砵蘭街茶餐廳 (已結業)

尋日四個女仔跳左兩堂舞,有一個鐘break, 幾個女仔行出梨食野, 叫左個餐有燕麥多士,好香口, 磨菇奄列淡左d, 仲有蕃茄火腿通粉, 呢個幾開胃, 奶茶都唔錯,朋友話呢度既台灣辣腸好食, 佢食左加公仔麵, 大家都好鬼飽, 跟住番入去打boxing 大家都好後悔,一路玩一路反胃好想嘔……

鄰近朗豪坊,都唔多覺有喱間野.係度食早餐,叫個餐肉煙肉公仔麵,佢應該真係用出前一丁,味道同屋企自己煲o既一樣,但麵煮得太過腍,唔好食.餐肉切得相當厚,差唔多有1cm厚,夠厚先保留到午餐肉獨有o既味道,而且仲有兩塊,唔錯.煙肉煎得夠"o隆",亦係幾香口.連熱飲$18,ok!

見朗豪坊既食肆試得七七八八, 於是嘗試向外發展, 經過呢間茶餐廳, 見佢入面裝修比一般茶餐廳靚, 空間亦較闊落, 於是便入內一試, 誰知入到去竟然有八九成既人手持點著既香煙, 簡直烏煙障氣!叫做好好彩咁搵到個隔離檯無人食煙既位, 就決定試一試啦! 叫左個3 號晚餐: "芝士白汁煙肉火腿焗意粉", 咁common 既菜式, 諗住都無乜點走雞啦! 點知就出事喇! 上菜既賣相其實唔差, 起碼焗完出黎個面頭唔會油淋淋, 點知個意粉底有好多水, 有成隻碟四份一咁多, 個廚師根本就未將D 意粉"鯨"乾水就放落隻碟度, 實在有點過份!仲有, 話明係有煙肉同火腿, 點知火腿就大把, 煙肉好難先搵到兩粒仔, 變相食左個火腿湯意粉!! 唉...呢間茶餐廳既唯一可取之處, 就係每檯都有個先進既呼叫遙控, 噤個掣就可以叫侍應黎點菜同加水等, 同埋杯凍奶茶算係水準之作.不過都未必會有下次...