神戶屋日韓放題

營業中

休息中

本身諗住平平哋食宵夜時段樓下張牌寫住夜晚9點後$209上到去攞原位諗住再問一問幾多錢點知話$279入咗見到有打卡$10優惠， 一問之下話一早已經冇再做如果真係冇再做點解唔收返起佢算數避免令客人誤會呢但因為太肚餓成幢野又得佢一間黃店所以照食食物不過不失，其實款式唔算太多呢個價錢亦都唔算平同埋留意佢嘅燒牛舌並唔係平時喺燒肉店食嗰隻薄嘅牛舌，而係牛脷厚嗰隻諗住健康啲要個生果點知原來係罐頭蜜桃我相信好多人如果一早知道係罐頭蜜桃嘅話都唔會叫黎食可以唔使為咗一定要有生果已特登用水蜜桃罐頭搵返之前人哋嘅食評，1月份宵夜時段都只不過係$219可能因為多人幫襯所以價格會有所調整但如果真係調整左嘅話係咪應該update返個價錢比客人知道因為就算喺舖頭出面嗰張紙墊都係寫住$209定唔知$219無可否認佢員工態度係非常之好又會主動問你食嘢食上齊未 幫你去追單而且舖頭會播願榮光歸香港，呢個令人十分欣賞但要知道而家點解疫情期間都仲係咁多人食我相信因為係同路人嘅原因但如果靠之後繼續做落去靠嘅要係口碑希望會見到有進步

員工態度還可以主動提出！頭次要點多D食物怕人多會漏單但廚房漏單嚴重剌身還可以！！我地叫羊架追三次都係冇到食物件數除剌身外永遠得四件！食咗咁多間放題未試過可以打25分鐘機覺得唔飽再要落街買野食！一定唔會再幫襯

見呢間有優惠飲食券賣，就試吓，訂左六點半，我們準時到達，六點九才安排入座，入座後，發現是四人一起坐二人枱，中間有塊紙皮，店員還叫我們先點選火鍋⋯⋯真不知怎麼放得下，食物方便，點左好多都沒有上，味道普通，牛好硬，呑唔到，話送的海膽又沒有，款式又少，連炒菜都好咸，我覺得炸蝦比較叫做好食，總結就是無下次，同唔好貪平買券，其實買券後還要每位加59元，計起上嚟同其他放題差唔多價，但質素就差得遠了！這間是我食過放題中最差的

首先，單張寫平日7點到9半入座係$219加一，但入座一刻就話$279加一，既然嚟到就照入去試下。•首輪刺身姐姐有交帶落數量寫多啲，我哋都有照寫，送上嚟嘅時候我地都r晒頭，因為寫咗16片三文魚嚟得7片，2片玉子就變6片，冇寫過嘅蟹棒又無啦啦出現咗6條，其他嘅唔詳細講基本上數量係亂上，泰式生蝦唔知雪藏左幾多個星期，夾上嚟係直不甩再帶點冰，得雪味。•之後有再叫過三文魚刺身同帶子刺身，但明顯細塊同薄左好多，可惜見到已經冇咩心情所以冇影低。•壽司方面不過不失，「火炙沙律三文魚腩」有少少誤導，上嚟嘅係沙律醬😂但明明英文都係寫Salad，希望執一執返啲字眼。神戶和牛卷都寫左做Korean beef roll，唔知佢嘅神戶係解日本嘅神戶定神戶屋味道上就有味嘅，但真係好一般，而且有好幾樣都漏單。手卷都係一樣，唔特別而且淋左一pat咁。•炸物方面，雞軟骨幾粒痴埋一齊，靠個類似椒鹽粉嘅嘢嚟吊味，但唔太好食。芝麻雞翼比其他放題嘅大隻，明太子雞翼冇貨但從來冇人通知天婦羅個外皮炸到好似平時茶記油炸豬扒咁，唔係脆身嗰隻，係有少少發脹嗰個樣，炸蝦天婦羅夾住佢可以係彈下彈下，而唔係直身一條一口年糕同一口芝士唔錯。•串燒

