神戶屋日韓放題

營業中

休息中

神戶屋已經大半年冇放題過，同家人去旺角一心都諗住搵放題食，行過兆萬我地就停低睇左陣就決定簡左8/F的神戶屋；上過openrice 見佢都好多好評，而且價錢好合理，佢地收$209 加一 任食兩小時，老實講多野食到就算大胃王都唔會食到兩個鐘😂一去到熱情阿姨就帶左我地去梳化位，再問我地有冇唔食既刺身，我地答佢冇之後佢就話幫我落隻刺身雜錦船，超多種類，每樣有4-5片，擺到靚一靚；食刺身既同時我地又落壽司order, 推介火炙燒既壽司同埋黑松露壽司，好好味🤟再之後就係天婦羅，新鮮炸起，熱辣辣，粉皮又香脆🤟炸蠔，一口芝士，芝士年糕都係必點既串燒類我推介牛脷，羊架同青魚唔知邊個手多劃左碗龍蝦湯烏冬，食埋個烏冬我都飽到8成😑，BTW 碗烏冬入邊真係有龍蝦肉🤤，食飽出去行下行左出去拎飲品，原來韓國hite啤酒任飲，我地都飲左2,3罐😜，仲有d比較少見既果汁見仲有時間我地再嗌多輪熟食，有麻辣小龍蝦，牛柏葉，炒菇炒菜，豬手，食埋我地真係飽到郁唔到，阿熱情姨姨同我地講門口位仲有雪糕😂😂😂😂😂 以呢個價錢我真係推介咁多位黎試下，性價比係高既！

事源同朋友行左勁耐街，諗住隨便搵一間放題食，咁見呢一間都好多好評就諗住試下，點知真係有驚喜到。同其他放題一樣有好多張紙可以揀咁佢仲有壽喜燒、部隊鍋同雞煲可以揀一個，一齊同放題食，我就揀左壽喜燒，肥牛分量十足同埋好大塊呢個係牛柏葉，但佢同一般既牛柏葉有少少唔一樣，帶有麻辣味，岩曬鍾意食辣野嘅人佢個芝士年糕非常有咬口，雞翼仲要係超熱咁送過黎，外脆內嫩，講起又想食雞翼不得不大讚賞上圖嘅壽司，由於太好食叫左三輪刺身方面，食材非常之新鮮，玉子梗係好厚咁送上黎甜品方面都係自取既，但特別點題呢一個三文治雪糕係有驚喜到總括係食得勁飽，同埋係度要大讚員工，因為我攞咗筷子去掂生嘅肥牛，員工馬上重新再比對筷子我，呢件事係我冇要求底下佢自動比，俾我感覺好窩心，覺得係員工真係有留意到我嘅需要。我所以佢嘅食物同埋員工會令我有再去多次嘅意欲

一大班人最好就係柴娃娃去食放題日韓放題 ！旺角咁多選擇當然要揀啲平靚正又抵食！今次去揀左呢間又係旺角既放題，種類食品都唔錯有好多既選擇！熟食刺身一應俱全！仲係飲品甜點都有得任食佢送來嘅刺身都好新鮮！熟食壽司都性價比高，唔會因為多人就出品求其兩個鐘既時間足夠晒你一路吹下水一路慢慢食！仲有一個免費既和牛火鍋俾你，落單都有埋火鍋配料俾你打埋邊爐，真係十分細心仲有時段優惠，唔同既時間都有不同既價錢，大家要睇清楚先入場呀

好耐無食放題，我要解放狂食呀🤪今次揀左旺角這間，我們食21:39 ，原來都好多人，好彩有預訂位嘩！先來個刺身併盆，唔係講笑！又大又靚呀！最欣賞係海膽（放題好少有咁靚海膽），其次係生蝦，大大隻，三文魚也生鮮，仲有希靈魚，帶子，螺片放題形式款類必多，這間就可有迷你火鍋，佢有 雞煲/壽喜燒選擇，我地就揀左壽喜燒，除此外之後可再加火鍋配料最尾我們取甜品，接待員窩心的提議我們食「哈根大師」雪條新味道來架。備註：21:00入坐，$229/位抵喎

