神戶屋日韓放題

營業中

休息中

疫情取消咗晚市堂食一定要把握午市嘅時間去食餐好嘅又食得好飽既🤣晚飯慳錢唔使食有朋友推介呢間疫情下午市任食6小時放題😂 味道好 選擇多 時間長 仲要座位好闊 位置方便😋價錢$229 加一 12:00-18:00 pm , 任食6 個鐘！ scan QR code落單 ～一入去比左啲醬料同前菜仲有口罩袋😂放題都有口罩袋好加分。刺身選擇極多，個擺盤靚到哇一聲😆！三文魚腩好鮮食肥美，有頭赤蝦好大隻好鮮甜！仲有甜蝦、帶子、希靈頓魚、螺肉、肉子、泰式生蝦、鮑片、油甘魚、蟹棒、象拔蚌 、海膽😱 選擇極多 全部都好新鮮😞 食完呢盤已經同男朋友講值回票價🤫🤣另外仲有鍋物，有部隊窩、壽喜燒仲有蟹粥 ！牛肉有4 大片 係極大片 😆 成個邊爐鍋上！一熱食住食唔怕涷，平時食果啲多數比一埋烏冬食飽你，呢間絕對冇😂 得菜同牛肉☺️試左幾樣熟食都好正😍燒牛吞、雞串、海蝦、靖魚 、羊架全部味道都好好👍🏻 熱辣辣 燒完就上 最驚果啲擺到涷哂先上個人最愛個羊架，味道好岩我又唔算太肥😁壽司、火灸壽司、卷物、手卷選擇望睇有二十至三十款，真係眼花撩亂。但已經好飽食唔落☹️下次一定要再試！飲品選擇都幾好！有酒精飲品有茶有汽水，仲有極少

💁🏻‍♀️放假同男朋友一齊食放題。$228+10% 12:00-18:00任飲任食超誇張。一開始就食刺身，種類都幾多。出乎意料地質素唔錯🤣。帶子、甜蝦、阿根廷天使蝦都勁鮮甜，值得encore。熟食方面，所有炸物都係即叫即炸，又熱又夠香脆。韓國炸鮮奶表層脆卜卜，味道香甜似煉奶。💁🏻‍♀️大鄉里食完覺得好特別。韓式雞軟骨其實係普通椒鹽雞軟骨，不過爽脆又唔會太鹹。海蝦燒得均勻，蝦肉彈牙唔霉。。飲品方面我哋都係飲下啤酒汽水。

疫情下禁堂食，情侶拍拖真係吾知食咩好！只有星期六日既lunch 堂食時間，真係要好好珍惜，平時地方坐低食一兩個鐘已經趕你走，哩度可以食6個鐘！真係好難得！一位疫情期間午市任食$229，12:00PM-6:00PM，長者$179 訂座95折，地方都好大，地點方便，岩哂情侶慢慢食，食完係附近行街！我地一坐低就會放低2 人既職人料理，有麻辣雞煲，和牛壽喜燒，芝士部隊鍋選擇！同埋一大碟刺身拼盤！兩人更加送兩隻生蠔，質量絕對唔馬虎，非常之鮮甜肥美新鮮！我最推介佢嘅火炙壽司，配埋沙律或芝士非常香口肥美，又有少少火炙味！選擇種類上仲有好多韓國菜式，例如紫菜包飯，人蔘雞湯等等應有盡有！串燒方面要稱讚佢嘅燒雞皮，外脆內軟唔會過鹹/過甜，岩岩好，好考功架！甜品選擇種類非常之多，有韓國雪條，skippy雪條，movenpick雪糕要另外加錢！

