神戶屋日韓放題

營業中

休息中

今晚收工約了朋友去旺角兆萬中心來個放題之夜，入到店內已經坐滿晒人，非常熱鬧😆。雖然見到店員好忙，但他們都好有禮貌慢慢講解邊度有野飲、雪糕，還第一時間上一盤賣相靚靚又多種類的刺身👏🏻👏🏻，基本有三文魚、帶子、北寄貝、松葉蟹腳、希靈魚、赤海蝦，仲有海膽生蠔🦪，夠氣勢🤜🏻🤛🏻。再來個sukiyaki火鍋，湯底濃，夾肥牛食一流😋。揀了燒物（燒蠔燒牛舌燒菠蘿🍍）燒菠蘿超出色，燒香左但咬落去係爆多汁👍🏻堅正。蒜蓉粉絲蒸扇貝，粉絲吸晒帶子鮮味同蒜蓉，必定要encore👍🏻。整體食物都不錯，而且價錢大眾化🙂🙂下次要一大排朋友再來☺️

食過最差又最貴嘅放題。。。首先環境方面，成個場為左擺多啲枱，搞到個通道勁窄，窄到只係容納一個人通過，每次出去拎嘢一係就要互相讓黎讓去，一係就要前後掂住咁過。行經個廚房，你阿媽個仔，見到入面污糟到成地都係廚餘、食物，又塞住個去水口，好難想像頭先我食嘅嘢係由呢個廚房出黎。服務方面，埋單嘅時候係有+1服務費，但係啲waiter真係完全唔識做，明明張枱執下都已經有位放啲嘢食，嗰啲waiter遞過黎比我拎，好似叫我自己搞掂咁，不如你-1服務費我幫你搞掂埋。明明張紙叫左生蠔&烤魚乾，最後只係黎左生蠔，完全冇人理過嗰魚乾，又講到好似好限定咁，生蠔等4款嘢食係人頭計咁叫，唔可以叫多，而烤魚乾需要兩個人嘅票先可以叫一碟，點知最後黎都冇黎。食物方面係經典，其實食放題我唔渴望啲嘢好好食，啲嘢食正正常常擺到落口就得，始終食放題個aim都係有個地方同班friend吹下水，食下嘢算。哇，啲嘢食難食到，啲魚生係有陣雪味，夾落去&咬落去係硬硬地，完全差過惠康、百佳啲魚生貨色。啲烤肉，有啲係完全咬唔爛，要吐翻出黎。最白癡係嗰19火鍋，黎左個鍋唔比蓋，呢個放題兩個鐘，嗰鍋煲左45分鐘都未煲滾，啲肉係要慢慢“浸”熟先可以食

日式放題🏮🏮最近好多朋友飛去日本玩 挑起我條根😄 想食吓日本放題😋😋喺旺角行完街 知道兆萬附近多嘢食 所以走來呢度 搵到呢間神戶放題🏮 放題選擇多 可以揀啲自己鍾意食嘅嘢食 唔使就住就住😄😄 店員都好Nice 會自動問我哋啲嘢嚟得快唔快 有冇漏單👍😉 有壽司🍣 軍艦 刺身 韓國料理 天婦羅 唰唰鍋 燒物 飲品及甜品 選擇都幾多😉 先叫個刺身 朗朗口先😉😉 叫咗好多刺身 好似剌身拼盤咁😉 蝦都有幾種 有牡丹蝦 赤蝦 甘蝦 牡丹蝦 泰式蝦 北貝 螺肉 螺片 帶子 希靈魚 八爪魚 最鍾意海膽同生蠔😋😋 樣樣都超新鮮 甘甜 大滿足👍👍👍 再揀咗一個唰唰鍋入邊有牛肉 金菇 冬菇菜同埋一隻溫泉蛋 都幾豐富 湯底甜甜地幾好味 😄 跟住就叫啲熟食我哋叫咗 蒸扇貝 炸廣島蠔 牛舌 羊架 天婦羅 榴槤炸彈 芋頭炸彈 芝士年糕 芝麻雞翼 雞皮串 雞軟骨 啲嘢食 叫咗好快就會到 新鮮熱辣辣上枱 我鍾意食佢嘅芝士年糕 芋頭炸彈同埋芝麻雞翼😋😋我哋Encore左幾次🤣🤣 嘢飲方面 出邊有個雪櫃 可以自己攞 有汽水🥤 有啤酒🍻 有好多款😄😄 食完仲有甜品添 全部韓國雪條 😋😋 真係樣樣食少少

