研香

營業中

休息中

杏仁茶 $33我叫咗一個非常非常之簡單嘅熱嘅杏仁茶，佢聲稱話🗣🗣🗣係絲襪杏仁茶🍵🍵🍵咁我就要睇下佢嘅功架啦？？？ 碗嘢未上檯，我已經聞到好香，淨係嗅過覺已經我覺得100分。 跟住落嚟就係味覺…… 甜度適中，南杏、北杏嘅比例適中，濃稠度又適中。 感覺上呢……非常之幼滑，可想而知佢用豆腐渣袋，同埋絹袋，經過無數次重覆壓搾才可以做到咁幼滑嘅濃沃杏仁糊。 當中我亦都食到米香味👍我在家都有試過整，所以我知道背後師傅落咗幾多努力💪💪💪而做出一碗杏仁茶視覺上呢……呢碗杏仁茶非常之潔白，配埋日系水泥色嘅勁厚身嘅陶瓷碗和匙羹，拎起上嚟好有重量，增加咗糖水嘅口感。其實品糖水同品茶都一樣，周邊碗筷子匙羹嘅配套，好影響老饕對食物品嚐嘅效果。。。

聽聞話佢個甜品好出色，今日忽然心郁郁想試，就係我返工附近，位置方便近地鐵，附近食完午餐仲可以去食返個糖水，一陣食完又方便返屋企 一入到去感覺裝修好舒服，店舖有文青感覺，坐位同枱面都好乾淨，呢排真係好想食椰米同紫米，機緣巧合之下叫左《椰汁紫米西米露》真係堅好食阿，味道清甜地夾雜椰汁香，有紫米同西米提升口感質素，口感豐富，西米Q彈嫩滑，食得出係新鮮整，絕對無介紹錯，食完係好滿足阿🫣佢係我唯一一間最鐘意食既糖水舖，地點方便，另外仲有好多特式糖水，見到對面枱d糖水份量好滿足，店員服務周到，有服務態度落單都好熟手價錢合理🥇🥇🥇🥇🥇食物質素🥇🥇🥇🥇🥇

呢間鋪頭係尖沙咀厚福街，鋪頭細細但好多唔同款既甜品，選擇困難症既朋友去到有排簡啦😆我地一行3人就叫佐3個甜品，我叫佐芝麻糊，係加入日本金芝麻既芝麻糊😍芝麻糊用新鮮芝麻鮮製以成，食到粒粒芝麻碎，再加上放係面頭既日本金芝麻，更加香更加濃味，芝麻又補身，好健康呀！我朋友就叫佐杏仁茶，$33一碗，認真抵食，可以再加蛋白，加上杏仁，香氣撲鼻，又滋陰又美顏，成碗又香又滑，杏仁味好濃，甜甜地，唔會係死甜，超健康，勁好飲，美顏首選，飲多幾碗都得呀！🤫最後我地叫埋芒果冰，$42一碗，勁多芒果勁足料，又芒果粒又芒果蓉，滿滿既芒果香氣，加埋水晶爆珠，口感勁豐富，凍冰冰好正，大家一齊share黎食就正🥶

食完個正餐 梗係要留肚食甜品啦上次經過見到餐牌個鮮果冰系列就已經覺得好特別 今次叫埋Friend子一齊黎食勻曬個鮮果冰系列先😌.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆ .鮮果冰系列 ▪️龍眼冰 - $45▫️榴蓮冰 - $48▪️芒果冰 - $42.榴蓮愛好者嘅話十分推薦試下呢個榴蓮冰💯十分高質 榴蓮味好足 食到唔停得口🤤龍眼冰就比較特別 味道都算甜 標榜一碗冰有20粒龍眼咁多㗎芒果冰就普普通通 正正常常

見新開幾乾淨就同幾個朋友幫襯諗住舒舒服服傾下計價錢唔算平，選擇唔多，主打幾款糖水叫咗碗杏仁露加湯丸 $43湯丸有三粒好細粒，而成碗糖水係唔熱的碗糖水都未食完，侍應就走嚟話用餐時間完結原來係入座後限時三十分鐘…入座時完全無提及，落單後亦唔係即刻上餐仲要等位先入得總括嚟講唔會幫襯第二次

