神廚館 (已搬遷) 新店位置

前日又到男朋友到呢到食墨魚餅飯...真係好好味..豉油蛋飯感覺好似細個既時候食飯既感覺...好warm..墨魚餅就梗係冇得頂啦..真係好味...其實想試下個美極牛架, 不過又忍唔住想食墨魚餅...我仲同男友講..唔知可唔可以帶個包, 將墨魚餅夾係個包應該都好得wor..呵呵呵

睇完呢度d食評,個日就心思思行左去試~~不過就真係好唔就腳~~叫左招牌墨魚餅飯加魚湯~~~個墨魚飯比想像淡味左d,而且油份較多不過飯上面隻太陽蛋真係一絕~~平時唔食半生熟蛋o既我都食晒整個蛋,因為實在太滑啦~~~用黎淋飯o既醬油好好味,加多多都唔怕~~不過最抵讚係佢個湯,一d味精都無,我好怕出面d所謂老火例湯,因為通常都好難飲,無乜湯水味,但佢o既魚湯好滑口,有魚味之餘唔會腥,我飲到見碗底tim ar~下次要去試埋佢個美極牛肉飯先~~~

試了招牌的煎蛋海苔墨魚餅飯,真係名不虛傳,perfect!但係個美極汁薄牛扖飯就真係鹹啲同埋啲牛扖有好多筋喇!但係都係好值得推介!

之前係openrice 睇到佢的排名好高....所以專登同朋友走尼試試....當然係叫左招牌墨魚餅飯啦~~~另外仲有一個上湯雞飯唔試由自何....一試就真係不得了!!!!佢個墨魚餅真係好好好好好好好好好好好好好好味呀!!!!!係話炸的~~但係一d 都唔油口感十足外層又唔煙煙un un唔係平時果d 炸野咁脆皮完全係非筆墨所能形容!!!!實在太好味喇另外個上湯雞唔係話差....但係同呢個墨魚餅比起尼.....完完全全咁比下去....雖然間野真係好up dup鋪內三張四人台加鋪外的一張台仔.....迫迫的但係因為佢地應該係家庭式經營的所以好有親切感~~~服侍好周到最緊要都係佢個墨魚餅真係認唔住要講多次佢真係好好好好好好好好好好好好好好好好好好好好好好好好好好好好味呀!!!!!

點解會用呢8 個咁gag 的字0黎做食評主題, 詳見下文:久聞呢度d 墨魚餅超掂, 今日12:00noon 人在奧運站, 就搵到0黎食個早lunch, 當然要了個有隻太陽蛋0既墨魚餅飯, 加個紫菜魚湯($30).先0黎魚湯(圖左上), 賣相幾靚, 飲落幾濃胡椒粉味, 不過都幾多人造味精. 飲了幾啖, 開始食墨魚餅飯, 點知忽然有隻巨大0既烏蠅出現, 0係我d 0野食上空飛來飛去, 仲極速飛了落我碗湯入面, 但因為碗湯係滾熱的, 隻0野即刻死了(圖左下), 成檀0野真係令人作嘔, 我就0拿0拿聲請女店員(應該係老闆娘?) "收收佢", 老闆娘見狀當然連聲sorry, 即刻換過碗俾我, 連師傅0係廚房見到, 都伸了個頭出0黎say sorry. 換過後賣相(圖右下) 同味道都係咁, 不過因為愈飲愈口渴, 結果都係飲唔晒.0係Openrice 見唔少墨魚餅飯0既相, 實物賣相果然好靚! 墨魚餅熱辣辣, 完全唔油, 面頭香口, 入面就好軟滑juicy, 啖啖都係墨魚肉粒, 100 個好食! 果然係招牌菜! 紫菜乾身, 好香, 加埋太陽蛋同甜甜0地0既豉油一齊撈飯, 非常好食! 推介

一直住在大角咀都唔知有一間咁正的餐廳~我覺個不但個墨魚餅幾好食，而且個飯的賣相都唔錯，有黃有紅有綠，望見就想食了~個老闆娘都幾nice，下次一定再幫"親"，試埋其他網友的推介之選~