而家疫情期間晚餐冇堂食，好鍾意食放題既我唯有晏晝時間滿足我食放題嘅渴望。經過兆萬中心見到8樓有一間神戶屋放題，收費$229竟然可以12點食到6點足足6小時!一於去試吓刺身拼盤樣樣刺身都幾新鮮而且生蝦刺身有驚喜，大大隻爽口，Encore左好幾次。壽喜燒牛肉鍋一嚟到俾佢嘅份量嚇親！鋪滿晒牛肉好足料，湯底唔會太甜可以另外再叫配料當打邊爐。火炙三文魚壽司件件都係三文魚腩而且芝士火炙三文魚腩壽司令到成件壽司感覺好滑，入口即溶，鍾意食芝士嘅朋友唔可以錯過。燒牛舌淋淋滑滑，厚身，口感一流！麻辣小龍蝦呢度除咗日式仲有韓式同埋麻辣可以選擇，麻辣小龍蝦好入味，唔會太辣好滋味！呢度嘅款式實在太多不能盡錄，例如生蠔，肥美甘口我覺得值得一試，淨係雪糕都已經超過六款，炸物亦都非常出色熱辣辣，鍾意食放題嘅朋友真係食完會返轉頭！12:00PM-6:00PM每位$229長者$179 訂座95折一米以下小童免費

晚市停左，得番中午有得出去食，唯有食番餐中午連晚上直落既。依間係旺角既任食放題，可以由12點食到6點。當然啦，我真係食吾到甘耐，但勝在可以坐耐D，吾洗好似平時食放題甘趕。呢間放題任食質素幾好，夠平又夠多款。熟食都算理想，估唔到佢有小龍蝦，都幾鮮甜。仲試咗佢個韓式雞軟骨、豬仔脾，好夠味。個招牌炒蜆好惹味，辣辣地。甜品有雪糕、雪條，最鍾意佢個朱古力脆皮雪條同埋伯爵茶雪糕，個伯爵茶雪糕幾濃茶味，而且唔係度度有。

假日同朋友響旺角行，見耐無食放題，就入咗依間食。一入到去啲待應都好好服務，仲有個口罩袋拎俾我地，我地中午12點幾入，個場個陣得幾枱人，但過咗1個鐘左右，就坐爆哂😱可能因為而家冇晚市，同埋而家餐廳做緊$229 6個鐘放題，所以吸引左唔少人食😎一開頭佢地就俾咗一盤好大盤嘅刺身，好靚好吸引，流哂口水，裡面仲有送生蠔同海膽，刺身質素都唔錯，尤其個蝦同玉子真係鮮甜😋另外我都點咗個壽喜燒邊爐，啲牛肉嘅質素就一般啦，但因為啲菜就吸哂壽喜燒湯，食起黎就幾甜，幾好食😛之後我地分別都叫咗冷盤同熟食，都覺得熟食好食啲，炸雞翼真係整得脆，又juicy，真心推介。另外炸鮮奶同炸紫薯球都好好食，幾甜，同外脆內軟👍🏻👍🏻最後雪條都有好多味揀，我就無食哂，食咗條幾得意嘅珍珠奶茶味雪條，味道都唔錯總括嚟講，依度嘢食款式多，食物質素大致都幾好唔錯，尤其係啲炸物（炸雞翼點咗2次😙)，會再嚟幫襯💛💛

好耐冇食放題喇，之前約左同朋友去食，覺得都幾好，依家補番出個食評先。為左慳D錢，我地就揀左午市去食，價錢真係幾抵食。午市任食，可以由中午12點食到晚上6點，如果你冇食LUNCH，可以黎依到食倨LUNCH加DINNER都夠曬。價錢就每人HK$229 ，另收加一服務費。食物種類都多，你講得出既基本上都有。好似係刺身、壽司、日本野、韓國野都有，佢個芝士焗蠔好好食，仲有得拉糺，我就幾中意的。佢啲壽司都幾好，每件都係一小口甘，食材算新鮮。啲炸物食得出係新炸嘅，唔係放到淋晒或者返炸嘅。燒菠蘿我都鍾意食，燒到啱啱好，又唔會太熟，菠蘿又夠甜。上菜速度都快，走單都少。野飲方面，估吾到連啤酒都係任飲，汽水、甜品果D就更加吾洗講啦，款式都多。