留肚食糖水試呢間新嘢！諗住挑戰自己 試招牌糖水～眾所週知我就唔食中式糖水，見天氣凍凍地我今次居然唔揀冰試研磨芝麻糊！聞說用咗日本黑白金三種芝麻，開心果糊又係意大利西西里開心果慢磨，一於比下佢同太子綠口水邊間好食啲🤣龍眼冰同榴槤冰都一於一次過叫哂嚟試！揀呢間餐廳最好係糖水可以揀少糖/加錢揀代糖，因為屋企人唔係可以任性食甜品嘅關係，真係要小心挑選！由於兩碗中式糖水都加左錢用代糖減輕罪惡感，點知一秒後悔🥲我係完全食唔到本來麻麻地中式糖水嘅我，最後友人同我換咗碗榴槤冰🤣仲要追加糖水落碗芝麻糊度🤣🤣🤣喂 sor呀 以後叫糖水真係要制止我🤣🤣開心果露我都唔太like 🙈食緊糊仔咁呀真係👋🏻👋🏻但試完我哋都覺得太子嘅開心果糊比較好食冰果然比較對口味，只可惜聰嫂嘅太出色，價錢仲抵好多，唉😮‍💨 冇辦法啦

𝙳𝚎𝚜𝚜𝚎𝚛𝚝 | 𝙶𝚛𝚒𝚗𝚍𝚒𝚎|𝚃𝚜𝚒𝚖 𝚂𝚑𝚊 𝚃𝚜𝚞𝚒環境舒服乾淨最特別係所有產品為純素，不含奶製品同埋佢哋嘅甜品可以選擇唔同甜度，全糖、半糖同代糖~開心果露$48中意食開心果嘅唔可以放過，佢係用意大利開心果石磨整出嚟，唔會太甜同埋有甘甜嘅感覺榴槤冰 $48朋友表示榴槤味濃郁~佢話用左4分1個所以真材實料，口感唔似冰～似雪糕～加埋上面既榴槤好香濃～————————————————————————📍 尖沙咀厚福街7號地舖————————————————————————Overall 💗💗💗#香港 #香港美食 #尖沙咀#尖沙咀美食 #甜品 #尖沙咀甜品 #hkfoodie #cafe #hkcafe #food #delicious #hk #hongkong

✨食物介紹:1.椰汁紫米西米露椰汁紫米露係我自己最鍾意食嘅糖水之一，我最鍾意啲紫米露煮到剛剛好，唔會太硬唔會淋👏🏻呢度嘅椰汁味好濃郁，紫米嘅份量都好多🤩對得住個價錢😳2.芝麻糊:呢個芝麻糊睇落實係平平無奇，但係佢哋竟然加入日本金芝麻！咁金芝麻真係有少少金色🤭，感覺上好似好奢華。食落去我自己覺得加咗金芝麻真係會比較重芝麻味😍大家記得多啲食芝麻，頭髮都會黑啲😹✨環境介紹:環境方面我覺得都幾唔錯，雖然地方細細但係人情味👍🏻👍🏻👍🏻，而且佢哋嘅清潔做得好足。佢哋嘅職員服務態度都幾好，可能係啱啱新開嘅關係都幾有心思逐一介紹佢哋嘅甜品。

2022.12.6 星期二 9:30pm晚飯後都很多人排隊等位，大概等五至十分鐘就入座。店舖比較細間，枱與枱之間位置少，比較密集，不過裝修不錯，乾淨舒服。•••••••••••••••••••• | 研香開心果露 | $48- 日本天然代糖 (約半甜)- 湯丸 +$10🍵五分鐘上枱，視覺上很濃厚，但原來濃稠適中，熱度剛好，夠熱又不滾燙。開心果露味道帶酸，未必人人接受到，但我覺得還可以。不知是不是因為用意大利開心果，或是用研磨的過程產生這種酸味。選了約半甜的代糖，夠甜味，都算吃得出開心果的果仁香味，還有少量開心果碎，增加了口感。芝麻湯丸有三粒，沒有很飽滿，略嫌細粒，黑芝麻餡有燶味，個人不太習慣這種芝麻餡的味道。| 龍眼冰 | $45- 椰果 +$6🧊看上去很小碗，不過分量剛剛好。有些西米在上面，雪葩質感很幼細，龍眼味清甜。加椰果一定沒錯了，很爽彈。啖啖都有料，不會吃到中間變成只吃冰。

新開張嘅糖水舖梗係要去試吓，我哋今次入到去就叫咗個佢哋兩個招牌一個係開心果露一個係研香芝麻合桃。全港首創甜品：開心果露 呢個開心果露係佢哋會用新鮮嘅開心果磨出嚟而製成的，食落去非常香開心果嘅甘甜味，佢哋磨刀好有晒成碗甜品都非常之綿滑，仲可以食到有開心果碎，非常高質！招牌推薦：研香芝麻合桃呢個係將芝麻糊同合桃糊嘅混合，一次過可以滿足你兩個口味。兩個唔同顏色撈埋一齊都幾吸引，識落口芝麻嘅香同合桃嘅香味都非常之夾到。唔會話有邊隻味特別出。呢兩隻淡香味，令到成個甜品都非常之好食！

