碌冧法式越南料理 (已結業)

大家有冇試過 $88食三件羊扒係咁：(1) 量：可以用「華麗收費，份量超細」去形容。(2) 質：每件都精心挑選過，不是最差的他絕不會給顧客品嚐：「啖啖肥膏，食落糟糕」！實在不明白為何「黐住骨的肉」應該係最好食，肉地最實且肉味最濃既部位。奇就奇在我所啃下的「黐住骨的」是最冇味、全部係肥膏，一塊肉有六成係肥膏！高級消費，胃口關閉！(3) 食具起蹟，認真出色！結論：物非所值，超級難食！

今晚與友人一起到雅蘭六樓試食了這間餐廳，起初看外表覺得几高級，心想食物質素應該有番咁上下，誰知……叫了牛油雞翼 $ 48 得三隻，外面脆，味道一般，之後來了一碟豬頸肉炒粉司 $ 68，實在太多油，很肥膩，豬頸肉數了只有兩小塊放在面頭，其餘只餘粉司、磨菇和大量生的椰菜司，$ 68 一碟豬頸肉炒粉司 得兩小塊豬頸肉！份量少得太離譜啦！

因為之前都經常去雅蘭6樓搵食, 就係未去過呢間, 今日決定一試! 兩點幾去到, 以為有下午茶, 可惜無~ 都唔緊要, 睇下個午餐牌, 都唔平wo! anyway, 我地終於叫咗個兩人法式high tea. 有4個小食:- 炸雞翼 (用脆槳包到實晒, 表面真係睇唔出係咩黎, 個人覺得好油, 唔惹味~)- 透明蝦卷 (用粉皮卷住烚蝦加魚露食, 只屬一般)- 扎肉法包 (有兩片扎肉, 蕃茄, 生菜, 蒜蓉法包: 法包夠鬆脆真係有蒜蓉+牛油, 呢個幾好食!) - 拉椰糕 (咖啡 x 2, 香葉 x 2)火車頭湯粉一碗 (一黎到就覺得份量好少, d 生牛肉 ok, 牛柏頁, 牛丸 x 2, 個湯底只係一般, 俾起 Pho 真係差好遠)個人黎講應該唔會再去.

真係火都黎埋呀....諗住睇佢個樣幾靚所以就入左去...隔離木台D野都覺唔多對路...叫左3樣野1)香茅牛肉撈蒙佢成間鋪都標榜自己D魚露有幾正幾正梗係搵樣野食到佢D魚露ge味啦...一黎...兩個人分，兩啖無晒lu...D牛肉算係香茅牛肉？？？唔覺lor魚露又唔覺有咩咁特別...我屋企樓下間屋村越南餐廳支魚露無咩分別bor...果度D撈蒙仲好食過佢lor...2)水晶宮拼盤本來想食佢個小食拼盤..但睇到隔離木台，個拼盤係幾靚呀每樣得果兩小舊...無記錯好似成$48我又唔見得個樣有幾好味喎，so叫左水晶宮拼盤wa...真係超細舊囉...仲無啦啦加條9菜向裡面佢條菜仲好似未熟嫁喎...硬嫁喎......完全無咩味道可言...今次真係淨食魚露3)蒸粉包我唔知好食ge粉包係咪應該係咁...一夾就散，又細舊又好似無咩味咁.....埋單仲面成一百八十幾蚊...真係超激氣呀！

Wanna have lunch with friend. We have ordered a HKD188 set for 2, amazingly the portion of the size is so small. The set is for 2 person and they have only provided 1 bowl of noodles and various dim sum. Two of us are only 50% full. Don't recommend the set (even it's more expensive) at all. For the same price, you may order 2 bowls of noodles with additional 1-2 dishes. The service is bad. Everytime I tried to call the waitress or even the manager, they just don't dare to response. That's

今晚同朋友此店食晚飯,果然味道不錯.生牛肉河,上檯時侍應才將湯倒入碗內,好似睇表現咁,眼見住佢將生的牛肉變成全熟的牛肉,因為啲湯真係好熱,佢啲湯係用個水煲熱住.講返味道,牛肉味道不錯,亦有很多片,河粉亦很幼,不會碎,湯很好味.蝦醬菠蘿炒飯,賣相很好,蝦醬入口很香,味道很好.薄餅伴咖哩汁,朋友推介,果然不錯,咖哩汁不會太辣,薄餅是暖的,很香口.整體味道不錯,但係份量就真係細咗啲,我地兩個女仔食三樣嘢,只是剛剛好.

