神燈海鮮菜館 (已結業)

7 May 到了神燈試菜, 地方就預左唔會太好, 因在上海街.叫了招牌嚮螺雞腳燙, 焗魚腸, 油浸烏魚, 生炒骨. 但很失望:- 湯淡而無味, 焗魚腸就太咸,沒有魚香,蛋味, 淨係食到陳皮苦味, 我自己做的都好過佢, 生炒骨就肉不夠鬆化, 硬而冇肉味油浸烏魚就好似放左死老鼠上碟, 全無魚味,豉油咸到要朗口,唔知係唔係個廚輸左馬.總之就唔好再去.

前2天看見食評唔錯,就盡管試一試, 果然不錯.....2個人叫了一個燙,二個菜.嚮螺雞腳燙- 雞腳好"正",D燙我想會有點味精不過好飲,$45想點呀.....XO醬抄田雞扣$48 - 田雞扣我也是第一次食,好爽脆帶點小辣好野味!! 還有更讚的是個配菜(西芹)好嫩,好味.焗魚腸$45 - 這個菜麻麻地,外形較吸引,但味道一般,D蛋太老,食唔出有魚腸的香味,只有點蛋味.總括來說,已很不錯,地方雖然舊一點,看來不吸引,但食物味道好已挽回不少分.

繼志記之後, 要係旺角吃中菜, 只是想到lee度.到門前, 望入去都坐滿7成, 估唔到平日都咁旺場.叫了三味:1.茄汁煎中蝦: 有成7PCS中蝦, 好脆, 我地連D殻都吃埋2.西檸骨: D檸汁够晒野味, 比茄汁還好, 不過似吃豬扒多D3.鮮菇趴蘭花整体OK, 吃得過

好耐無試過這些純麻甩的飯局，六個足球隊的核心成員諗住趁開年啤一啤，順手傾下來年大計，個個雖然衣著光鮮，但都唔係斯文人，就選了這裡，貪佢可以大聲講野，座上有人又可以隨便吸煙，可以啤一啤之餘，當然這裡的小炒也不差。呢度係地道食肆，環境一般。不過我地幾個來吃，又幾入型入格。話左以傾計及飲啤油酒為主，加上之後亦各有飯局，所食物主要集中在可以下酒的，叫了椒鹽白飯魚、椒鹽鮮尤、古法焗魚腸、蝦乾蒸肉青及砵酒焗蠔，又見檯檯都有盅燉湯，又來了盅西洋菜生魚湯。見佢皮蛋都有少少溏心，都來了一碟。先來幾支啤酒，大裝藍妹同金威都統統12蚊，好抵。幾款下酒菜都相當不錯，白飯魚大條又香脆，鹹鹹香香，好快食完，要追加一碟；椒鹽鮮尤都不錯，不過就不夠白飯魚般香口；焗魚腸是這裡的特色菜，焗起出來一個蛋山丘般，賣相相當好。份量夠多，蛋焗得香口，夠乾身，加入油炸鬼，好味道，是必叫的菜色，美中不足的是魚腸有一點苦味，不是好貨色；蝦乾蒸肉青是用來招呼吃飯的兩位波友，鹹香的蝦乾，用來送飯不錯；砵油焗蠔就濕了一點，麻麻地；西洋菜生魚湯都夠火候，不過味道就淡了少少，以此推算，味精是應該下了不多。又煙又酒，又波又馬，又飲又食，這餐開年飯

之前都未聽過呢間老店都係由朋友帶先知。格局係正宗舊式飯店，如果唔係朋友帶，經過門口就一定唔會入，因為地方唔係咁乾淨而且都多中年男士幫襯。我地兩個人經常一齊食飯都會叫好多餸，邊傾邊食，一樂也!我地叫咗:1. 魚腸焗蛋- 第一次食魚腸，除咗蛋味都無乜其他味2. 蒸烏頭- 由於新鮮，所以好有鮮味，不過都幾細絛3. 鹽水大蜆- 好大隻蜆幾鮮甜4. 半隻鹽焗雞- 肉好實，如果唔係用雪雞都會係冰鮮雞，味道一般5. 雞腳湯- 好飲但味精都應該唔少總括來講食物普通但係埋單都係3百幾蚊，又幾抵食既，而且服務都ok。

二個人晚餐叫左:1.XO醬炒田雞扣- 爽, 惹味, 幾辣2.油浸烏魚–即係油炸, 皮脆肉嫩, 魚肉有D似黃花同桂花, 但無乜魚味, 豉油味3.薑汁炒芥蘭–無渣, ok4.生炒骨–肉不是全瘦, 帶點肥同有軟骨, 不過bf說肉不夠鬆化這裡很classic, 傳統, 值得一去!

