神串一 (已結業)

早排响團購網見到有紙上燒, 又大鄉里未試過, 所以買咗呢個優惠, 同班為食朋友一齊試下先..................唔知係咪平晚的關係, 而且又係灣仔區, 所以我地7點火去到都冇乜人, 一直食到10點都係得一半客, 真係唔知佢做唔做得住?? 但對客人嚟講就係好事, 起碼人少d, 冇咁嘈, 我諗全場最嘈都係我地呢枱客.......................而且冇乜客時, 侍應同經理都主動走埋嚟招呼, 教我地點燒, 又介紹張紙係由瑞士嚟等等, 真係值回票價呀!!! 趁d嘢食未上的時候, 走出去睇睇有咩前菜、飲品、湯之類啦~~ 雖然唔係好多款, 但都有4款飲品, 2款湯, 3-4款律等等.................最後拎咗個蜆湯同埋果汁, 2樣都唔錯~~每人包1份紙上燒盛合, 呢個係冇得encore的, 可能係比較靚的食物, 每人好似每樣分到1塊咁上下, d肉切得好薄, 係咁燒一燒已經食得, 再點埋佢d醬汁, 正呀~~~ 刺身亦係每人預咗1份, 佢每樣都切d比你, 但呢個食完可以各自encore, 佢d刺身都好新鮮, 又唔係薄切, 好有口感, 又好鮮味~~ 我地個團購優惠冇包龍蝦, 但見人地食果隻龍蝦超大隻, 又好好肉, 所以問下伙計要加幾錢先有, 原來只係加廿蚊, 咁就有半邊波士頓龍蝦, 抵食啦~~~ 所以人order咗半隻, 佢上枱時已經係熟咗, 只係加熱番就食得, 真係超抵食lor~~ 又啖啖肉, 又有膏................由於我地有4個人, 每樣食物都叫少少, 差不多樣樣都試勻哂, 大部份都唔錯, 全部都係熱辣辣, 證明唔係整定哂, 係收到order先做, 所以都幾需時, 而且冇漏單情況, 值得一讚~~ :)其實原本佢有限時的, 亦都有通知我地last order, 我地雖然冇order熟食, 但不停encore甜品, 難得佢地又不停拎比我地, 佢個service真係一流~~ 不知不覺吹吹下水, 吹到差不多十點, 見d客人都走得九九十十, 而d伙計又執嘢打掃, 我地都唔好意思阻住人地收到, 所以都埋單走人............…查看更多

是日一班朋友共8人買好coupon,一早Book好諗住聚一聚,去到即時有位也無即時核對coupon我們坐好,有幾個開始看食物而我和3個朋友就跟侍應交待D coupon侍應不停話無問題.........到最後分別由經理,副經理走來同我們說其中一張coupon已於二月有人用左還俾了一份以人手mark的record我們看咁我們叫他找返人地用左果張有編號的coupon同我們對,他又話放在公司office而家無就屈我們先俾原價之後星期一,二再找回他們已收的coupon同我們對............他還寫下會幫我們查清楚再回退錢給我們,如是者到了星期尾都無收到電話,我們致電就話搵近,再致電就cut線!!!!!! 實在過份!!!! 最後唯有向售賣coupon公司反映讓他們與餐廳交涉一間咁的餐廳再好味亦無理由幫親吧!!!!講返食物,一般啦,無驚喜,我們人多想問他俾紙我們寫下為免叫多叫少又唔肯又漏單,但服務態度都好的有禮貌的..只係覺得一間普通得周街如是的餐廳如此無誠信也不値得推介吧!!…查看更多

團購了兩小時任吃 coupon，今個晚上餐廳 full house，侍應很勤快地服務，追加的食物也沒有漏單的情況出現。限量的紙上燒肉食每人包括一隻鮑魚可以不停追加的魚生，早段的食材較新鮮，到後來可能是勉強溶雪，三文魚有點雪味。食物種類很多，只拍攝了部份食物，連加一 $180 消費，絶對可以接受的價錢。…查看更多