是不是我帶著太高的期望來?今天點了墨魚餅飯($30)不是食評說得那麼好吃當然也不是難吃只是不是那種好味得會令人嘩一聲的感覺下次會試試牛排同牛腩飯

去開大角咀~又黎食墨魚餅~墨魚餅熱得黎又唔油~加埋d紫菜and蛋一齊食真係一流~如果個飯有d特別既sauce冇咁干可能仲好食~不過+佢d豉油都唔錯~

來過多次，都是一個人來，你以為我試過很多食物就錯，因每一次我都只叫墨魚餅飯。星期六的中午不同了，和女友一起來，我的改變亦因她而起。今次叫墨魚餅的是她，不是我。我叫左美極香煎薄牛扒飯，跟湯。當然我地會share對方的食物(其實係唔係交換，或以物換物呢)。墨魚餅味道真的很好，鮮味非常，香脆十足，彈牙之極，是我最愛的墨魚餅，吃過你就知。女友都大讚。牛扒味道可以，不突出。出色的是香美極汁，就算無牛扒，與飯同吃，基本已經可把碟上之白飯幹掉，遺憾是鹹了一點。不鐘意濃味的食客就要留意了，吃後汁香味會維持一段時間。順便一提:其實可淨叫墨魚餅，不過要$25。即是說加$5可多一個飯、一只蛋、紫菜、湯(或飲品)。是否貴了一點？但想想其實非常合理，否則生意很難做。這麼好的食物，你寧願他多賺一點繼續經營，還是結業以後無得食。還有，這裏的飯硬了一丁點。

這年來在神廚館的門口經過數十次有多，可惜每次經過也未能一試她的招牌菜。難得今天獨個兒出旺角辦點事，就先來這裡吃個夠^^兩點正到達，沒有傳說的長長人龍不過店內需得六人但已滿座，幸好一對情侶讓出個位子來，不需令我坐在門外!(謝)座下後立即點了招牌墨魚餅飯跟魚湯,再加一杯凍朱古力。等了幾分鐘就可以開餐，我望著白飯，心想沒有汁跟的嗎﹖阿姐見狀就提議我用豉油撈飯吃會更勝一籌，在疑惑為什麼要吃豉油撈飯﹖那就先小試一啖吧...嘩﹗不得了不得了，原來不是普通豉油，是甜的，加埋蛋白超滑的太陽蛋，令到白飯變為不普通﹗勁呀>w<之後我一路吃一路加豉油撈撈撈，因為真的十分好吃，哈哈~~~以為整塊墨魚餅是彈牙,但只有內裡的墨魚粒是,整體口感反而是很鬆脆﹑鬆軟,像吃餅乾一樣。配甜豉油吃更好味!第一啖的魚湯只有很強的胡椒粉味,不過飲落就不太覺了,但魚味就真的不覺有呢.但可以一試的。對面的男人吃咖哩豬扒飯，他不斷向女友讚賞此咖哩非常好食，我眼見豬扒甚多啊^.^~~~另外有人點了椒鹽骨飯(即叫即炒)，原來也是招牌菜之一，兩者都非常吸引我，下次一定要抽時間來再吃過﹗

主人與奴隸獸特意避開午飯的高峰時間，所以一到達『神廚館』時，就有座位了。當然亦點了此店的人氣食物：1. 招牌煎蛋海苔燒墨魚餅飯（HK$30）：果然是招牌出品，賣相吸引人，墨魚餅又香又惹味，非常好味。2. 美極香煎薄牛扒飯（HK$30）：主人覺得美極味道過濃，掩蓋了牛肉味，奴隸獸覺得鹹了一點，味道還可以接受。3. 紫菜濃湯魚上骨湯：用此湯來做泡飯已是一道美食。下次光顧要問有沒有淨墨魚餅外賣。