今晚收工約左班好少可以咁齊腳o既老友係旺角打波食飯,打完波等齊人就一字排開浩浩蕩蕩去呢度醫肚,黎呢度除左價錢較平同水準穩定之外另外原因就係我地班大懶人費事去搵地方,入到去坐低之後第一件事唔係諗食d咩野而係立即叫兩支冰凍啤酒啤啤佢先,正所謂”人生有個真正朋友的確好味,飲勝!!!”,兩杯到肚跟手簡簡單單每人叫一個菜方便快捷...肉片豆腐魚骨湯---因今晚我o既至愛響螺頭雞腳湯賣晒唯有清清地飲住其他湯先,但都幾好飲!!蒜蓉蒸開邊蝦---中蝦加上蒸得o岩o岩好,唔錯!!!清蒸東星(約2斤)---魚肉幾滑加埋汁料o既味道好好,唔錯!!!可以同出面o既所謂出名海鮮酒家一比,從以上兩味蒸o既菜可見師傅火路控制o既功力!!!值得比笑面佢!!!椒鹽鮮魷---老友至愛,粉漿唔會太厚,一上(木台)每人夾一舊差唔多淸碟,水準照舊菠蘿生炒骨---粉雖然外皮已經淋晒,但食落甜酸適中!醬爆田雞扣---醬汁o既味道唔夠,另外田雞扣比先前食o既冇咁爽口,失左手!!!!豉椒炒蜆---d豉椒汁好鬼好味,但今晚d蜆太細隻,要猛咁係樹摷,睇到眼都矇埋!!!沙薑雞半隻---肉質幾滑,味道幾好雙菇扒時菜---因無食唔知味道金銀蛋莧

今日臨收工前老友飛輪黎約食飯,我呢d從來唔需要問點解要約出黎食飯o既人當然冇問題喇除非我有事在先另計,因另有朋友仔於旺角收工咁就順理成章o係呢度醫肚,之前已經好幾次黎呢樹食飯今次事隔大半年再食,入到去地方依然o係舊式中菜格局冇靚裝潢牆上寫滿各式各樣o既菜式同價錢就算唔使睇餐牌都可以,今晚3個人叫左…..響螺頭雞腳湯---每次必叫因湯料好足而味道好清甜對於我呢d平時冇乜水o既人簡直至愛,但因供應量有限太夜去有機會賣晒,而另一款西洋菜煲生魚湯個人覺得比較差d!椒鹽鮮魷---老友至愛,呢樹都整得唔錯粉唔會好厚o岩o岩好,用黎送酒一流!!!豉椒煎釀三寶---有青,紅椒同矮瓜,有時甚至有豆腐tim,不過今次豉椒o既味道唔夠同整體上比較油,差鬼左!!!粉絲中蝦煲---熱烘烘上(木台),蝦都幾大隻,另因粉絲吸收左湯水關係幾好食!!金銀蛋莧菜---清清地,o.k. 喇!!加埋靚仔3碗同啤酒一支埋單唔使3百,因老友知我今個月生日請我,變成真正o既手瓜起牛(月展)食野唔使比錢,以味道來講呢樹都可保持到水準,加上價錢大眾化,另有其他特色小菜都可一試,但如要食環境o既就唔好喇!!!題外話,難得老友聚聚食下飯吹

上個月黎呢度食晚飯,雖環境很一般,但食物真係一流!2人叫左好多海鮮都係200零蚊,另外重點推介響螺雞湯!service亦很好!給人有種家的感覺呢!