我同老婆仔好鐘意食日本放題，係2個幾月前眼見神串一做團購紙上燒放題，咁就買左去試下:)因為限定紅日, 或星期六日先可以用團購卷，所以的booking好爆，我地等左2個月先有得食:(等左咁耐，我地好心急食呢餐，所以當日我地6點就好準時去到:)之後陸陸續續都有其他客入坐，10分鐘就差不多爆晒人了差不多全部都是用團購卷的呢間食店都幾乾淨整齊，座位之間有足夠的空間，坐起來的舒服:) 之後有人開始分發餐牌，可以點的食物只有餐牌前後2頁，食物款式不算多:(佢實行專人落order制，不用你填紙仔 另外佢有沙律、溫泉蛋、蜆湯、飲品以自助形式供客人享用:)一開始經理說會安排一個紙上燒併盤給我們，看到餐牌上的餅盤有龍蝦、和牛、黑豚肉、雞肉同一些瓜菜，都好似唔錯:)不過當實物來的時候，都有出入，我地隻龍蝦不知去了哪，只換了2隻大連鮑魚仔，經理話因龍蝦無晒貨喎，真係失望之極不過的和牛同黑豚肉又算幾好食，鮑魚就一般喇:)食過紙上燒後，我地就點左三文魚同希靈魚刺生食，刺生不算好肥美，不過不失:)之後叫左的串燒食，牛肉串燒不錯，不過雞軟骨好似燒燶左，另外其他的食物都一般喇另外甜品有而瑞士卷、Tiramisu、雪米糍同泡夫瑞士卷唔係我杯茶，沒食到Tramisu個樣就一般般，食落去沒有咖啡味、的cream似蘿白糕的口感、食左一口就唔想食了不過雪米糍同泡夫就唔錯:)總括來講，我們今次用團購價$139另加$38服務費的價錢食呢間，並不覺好抵，因為食物質數只是一般，不過都叫見識過紙上燒:)如果以原價$388一位來說，就一定不會來食了:(…查看更多

尋日食補祝媽咪生日飯，早在兩個月前Book位，去到竟然話無Book到，點做野ga?> <"我即係問2:00-3:30pm呢段時間喎，佢話無呢段時間，3:00pm last order,我話你團購吾係咁寫ga喎~佢話時間更改左，我話無人通知我:(~你幾時改我鬼知呀!之後去到佢大把位，好心你就帶我地入座啦!一住低遲遲都未有人擰Menu或介紹d野，叫左幾次終於有人應啦!去到出面沙律吧巳所剩無幾，一路都無人refill d食物，算啦!好彩d燒物都幾OK，刺身只限每人一份，但吾係話very good lor,唯一可讚的芝麻雞翼炸得不錯:)!可能團購呱!如果以團購價錢$98再另加一(原價計$30)，128一位都可以接受，再貴d，以原價298一個無可能lor,我俾多少少去Busy suzie啦!…查看更多

今日同老公慶祝8個月~就去左呢間團購番黎既神串一食~未去之前.. 要卜位嫁~好在都卜到~不過去到都要等一陣~@@ 原來都有好多同我地一樣都係團購黎食既人~呢份主菜一人份~個龍蝦好味@@但係落左黑椒都唔覺得有黑椒味之後就係咁燒燒燒啦~真係好忙~又燒唔停~個口要係咁食食食呀~好過引呀真係@@不過好易濃呀真係@@之後叫D三文魚食下~仲有成份餐單每樣都叫一份黎TRYTRY@@真係樣樣得少少哈哈.咁都唔錯呀~可以試味~又唔駛哂野食@@不過呢個意大利芝士蛋糕好苦=3=I DONT LIKE IT~…查看更多

買了團購coupon$98+原價加一（29.8),$130食個lunch其實不算便宜，所以都蠻期侍的4月頭book位，但要排到5月先有位，都可以體諒的，因為賣出了很多coupon嘛...首先要講下D食物先，其實雞軟骨串、牛柳粒及牛舌都幾好食，但其他食物都比較淡味至於服務員就真係要再陪訓！有個女侍應整D左我男朋友隻筷子，佢竟然企圖執返俾佢用，0係屋企都唔會咁啦！而且個軟殼蟹卷...散0左都照擺上0黎，佢睇到0架，不過照擺落0黎囉！另外有好多食物都漏單，催佢都無用囉，以為D經理會好D，點知仲衰，拎碟食物0黎時黑口黑面，真係上樑不正下樑歪！等等下D食物就話夠鐘埋單，嘩，D食物咁遲0黎我當然唔夠時間食啦！全程都無人加水...咁0既服務點值＄130個lunch!我更加戥食正價0既唔抵！…查看更多