第一次食日韓放題，可以食六個鐘，十二點食到六點，只收＄289加一， 抵到爛 。一坐低就有一個巨型刺身拼盤加一個壽喜燒，🧧食少少壽喜燒熱湯之後，開始放肆食刺身。刺身包括有新鮮海膽 ，巨型牡丹蝦 ，肥美三文魚，泰式生蝦 ，北寄貝， 赤貝，鮮魷魚，希靈魚，八爪魚，甜蝦，大海蝦， 新鮮生蠔，大帶子，玉子蛋， 仲有沙律菜，檸檬，乾冰製造氣氛 。淨係個刺身拼盤已經值回票價， 跟住就點左六個手捲，細細個兩啖就食完。燒物方面，燒牛脷最好食，👅又厚又軟又香又鮮味，燒羊架都唔錯，🐐少少蘇味多多鮮味。食完肉梗係要食返啲菜，叫咗八嚿燒菠蘿，🍍🍍🍍🍍一大兜新鮮枝豆， 炸雞軟骨都超好食，一啲雪味都冇。又叫咗清酒煮蜆，🦪有少少沙。 碗蒸蛋一定少不了，🥚🥚食咗咁多嘢都仲未夠，再叫多幾隻燒蝦🦐，又鮮又爽甜。 對面嗰位仲要食炸多春魚，炸鮮奶，食完仲有甜品 ，食得非常過癮，真係抵到爛，以後食自助餐都係要嚟呢度 ，可以盡情盡性盡興， 生活如此夫復何求。🤗🤗

而家嘅放題越開越多，間間都差唔多，有時真係好難揀。今次朋友推介一間性價比超高嘅放題，可以加$99有海膽生蠔任食，梅酒任飲，超抵食！另一主打煮物鍋又係神來之筆，估唔到除咗日韓放題之外，仲有麻辣雞煲，一個價錢有多款享受，糅合各國嘅菜式，種類五花八門，可以滿足食客不同嘅需要～除咗雞煲之外仲有壽喜燒，好正😋由於集合左多國菜於一身，仲有黃金蝦、韓式辣醬汁帆立貝等都有，而且仲好好味！刺身方面，除咗肥美嘅三文魚同埋新鮮嘅赤蝦，仲有泰式嘅生蝦，連蝦嘅種類都有咁多！海膽同蠔好鮮味，成盤刺身都食到停唔到口！最後試咗一個韓國牌子crunch 雪條，雖然唔係Häagen-Dazs呢啲食開嘅牌子，但係都非常好味有驚喜～下次唔知食邊間放題好，推介大家試吓神户屋🤩

今日去咗旺角行街睇戲，睇完戲上OpenRice望下附近有咩推介，見到一間日式放題都幾吸引，仲要喺兆萬中心行幾步就到，即刻上去試吓。神戶屋日韓放題，喺兆萬中心8樓，上到去餐廳地方都好闊落，望落去感覺好整潔。壽喜燒 火鍋有牛肉，湯底有醬汁味道，味道清甜，入口牛肉味好香濃，配菜有大蔥，野菜，昆布，連湯底都好好味。粉絲蒸帶子 ，一絲絲嘅粉絲吸收晒帶子嘅鮮味，加上香蒽蒜茸吊出鮮味。帶子比較厚身，食落增添口感。刺身拼盤 擺碟擺得好靚，三文魚，帶子北，北寄貝，生蠔，希靈魚，松葉蟹棒，厚燒玉子，八爪魚片，刺身全部都好新鮮，味道勁鮮。我最鍾意食佢嘅海膽入口味道甘香，鮮甜無比。三文魚亦都好出色，有啲魚油脂肪，入口爽甜。北寄貝肉質肥美爽脆，口感極佳。燒牛舌，牛舌燒到啱啱好，牛舌好厚身，咬落𢓭軟腍腍，好嫩滑，簡單調味已經令味道更加有層次。清酒煮蜆，蜆肉吸收咗清酒嘅味道，除咗陣陣嘅鮮甜味仲有啲酒香，蜆肉食落去爽口。帶子壽司，帶子好厚肉，食落去味道好鮮甜，鮮味突出。蟹籽壽司，非常美味，口感清新，並帶一絲絲甜味。放題仲有啤酒任飲，好適合一班朋友食飯or收工食飯放鬆下。仲係有我最鍾意嘅象啤。另外雪櫃仲有多款雪糕，雪條

Outstanding all you can eat Korean & Japanese style restaurant.The decoration of the restaurant is quite nice~ The bamboo pictures on the wall were attractive. There were many different types of drinks even beer you can choose. There were sake and plum wine but extra fee is needed. They have oyster and urchin all you can eat if you pay an extra fee too, but I didn’t try it. Instead, I had normal all you can eat which was brilliant. The salmon and shrimp were fresh and there were even more other

