神串一 (已結業)

團購 $98 LUNCH紙上燒原來都係不外如是!所有燒物都係無醃過的!冇味的!淨係比SALT 同 糊椒 , 咁我不如自己係屋企煮每次燒野食咁同時都要落SALT 同 糊椒，真係好攰!唯一一個好處就係唔會燶 ，同埋換紙換得好密!!其他卷物 , 小食 反而OK+10蚊有自助DRINKS , 個巨峰 同 雜果賓治幾好飲服務方面係比負分 :1.佢將一兜類似鼓油既野放左係WASABI隔離，咁我地自然將佢當做鼓油啦(唔會用條利LAM下係咩先架MA)之後發覺D野真係太淡，問STAFF有冇SAUCE佢先至講原來果兜野係SAUCE 咁我問咁鼓油佢係個好HIDE既地方拎左枝鼓油出黎即係我地之前一直用緊SAUCE + WASIBI 點 SUSHI中哂伏!!我問佢點解一開頭唔解釋一下係SAUCE先 , 佢調轉頭走左!!2.STAFF放碟落台好大力，好冇禮貌求其PAT落黎咁唔知係咪我地有COUPON , D SERVICE都打左折呢?一句講哂 : 冇下次!負評是我給的!

3月頭某日, 見到呢間舖响報紙賣廣告, 勁串大X樂的紙上燒唔正宗, 所以對佢發生興趣. 電話訂位到 4 月, 仲要 8.30後, 所以訂咗 4月初, 好似真係好旺咁 到咗嗰日啦, 好期待. 8時已到, 以為要等, 點知入到裡面, 見到好多吉枱喎, 即刻有位, 可能驚咗日本幅射啦.先上3份紙上燒, 除咗牛肉, 其餘啲雞, 豬, 蝦, 味道麻麻, 只係得2片南瓜冬菇, 好孤寒呀跟住再點刺身, 呢個ok芝麻雞翼唔錯其餘嗰啲就好一般啦, 選擇好少飲品就比隻膠杯仔你, 自己出去倒, 感覺好差, 甜品絕對唔掂最差係啲waiter, 好似未受訓咁, 又聽唔到人叫落order , 成日漏單, 有一次叫嗰啲仲全部冇嚟總之覺得唔值$195, 應該冇下次

團購價$98 紙上燒任食Book位唔難，分兩個時段，我地食14:00-15:30...但我遲到左15分鐘 要等齊人先入得~~ 入座後等一陣上左個爐，之後就嚟左碟刺身+咩都有啲嘅燒物加左$10任飲＜=估唔到係一個開party嘅膠杯仔。自己响出面斟，有三種飲品：fruit punch, 西檸梳打，巨峰梳打。巨峰梳打：好甜西檸梳打：好酸免費的綠茶：好味道刺身：賣相幾好，唔係特別出色，普通燒物：牛：有牛肉粒，牛舌，牛塊Me -> 幾好，有牛味，口感幾好，牛舌幾好味熙 ->唔得，好蘇青口：肉厚多春魚：熙話好食喎~不過只係因為佢鍾意食多春魚魷魚：幾爽口豬肉：我見好肥，無食赤貝: 燒完唔覺得味, 口感一般, 不過佢唔係當刺身上...所以一定要燒 (因為佢同其他生既肉放埋一齊)串燒：芝麻雞亦：好味道，表皮夠脆，肉夠味，之後叫多左兩隻雞軟骨：燒得幾好，好香!之後再叫多一串豬勁肉：好爽八瓜魚丸：我真係唔鍾意食呢樣嘢，係我原先都唔鍾意，係熙叫，佢話好喎~ 燒雞亦：好熱，普通燒雞亦，但芝麻雞亦好食啲壽司：軟殼蟹卷：好細件，但都幾好加州卷：幾好味， 不過D飯太軟身.他他和牛：賣相好，不過無咩味

紙上燒，奇差無比！！！紙上燒只是一個賣點，每人有一份食材，「係一份」，內有「南瓜一片，粟米一小舊，牛肉和豬肉每樣各四片，冬菇一件，雞件兩片」豐富到不得了，雖然話係放題，但燒烤料係不能再添！！只可以叫其他平時放題食倒的食物，真有點被騙的感覺！！！刺身，細片得滯，如果你是櫻桃小咀，可能會嫌大片嘅！！ 又話叫一 ，即係一片，叫十六片，來了兩片，是什麼數學題？串燒方面，雞軟骨，雞翼，燒到好乾，我懷疑自己在吃雞翼乾，炸野唔熱，那個紙上燒又可以發揮功用，將燒物炸物可放到紙上燒上烘熱！或者這是它的功能，用來翻熱！！！！！！！無茶招待，要喝東西嗎？給你一隻膠杯仔，麻煩自己出去自由斟！有沖淡了的巨峰提子，西檸特飲！認真不得了！汽水，全杯也是冰！！第二輪，侍應說，「冰機冇哂冰，所以唔會再有汽水，咦家俾你地呢杯 ，真係唔係咁想俾」年輕人真夠坦白！唯二好吃的，是雞泡魚乾 和 北海道綠茶雪糕不可一，不可再向紙上燒說不，向神串一說不！你能撐到今時今日，我都好佩服你！

