神奈川居酒屋 (已結業)

之前聽朋友講有一間日本野幾抵食,就打比個朋友問下,之後同女朋友去左試下!環境唔算大都幾乾淨有少少聖誕氣氛,我地坐低之後,個侍應行過黎話今日新出左個芝士撈拉麵同烏冬,跟住我地睇吓MENU先再決定食咩,見到都有好多選擇,不過就冇刺身同壽司,我地ORDER左牛肉雪花燒,酒煮蜆,一串燒蠔同一個豬頸肉芝士撈拉麵,煮蜆最快到,有少少辣都幾好,唔會淨係得D酒味,之後到牛肉,薄薄地半生熟好味,最後燒蠔同芝士撈拉麵一齊黎,已經聞到芝士味好香,燒蠔都OK,個撈麵同平時食既湯麵份量差唔多,豬頸肉一般,到食個撈麵時,咦!!有驚喜!!=原來撈拉麵都好好食,又唔係好漏,唔錯唔錯,加埋之前D野食都夠飽,到埋單時,發覺原來唔需要加一,兩個人加埋唔使$170,重送左張八八折咭話下次可以用,下次叫埋D朋友黎試埋個撈烏冬先!!值得一試!!!

兩個人叫咗以下食物:- 蕃茄湯海鮮拉麵 ($36), 一人一碗, 好多料: 蜆 (x2), 蟹柳 (x2), 元貝粒 (x2), 青口, 蝦, 魚旦片, 粟米粒, 湯底仲有好多蕃茄茸- 串燒元貝 ($14), menu show 3 大粒, 上枱 4 小粒, 不過都好味- 燒秋刀魚 (特價$1), 魚肚清潔未夠, 有點苦味- 原隻燒吊筒 ($42), 尚可, 調味汁可口- XX牛肉 ($32), 好味, 肥件有洋蔥伴炒, 好惹味, 旁邊仲有少量粟米沙律伴碟整體來說幾好, 仲好飽肚!

是日要返工會開會,今次既topic係講黎緊既12月份去陽山義教,我地要商討大家既行程係點.之後,大家去咗附近既居酒屋食野,去到冇其他顧客,緊係啦 咁夜...所以得番我地一張枱我地4個人,(阿碧,阿君,Sandy,)叫了3樣野,包括 :豬軟骨拉麵 - d豬軟骨幾好食,但d麵好似少咗d蕎麥冷麵 - d麵點解冇d汁俾我地撈架,冇乜味道喎,得d蒜蓉,蔥粒,鵪鶉蛋,芥辣黎調味,阿君話唔好食日式鰻魚飯,d鰻魚都ok既,但係又係嫌d飯太少啦大家既感覺都係覺得份量太少,咁既價錢唔算抵食啦,本來Sandy話再叫野食,我話再叫咪又係得咁少分量,佢話又係喎.不過,最抵既係2個人可以用1元,就可以有一條秋刀魚食,平.黎度Sandy話,唔...條魚個肚咁dirty,話佢地冇洗乾淨個魚肚.而我覺得條魚唔腥就得啦.整體一般試下無妨.

最近知道佐敦嗰邊有幾間燒烤餐廳開, 揸住架車的我決定同個女人去兜兜我地結果揀龍蝦燒入去食, 食物包括燒雞骨腸, 燒南瓜, 燒牛舌, 燒大蝦, 炸豬扒拉麵, 牛油炒什菌, 食物其實主要係以燒烤的為主, 另外夾雜湯麵, 飯等等, 味道又幾有驚喜, 有點意想不到燒雞骨腸因為太好食, 所以試完一條之後仲再加多兩條encore, 雞骨腸味道好香好正; 燒大蝦係海蝦嚟, 所以有蝦的香同甜味, 係我推介的菜色, 此店無加一, 一隻海蝦十八蚊, 有抵的感覺燒南瓜好甜, 好似浸過糖水咁, 好好食, 反而炸豬扒拉麵同牛油炒什菌就一般一般了, 始終燒係佢地主打, 而水準就不錯幾個大男人的服務是很周到的, 只係座位太迫了, 特別係有人飲酒時會覺得氣氛比較嘈, 環境方面可能會令人有點失望, 但價錢係好經濟的, 味道都不差!

話說今晚係某出名賣腸粉既檔口度受氣後，黎左呢度食晚飯。見到無乜人開頭都有d驚，入到去坐底見到個menu都ok喎，於是就叫左野食﹕1. 燒雞脾菇 <----正，有黑椒味，辣辣地幾惹味！2. 燒羊架 <----個人認為燒得岩岩好，唔會太熟！3. 燒凡立貝 <----呢個味較濃，遮左原本既鮮味！4. 豚肉生羌燒 <----好味，d洋葱炒得好好味好甜，送白飯一流！5. 豬軟骨湯烏冬配蕃茄湯底 <-----個湯底好濃蕃茄味，d烏冬好煙un，豬軟骨都ok大舊！d侍應服務唔錯，有禮貎。個烏冬開頭黎錯左麵，都肯換返俾我仲沙哂林咁！抵讚！佢最好就係無加一，所以我都有俾貼士。整體黎講幾好，下次會再去試其他燒物！

上個月睇完雜諗先紹去試下，佢幾款餐單上推介o既菜色都幾好味：雪花燒牛 - 鮮味多汁，幾有咬口鹽燒親子魚 - 將魚卷上荵頭燒，再o係面放上蟹子，好好味！三樣野好夾！仲有一款卷物，亦係餐單上o既推介 (記得個名)，亦都幾好味 :-)P.S. 門外射燈太耀眼了，近窗邊的座位坐久了會眼睛不舒服

有朋友o係外國返o黎想搵一個地方好好把酒談歡聚舊一番~朋友們想選擇油尖旺搵"食"對於我呢個"香港人"真係有o的難度,謂有問o下揸開車四處食o既朋友仔,佢第一時間叫我去文英街但我都有去過呢頭,唔覺有咩好o野食!但佢極力推介新開張o既"神奈川居酒屋 "....佢話佢試過同朋友去.邊食邊吹水可以坐幾個鐘食唔停,o的o野食好高水準,最重要係價錢大眾化.帶朋友去實無失禮!咁就試o下係唔係咁堅先.....wow !好驚喜...正...串燒好有水準,送酒一流個燒羊架我可以講未食過咁好食o既!超級多肉汁!仲有青酒煮蜆, 雪花燒牛....樣樣都好ok當晚大家都食得好開心...所以一定要讚賞o下!而家諗返都流口水.good~

去圓方睇戲冇野食, 就去左渡船閣搵野食啦, 見呢間野新開就去試下啦!!~ 鮮蟹烏冬 - 好正, 估唔到佢係成隻蟹上, D手打烏冬好滑, 湯底亦甜, 不過可能連蟹上既關係, 有D 蟹殼燒羊骴 - 因為我怕"SO" 味所以唔食羊, 但朋友叫我試一下, 真係一D SO 味都好, 仲好軟, 好好食!! 推介燒凡立貝, 好大隻!! 好正!! 總計都幾好食, 不過最衰冇帶相機, 影唔到相, 下次再去食過!!