團購的.1月買, 2月想食打去book位. 6月先有得位比我.食物種類比一般日式放題少.什麼紙上燒只是gimmick野, 有人燒埋比我食重好啦.大部份的食物都無咩味道, :(值得一讚的是一班waitress, 好nice好有禮貌.:)紙上燒拼盤今日無咗龍蝦, 用隻鮑魚仔代替.兩個人, 只得3片牛肉. 幾好食, 但原來無得再叫的.:(豬,魚 無味, 好硬. 雞,,粟米,冬菇, 南瓜 就一般:(哩d食唔好食既就任食囉.刺身只得7款, 好一般.天婦羅, d炸粉唔多似平日食嗰d, 好似厚咗d, 少少似中式炸粉. 蝦比較細隻, 海苔幾得意, 魷魚同多春魚都可以.壽司, 離哂大譜,只得3款 得加洲卷, 吞拿魚xx卷, 重有一款唔得咩卷.咁都叫有壽司食串燒, 全場最好食就係燒粟米.串燒牛就硬咗d, :(串燒墨魚就好一般.燒雞翼, 味道幾好, 但乾咗d. 炸蠔都好實吓.:( 清酒煮大蜆, 蜆裏好以一泡水咁, 無咩味. :( 沙律, 飲品, 湯就自己攞. 蟹籽沙律只得少之又少的蟹籽, 飲品有菊花茶, 綠茶蜜桃茶等, 可以淡番d至於d湯就太淡了. 甜品有四款. 比想像中好:)有Tiramisu, 忌廉泡芙, 雪糕糯米磁, 瑞士卷以團購價連原價加一) = $178, 這個價錢可以有好多選擇.如果正價$388, 真的有人食咩????$178我都唔會再去囉.…查看更多

團購買好老實如果係原價三舊幾水重要加一既話我切乜都唔會去幫襯又唔係近喎野食好好! 對團購黎講真係唔錯!刺身幾好食 只少唔會放唔到入口ENCORE左幾次天婦羅同串燒都好食蠔同蝦係好食既 去到最好試下串燒都唔錯!紙上燒既野食呢...我份人就可能唔識食和牛呀...農場雞呀...走地豬呀...果D聽上去好貴既食材對我黎講真係同平時分別唔大有3個可能: 1. 我唔識食 2. 我唔識煮 3. 本身唔夠味我明白一塊靚既扒落小小黑椒已經好好食但係我諗今次上面3個可能都會有關係甜品都OK 食一次既話就一定冇問題雪米磁有驚喜! 一日唔咬落去你都係唔會知咩味架抽獎一流加左15蚊任飲 (計埋我女友30)啤酒估唔到係knight...(可能我耳殘聽唔到)飲到胃潰瘍都未必想飲到回本所以博糖尿都去飲可樂服務...有D極好 有D就好奇怪好既就係有部分[個FEEL似係junior少少既] 就真係好nice咩都幫到十足 冇漏單差既..就係我女朋友想refill佢杯橙汁(聲稱要加錢先可以任飲)果時有senior(或者年齡上senior)少少既waitress話出面自己拎咁我出到去就發現冇橙汁啦 (佢試下有呀...)之後就問一個男既西裝友啦佢話"我地唔提供橙汁架喎"我__! 咁我女朋友岩岩飲緊果杯係咩呀? 綠寶呀? 葡萄糖水呀? 台式特飲呀?之後佢都拎左杯橙色有橙味既野留黎 係咩我就真係唔知啦2小時任食對係呢度食野黎講 又真係夠既!可以更好既係 係15/30分鐘之前提提我重有__分鐘或者係我入去果時提我多次幾個鐘任食而唔係係2小時之前5分鐘收menuall in all野食ok 服務ok如果再有相同優惠 可以再戰食物相樓下都有唔少我比較懶 影左相但係唔post啦total for 2: 138 x 2 + 111 = HKD 387…查看更多