我喺網上訂座原先book8點 , 但因為有事想改8點半 , 但網上顯示是晚網上訂座已滿....咁打去餐廳又無人接聽 , 但當日下午餐廳職員來電confirm booking , 我米講反我個情況....職員表示無問題可以改8點半 , 我同老公算準時到達 , 門口好多人, 我報到時職員話2人位要稍等.....跟住嗌4位以上既客人入座 , 等左10分鐘我再問訂左位都仲要再等? 職員話未有二人枱走.....結果8:50...等成20分鍾先有枱>.< ...除book左枱都要等咁耐之外 , 入座時職員放低點單紙會講解邊款食物因製作需時要等耐D , 要食客人留意....呢方面算細心.....食物上得都快, 二人枱當然張枱係細D啦, 我同老公叫左鍋物, 之後既小食都幾分鐘咁到 , 搞到我都趕住清晒一碟二碟, 先比老公遞紙..... 另外近走廊位既座位幾窄 , 要單線"行車" .....但不時黎錯食物款式 , 炸物要炸鮮奶, 炸芝士....但食落唔係鮮奶.....

很久沒放題了，呢日心血來潮，行過見到530pm兩個鐘任食都只係$209加一，唔洗諗喇重要事講三次。黃店，黃店，黃店。放題第一樣例牌係食刺身。呢度隻刺身船又大又靚，岩哂打卡。刺身好新鮮，我最欣賞既就係榮螺，超鮮甜大粒。壽司選擇有好多，本人就力推花之戀。除左厚身三文魚口感極佳之外，佢既花之戀做到三文魚，飯同沙律醬份量比例剛剛好。唔會好似某啲放題咁變左三文魚飯團，或者沙律醬卷。燒物黎講，羊架就係絕對絕對不能錯過！剛燒起既羊架熱辣辣香噴噴，咬落去除左係嫰滑質感，仲係滿口羊肉香味既大量肉汁，一定要嗌。邪惡野都係賣飛佛。呢度既炸物全部新鮮炸起熱辣辣，只有一層薄薄既炸粉，所以唔會有一絲翻炸/過多既油炸味。我自己就鍾意炸芝士年糕同埋炸榴槤。鍋物我就揀左日本和牛壽喜燒。和牛足5大塊，認真成本製作，入口嫰滑冇得彈。甜品同飲品都有好多種類，但前面講既野已經食到我好飽好滿足，恕不能盡錄喇，自己去試啦！

人人都話兆萬係美食界既「勇者之塔」 我地偏偏唔信邪 繼上次係果度試過其他日式放題之後 今次我地又黎到位於8樓既神戶屋日韓放題大快朵頤喇佢地既任飲任食放題價錢由$179起（指定時段） 而我地一行二人係星期日晚去食 每位收費$229加一 價錢比起同類型放題黎講算係幾抵 首先會黎左個刺身船先（有三文魚 海膽 希靈魚 帆立貝 珍寶蝦 玉子 等等）賣相好精美 一黎到我地兩個立即舉起相機 味道亦唔錯 刺身都幾新鮮 值得一讚既係食放題都居然食到唔單只唔臭而且仲好鮮甜既海膽刺身 非常驚喜！食物選擇多 劃餐紙由A排到J 刺身 天婦羅 日韓料理 串燒 拉麵 火鍋等等應有盡有 唔洗擔心冇野食/食唔飽部隊鍋：滿滿既芝士同肉肉肉肉 非常邪惡！飲品選擇比起同價位放題多 特別在有呢款芒果味啤酒 好fresh好得意雪糕雪條選擇亦都多 好多款都好吸引 有我最鍾意既藍莓乳酪雪條其他食物都唔錯 味道未必係最好 但以呢個價錢黎講算係超水準 而且選擇十分多 推介佢既壽司 炸物同埋黃金蝦 必食！甜品唔錯 係略嫌有d太甜 服務方面 雖然個場都幾爆 但上菜速度快 而且店員好細心 會主動問我地有冇野漏左單幫我地跟返最後埋單2百幾蚊位

