磨飯

營業中

休息中

平時食開佢地嘅肉燥便當，近來想食返啲輕食，就開始食佢地嘅紫米飯糰選擇都有唔少，有得叫set。我今次就揀左雞粒紫米飯糰。入面好足料，有雞粒之外，有啲脆脆，青瓜絲，沙律醬，有口感又健康我叫左少醬。小食就叫左流心黑糖麻薯，聽老闆娘講係台灣直送嘅，早排想叫都冇，因為台灣嗰邊缺貨。估唔到剛過新年就竟然有，即刻叫左個黎試下，好好食！外脆內軟！如果有埋黃豆粉就更perfect就好似平時食開嘅紅糖糍粑咁。飲品就叫左抹茶豆乳，真係加抹茶粉整出黎，有小小抹茶香，又唔會蓋過豆乳嘅味，好夾最怕啲假甜嘅野飲，加有味糖漿就話係嗰隻味

難得放假天氣又咁凍，小編都會訓到晏一晏先起身😴，見自己真係餓到不行就先落街買野食。而小編都有一排無係元朗到搵野食，走到某一間餐廳想食好野，點知仲未開🤯。不過係嗰頭就發現到有一間新開既小店，係食紫米飯糰🍙，款式亦都有數十款，小編忍唔住停低落嚟都望咗一陣餐牌乜好食🤩，但小編其實都好餓喇，唔再猶豫就決定今日既午餐就食你🤝，而一間餐廳個名叫做叫做「磨飯」。✦✦✦✦✦✦✦✦✦✦✦✦✦✦飯糰 + 小食 C + Free $43🎈(C)韓式魷魚紫米飯糰 $26紫米飯團有分A至E款，而小編就揀比較重口味小小既韓式魷魚紫米飯團🍙，而飯團係完整一條冇分開切，咁樣小編就可以大啖大啖咁咬落去食👅。 而飯團當中韓式魷魚有輕輕燒過既香味，而且仲有青瓜絲同醬汁🥒，酸酸甜甜既味道加上魷魚同青瓜爽口亦彈牙，好夾👍。飯團既大細比例啱啱好，唔會太頂胃，味道亦好啱香港人口味😋。 ✦✦✦✦✦✦✦✦✦✦✦✦✦✦🎈(Free)涼拌青瓜 $16 涼拌青瓜可以選擇辣唔辣🌶，而小編就揀咗辣，因為辣青瓜比較香口亦惹味些少😊。而份量適中，一個人份量都足夠，青瓜作為小食，爽口又健康，食完一啲香濃既食物🤤，再食小小辣味既青瓜，都唔會蓋得過原有既

成日都見排長龍，其實真係唔乜心機等。直到有一次，差不多11點先飲完個早茶，行行下到1點半都未係好肚餓，但又好似係時候要食lunch⋯咁就第一次去磨飯買飯團。食咗一次，就知道咁多人等食係有原因，記得果次係買咗件芥茉醬雞紫米卷同埋芝士青瓜紫米卷⋯認真，好好好食！佢嘅紫米卷利用咗不同既配料（脆油條、肉鬆、芥末醬、青瓜絲etc.)做出好多層次感！前幾日收工，唔想下下碟頭飯、米線、Pizza⋯諗起去磨飯。去到門口有4組人等緊外賣，之後落咗個芝士肉燥雞扒鹵蛋飯（因為本身menu冇，所以加3蚊）、麻醬雞紫米卷加流心年糕串、一杯熱檸水、一杯熱奶茶。等咗大概廿分鐘，都還可⋯⋯走人。返到屋企，換衫洗手，即刻開餐外賣盒包裝好乾淨整齊，未食已經感覺好好。打開肉燥雞飯已經一個匙羹畢埋去整啖先好好味，肉燥唔係肥豬肉，汁量剛剛好，味道適中唔死鹹，一口健康加美味！之後就黎食流心芝士串，係串年糕包主蛋皮，上面加埋芝士醬同沙律醬，簡簡單好好味再開埋個紫米卷，唔洗講，水準依然，好幸福