各位大胃王係時候出動啦! 有冇諗過Lunch放題都可以食足6個鐘呢? 每人HK$229起就可以任食高質日式放題同火鍋啦，仲有多達200款美食無限量任食🥘最近就同朋友黎試，食物選擇多味道都唔錯，值得一試任食時段：中午12點至晚上6點成人每位HK$229 (另收加一服務費)長者每位HK$179 (另收加一服務費)，小童(1米以下) 免費提提大家提前訂位仲可以享有95折優惠!刺身同壽司都幾新鮮! 同朋友幾鐘意個日式和牛壽喜燒鍋，醬汁甜甜地好惹味，和牛食落去都唔會太鞋，另外炸物同天婦羅外皮香脆炸粉唔會好厚!熟食小炒都有多款選擇~香辣小龍蝦幾香口，鐘意食辣既朋友仔要試吓

朋友介紹旺角有間放題店，做緊6小時放題😎所以相約一試，座位都幾闊，唔似一般放題店咁迫。店員服務都好好。餐點方面有刺身，壽司，煮物等，最特別係e間放題有雞煲&火鍋🙊刺身當中最喜歡甜蝦夠大隻同鮮甜😋生蠔🦪都好肥美。壽司我地點左火炙壽司，火炙三文魚食到魚本身嘅甘香🤤鰻魚燒得香香，好唔會多骨👍🏻燒物同天婦羅都好吸引，我地點左燒羊架，口感好好，味道帶香草味。天婦羅炸得剛好，粉漿夠簿唔油。我地仲叫左日本和牛壽喜燒，和牛有雪花，湯式好香濃，全部配料都好入味。

宜家晚市禁堂食，放假我地決定搵個放題食食佢😂就黎到宜間係兆萬中心既日韓放題。個價錢係十分之抵食，一人只需要229hkd（另加一），最長可以食6小時😂😂😂食物選擇好多，主要有壽司，卷物，燒物，炸物。一坐低店員話會上一個刺身拼盤先 有咩唔食可以同佢講。另外仲有一款鍋物可以選擇。鍋物我地就要左日式牛肉壽喜燒鍋，入面都好多片牛肉，蔬菜等等，宜個天氣就啱哂。刺身拼盤睇落好豐富，有鮑魚，八爪魚，螺肉，幾款唔同既生蝦，希靈魚，帶子等等。我地仲叫左好多款燒物，炸物既熱食，鹽燒海蝦串燒得爽口彈牙，燒牛舌好軟稔，燒菠蘿香甜多汁。幾款芝士焗廣島蠔，北海道帶子，同蝦同焗得好靚，芝味濃郁。炒蜆，清酒煮蜆，同麻辣帆立貝都煮得好入味香口。炸物方面呢，吉列廣島蠔又大隻，同蟹棒，多春魚天婦羅一樣炸到金黃香脆，熱辣辣好惹味。因為都叫左好多食物我地就只係叫左幾款壽司，不過我同朋友都覺得熱食比較出色。除左單上面既食物，飲品，雪糕同雪條都係任食既，整體黎講好抵食。。。神戶屋日韓放題旺角西洋菜街1號兆萬中心8樓。。

今日同男朋友放假去食放題，而家冇左晚市堂食，但餐廳因應疫情推出左6小時放題，好抵玩。呢到既首輪刺身包括左海膽同生蠔，好正🤩而家除左任食日本刺身，仲可以打埋邊爐，我地揀左壽喜燒鍋，牛肉嘅份量都多，湯底鮮甜，仲可以自己揀唔同嘅火鍋配料打邊爐，岩晒咁凍嘅天氣。呢到食物種類好多元化，一般放題會有嘅刺身都有包括在內，另外都有唔同款式嘅炸雞、同埋韓國嘅特色野，e.g.人參雞湯。甜品選擇都好多，有好多款嘅雪條、雪米糍同埋豆腐花…可以滿足埋第二個胃🤤呢到既職員態度都幾好，會定時問下啲野食有冇到齊，食完啲野都好快收走👍🏻唔錯整體黎講，$229嘅放題可以食到咁多野，CP值高👍🏻值得推介