今日心血來潮好想食日本嘢，放工約左朋友，因為朋友比較大食想食放題，包羅萬有，揀咗去兆萬中心樓上嘅神戶屋，好似好耐之前食過放題梗係唔少得食魚生刺身，有三文魚、帆立貝、螺肉、生蠔、甜蝦、魷魚等….幾新鮮，擺盤幾靚另外都叫咗壽司，有芝士火炙三文魚同黑松露帆立貝，好彩唔算大件凍冰冰最岩食個壽喜燒牛肉火鍋，裏面有牛肉、好多蔬菜、冬菇、金菇、雞蛋，暖笠笠小食清酒煮蜆，幾多蜆肉仲有我最愛嘅芝麻雞翼，炸得鬆脆可口，雞軟骨辣辣地，開胃又香口，仲有炸春卷都唔錯黃金蝦，有好香既鹹蛋黃味野飲方面好多選擇，有紙包、罐裝飲品仲有啤酒食完正餐點少得甜品，雪條雪糕都有好多種類每人可以揀個Movenpick or Dreyer雪糕, 正啊！買單每人$300左右都算合理，食到超級飽好滿足

💛良心放題選擇唔多，仲要有埋鍋物就更加少，呢間就2樣都有，而且食物質素都唔係交行貨，而且野飲同甜品既選項都幾多，所以都覺得可以再黎多次😊推介既有刺身同埋熟食，例如蝦，牛栢業，仲有炸鮮奶！！情人節當日仲有2朵花送，算係小心意？😆不過都明白情人節希望賺多d，所以坐既位置就比較上窄左d，揹住個袋都無位放，但所有職員都無因為忙而燥底，呢個都真係值得一讚👍唔係特別節日仲會有優惠，所以都值得比個機會！

旺角一向都有唔少食放題嘅餐廳，而今日我就同朋友嚟左依間位於兆萬中心嘅神戶屋日韓放題食大餐，餐廳老闆一定好鍾意海賊王🏴‍☠️依套動畫啦，一出𨋢就見到大堂有好多海賊王嘅裝飾同大大個招牌，內籠以綠色為主調，餐廳面積細細但坐得舒服😌餐廳以qr code自助落單，一坐就即刻點野食啦，刺身、串燒、壽司🍣當然係必點啦，估唔到仲可以叫壽喜燒鍋嚟打邊爐🍲，非常之多種類嘅食物，想食乜就點乜👍👍刺身同壽司🍣都好新鮮鮮甜，切得厚薄適中，而且仲有海膽同生蠔🦪送添唔想食咁多刺身生冷野就有串燒燒物、一品料理、炸物等熱熟食，炸物之中炸鮮奶最好食😋差唔多食飽可以係雪櫃拎甜品食同埋有好多種雪糕🍦

呢間放題真係要大大力支持💛💛💛雖然位置係劣食飯堂既兆萬🤣但估唔到竟然無中伏，仲要係幾好食😍🫡👍🏻一開始店員好主動就會上一個貪心的刺身拼盤😋一上枱我同朋友真心哇😱左出聲，三文魚🍣希靈魚🤭甜蝦、榮螺、海膽、生蠔🦪象拔蚌、赤蝦😬全部都有齊🫣刺身質素中上👍🏻冇雪藏味！！口感有彈性，鮮甜，擺盤好靚❣️放題之外仲有主食三㨂一：我地㨂左壽喜燒牛肉鍋😍放題+打邊爐🍲正呀😚😚個壽喜燒湯底甜甜地都幾好味，牛肉又幾腍滑，配埋娃娃菜食完都暖笠笠🥰炸物方面勁多花臣😋😋推介大家要試避風塘口味嘅一口豆腐同埋雞軟骨，好惹味！ 另外都叫咗一半放題都會有嘅芝麻雞翼，天婦羅等等，全部都係落單後即整，熱辣辣抵讚！🙇🏻‍♀️燒物就大推鹽燒海蝦同埋燒菠蘿，我一個人都食咗幾串😎🤩一品料理一定要試埋啦～呢度有好多熱食，其中我最推介馬拉盞炒通菜、韓式辣牛柏葉仲有清酒煮蜆！ 你地泥到都一定要叫呢幾款🤣 另外有個蟹粥都唔錯😋🙌🏻服務態度💯💯勁有禮貌！重點係會追單⭕️冇漏單🫡坐得又闊落🤣叫到成枱都係都唔怕💪🏻nice🙌🏻