地方細窄，環境一般壽司同刺身比較新鮮服務態度好，燒物味道偏鹹，特別係燒魷魚鬍小龍蝦味道都唔好食，比期望中味道差好遠，又鹹又辣，，無香味，無特別之處！食物黎得太慢，例如烤鮮蝦，坐低之後就開始叫，等成個鐘都未黎，催完又催，食飽食緊甜品先黎，除左壽司刺身黎得快，其他野都要等一輪。飲品款式少整體黎講：唔抵食

炸物好新鮮熱辣！好高質！炸鮮奶！芝士年糕！炸榴蓮！！多春魚天婦羅好多春有汁超好食！壽司偏大舊放題黎講，不過個黑松露醬都幾香刺身比嘅分量唔太符合預期不過都差唔多野飲個日冇無糖飲品⋯嘢食多元化，仲有得打邊爐好正雪糕全部韓國貴價雪糕正！整體我覺得係中上，價錢合理亦都冇伏嘢service好好！一開始會提你第一張刺身張單會加快 之後會等耐dand唔會趕你走夜晚時段如果冇人等位平日食9-11最後埋單$250一位

黃店💛芝士年糕👍🏼👍🏼  羊架👍🏼👍🏼炸鮮奶👍🏼👍🏼雪條櫃，好多選擇👍🏼👍🏼韓式辣豬手煮得好冧好有膠質👍🏼炸雞👍🏼人蔘雞湯同想像中有啲岀入🤔🤔鐵板燒一口牛太多汁甜品同飲品冇乜驚喜香芋丸上錯左炸榴槤🤮張枱有啲污糟，上錯野食問題有少許嚴重，浪費食物。

每年母親節總要考慮吃什麼，今年便選擇了這家神戶屋日式放題，因為剛好也看到有生日優惠，四位同行一人半價，所以就選擇了他。但突然發現在openrice上竟然有團購劵能買，而且算了一下發現，竟然比生日優惠便宜...這操作很迷，也很不理想... 這是訂座前的插曲。到了餐廳後，店員安排了我們坐在窗店附近的卡位，一坐下就發現窗台那裡很髒，感覺很久沒人清理過，媽媽看到就有點不高興了...一開始就給了3張點餐紙，一張是訂座優惠，有海膽生蠔雪條，一張是火鍋，有壽喜燒部隊鍋雞煲，還有一張是刺身的。我們就選了海膽跟壽喜燒。海膽的味道不錯很新鮮。壽喜燒就普通，也肯定不是日本和牛吧...刺身：味道還可以，選擇也多，三文魚不錯。壽司：火焰三文魚腩壽司不錯，有入口即熔的感覺，吞拿魚壽司很普通，因為都是飯沒叫很多。炸物：這個問題有點大，要等好久才上，以為是即炸的，但上桌後發現是冷的，而且有部分是放太久了，變軟了，味道還是正常的，就出單方面的問題了其他熟食感覺都還好，沒什麼大問題，除了漏單情況嚴重外。甜點有幾款，都有拍照，那個心太軟千萬不要叫就好了。飲品都是常見款式沒特別。

隨住「限聚令」放寬，好多舖頭終於都開返👏，假日亦都多咗人出門睇戲食飯喇，不過大家都仲要注意衛生喎💦。而小編今晚就去咗旺角為朋友慶生🎂，而且係五個人呀！旺角最多係食乜？就緊係放題啦🤤。而食開黃店嘅小編就去到兆萬中心８樓一間叫做《神戶屋日韓放題》😳，過咗幾個月終於都可以放任去食喇🤣。✦✦✦✦✦✦✦✦✦✦✦✦✦✦５個人食加上一位朋友生日，平均～＄２３０一位，價錢合理💵。而且未入去食野之前見到個雪櫃放滿哂雪條，好吸引呀😍！入到去之後，款式有Ａ-Ｊ款，都分得好清楚一張張易睇，唔洗撕出嚟慢慢撕📜。等緊嘢食之際，小編已經好餓，好彩餐廳準備咗三款前菜小食🥗，依下肚先啦👄。✦✦✦✦✦✦✦✦✦✦✦✦✦✦食放題必嗌就係刺身🦐，而餐廳用嘅盤佈置得幾靚，樣樣刺身分得好鮮明，味道亦都唔差😮。大家都爭先咁夾自己最鐘意食嘅刺身呀，小編都唔可以執輸👀。另外，炸物絕對一讚，雞翼同炸紫薯都超級好食👍，真心推介大家嚟到必點☑。另外仲有多款烤焗海鮮，燒物，壽司飽肚嘢食🤤，實會食到肚脹呀😣。而小編同咁多位朋友都係食貨之人👅，最後就緊係嗌埋火鍋食啦🥘，有肥牛，菜類作為今晚放題嘅結束🥰，小編都飽哂了。甜品款式都好多，有菓子，西式甜品