到肥仔黎落單買鹽水雞，需要等 25分鐘，由於未食午餐，見隔離有家叫磨飯的小店，可以買個簡單的飯團充飢。他們標榜用較健康的紫米，用天然杉木木桶蒸煮2小時，基本食材有肉鬆、薄脆、青瓜、西生菜、沙律醬、紫菜，我選了麻醬雞絲紫米飯團，減少沙律醬份量。由於未達堂食最低消費，只好在店外立食。飯團到手熱騰騰，打開包裝紙，可惜紫菜已淋，紫米軟軟糯糯，裡面材料豐富，吃起來就像吃上海粢飯。$24 的價格，女孩子隅爾作為正餐。

磨飯成日經過都想試下，但店面真係好細今次叫外賣叫左兩個飯兩支野飲熱檸水唔駛加錢，另一支係加$7 轉特濃豆乳豆味聞落唔夠，飲落米味多d, 唔甜米既比例應該多d, 擺得耐都見到明顯分層但飲落都唔錯，係無想像中既豆乳味.估唔到有成隻蛋，以為飯盒細細，點知d 飯量好多，手撕雞麻辣味都有少少，可以再重手d肉臊d 肉唔肥，好入味，溝埋d 手撕雞好好送飯，食左勁多雞扒就普通左d, 但都算大塊既粒蛋都夠入味，唔駛$60 有埋普通熱飲，都ok

有日經過，見到呢間小店出邊好多人排隊，所以好奇幫襯。 總共幫襯左兩次，第一晚7:30去到飯團已賣晒，所以叫咗雞扒肉碎飯，煎 蓮藕餅 粟米餅，綠茶味豆漿。 除咗粟米餅一般之外，全部都好好食跟住第二日，再去試呢個招牌雞粒紫米飯團，芝麻豆漿。 個飯團好友驚喜，就係講唔出咁好味 自己本人覺得綠茶豆漿比芝麻豆漿好飲，始終都係一間好有質素嘅小店 期待再光臨

外賣叫左兩個肉燥飯，大概10分鐘就有得拎啦。小店推薦嘅肉燥飯加左木耳，爽口唔油膩，雞扒嫩滑但有啲怪怪地，因為係凍肉鋪果隻醃左嘅燒烤肉味，明明睇其他食評唔係咁嘅🤔唔係平時食開嘅肉燥飯感覺，但味道ok嘅。麻辣雞絲肉燥飯，唔太辣，有青瓜中和返。另外試左原味同白桃味嘅自家製豆乳，重豆味，有豆渣，足料，白桃味新穎感覺，較原味甜同清新，個人比較鍾意。整體味道OK，唔會好重味，似屋企飯，未算大份但夠食，價錢合理。

收工攰攰地，諗唔到食乜之際，就經過呢一間餐廳，見價錢都合理，就決定買外賣返屋企試吓。由於天氣實在太熱，於是買咗個涼浸浸冷麵試下，有雞絲、蟹柳、青瓜、海蜇同蘿蔔配埋個冷麵汁，個冷麵既配料簡簡單單，食落味道好夾，岩哂夏天熱辣辣既時候食。最欣賞嘅，反而係呢樽自家製嘅黑芝麻豆乳，味道偏淡，少少甜味，有淡淡既黑芝麻味道，唔似出面買既咁甜。不過餐牌設計來說，第一次望真係睇左好耐，睇唔出邊個係招牌菜😂又樣樣都想試

雞扒肉燥飯好足料，雞扒好大塊，入味軟嫩。肉燥份量佔一半飯平面，味道雖然唔算好台式地道，但係佢加左冬菇同（木耳/雲耳），有種香味，食多都唔會油膩，送飯好味！仲有粒鹵蛋，非常入味，但唔會太咸，正！跟飯餐加$3有支裝豆乳黑芝麻豆乳唔係好杰嗰種，芝麻味好香，口感順滑，好飲！仲有其他口味選擇。鋪仔細細，但係野食唔會馬虎。老闆們都好友善有禮貌，好有人情味。野食唔會太油膩，係健康之選，加上價錢十分合理，又可以電話落單轉頭拎，好方便。會繼續支持。之前食過嘅蓮藕餅粟米肉餅都好好食，份量足