呢日上來雅蘭中心幫襯，見呢間未試過，入來一試，睇睇好唔好食，結果......1）鮮蝦酸湯：細細一碗湯，只得兩隻蝦，收成$30，味道係幾開胃，不過唔係咁抵囉。2）香露雞翼紅飯：份量少得驚人，雞翼都有四隻，唔算太少，但係d飯就......加埋都唔知有冇兩大碗，兩個人食邊度飽呀！D飯得個紅字，同普通白飯味道一d分別都無，仲話係廚師推介添！3）魚醬炒時菜（西蘭花）：算係好d。4）薄餅伴咖喱汁：因為食得唔夠飽而叫的薄餅，味道反而有驚喜，咖喱汁夠辣，加埋薄餅夠熱，係全晚最好味嘅。5）椰汁黑糯米：都係因為食唔飽而叫嘅，份量ok，不過實在太甜啦，應該淡番d好食d。食完五樣嘢落肚，埋單差唔多成$200，都要唔夠一陣就肚餓，都算少見，就算幾好食都係假啦！順帶一提，呢度嘅部長服務態度唔係咁好，問佢嘢嘅時候好似好唔情願咁，食完開頭三樣，見未飽叫多兩樣，d侍應又問都唔問擒擒青收嘢，個人覺得都係要改善一下囉。

之前响荃灣食過呢間越南菜... 麻麻地... 尋日要去旺角睇戲... 男友話想食越南河粉... 於是俾多次機會佢啦... 心諗可能旺角分店會好d呢...結果... 都係麻麻地 生牛肉河粉: 男友食左話ok... 香茅豬扒撈檬: 豬扒夠厚但係好實好乾... 由於唔想再o趙得咁辛苦而食唔晒放棄... 檬ok... 魚露食唔出有咩特別 沙嗲雞: 上枱時已經唔熱... 食食下變成冰凍... 味道一般... 唔知呢... 可能d炸野會好d掛... 整體而言... 環境同服務ok... 食物一般... 有咁多新餐廳未試, 呢間去一次就夠啦

旺角食飯度度都多人，所以特登六點就吃晚飯去到碌冧，當然好多位，我們兩人迅速被帶往四人座位，夠晒寬敞(所以食飯都係早d好，又少人、又健康)因為我地兩個都係big eater，仲係extreme嗰隻，所以都點咗好多嘢﹕牛油雞翼﹕四隻中翼連住翼尖，都幾好食香芧豬扒﹕味道都ok，但d肉死死實實的菠蘿海鮮炒飯﹕以一個很小的菠蘿盛載，炒飯ok，但有趣之處在於菠蘿兩邊有兩堆燃料啫喱，侍應會幫你點著，同個飯保溫，好得意。記得食完飯之後要好似飲椰青咁挖番d菠蘿肉食，好好味的。青檸粉絲雞﹕推介！雞及粉絲的份量都不少，當佢係湯又得、主菜又得，青檸香得嚟唔酦，個湯好有雞味，食唔到有味精，飲完都唔會口渴。由於以上各樣份量都頗小，所以追加咗個沙嗲，有牛同雞揀，我地揀咗雙拼。總共四串，都幾大串，加埋兩個醬汁﹕花生醬同招牌魚露，牛比雞好食，但整體質素不錯。順帶一提，上菜速度雖然有慢，但侍應好醒目，一舉手已經知要咩，值得一讚

有朋自遠方來,話想食越南菜; 記得上次食過碌冧的lunch都不錯,而且我們約了在雅蘭等,於是決定試試他們的晚餐.坐低見餐牌有幾個套餐,睇落又OK,索性省點"腦力"不散叫了...首先來個湯... 忘了名字, 好像是甚麼酸魚湯. 賣相似一碗清湯;入口酸而不辣,特別在湯裡有些生果. 我覺得一般,因為除了酸味外嘗不到其他味道.跟著的三文魚沙律幾好味,三文魚幾大片且新鮮.牛油雞翼 - OK大隻,炸得幾脆; 但味道沒有特別.大頭蝦一隻(開邊) - 蝦夠大隻,但蝦頭沒有甚麼可吃,所以就只有蝦身,還要每人得半邊... 雖然好食,但太少了...好彩最後仲有碗火車頭河粉,所謂火車頭即有幾款料,牛肉牛柏葉丸等等... 味道幾好.最後有四舊千層/椰汁糕作甜品.這個餐每位$128(以每位計,最少兩位起); 五道菜價錢OK,但以份量來說算貴,而且只可以說是僅僅飽.下次還是散叫比較實際.