日式放題響旺角來講真係好難搵唔到，呢間神戶屋特別抵食嘅，刺身、壽司、炸物、卷物、熱食、串燒，甚至乎火鍋都應有盡有，逐樣逐樣重點介紹吓先！最近加推送火鍋三揀一，今次我哋揀咗壽喜和牛火鍋連一隻雞蛋，牛肉同配料都甜甜嘅最啱口味，如果覺得基本火鍋唔夠食仲可以任添加各款火鍋配料。刺身一定唔可以錯過啦，刺身起碼15款以上選擇，一定有大家喜歡嘅。今次比較鍾情壽司有鰻魚壽司同蟹子壽司，蟹子壽司嘅紫菜非常脆口，蟹子滿滿，口感一流所以encore左兩次。卷物有驚喜，特別推介牛油果軟殼蟹卷，香桃炸蝦卷，細細粒一口一口，唔錯唔錯！天婦羅來講，炸蝦天婦羅一定要勁叫，小蝦非常鮮味，仲要唔少得一款炸雪糕，又凍又熱好過癮！最後食雪糕只得粟米味，食落都OK！雪米糍都唔錯⋯⋯原來好戲在後頭，離開前店員請你在雪條櫃任選名氣雪條，因為唔係任食雪條所以一定要揀自己最最最想食嗰支！

我未試過為咗一間咁難食嘅餐廳寫食評，呢間真係劣質到一個點，真係越諗越嬲。兩個人埋單$480仲要係5:00入場🤢一上到樓首先講個裝修是非常殘舊，去到門口基本上冇人招呼你，嗰陣係5:00成間鋪係一個客都冇，我去到經過職員都冇理我，我要問佢有冇位佢先帶我入去楚但係冇事先介紹餐廳有什麼菜式和基本收費，坐低咗佢已經放低咗小食係枱面，嗰陣佢先介紹收費詳情，即係話想走都冇得走，逼住人喺度食咁樣，咁我就同我女朋友硬着頭皮坐低食，都未落單背景音樂已經破壞晒所有氣氛，播緊嘅竟然係嗰啲老MK歌，仆佢個街我同女朋友嚟食飯佢竟然喺度播緊啲粗口歌，唔係咁玩我呀，搞到成個氣氛都好尷尬，呢次仲要係我第一次同佢嚟食放題，搞到我真係唔夠膽再去。😵刺身質素可以話係差過爭鮮級數，除咗三文魚之外冇任何其他魚嘅刺身，其他刺身都係垃圾級數嗰啲凍冰冰又要淡茂茂嘅仿製鮑魚，冇味嘅八爪魚，我都唔想詳細講落去，總之你想像下將一舊凍嘅塑膠點豉油擺落個口度，就係嗰陣味啦。🤢唔想寫咁多字，總括而言，火鍋冇火鍋嘅質素壽司有冇壽司應該有嘅質素天婦羅都可以揸到舊榴槤係臭嘅我本身好鍾意食榴槤佢搞到我有陰影。🤢奉勸各位唔好去真係！同差唔多價位既餐廳，出面

這天早下班，而且很久沒有吃放題了，5:30pm入座，任食兩小時也只是$209加一，總在太便宜了，二話不說便進去吃了。值得一讚的是服務員服務周到，態度非常好，不時詢問有何需要幫助，而且介紹食物非常詳盡。吃放題當然所有食物都大吃一番，各國食品任君選擇，很多食物都有，由日本刺身到壽喜燒，至火鍋配料都有。下單前店員先詢問我們是否所有刺生都愛吃，我們也不挑食，他們就上了一整個刺身拼盤給我們；其他食物的上菜速度也很快。而且飲品的種類很多！吃得很飽準備離開，但最後知道只加十多塊就可以吃movenpick 雪糕，又忍不住要加買了