店主夫婦待人親切友善😄😄😄飯團豆漿足料好味🍙✨✨紫米飯團好少見😈😈😈黑芝麻豆漿味道好濃郁🤤🤤🤤支持本土小店💪🏻💪🏻💪🏻💪🏻飯團入面嘅餡料如果唔啱食可以落單時講，例如走沙律醬。希望大家都多d支持下，本土小店✨✨✨

呢間鋪頭好似新開，元朗都好似無咩同類型食店係有咁多款飯團🍙。佢嘅飯團好特別，用既係紫米，感覺上好似比白米健康同特別。今次初嘗試，叫左個醬爆芝士味，但原來入面除咗芝士仲有好多其他配料。叫開飯團再叫豆漿都只係加$10就有一支。入面仲有沙律醬肉鬆同青瓜。芝士同埋沙律醬一齊食又幾match配埋青瓜仲好fresh添！我好怕食飯團飯多餡少同埋d飯硬, 呢個飯團同餸既比例適中， source 又好味，配料都新鮮（呢道飯團係即叫即整架）👍🏻值得一提黑芝麻豆漿都好飲。

餐廳支持健康飲食，提供輕盈的紫米飯卷，當中的肉燥是用豆渣製的（ 牌並無寫，聽老闆娘說的），配搭很多，想吃清一點可以試下飯卷。加一杯豆漿都係几蚊，但豆漿味道濃郁。我要了黑芝麻豆漿，不太甜，但口感十分純厚，黑芝麻好好好濃郁。涼拌雞絲肉燥飯份量多，仲有一隻滷水蛋。味道不會很台灣，是相對清淡的肉燥，下飯還不錯。想食健康輕盈的肉燥，係不錯的選擇😏。老闆見朋友的雞扒細左小小，仲送左個雞翼，几有貼心。☺️btw, 豆漿好好飲，都好掋飲。😊👍

在屋朋友的介紹下試左佢，一間小小的店（只有3/4張枱），好在去到剛剛有枱我們點左個芥末雞絲紫米手井（其實是飯卷），一個滷蓮藕肉燥便井，點飯仲有送一杯野飲芥末雞絲紫米手井，飯卷裏面嘅餡係有肉鬆脆片青瓜生菜同芥末醬蛋黃醬加雞絲，因為有脆片同埋青瓜絲在還面，佢個飯就加強左口感，肉鬆仲有陣陣嘅肉同燒烤的香味，芥末就有少少辛辣的味道，但是唔會太濃烈反而好順口。整體來講佢個飯卷係好好食，我仲要即整即食所以更加好味蓮藕肉燥便當🍱，我唔記得咗影相，佢份量好足夠仲有一隻滷蛋，而佢啲肉燥更加值得一讚，佢裏便係用咗木耳加強佢爽口，同埋唔覺有肥肉，調味亦都好唔會太甜，醬汁恰到好處少少厚身，但唔會結踢踢咁，蓮藕煮得啱啱好唔會太硬仲有少少爽身。店裏面嘅豆乳是店長自家製造，小甜又香濃我覺得如果一向鐘意食飯同飯團的朋友仔真是可以一試，全店是一家人自己一手一腳包辦，對客人都有適當解釋，飯卷仲可以走咗自己唔鍾意食嘅材料，好為客人着想，即叫即做好有心。下次要試吓佢啲小食同其他嘢PS 喺食嘢嘅時候見到都好多人買外賣

疫情下一家人出外食飯少，外賣多。幸好平日買開三文治、豆乳既勤力夫婦係附近開鋪把握機會試新嘢😆一家人分別叫左肉燥系既雞扒丼、雜扒丼、麻辣牛展丼、麻辣雞絲丼。仲有必食既紫米手丼牛展鹵得入味又夠軟身雜扒分量十足雞扒醃得唔會太過麻辣雞絲唔會太辣整體上肉燥唔似出面食個啲咁油同肥，原來用左木耳代替左肥肉，雖然無咁香口，不過多左份爽口偏向煮家飯既味度全家都讚既紫米丼，入面有肉鬆，青瓜絲，一啲脆卜卜既脆片，加埋勁多既芝士，足料又有咬口堅好食！豆乳都係必飲！新鮮即磨，黑芝麻、合桃超好飲唯一係要等，得兩公婆自己整，雖然可以WhatsApp 落單，不過去到都要等一陣，因為去到先包比你🤤保證新鮮