放題第一件事實係食刺身先啦😋 因為有幾種魚我地都吾食就冇叫太多，但係嚟到佢擺得好靚，即刻少女心🥰然後叫咗少少壽司，花之戀同芝士炙燒三文魚最推薦😋 佢嘅份量比其他放題大好多，係普通出去食嘅壽司size🤣 好彩我哋叫得唔多，先可以留返肚食其他嘢，因為佢真係好多嘢食💕真係冇諗過放題可以食到打邊爐😂 幾個鍋裏面最吸引我哋嘅就係壽喜燒，嚟到之後佢已經有晒所有配料，個牛肉唔會有冰鮮嘅味，喺放題來講好高質👍 個壽喜燒湯底都好好食，我哋之後再嗌咗少少其他嘅料，食嘅時候唔使再點汁已經好有味 👍👍然後嗌咗燒菠蘿同埋好多好多炸物，榴槤波波同埋炸鮮奶好好好食，一定要叫😋 甜品Ending ❤️ 有好多好多雪條選擇最後講吓佢哋好好嘅係原來疫情期間可以六個鐘放題，我哋12:30入去佢話可以坐到六點😱 不過最後我哋食得太飽所以坐到三點就已經走咗🤣

去唔到旅行，又想食盡日韓美食，不仿試下呢間放題店，這就是位於交通方便既旺角兆萬中心－神戶屋日韓放題。我一入到去餐廳已經仿如去到日本，紅燈籠高高掛，有日本式風景畫，一些日式植物和佈置更具風格，一大班好友仿如去了日本相聚一刻！坐底很興奮啊！又係任飲任食的好時候，我們不少得叫了很多款刺身船，拿過來已值回票價，很精緻滿載又新鮮！另外我們又叫了他們的新推介的火鍋，有多款湯底選擇，又有高級和牛，蜆，魚皮等新鮮海鮮選擇，我選了一款芫茜鍋，既滋味又下火，真係唔錯。另外，我們也點了一些炸物，我推介那日式芝士年糕，外脆內軟，做到洽到好處，很唔錯，吃完想再吃。韓食方面也有部隊鍋選擇，一款人參雞湯很有參味，難得一試。臨走前再來數款軟心甜品，入口即融既麻薯，糯米磁來個完美完結吧！總括而言，這一間食物，種類選擇多，日韓美食中既，海鮮加火鍋，品質都新鮮，環境服務不錯，飲品甜品任飲有品質，這一間綜合食物選擇多樣化，放題價錢幾低唔貴，性價比高，唔試真走寶了。

一家人去食放題提早慶祝聖誕節～ 我地一家四口去旺角行完街就去左搵食啦～ 去到兆萬見到有放題任食價錢又合理就決定去試下啦～ 今次放題真係超多選擇呀！有炸蝦天婦羅，南瓜天婦羅，炸榴槤波，全部都好好味！食炸嘢都抵！超多唔同炸物，有刺身都好多款～ 款款都咁新鮮好味，蝦居然都有幾款可以叫！最喜歡泰式生蝦！平時出面食好貴架！仲有火鍋可以食～ 食物好多選擇，飲品雪櫃都好多野食！雪糕有好多款仲要有超多唔同口味！我鍾意伯爵茶雪糕！超級特別甜品都有好多選擇下！餐廳服務員服務態度好好！又nice! 上菜好有效率！好快上！我食成家慢慢食都食左好耐下，好似超左好耐時限都唔會崔我地走，仲由我地去拎雪糕食！真心超級好！

依家又冇左晚市，同朋友決定去食個放題，食盡佢！好彩下午人唔係好多，即刻就有位。呢度選擇都唔少，飲品都有兩個雪櫃咁多，大路飲開既都有，岩晒唔同人既口味。食放題當然要點刺身🤤今次點左好大盤刺身🤩每次都會點蝦🤤今次都唔例外，好多款式嘅蝦刺身！當中甜蝦幾鮮甜爽口，三文魚都充滿油香，全部質素都算係合格，冇乜雪味，肉質好肥。炸物拼盤方面，不得不說佢選擇真係好多😆全部都即叫整，熱辣辣脆卜卜💥其中吉列廣島蠔真係要encore 😎外脆內軟。日式他他醬炸雞個肉質意想不到地滑😮必點。清酒煮蜆蜆份量唔少，隻隻都好多肉。人參雞湯估唔到真係有參，味道都幾甘香。雪糕方面選擇都好多😍隻隻味可以慢慢試。