用$299+10%，即$330一個人食埋啲炸野，仲要唔好食...你張紙落單點咩就無嚟咩呢個係放題基本啦只係熟食就好快嚟，因為全部已經煮好晒！仲要全部都好難食又唔熱燒蠔同扇貝就係搵隻兩吋錫紙兜仔裝住一隻半隻手指公咁大嘅蠔 或 五蚊銀咁大嘅扇貝，加一pat現成忌廉白汁，真係唔該晒！炸野一睇就知油溫唔夠，啲年糕一㩒落去，咇晒啲油出嚟！刺身就真係超級一般，螺，鮑片，蝦（唔會俾足數量你），北寄貝，五毫子大嘅帶子等等...最後提提大家，當你寫紙落單時，或者睇佢傳單啲圖，以為好似好多野食，個名寫到好吸引，野食嚟到時你個樣係會o晒咀⋯⋯哦，原來係燒牛柳粒....原來係雞煲.....真係認唔到佢真身...飲品選擇都基本有啲紙包，其他罐裝。另外個場真係超級逼！又多人！最後最後唯一要讚，啲員工大部分都係後生仔，咁忙嚟講禮貌都算唔錯！最後最後最後，聽聞九樓都係佢地....大家自己諗諗

佢地既刺身係不錯，不過餐廳衛生環境惡劣，d魚生有幾乾淨就真係心照😖😖😖 去到個自助甜品雪櫃先恐怖， 個甜品櫃隔離放垃圾同碗碟，地方窄同黑又將成盤垃圾放地下都夠膽死。個透明玻璃雪櫃就已經見到d甜品漬周圍都係。見佢地d野咁食乜都吾開胃，叫番d熟食算啦，點知個金菇肥牛，蜆都係凍既wtfffff食完係間餐廳已經feel到肚屙，個洗手間當然吾乾淨，依家重有武漢肺炎，都吾明點解冇洗手液！見佢地係黃店先簡，不過呢間黃店真心害死手足囉。真係貼錢買難受😭😭😭😭😭😭😭*****最後，請大家不要盲目俾like!

今日嚟到旺角神戶屋食放題，一坐低首先嚟咗個刺身拼盤先，刺身都非常新鮮特別推介北海道角螺刺身，入口爽甜，肉質夠爽口。另外生蠔非常鮮甜😍。炸物方面，炸鮮奶同榴槤炸彈口感幾得意，炸鮮奶外脆內軟，榴槤炸彈好勁榴槤味呀。仲有大量燒物同炸物燒羊架、燒牛舌、炸天婦羅等，每款質素都正常。另外叫咗一個日本和牛壽喜燒，除咗有日本牛肉仲有大量蔬菜🥬食放題點都要食返蔬菜平衡返先😆雪糕拎咗個黑糖薑母味，係唔健康嘅食品中，食落又有少少健康左嘅感覺🤣走果時每人一支雪條送返添，食到你捧住個肚走啊🤣整體來講食物上菜速度快，冇漏單的情況，而且仲係黃店🤣👍🏻

由於8個人食飯，人數較多就打電話去book位！所有野都confirm好哂！當天佢竟然話我無book位！我話你地同事一早確認左我無問題！點知佢反問返我，佢地幾點打過黎！最後話安排唔到比我，一句sorry, 打發我...要我臨時臨急再搵過餐廳！奉勸各位幫襯前三思！

用左呢個app咁耐，估唔到第一次會的起心肝寫食評就係比差評，地方窄都算了，冷氣又唔夠，櫈又唔好座，野食真係差到爆，魚生係常溫完全無凍凍地感覺，一坐低店員話怕我地等得耐幫我地落住招牌小食先，點知D食物愈黎愈多，差唔多每樣食物都幫我地點左，我地都就食飽果時仲黎左一大兜天婦羅，太多我地食唔哂，最後決定退返比店員，點知佢地攞左入廚房過左一陣攞比隔離嗰張枱，真係唔知點解會有咁多好評，有被騙感覺。真係感覺到好失望