訂咗枱！去到無枱俾你，之後俾咗門口應該係員工房，但係成間房都係煙味，我哋唔要之後就介紹我哋想去帝王水產， 佢話姊妹分店，但係上到去七個人比五個人卡位好逼，但係佢話冇晒枱，嘢食全部漏晒單，追咗幾次，一係就來得好好慢，員工話因為前日母親節，啲嘢食賣晒，今日啲貨送唔切，只能夠講好黑仔，但係好在員工還是服務好好的，過咗用餐時間都free番半個鐘俾我哋，刺身都叫新鮮，但係好多熱食，咖喱炒蟹、 炒蜆、冬陰功湯....味道真係嚇親人，反而炸嘢有驚喜

本來一心想找一間好餐廳，渡過一個愉快的下午，左挑右選來到這所餐廳。可是，坐低後發現環境污糟，叫了些壽司和熟食，食物質素參差，咸食好重口味。而且嚴重漏單，叫了的食物有一半都沒上枱。樓面不夠人，想追單都困難。兩個人午餐食了四百幾元，等了一個多小時，上枱的食物完全食不飽，而且走的時候非常憤怒。這所餐廳比差還差。OpenRice 如此多好評，但竟是如斯差的體驗，令人非常失望。看來openrice 值得參考的指數愈來愈低了。

之前我妹打電話訂抬，係1位先生接聽，我已經確認訂左13人抬，仲千叮萬噣要求2張抬，唔好分太開，當晚我們一家人上去，職員話我們冇記錄，冇訂抬，搞到我們成家人企係度，急急忙忙找另一間食，這間野服務超級差勁

上openrice見到咁多人讚，就一心諗住book呢間食母親節飯，已早一星期致電， 一位男職員接聽， 仲同職員講想左右枱座, 唔想前後枱,職員仲搭冇問題, 當日去到，就話冇我電話，之後就叫我等，不過就唔知等到幾時，我一家十三口就喺出面又逼又 焗，最後嬲嬲哋去咗第二間食

刺身都幾新鮮 尤其 炸野好脆 無論天婦羅定炸榴槤等 都係即叫即炸 個心太軟其似brownie多啲 但朱古力味好濃 口質都唔錯雖然有時會漏單 但不時都有店員問你頌有無咩食物未有 可以幫我地跟進返 服務態度好好 值得一讚！ps 好多野食都唔記得影相

記得最後一次來光顧經已兩年了, 因疫情下好多放題都暫停營業 ,結果響網上再搵到呢間日韓放題 ,所以決定再來一次!因為食早段整個場都甚少人 ,一改以前作風, 第一個round嘅刺身全部order蝦,例如： 有頭甜蝦 有機甜蝦 泰式生蝦及美國凍蝦,果然肉質鮮甜 ,只需點少少芥末已經帶出鲜味,加上蟹柳 象拔蚌,正!再嗌炸物, 有至愛的雞軟骨 炸雞翼 及炸雪糕 !再嗌一個鍋物 主要都係食蔬菜,其次燒物有虎蝦 牛舌 及燒菠蘿,唯一個牛舌個人覺得 太淋 唔夠彈口 有些少失望!最後嗌咗兩個湯拉麵分別係龍蝦湯味拉麵 揼咖哩海鮮湯麵。 可能淥得太耐麵得有啲糊口 ,但總括嚟講水準都不算太差 ,希望疫情盡快過去, 取消酒令, 可以再約三五知己痛快暢飲 一晚!