自從在一間快餐店食過紙上燒，最終經團購買了2人午餐紙上燒放題，和女朋友一齊去淺嚐！一坐下，就已經有每人一大碟紙上燒肉類和一碟刺身，然後就任點任食小食和麵食、湯之類。我留意到侍應經常會將燒碟收起另換上另一套，而火力也比快餐店食的猛！反而燒了以後要加些黑胡椒粉和鹽調味，因為本身沒醃的！反而小食方面，我倆也連續叫了多輪，因為始終OK！今次以團購每人要$98，另加每人$30小帳，都算是滿意的一餐了，始終都是想體驗日本北海道旭川的風味。

又係買beecrazy coupon離晒普，話係放題，間野得一半枱有人坐，但點完啲野等成十幾分鐘先到，黎果啲野食份量十分鐘就燒完，次次都呆等到張紙燒到差不多著火都未有野食，枱枱都响度追，個waiter次次都問返你叫左咩，唔捨得俾人食就唔好做放題啦 真係激死人肯定唔會再幫襯以後都唔會再黎囉

"紙上燒"食物質素中規中舉,冇驚喜"炸物"尚可其他"刺身"/"壽司"/"天婦羅"/"飲品"就不要抱期望,否則一定失望服務質素可以啦,侍應生常添茶及收碟但對比中環大X屋或北角粵X酒店的日本餐廳的食物質素及價錢,神串一真是輸一大段,冇得比

過年前神串一係 BeeCrazy 團購$139 任飲任食紙上燒放題2小時, 刺身壽司, 燒物和食, 款款豐富! 全年供應, 誠意推介! (原價$388)每位 $139 還要額外付原價加一 $38.8優惠只適用於星期六, 日及公眾假期, 所以一月尾打電話去訂 7pm 已經去到四月, 如果要 9pm 二月就有位, 唔想再拖的情況下, 唯有夜 d 食啦~第一次食紙上燒, 新鮮感十足 準時九點到達, 我倆被安排座在二人死角位, 每次落 Order 都煩左 d 首先享用海鮮紙上燒盛盒, 一人一份！根據服務員的介紹, 根次序燒及用燒汁調味首嚐M9和牛牛香撲鼻, 不用調味, 牛味十足, 入口即溶次嚐日本甘薯豚肉又係入口即溶, 用上燒汁調味, 正!澳洲皇帝蝦靚蝦一族, 肉質彈牙爽口 宮崎雞肉肉質嫩滑, 用燒汁調味, 好味道~鮮冬菰/南瓜/甘粟米蔬菜新鮮美味口, 可惜, 份量太少 一提佢地 d 燒汁, 真係味道好好, 味道清甜, 唔過鹹 紙上燒要好快手, 否則, 好易濃 品嚐紙上燒完畢, 就開始轉戰放題美食 前菜雞泡魚乾好好味, 甜甜地, 暖暖地, 又煙煙韌韌 / 泡菜餃子 / 煙豬肝沙律蟹子沙律 /

坦白講我好少寫食評,不過食過咁多間日本放題, 呢間第二次食都算係最滿意嘅, 串燒即叫即燒,有南蛮亭既水準!初時覺得灣仔分域呢個地段, 無0物地方行所以少去, 但原來酒吧區都好有特色,佢嘅價錢係偏貴(未用coupon前), 但黎過之後會覺得物有所值...食物: 日式沙律/大蜆麵豉湯及出名溫泉蛋係要自己出去攞, 佢建議先: 食沙律同飲湯跟住食紙上燒再黎個正餐正呀!,油甘魚同三文魚刺身超新鮮, 和食頭盤推薦 生牛肉他他沙律各同雞泡魚 -至於 服務方面,WAITER招呼都算OK.所以推薦比開飯啦既Friends!