事發於兩星期前. 三個人於午飯尚未完全落格之情況下(至少我是的), 再跑到這裡來個晚餐. 我選這家菜館的主要目的, 是要一試其魚腸焗蛋. 除此以外, 還隨意點了兩味小菜.蜆芥鯪魚球熱辣香口, 不錯; 瑤柱津白一般. 等了好一陣子的魚腸焗蛋, 出場時尚熱得冒煙, 滋滋作響, 而且發得很高, 非常有氣勢. 在拍照的短短數秒之內, 友人聲稱目睹它已塌下了不少. 急不及待吃入口, 魚腸很多, 陳皮味香濃, 可惜蛋的質地太實, 感覺很滯, 而且蛋味欠奉, 叫人失望. 兩名友人吃不了幾口已罷工, 我為了負責任, 只好包辦了大半碟.餐牌上有其他拿手懷舊菜式, 可惜我們不太感興趣.

朋友介紹去呢度食晚飯,話好味,即管試下.我地先叫咕嚕雞球($42)同XO田雞扣($48),原本想叫一個煲仔飯,兩個share食,因為兩個女仔食唔到兩個,但落單阿伯話無一個人既煲仔飯,一定要兩個人既,所以我地另外叫多個豉汁鱔片.好快就唻左個XO 田雞扣,我叫一個白飯.因為我地頗肚餓,於是食左半個鐘左右,碟差不多食完仲未見第二碟唻就開始發呆......(當時8點幾9點,座位有7,8成滿,各位伙計亦好忙碌,見唔到我地舉晒手.)剛剛催促完,兩碟突然唻到......咕嚕雞球幾好味,夠酸甜,不過好似食唔出雞味,另外洋蔥未熟透,有d 澀.鱔片好腍, 味道幾好.

提起神燈，有兩味菜好有印象，就係烏魚同田雞扣。烏魚有D似塘蝨，其他海鮮食肆較少見，金沙浸就香口，清蒸就較嫩滑；田雞扣爽口，XO醬炒就最適合。Jerry兄說得對，呢度係幾經濟抵食的，唔怕環境「地痞」的話確係一個不錯的選擇。

各位老闆...好耐冇見，小弟有段時間未有上來報料，唔好意思。講番正題，上個星期有個客係外國來港，公司同事都唔得閒，咁我幫幫手帶?去買電器。個客住旺角的士丹福酒店，在旺角可算沒有什麼好東西吃...正苦苦思量之際...有個朋友報料：朋友，試一試神燈。苦無良(地)方...死就死啦，一到步..死火門面咁..都唔會好食得去邊啦？！個客好鐘意食魚..就要一條黃腳立魚...清蒸，再來一斤大海蝦...茄汁大蝦，跟著一個黑椒牛柳、沙薑雞半隻及豆醬炒生菜。早一晚跟個客去好彩食飯，食了近二千幾元，但個客話這裏的魚比好彩的蒸得好食，夠鮮味。茄汁蝦一絕，做得夠香口，汁調得剛好。個客唔食豬，我點了個黑椒牛柳，本來不想的，因想起大部份港式茶餐廳的牛柳就想嘔，我叫個伙計做得乾身一點，我想如果做得夠乾身的話，黑椒可以蓋過過梳打牛柳的味道，個伙計同我講：黑椒牛柳一定有汁喎！我跟他說：儘量吧！一上桌，唔...好香呀！夠乾身，夠鑊氣，一試...唉...有牛味喎，不是港式的梳打牛柳喎...正！豆醬炒生菜，可以做得不好的...好難。飯就食完...大鑊，要海鮮的時候唔記得問價錢...海鮮價，可以很貴，仲要係旺角，仲唔俾人劏到一頸血

我很喜歡吃這兒的曹白咸魚，又香又脆，用來吃粥一流，不過多骨了點，雞腳湯一流，非常多渣，比在家的更好，保持一貫水準！但炒田雞扣，老實說是脆但無味，用太多梳打粉處理過了，還是家裡做的好吃得多！焗魚腸還不俗夠香口，魚腸都算新鮮！

After 9 o'clock have a cheaper price !