥢 #美國特級牛五花 🥢 #清酒煮蜆 💭 比起石板，🐷比較鐘意明火石燒，唔使塊板凍左又成日要換，偷聽到隔離枱原來叫石板既餐都可以加$10轉明火石燒，🐷就覺得索性叫個明火餐仲抵🤑啲肉每樣都有兩三片，最怕啲肉雪到硬晒，咁幾靚既牛都唔好食啦，呢度解好晒凍，輕輕燒一陣就食得😋牛舌爽口彈牙，其他肉都軟熟juicy，清酒煮蜆雖然食唔出清酒味🍶不過好重胡椒同洋蔥既甜都幾好味，🐷連個湯都飲晒.#特級羊架盛合 $108 🥢 #特級羊架 🥢 #美國無激素走地雞肉 🥢 #美國SRF黑毛豚肉 💭 要食石板🐷就會叫呢啲原先已經熟既尼食，上枱後要快手切啲肉夾起，如果唔係塊石啲熱力繼續煮啲肉就會韌♨️豬同雞都正常發揮，羊架比較少見，雖然唔大件但好香好滑🐏有啲後悔無叫三舊羊架果款盛合t

平日夜晚7點唔洗等位，店員態度好nice。入座後手機QR CODE落單。除咗上菜，所有野都係自助，落單後喺出面自助吧行咗個圈，沙律、兩款湯都只淨返少少，半小時後才有店員補充，洋蔥牛舌湯唔錯，洋蔥同蘿蔔都煲到好林，亦有好多牛舌粒。出面仲有紫菜飯素配白飯，味道就一般。我哋叫咗1++韓牛套餐，有韓牛，美國牛同牛舌共300g, 美國牛唔韌，韓牛脂肪分佈靚，牛舌唔算厚切但食落都好林同香。值得一提嘅係舊石唔係好夠熱，食到一半需要換石。肉嘅份量亦偏少要靠白飯飽肚。店內職員人手不足令自助吧一時冇湯一時冇飯一時冇沙律。出去拎野食有少少似排隊配給，甚為淒涼。整體嚟講，食物尚可，職員態度好，但食客體驗就一般。埋單後有抽獎，送咗一張九折卡同埋一杯免費飲品供下次使用。

呢間舖頭都開咗一段時間，成日經過門口都聞到好香牛扒味，所以我今次同男朋友特登試下，我哋叫咗一個牛膈肌同牛頸脊各300 g,牛頸脊味道反而冇牛膈肌咁有牛味，個人認為牛膈肌仲林啲，較好味，價錢亦都平過牛頸脊，佢有個自助吧，有自助沙律，飯，湯，紫菜同調味料，如果女仔嚟講300g唔食咁多自助吧啲嘢都ok,但係如果要食飯嘅話其實可以唔使叫咁大件，所以我係食到好飽，買單都唔平500幾蚊，味道一般般，未去到好好食，可以接受，服務員都好有禮貌好親切，值得加分。另外我仲叫咗杯蘆薈檸檬茶，我自己都覺得清清哋都可以，我男朋友就覺得太酸，可能係我叫咗微甜既關係😂

本人上月曾在愉景新城的「神石燒」與女兒享用過「午市限定」的$79石燒牛肩胛，今天5月17日特帶家中老人家再來惠顧。今天中午1:45pm 到達時，看見門外電子顯示屏及彩色廣告牌都沒有展示此等「午市限定」的項目。電腦屏幕是顯示正價佰多元的套餐。我到門前服務台詢問店員，現在是否還有$79的定食，是否要下午2：00pm 後才有？店員只說請看電腦屏幕。其間我看了幾分鐘屏幕都沒有轉顯示，心想必定是推廣期已過，只有正價過佰元的套餐了。老人家說沒有優惠便寧願去「飲茶」了。結果5：30pm左右回頭來到商場，看見店前電腦顯示屏又出現了「午市限定」等一系列餐牌。我再問同一店員此餐牌是什麼時候才推出，為何我中午1：45pm 時沒有？店員說：「一直都有！12:30pm開始就有。」我非常生氣對店員說出情況，我更指出當我問及她還有否$79套餐時，她既沒有說「有」，也沒說「無」，只說「你看電腦屏幕啦」。我不是想怪店員沒有解答我的問題或態度不好，也明白「寫晒係到，你唔識睇咩」的道理。但屏幕沒有顯示餐牌，我如何可知！我繼而向店長作出投訴，其間店長及店員均說「套餐一向都有！」好像我唔知「一向都有」是太無知了！二人從未對我說

見同事放左啲優惠卷係公司，好奇拎左去試。食物質素正正常常唔係入唔到口，重點係，見佢門口張圖個A5鹿兒島牛好似幾大塊有啲吸引，入到去又要用死人QR 落單，拿個落單系統係有個餐幅圖，不過塊鹿島牛同門口張圖比又細左幾個碼，心諗都正常嘅，可能門口張圖誇啲，係落單系統有張真圖都過得去，點鬼知個餐上到嚟果兩塊鹿兒島牛每一塊都細過兩隻母指拍埋，個餐碟野最大舊就係舊雞，而且重要未溶晒冰，舊死人雞重要黐住塊得丁屎咁大嘅鹿兒島牛，一夾起舊冰雞就扯爛埋佢，如果個餐係1舊水有找我服，但係成兩舊幾，我真係冇下次。

外賣自取備註了走汁，但應該負責接單的沒有注意看，不知為何還變了多汁，想找一口沒有汁的白飯也找不到，完全被汁掩蓋，對於討厭汁撈飯的完全吃不到一口白飯，只能把幾片肉及沙律菜吃掉，讓人浪費了白飯(食物)。