好耐冇食過糖水，所以今日同同事放工去左研香到食糖水，糖水都有唔少選擇，睇落好似幾養生幾健康！楊枝甘露 $46楊枝甘露睇落好吸引，食落都真係好味，芒果味香甜濃郁，仲有少少柚子粒，西米都煮得岩岩好，粒粒半透明狀，好好味！芝麻糊 (加入日本金芝麻) $38呢個個賣相幾靚，加入日本金芝麻好似好正咁，唔似得平時普通芝麻糊！好香濃同時又好幼滑嘅芝麻糊，又幾抵食！好味指數： 👍🏻👍🏻👍🏻👍🏻👍🏻 抵食指數： 👍🏻👍🏻👍🏻👍🏻👍🏻 衛生程度： 👍🏻👍🏻👍🏻👍🏻👍🏻 服務質素： 👍🏻👍🏻👍🏻👍🏻👍🏻

凍凍地，行過呢間糖水舖，見佢地方骨子企理，簡簡單單，就入咗去試下啦，啲阿姐服務好好，仲先呢杯暖水畀我👍好識做！ 我叫咗個芝麻糊，即場食，濃稠剛好，又唔會太稀，比糖水露結身少少。芝麻糊好香濃，香到隔離枱都聞到，可能啲芝麻炒過先磨。～加多10元，仲有三粒湯圓。。好煙靱，皮薄餡多，芝麻糊實實少少，伴埋芝麻糊，啱啱好。 另外，嗌咗個合桃露俾阿媽，合桃露好香，唔會好甜，係食得出合桃原材料既香味同甜味，實岩香港人食！其實一碗糖水，都可以好唔簡單，志在香港人會唔會，識唔識，忙碌中去細緻品味周邊味道。。。

聽同事講話推介呢間好好食，專登過來食下！芒果冰🍧第一眼即時打卡先，因為太大兜，份量好重！係好好食阿，芒果香甜不過酸，上面既西米實在彈牙，愈食到見底先係最好食，只能夠形容好足料，夠晒冰凍椰汁紫米西米露🍵賣相ok , 都係手機食先，椰汁配紫米係絕配，紫米好有飽肚感，混合西米真係意料之外既好食，加埋一齊係好夾，椰汁好重椰味好香！ 見到餐牌都好多選擇，另外留意到開心果露都好吸引，食得太飽下次試埋，環境乾淨企理，氣氛都好好，其實情侶都好適合去呢個地方味道評分very good 餐廳整潔度 very good 值得推介 very good 

屋企樓下新開嘅呢一間餐廳門面都幾靚，感覺有少少似一係裝修風格，有一種安靜嘅感覺😇後來發現入邊嘅餐牌原來係食糖水，就捉咗我阿哥落嚟一齊食兼夾幫我埋單🤣我阿哥本身都好鍾意食糖水，所以比我發現咗呢間糖水店就冇辦法啦！注定佢今日要請我食😆哥哥就叫咗一碗合桃露，由細到大我阿哥都鍾意食合桃㗎 ！不過佢對合桃露嘅要求就非常之高，佢竟然話今日食呢一個合桃露，合格兼且攞滿分。因為唔會有苦澀味，反而好香好滑👍🏻哥哥食咗一啖之後讚口不絕‼️我自己就叫咗一碗研香芝麻合桃，因為見佢有兩隻色雙拼咁樣幾特別，我我覺得加咗芝麻糊係合桃露入邊，味道層次更加豐富，而且香上加香😋

開心果露$48我好中意食開心果，見到呢度既開心果露係用意大利開心果新鮮整既，仲要用石磨慢慢慢低溫磨出黎，好有心思，開心果好新鮮，唔會太甜，係新鮮既開心果既味道，甘甜好食，超正！杏仁茶$33加佐蛋白配上杏仁既香氣，滋陰美顏首選，蛋白令杏仁茶又滑又香又細緻，杏仁香味好濃，一啲都唔苦，成碗微甜，好健康，超級好飲，完全係美顏又好飲，超出色呀，飲完一碗會想飲埋第二碗！呢間鋪頭係厚福街，勁方便，平時行開尖沙咀入去食碗糖水都得，正！