通常用團購優惠劵也很難訂枱，呢度早兩日訂都輕易訂到枱，仲估啲嘢唔多好食添。出乎意料之外，侍應非常好禮貌及經常主動收碟、換碟、換爐上紙，嘢食沒有一樣係難食，但觀乎有團購優惠也是冷清清，想必是位置問題，這裡沒有街客會經過，只能靠宣傳才會有人特意前來。先來一碟紙上燒的拼盤鮑魚鮮味、牛肉也上佳，只可惜沒有REFILL，其他豚肉、雞肉、瓜和菇也不錯。由於不想再忙於自家燒，沒有再叫其他燒物。除了鮑魚和牛肉外，其他任點任食，沙律、湯、甜品和飲品則自助任取。飲品在任點任食來說已不錯，起碼不是淡而無味，甜品和湯則無試過，沙律則嘗了蟹籽沙律，我前後食了四碗，不用評吧！刺身好像有七款，我只選了我們喜歡的三文魚、甜蝦和北寄貝，三文魚肥美，全部沒有雪味，不錯！壽司只試了加州卷。天婦羅不厚粉，不俗！和食隔咗咁多日，已經唔係好記得食過乜，總之每樣都OK，無難食，又無特別好食而要一叫再叫。串燒我們覺得最正的，款款也好味，粟米和牛肉串更要一叫再叫。喜歡這裡上菜快，無漏單，款款細細碟，可以多試幾款，而且服務好，二百左右的放題，食物質素和服務算是上佳，即使正價也會再幫襯。…查看更多

其實我睇完呢度D食評都麻麻地. 不過佢地話想一試就無乜期望咁黎.今日我地有2位朋友生日. 所以我地一行人, 8大1小. (3歲以下就唔洗收錢) 一早訂左位, 8點鐘黎到.一去到佢話俾左間房地, 嘩! 間房好大好舒服, 仲有電視, 呢度已經加分.落Order唔係劃字既. 係講NO. 俾D Waiter聽. 呢度D Waiter好好服務仲好有禮貌. 而且今次最滿意係. 佢樣樣都有, 又無漏. 一黎到每人有一碟龍蝦既併盆, 每人只有一份, 其他就可以任飲任食. 呢度主打紙上燒, 仲有黑椒+鹽俾客人一路燒一路調味. 幾得意D Waiter換紙換得好勤快添呀.... 真係要讚刺身: 有三文魚, 甜蝦, 鱆紅魚, 希靈魚, 北寄背.... 龍蝦: 勁好味又新鮮. 唔夠喉清酒煮蜆: 好大隻, 但味道怪怪炸魷魚天婦羅: 睇食評介紹過唔錯. 咪試一試. 真係幾好味^^和牛他他: 半生牛肉, 好味.燒粟米: 正. 又甜.忌廉泡芙: 好好味. 好冰凍. 唔似忌廉似雪糕多D麻醬冷麵: 我鍾意食炸蠔炸雞翼: 雞翼夠脆夠味, 炸蠔唔夠熱, 一般煙肉串: 入面包住翠肉瓜, 我覺得D煙肉好膩Tiramisu: 唔太甜都OK迷你雪糕糯米磁: 放左係出面, 有D溶, 如果夠凍會好好味仲有其他野食, 我都唔太記得了. 因為無影相款款細細碟, 我要人頭件數. 都黎得好足. 呢間算幾好, 不過我又會覺得可能係咁啱咁好彩遇到D Waiter好, 跟得足Order:)飲品每日三款, 沙律同有些甜品係出去攞. …查看更多

因為有coupon , 四個女仔去咗 " 神串一" ~其實...用咗Coupon 唔知幾錢喔, 只知加$15 就sake / beer 任飲~~~ 埋單每人$200~ 龍蝦+紙上燒: 每人半邊龍蝦, 隻龍蝦本身係熟既, 只需喺個穫到整熱就得....但隻龍蝦....真係燒極都唔熱囉~~~ @.@" 其它豬呀, 雞呀...真係一般般...刺身拼盤: 三文魚呀, 北寄貝呀個啲幾新鮮, abi 就麻麻細隻咗少少....天婦羅: 只可以話係...粉多蝦細既...天婦羅, 但番薯天婦羅就好好食 ~甜品: 甜品有朱古力雪米糍....個芯雪到好硬, 味道唔錯, 另有芒果同芝麻味既雪米糍....四個人叫咗12粒.... Sake: 初頭飲都夠味既...但飲飲下好似越嚟越淡既...唔通....四個女仔...食咗兩個紙上燒拼盤, 四個刺身拼盤, Sake 六支, 天婦羅, 金姑牛肉卷(我煮既好食過佢), 清酒煮蜆呀....... 真係...食7咁食... XD叫到最尾個刺身拼盤, 嚇親個經埋.... 佢問:係咪要一人份量呀!? 我地話: 唔係呀, 要四人份量啊!!! 哈哈~~~總體嚟講, 如果only 食刺身+sake $200/@ 都ok~~睇下下次仲有無coupon先, 咁既價錢可以再嚟食架~~~ ^ ^ …查看更多

