神田日式創作料理 (已結業)

晚上約左2朋友去深水寶做野,諗住係果區食埋飯,最後決定左食日本野,但係呢區有好多選擇,有幾間出名既都排長龍,所以就簡左呢間無咁多人既神田.希望吾會失望啦.需然入到去鋪仔細細,但都吾係太焗促,跟住order左d壽司,魚生,串燒,炸生蠔,烏冬等. 等了約10分鐘到,壽司開始到,賣相普通,食物都算新鮮但係d飯太散.價錢$10 -$20都吾係太貴,跟住黎左個三文魚刺身,因為特價既關係$18都有8-9片..都好大件同肥美,然後黎左個牡丹蝦同赤貝,蝦吾係太大隻,同吾夠爽口,但係個赤貝ok喎,好大隻下,都係30左右,無係出面食果d腥味同雪味,味道不錯. 跟住黎既串燒,雞軟骨,雞翼,腎等都係普通野,不太特別. 跟住黎左個炸生蠔,吾係太油,食落口仲係好熱,時間岩岩好,吾係太生或太熟.跟住都忍吾住再order多一個.最後就係個豬頸肉烏冬啦,吾係太肥,烏冬ok彈牙.都算不差. 唯一美中不足係d staff吾會太主動幫你沖茶. 今餐 total $250. 呢個價錢有咁既水準都吾錯喎! 可以再試

Went there with my colleagues for lunch....Even though the service was a bit slow....But their service was very friendly....The portion was very big and taste ok....Price is very reasonable........Worth going....

好的食肆,有優秀的員工服務,比標準為高質素的食品,環境適中寛敞.乾淨衞生.位置或者比較同區的食市略微遜色.員工推介食品積極,食物質料新鮮,味道可以,多新款食物推薦,是不錯的選擇.

因為係自己屋企附近, 所以去過好幾次, 試過叫定食, 亦都試過散叫, 定食價錢都幾平, 平均50蚊左右, 而且份量好夠, 我比較大食都叫做夠哂食。味道亦過得去, 值得一試。順帶一提, 有幾次去都有一個waiter (我相信應該係老細, 但又幾年輕) 好主動咁同客人傾下計, 服務態度算係唔錯, 亦睇得出老細對間鋪頭放左唔少心思。

間野ge decoration都唔錯fd叫左個海鮮拉麪.我叫左鰻魚滑蛋飯都算幾好食ge~建議大家可以去試試

係附近工作,所以常常週圍嘗新嘢.深水埗有不少日本菜,但這間都算最好食及最有heart啦!例如,在午餐佢會因應主菜而佩上唔同湯(不會單一味噌湯),而且前菜亦不同例如咖哩飯會佩上沙拉,而滑蛋飯就佩好精美的前菜(因常常轉唔形容總之好ok).午餐推展鍋燒烏冬(好味,烏冬煙'銀'),滑蛋鰻魚飯(低食),魚生飯(新鮮低食)特別"辛味魚生飯"好嘢味,醬汁調得好好味,酸辣好正,但不會太辣.晚餐都幾好,個人鍾意佢啲小食(但晚上只去過一次唔係好知有那些推介)價錢不算太平(因為深水埗區啲嘢比較平),但以這個價錢好合理.總體來說,可以試試!希望佢地keep著水準啦!

情人節同女友黎左呢間餐廳食飯，其實之前黎過呢度食野，都覺得幾好味，所以就"戴"女友黎。不過今次就無平日o既特價壽司(T^T)，禁我就嗌左一個吞拿魚刺身同埋一個三文魚刺身，其實唔係好想嗌三文魚刺身，因為上次黎過，佢地d三文魚刺身做半價優惠，呢日就無，無辦法，女人鍾意食。三文魚刺身同以前無咩分別，ok啦!原來吞拿魚刺身係好正嫁(@.@)我都係今次先知。令外叫左一個明太子波菜同泡菜海鮮鍋，明太子波菜，有好多明太子，咸左少少，但係又好好味，真係抵死。個泡菜海鮮鍋有個爐燒住，好過癮，暖笠笠，因為今日好凍。女朋友又話想食飯，禁我就問個waiter，有咩飯好食。禁佢就話:試下豬扒飯啦!waiter就話佢地o既豬扒係自家製o既，第二度食唔到，禁我就嗌左一個。唔知係咪多人o既關係，等左好Q耐，個豬扒飯黎左，我望落去同其他豬扒飯無咩分別，但係食落就好特別，同其他o既豬扒真係好唔同，咬落去好鬆化，口感好特別。 整體上黎講，呢餐飯都無令我失望，因為女朋友都話好食。

今日到深水埗附近買電腦嘢,收到傳單覺得吸引便到來一試。一行三人共叫了三文魚刺生、北寄貝刺生、炸雞軟骨、雜錦天婦羅、胡麻拉麵沙律及雜錦海鮮鍋。三文魚刺身好抵$35半磅又新鮮，天婦羅D粉唔太厚食後也不覺油膩，拉麵沙律味道不錯很開胃，海鮮鍋D烏冬好滑，好似赤丸咁，湯鮮甜材料很足不妨一試。另外侍應話消費滿$100送辣酒煮蛽，食後亦不錯。初試此店為我們帶來驚喜。

very bad ,我食過日本料理餐廳之中最差既一間,包括以下幾點:-1.食品唔夠新鮮.2.賣相唔靚3.食材太cheap4.侍應反應慢,效率低5.埋單計錯數,計多了我32元,後尾同佢講返,佢先知.6.食物上菜次序掉亂哂, 又漏單7.甜品push極都唔來,所以走了,唔理佢.