呢期開始鐘意食越南食物, 其實都維持左一年有多, 見openrice上的食家都大讚這家餐廳, 就上來一試, 惜逢妹妹也一想嚐生牛肉河,當我一記起旺角雅蘭中心六樓有得食, 就上去一試吧!!!六點鐘, 肚就餓了, 可能行得太耐街, 而且行了一整個下午, 又剛在朗豪逛完, 就過對面馬路上樓食越南菜, 剛剛好!一出朗豪坊就見到的宣傳廣告燈牌高高地掛在雅蘭中心上,標明了幾樓, 一目了然呢! 很快地上了電梯, 到達五樓, 奈何要再多上一條扶手電梯才到達六樓上到去, 見到很多餐廳琳瑯滿目, 要細看餐廳名字才知道是位於中間位看了看餐牌, 侍應就介紹佢地係越南餐廳, 其實唔洗佢黎介紹, 我地都決定食咖喇, 哈哈哈!再細看餐牌, 有全日特價野食喎~ 咁岩又係生牛肉河喎~咁就叫了以下的食物, 應該夠喇掛, 有前菜, 主菜及小食~--與妹妹叫了兩個生牛肉湯河: 上枱先用茶壺倒熱湯, 感覺到家周到! 而且侍應提我地一定要用快子攪暈佢先好食, 因為d味同d料都係個底多d! 生牛肉係熱湯之內要撈起即食, 如果唔係生牛肉好快就變晒熟牛肉, 而且好un ~牛肉都幾多幾大塊, 肥肉唔見得有, 而且有成5-6塊~粉上面有洋

今日同男朋友食飯, 係旺角真係好難搵到間坐得舒服, 環境唔嘈, 食物又可口的地方, 最後還是回到這裏很喜歡這裏的小食拼盤同生牛肉湯河, 小食拼盤係放在一個架上的, 一層層共有四小碟, 其中的牛油雞翼很香很好食, 而越式春卷也不錯。生牛肉湯河是在上菜後才在你面前由水煲(or 茶煲?) 傾倒入湯碗中, 生牛肉很嫩滑, 由於湯是剛剛才放入, 河粉完全不會淋, 好吃~!!香茅豬扒撈檬則是一貫水準, 豬扒好入味, 撈檬的魚露是這間店的推介品, 很鮮又不咸, 記得要試試~!!這裏真的是一間不錯的店, 唯一每次也想不通的是每次吃小食拼盤, 侍應也會在中途取走架子, 剩番碟子放在桌子, 難道架子很不夠用???

上次同班朋友食,今次帶老公嚟試吓 ! 椰青焗牛肉飯(香露汁), 好香椰青味,牛肉好林,啲汁好香,好好味,配合埋啲飯非常好味,外觀精美 !越式春卷,入面啲肉好香,皮好脆!豬頸肉金邊粉, D豬頸肉 ok la, but冇特別~!

話說呢晚來左呢度食晚飯﹗好在有訂位，門口幾十人排隊﹗來食越南野無理由唔食生牛河，點知佢又話俾我聽無河粉，已經係一個月裡面第二次食越南野佢話俾我聽無河粉了，有冇咁黑呀？亦都想反映下有咩理由越南野會賣哂河粉，明明係最出名的食物，無理由唔預多0的囉﹗搞到食客散興而回﹗無河粉就唔食啦，再點其他野﹗點個雞絲青木瓜沙律，原個青木瓜上，木瓜絲切得幼細整齊仲要味覺新鮮，配上大量雞絲同埋魚露，清清地好好味，呢個值得推介﹗再來一個炸蝦餅，這是第一次食呢一種蝦餅，麵漿以網餅狀配以大量蝦件炸成，夠哂鬆脆，咬落很質感，蝦件有頭有身有尾，層次感分明亦惹味﹗很不錯﹗最後是牛肉喇沙，牛肉有牛味卻老韌，喇沙汁是椰味濃漿，麵身唔覺彈牙，呢個麻麻﹗見到對面枱吃的大頭蝦真係大到成隻龍蝦咁款，有點誇張卻又很有吸引力，有機會的話會上試下﹗

:有諗過越南菜可以咁難食. 昨天一行五人,花費近千元,換來的只有失望.菜單如下:1) 湯 - 中等水平2) 燒魷魚 - 冇乜特別3) 南乳脆雞 - 點解係濕架?4) 燒青魚 - 太腥5) 香露雞翼 - 又係濕架?6) 焗豬排飯 - 大家樂好食過佢...環境係唔錯,而且擺設都好有特色,但係唔可以靠賣相來keep客,應該唔會再去第二次