初一去左食呢間店, 因為之前已BK 枱, 所以一去到就有位喇~D野食都唔錯呀, 可惜太飽, 食唔到好多野~真係紙上燒WOR, 幾好玩, 哈哈~~ 個度D人見你張紙燶左, 會幫你換過, 都幾好~ D服務都不錯呀~~最值得一提GEI係D野食唔差WOR, 三文魚刺身好厚, 個芝麻雞翼好好味TIM!!!!!仲有個烏冬都好味, 只係淡左少少。 有個牛油果GEI沙律都唔錯, 我食左好多~ 最後仲有ICE-CREAM 同雪糕LAW米滋,YUMMY~~其實呢間都幾好GA, 只係灣仔對我黎講遠左少少LA....有機會GEI會去再食多次

I finally can try the神串一5th Anniversary buffet! I went to the Kowloon shop before, it was good and trigger me to try out their limited 日本放題 in Wan Chai! Wow The foods were incredible! Even a simple udon, you can tell the cook make it with heart! All foods were 即叫即做, we did not wait for long time and the taste and service was much even better than most of the restauarants in town! With this kind of prcing included 纸上燒, 一定是無敵, 希望可以一路有得食! 無须多講,自已去試吧! 但booking 已輪到3月打後!

Date Dined: Sunday 23rd January 2011 8.30pmOrdered: Two person buffetTaste: As this was a buffet, we ordered quite a lotsalmon sashimi- Was fresh and thic cut. acceptable but it isnt the freshest or nicest i have Califonia Roll - This was abit dry and not as fresh but better than other rolls they have offeredSalmon sushi -This was average but the rice was way too big. Kimchi dumpling -I loved this. when this arrived, it was very hot and tasted good. nice and crispy on outside. And it was spi

早前o係 fun share 見到有 神串一 ge 優惠...$198買原值$430一人神串一套餐: 紙上燒+美國頂級牛薄切及三文魚任食+特式飲品！ 好似好吸引wo, 一於去試下...6 點15分左右到左餐廳...e...無客人wo...心諗可能早得滯呱...因為好肚餓, 事不宜遲, 即刻開餐先...一開始就上左三文魚刺身先...份量唔錯, 有成十塊, 都好似幾新鮮咁... 之後過左無耐就到主菜 - 紙上燒拼盤lar...(因為太肚餓, 唔記得左影相...)拼盤包括: 1: 澳洲和牛 x 4片2: 廣島蠔 x 4粒3: 珍寶帶子 x 2粒4: 豚肉 x ?片5: 雞柳 x ?片連埋 3 款醬汁 - 芝麻醬, 酸甜醬, 烤肉醬油基本上所有食物都幾好食...不過份量唔多, 食完都唔多飽...之後當然就係咁叫佢 d 任食牛肉同三文魚lar...前後叫左成 5 碟牛肉 + 3 碟三文魚...值得一提係 d 服務員好好禮貌 & 服侍...一見你飲茶就已經準備幫你加茶...見你無食物會問你需唔需要加...唯一覺得比較唔好係 d 爐火力好勁...d 牛肉一落落去已經差唔多食得...咁個鍋又話最好唔好

見舖位空置6-8年後終有人承租開店, 好奇心驅使下同女友2 人前往試菜. 二人大食, 叫了美國牛柳, 豚肉, 官崎雞作紙上燒食材. 盬燒牛脷, 燒鵝肝雞翼(限量供應), 天婦羅烏冬加凍啤及雪碧.....店方不用吩咐, 上菜次序分明, 先上飲品, 預凍的啤酒杯, 好!...... 跟著到牛脷和雞翼, 後者精彩為是晚之最, 送酒一流.....之後到紙上燒, 原理同紙火煱差不多, 張紙好重要, 隔一隔防火力過猛, 但店方的電爐火力不能調控, 只有開關, 玩一兩轉後張紙開始燶嫌火力過大, 一邊食一邊又忙着弄, 很繁忙, 中途惟有關爐換紙, 食完再玩......三款紙上燒食物以牛柳最好, 有牛味又嫩, 宮崎雞(用胸肉)則較嚡口兼有雪味, 豚肉普通......最後上烏冬, 天婦羅都算香脆, 但不知是否用油方面抑或沒有換油關係, 有少許怪味.....可能少客, 服務方面很好很貼身, 整體食物印象雖然未算非常出色, 但有些亦見心思. 惟現今租金昂貴生意難做, 附近Chez Patrick及高島鐵板燒已先後結業, 相信要加倍努力才有望突圍, 給食客多一個不可替代的選擇

今日LUNCH 去左公司樓下間日本菜新場試試. 地方算大, 坐得都算闊落. 但應該係我WALK IN既問題, 被安排去左BAR 檯果面坐. 地方算大, 坐得都算闊落. 但BAR 檯果面的整體裝修不覺得是一間日本餐廳. 感覺還可以吧~午餐定價比我預料中偏高. 但一場黎到, 便試試那個刺身定食...整份餐份量足夠, 有一小碟前菜, 沙律, 湯, 蒸蛋, 一盅飯及一盆刺身. 沙律: 中規中舉啦~前菜: 份量唔算多, 但幾野味~湯: 不錯~蒸蛋: 夠滑, 夠味~一盅飯: OK, 但好像不是珍珠米~刺身: 新鮮~~! 但有兩片白肉魚生有點根~