見咁多好評語,今日叫老公陪我去大角咀試食,我叫咗一個招牌煎蛋海苔窩燒墨魚餅飯及一個奶白色的魚湯(午餐30元正),我一食落去已經同自己講下次一定一定要再嚟,D墨魚餅好新鮮,D湯好鮮甜,最緊要她好有禮貌咁介紹比我.而我老公試咗咖喱牛腩(午餐35元),他讚絕口,雖然他覺得D牛腩硬咗小小,但好入味,他話下次一定再嚟試其它嘢.個老板仲問我老公加唔加飯,實在太好人啦.其實我近排成日睇openrice & 呀蘇食評,試咗好多間店鋪,大部份都好好味,其實食嘢不需要計較貴或平,最緊要好味及食得開心,有時睇到D文章評語差到一文不值,我會覺得香港人太幸福啦,太多選擇啦,太咀嚼啦.

見到這店的笑喊面比例居然有66:1，已經心思思去試。今日要去奧海城買點東西，所以便來"吃"個究竟。門面真係好細和豪不起眼，如果不是因看過介紹而專程造訪，相信我今生來世都不會貿然光顧。叫了招牌煎蛋海苔窩燒墨魚餅飯和紫菜魚湯，煎蛋by default是太陽疍，加點豉油伴著海苔絲撈飯已經好好味; 而墨魚餅果然不同凡響，外表煎得金黃卻不油膩，咬落甘香鬆化又彈牙，還有一塊塊的墨魚加強了口感和鮮味，一定要批評的話，唯有說唔該老闆考慮將塊墨魚餅加碼，因為實在是太好味了! 跟餐的紫菜魚湯並非配角，跟墨魚餅飯一樣搶鏡，奶白色的湯非常非常的香和濃，加入了紫菜和蔥，提升了魚湯的鮮味，豆卜吸收了湯的精華，亦十分美味，依我愚見，這湯可能比幾街之隔的"4條魚"更出色呢!

今日冇乜野做, 又住得近上網睇下大角咀有乜野正野食!見到呢間好似唔錯就突登去喇!!同朋友2 份食每人各叫一個招牌飯美極牛, 墨魚餅飯叫了凍0水及魚湯先來一個魚湯, 飲了一啖嘩!!! 好好味呀!!!!正!!!!! 朋友都一齊飲, 完全忽略隔離果杯凍0水=.=來了2個飯, 2個都無從入手, 各持一隻spoon & 一個碗我說: 不如吉爆隻太陽蛋先朋友: 好浪費wor 我: 都係撈飯姐老闆娘: 拎住支鼓油話吉爆佢撈鼓油好食d我地2個叮一聲就將碟上既野分半一齊食食左一啖飯, 其實普普通通蛋撈飯但食一啖墨魚餅!! 嘩好好味呀!!!好味過我阿媽整果d蝦餅!!!正美極牛飯我本人好鍾意d蔥花味撈飯果隻味朋友只愛牛所以我吃了很多正! 食完仲過左奧海城行街好方便一定有下次既幫襯!ps:: 老闆希望你增大個鋪位,因為得3張枱真係細左d

小妹好彩抽到《弊傢伙...搞大左》優先場戲票x2(先多謝Openrice!)，見電影放映時間頗遲，決定與龍再訪大角咀搵食。　沿路照舊先經此店，考慮一會，還是想先解決掉墨魚餅心癮，因此神廚館再次成為我們的第一站。兩次光顧，食物都是即叫即製，等待是少不免的。不過今次我們覺得絕對值得，因為招牌海苔墨魚餅又香又彈牙，真的很出色!上次的美極牛本來都不錯，但相比之下會顯普通，這塊墨魚餅真是非吃不可，建議食時要欣賞一下，紅蘿蔔絲與墨魚肉的神奇化學效應! 　另一邊廂的太陽蛋飯，其實有一點不相干，只是太陽蛋造型可愛，未嘗為食物賣相加分，是有其存在道理。不過純計食物味道，我覺得店方應該推出齋墨魚餅，當成小食，一定熱賣!至少，我一定久不久就來朝聖一番~