又係時候食放題啦，間唔中要食下大餐，今日就同朋友去兆萬中心食間有大量海賊王🏴‍☠️裝修嘅神戶屋日韓放題食飯，餐廳位於8樓，大堂位置不多，所以最好book定位呀，咁就唔驚係到等啦，餐廳內裏佈置偏向綠色，雖然地方細細但坐得舒服😌坐定定就即刻用QR code落單點野食，刺身好快就送到，望落去賣相不錯，而食落新鮮鮮甜厚薄適中，而且仲有海膽同生蠔🦪送✌️而火炙壽司都唔錯如果唔想食生冷野，仲可以點一品料理、燒物、串燒、炸物等等，最估唔到有壽喜燒鍋，食完啲牛肉唔夠喉可追加牛肉同蔬菜🥬變到好似打邊爐咁樣🍲而炸物之中炸鮮奶相當唔錯👍甜品飲品都有唔少選擇，不過就唔使落單，去雪櫃拎就得啦，雪糕都有好多種類，任人食🍦

神戶屋日韓放題  (旺角) 地址: 旺角西洋菜街1號兆萬中心8樓朋友話呢間放題都多選擇, 今日同朋友行經附近, 就一於去睇下我朋友有冇呃我。見到佢menu 就知我朋友冇講大話, menu上款式選擇好多，有刺身、壽司、小食、串燒同火鍋etc。 真係99%放題食品都包括晒, 朋友話想叫打邊爐, 我就想食刺身，兩個都食到自己想食ge 野。個刺身盆黎到之後,，估唔到佢賣相會幾靚，影相可以打卡呃下like, 幾正, 刺身方面都幾新鮮, 唔係得個樣。之後叫咗好多串燒，feel 到全部都即叫即整，熱辣辣, 幾好食飲品方面都有好多選擇 唔似有D 其他放題咁百冇。最尾食埋甜品，我就食芒果雪條，印象中好似係韓國黎, 佢果味好重，但味道又唔會太甜, 好正好值得推廣。

今日和朋友去咗旺角行街，疫情放緩條街多咗好多人，而且又通關返大陸免隔離。心情都好D，心情好食量大，當然去食放題，這間日，韓放題最啱我，裝修得很有日本色彩，而且放滿動漫主角，細看餐牌有很多選擇，刺身點可以少，三文魚，元貝，海膽，赤蝦，泰式生蝦，甜蝦，北寄貝，蟹棒，螺片，鮑魚片，八爪魚，魷魚片，生蠔，玉子等。赤蝦好大隻，肉質爽甜，而且蝦頭啲蝦膏甘香，正！三文魚油脂分布平均，入口有口感，肉厚而且肥美，十分新鮮。海膽也不得了，入口即化，滿口甘香鮮甜。生蠔新鮮肥美。黃金芝士燒廣島蠔，面層是香氣迫人芝士，入口有煙肉火腿和廣島蠔，原來加埋一齊食十分夾。鹽燒活海蝦，蝦十分新鮮，蝦肉結實爽口，表面加上少許鹽，好好味。紐西紐羊架，肉味香濃，肉質爽滑有口感，無羶味。粉絲蒜蓉蒸扇貝用咗大量嘅蒜蓉同小小辣椒絲來煮成，精華俾粉絲吸收晒，真不錯。今日非常滿足，款式多，又有質素

辛苦工作過後，梗係要行街，食下好嘢獎勵下自己，去到旺角兆萬樓下，好多放題可以揀，同朋友都鍾意食日本野，揀左呢間神戶屋試一試！一出𨋢，就見到好多男仔都好鍾意的日本漫畫海賊王的拼圖，充滿日本的感覺一坐低，店員便講解，我地點餐可以用QR,同埋幫我地落第一單刺身叫左個和牛壽喜燒轉眼刺身已經來了，三文魚好大塊好厚，好鮮甜赤蝦刺身同埋泰式生蝦刺身也好爽口赤貝同北寄貝好新鮮成個刺身擺盤都好靚仲有海膽或生蠔送，我同朋友都揀左海膽，叫左啲壽司和卷物吞拿魚蓉軍艦，花之戀，牛油果軟殼蟹卷好多不同炸物，鍾意食榴連的朋友，一定要食榴連炸彈，超好食，encore 左飲品方面，有的特式飲品，呢個椰汁紅豆冰都唔錯，入面真係有紅豆，幾特別，仲有啤酒飲甜品櫃有奶凍，泡芙而係門口位的雪糕櫃都有好多款，仲要係韓國雪糕雪條，外面買一條都唔平，十分有誠意服務方面，食物都上得快，服務員經常過來收碟，又問我地有無野未上齊，讚