未入門口 同朋友對呢間野都滿懷希望可能岩岩放工 同埋比較肚餓點知..............................一入門口,女侍應就急不及待咁講左句:我地今晚食buffet架唔好意思即係咁, 可能我同朋友著得有丁點casual但唔代表我地俾唔起錢食你地咁平又不知所謂ge buffet真心希望呢間餐廳可以改善下員工對客人說話ge態度之前食過大家樂(定大快活)個紙上燒我覺得同呢個分別唔大囉仲要我食大家樂唔洗受氣我同朋友冇訂位 但死都唔俾卡位我地話full booking 但我想講直至我地食完埋單起身離開D卡位都冇full過ge一刻食物方面都冇乜特別 唔特別好食 都唔係特別難食不過可選擇ge食物真係唔多要改善下三文魚sashimi唔知點解會有魚骨總括而言, 態度極之差 我諗麥當勞D服務態度都比呢間餐廳好食物極其普通 一D驚喜都冇價錢加一服務費後要200蚊 大把放題比你平食物質素服務態度仲好過你只可以講: 不值一試.…查看更多

最近團購威力，可以真係令人「留港消費」，呢間又係，可能因為「Prepare for the worse」既心理準備，今次又加番分喎。之前睇左其他人用團購既食評，都係話佢地有d服務水平低劣既情況，食物上菜好似有心拖延既情況，我去又無喎。所以相信呢度食評係有一點力量，令到唔少餐廳都知道評價及問題，對症下藥。首先，睇左個食評有位兄台話佢上菜慢，可能神串一方面有去了解下，我4個人去食，佢係上菜快過我食。第二，另一個食評有位兄台話無講豉油，神串一方面又有去了解下，個侍應一開波就識講邊支係邊支，重好有禮貌。第三，燒左15分鐘就換左個燒鑊，我都未覺焦，就再同我換第三次，fill 水又好勤力，又係快過我飲。食材其實係用d算唔錯既料，其實留心係可以食得出，佢d牛肉係好野黎，而且d串物係有心機去做，可以。刺身都可以個燒烤特別既地方係唔會太焦…查看更多

最唔抵的一次團購經驗。數月前以HKD139團購HKD398的紙上燒任食，另原加一。計落都抵，以低過半價去試新野。點之無幾耐在雜志上見到做減價，減到似HKD199另加一收費。比較上來只平得個四拾幾蚊，覺得自己蠢左！打電話去訂，又話Book到5月中，只得反週日21:30的場次，都冇辦法啦！唯有照book。果日約09:00去到，水靜河飛，都唔覺之前果場，有爆場跡象。環境黑黑暗暗，都幾舒服。食物就......如果以原價去食，我會"dum"囉。咁既價錢還有更多好的選擇。紙上燒，燒出來的食物無乜特別。蝦很大，但唔新鮮，燒完出來霉既~什麼M9牛，無牛味:(其它所謂日本某地區的豬、雞，都是一般普通。剌身勁唔新鮮，我第一次會覺得最好食是魷魚囉。刀功又唔得，三文魚切一件出來，都可以散開。燒物炸物，就可以讚一下，可能因為大廚預計到，那些類型較多人叫，很快就燒好出來，而且非常好食，但基本的雞軟骨同牛肉都無晒。但十點多後，燒物等...好耐，以為漏單添，要追先到。炸物由熱既變成室溫，唔好食。好似趕收工雪糕糯米茲，就咁放在桌上，沒有任行冷凍裝置保存。服務員很細心，見我找來找去之後沒有取走，便問我D雪糕糯米茲係咪軟晒，我未回答，就取走桌上軟軟的，換上冰凍硬身的出來。最後，專攻所謂的北海道綠茶雪糕，味道一般，顏色勁假。二個字"搵笨" 食大x樂好過。…查看更多